تسجيل الدخول تسجيل جديد

تسجيل الدخول

إدارة الموقع
منتديات الشروق أونلاين
إعلانات
منتديات الشروق أونلاين
تغريدات تويتر
  • ملف العضو
  • معلومات
لغريب
مشرف شرفي
  • تاريخ التسجيل : 14-12-2008
  • الدولة : الجزائر
  • المشاركات : 1,951
  • معدل تقييم المستوى :

    17

  • لغريب will become famous soon enough
لغريب
مشرف شرفي
سلسلة متجددة من أشعار شعبية....متجدد
17-01-2012, 08:51 PM
السلام عليكم
سأنقل قصائد شعبية من المنطقة بشكل منتظم حوالي عشر أبيان في اليوم لجعل الأمر مسلي نسبيا....
سأبدأ من قصيدة بعنوان ’’بحر السراب‘‘ للشاعر برمة عبد القادر دائما سعيا مني مقاسمتكم روائع أشعاره...
القصيدة بها 57 بيت ....ستنقل على مدى خمسة أيام.
إذن مع القصيدة
بحر السراب
سافرنا و اطوالت الرحلة بينا***و كرهنا طول السفر و مليناه
و أبحثنا على اللي مجرب يعذرنا***و يشغل بينا خاطرو لو حدثناه
و لو صبنا اللي يحوس يفهمنا***لوقفنا من المسيرة فهمناه
وضحنالو وين وجهة نظرنا***و عرفناه بغاية الشاعر وهواه
أسمع يا من كنت تستفسر عنا***هاهو السر اللي كثير القوم خفاه
لكن ما يشملش تجار المهنة***و من ياتي بكلام غيرو يتبناه
و ما يشملش إنسان حقق المنا***و توصل لغايتو من أول مبداه
للإنسان وقات طيش ورا الفتنا***يتأثر بأشياء كثيرة تتلقاه
و تتلاشى كل المطامح تخطينا***إلا الحب اللي أثر في مولاه
يتم يحاول في الوصول و يتمنى***و يختلو موازينو و يتغير ماه
************************************************
و إيحاول حتى على أهلي يتغانا ***مفكر في الشي اللي حاول ينساه
منهم من يسهالو نيل المنى *** يبرى من ذا المرض يتعافى من داه
و كاين من يطول تعبو و العنا *** يتألم و يألـــــــم لـــــــكثير معاه
بعد الياس اللي عياه تصيبو فنا *** يصبح يهضع كانه عبد معاه
باش يفاجي غيض قلبو إيحدثنا *** و إيبوحنا بسر عن أهلو خباه
و أحنا لو في البيت هاذي ركزنا *** نعرفوا منها الشاعر ما قاساه
هذا هو مقياسنا يبدا منا *** كل آخر من قصتو نفهم معناه
لكن ما صبناش من يستفسرنا *** و مكانش من جا سالنا و أبخلناه
يامن كنت بظرف واحد وازنا *** كل آخر في وزنتو شوفوا قداه
واحد بحر أهوال موجو غمرتنا *** و لاخر نهر دايما متعدل ماه
و لاخر واد يفيض مرة في السنة *** ولاخر شعبة قليل وين تشاهد ماه
و هاهو اللغز نوضحو لك ذرك أنا *** و نفسرلك كل قول على معناه
و لا تبخل يا راوي القصة عنا *** وضحلهم قصة الشاعر كيفاه
*******************************
وكيفاش أحنا ذا الزمان قسا عنا***وتجافانا كي عرفنا حالفناه
حالفناه من بعد ماسيطر عنا*** ولو كنا أحرار لما واكبناه
ماهوش حب من الزمان عطف عنا***وتقبل أسماينا تقرن بأسماه
في الأول هو بحكمو فرقنا*** وبعد عنا عبد عشنا نتمناه
و أطلع عن ضعفنا و أنتهزنا*** و أخذ صورة من الأرشيف أداه معاه
و أصبح بيهم كل مرة يهددنا*** و أيخوفنا إذا أحنايا خالفناه
و الصور اللي عليهم لمحنا*** هم مشاكل و المشاكل شي نخشاه

و المشاكل للتفكير ترجعنا*** و التفكير يعود بينا لما فتناه
وهكذا باش أبتزنا و أستخدمنا*** و أجعل منا أقلام يتماشاو معاه
أحنا ربي للمتاعب خالقنا*** نتعاتب عن شي بلا ما عملناه
رب وصفنا في كلامو بذي المعنى*** قال أيقولو و العمل يجيب الله
و إذا كان الحق هكذا وصفنا*** أنطبقها في الخير أو في ما سواه
وقال أيهيمو و الهيام إذا شفنا*** الإنسان يكون قلبو موش معاه
و الويدان اللي وصفهم مولانا*** مايعرفهم غير اللي ربي أبتلاه
ذي الويدان تزورهم خواطرنا*** في التطرق للكلام إذا قلناه
و إذا كاين من يعارض ذا المعنى*** أحنا الشعر في المجالس و أكتبناه
مايقدرش يحس بريء من الطعنا*** حر الجمر يحس بيها من كواه
********************************************
لكن كاين غالطين يسبونا *** مافهموش بلي حنا شي ما درناه
و ماشي الشهرة شاغلة خواطرنا *** غايتنا تبليغ ما وهبنا الله
و ماشي حب المال مسيطر عنا *** هاهو العبد يزيد من عندو قداه
و يامن ظنيتو الحب يريحنا *** لغز الحب قليل من يفهم معناه
مايلزمش نخزض فيه يتعبنا *** حتى شرحوا يطول عن ما يستناه
الإنسان يحب مرة و يتهنا *** و الشاعر في نيتو يعشق قداه
و إذا قلتو هو بنفسو حدثنا *** أحنا عمرنا ما جحدنا وخبيناه
فات الحب وفاتت أيامو عنا *** لكن فات وخلف الأثار وراه
و الآثار اللي بغات تحركنا *** نتيجة تأثير مرض تعديناه
حافز قاوي خلفو المرض فينا *** في وقت التأثير يضظرب مولاه
في ذي الحالة يكون قلبو موش هنا *** يهيم القلب يعود بيا شاو صباه
و تظهر بصمات يد ن جرحتنا *** يرتجف لإنسان جسمو كيماراه
هاذي حكمة بثها ربي فينا *** الجراح يعالجك لكن تخشاه
و هاكذا صبحوا العامة يمتحنونا *** يا ليتنا ذا البحر ما خشيناه
خشينا بحر السراب و عطشنا *** نكذب لو نقول أحنا مسينا ماه
موجو عاتي للمخاطر وصلنا *** منحدر تيار موجو أدانا معاه
بين أمواجو ضغط عالي جيفنا *** أما البرة يقول جنة من يراه

إنتهت القصيدة




الى قصيدة أخرى
هذا مدخلها..

الأم النفاعة
بعد الوالدين يحرم طعم الحب *** وبعد الوالدين ما تبقى طاعة
طاعتهم وصى عليها قول الرب *** و من عصاهم ما تفيدو شفاعة
عاصيهم في توبتو يتعد كذب *** و الكاذب مذموم عند الجماعة
يا سامع في حبهم سال وجرب *** و تفكر ذا القول ساعة على ساعة
ولا أهدى حتان تظنى وتصبح أب *** و أهنا تعرف حق من تعبو ضاع
وتعرف قيمة الأم ما قاسات تعب *** و إذا مرضت تبات عنك دماعة
*****************************
خاطرها مفتون والقلب مشغب *** و لإذا أبكيت تجيك تجري رضاعة
وأتفكر كي كنت فيها تتقلب *** بين أحشاها وهي لمرك جراعة
تسع أشهر في كرشها من جنب لجنب *** وجا المخاض وذاقت أمرار أوجاعه
قاسات الويلات منك تتعذب *** أنتا تنام وهي بجنبك فزاعة
أتوسخ وتنظفك عن طيبة قلب *** و أتعصيها وهي لأمرك سماعة
و تلبيلك طلبتك ولو تطلب *** و تعطيك أسهمها وهي مطاعة
و ياما تفرح كي تكون أنتا تلعب *** بين أيديها وهي لظلك تباعة
هذي لأم وذا عملها يا طالب *** و قصرنا في دور لأم النفاعة
واش رايح يعطيلها لإبن الصاحب *** من بعد أن ماجاب مرأة مناعة
****************************
من صبحتها الأولى تبدا تنصب *** تخش الأسرة أدير فيها زوبعة
مرة مع لعجوز مرة مع الشايب *** و تولي ساعات لدراس الطاعة
و ساعاتش تقول بركاني نهرب *** ما نقعدش مع أمك البداعة
و هكذا تبقى كل مرة تتسبب *** حتى الموس أنح قلب الدلاعة
و إذا كان أتسيطرت عنو وغلب *** راح تقلك ذي أمك غير طماعة
خلينا من شرهم لازم نغصب *** حاول نكرو دار من هاذي الساعة
ساعفت و عياوني و الله غالب *** هاذو يحبوا دارهم تبقى قاعة
و إذا ماصبناش دار نشوفو الأب *** أنا أبىي ماكاش من جاه و ضاعا
و أهنا أبغيت أنسال و يناه المذنب *** هو أم هي الأصل جزاعة
و كيفاش أخذا رايها وكيفاش غلب *** و كيف خدعاتو لمرة الخداعة
حاشى البنت الصالحة بنت النسب *** و هاذي الحاجة الأولى ألي تتراعا
و في الأخير نتمها بإسم الكاتب *** عبد القادر هكذا أسمو شاعا
برمة في ما قال كلامو صايب *** في جلالة يصول وحدو ذا الساعة


إنتهت القصيدة....

المهاجرة

يا نخلة وشكون غرسك في ذا البر ** الجو البارد غلتك تبقى خسارة
فيه الغلة أطيح قبل ما تكبر ** مناخو يقضي عليها جبارة
ريحو جارف كل مرة يتغير ** وسحاباتو تمر عنو مطارة
و أنتي جبارة من الجبار الحر ** خسارة طحتي بين هاذي السمسارة
واحد يتمنى بقربك يتصور ** و آخر قصدو ياخذك للتجارة

أتأسفت وكنت فيهم مستخسر *** و قلت دقلة نور في القوم أخسارة
و لو كنت أصغير على حملك قادر***في ذا الوطن ما نخلفلك مارة
نبذل جهدي نحولك للوطن الحر *** عندي حرة نحطها حذاية جارة
لكن يا جبارتي باقيلي سر *** أشكون أرمى بيك لأرض النصارى
هل هو تاجر جا يبدل و يغير *** حطك سلعة عارضة للنظارة
أم هو فقير معاشو عاسر *** حملو الدهر لبيعتك يا جبارة
باعك لما شاف في حقك قصر *** و أتخلى للغير عنك بمرارة
لكن مشتريك عنك يتكبر *** ما يعرفش قيمتك يا مسرارة
يا من تسأل واش يقصد ذا الشاعر *** ما تشغلش خاطرك بالعبارة
ماشي نخلة اللي الشاعر عنها مر *** النخلة وين غرستها ماشي خسارة
هي طفلة من بنات الجزائر *** في الغربة خلات نفسي محتارة

إنتهت

الى قصيدة أخرى إن شاء الله

أستودعكم الله الذي لا تضيع ودائعه
[/CENTER]
التعديل الأخير تم بواسطة لغريب ; 20-11-2012 الساعة 06:12 AM
  • ملف العضو
  • معلومات
الصورة الرمزية أبو اسامة
أبو اسامة
مشرف عام ( سابق )
  • تاريخ التسجيل : 28-04-2007
  • الدولة : بسكرة -الجزائر-
  • المشاركات : 44,562
  • معدل تقييم المستوى :

    63

  • أبو اسامة is a jewel in the roughأبو اسامة is a jewel in the roughأبو اسامة is a jewel in the rough
الصورة الرمزية أبو اسامة
أبو اسامة
مشرف عام ( سابق )
  • ملف العضو
  • معلومات
لغريب
مشرف شرفي
  • تاريخ التسجيل : 14-12-2008
  • الدولة : الجزائر
  • المشاركات : 1,951
  • معدل تقييم المستوى :

    17

  • لغريب will become famous soon enough
لغريب
مشرف شرفي
رد: سلسلة متجددة من أشعار شعبية....متجدد
26-08-2012, 09:04 PM
اقتباس:
المشاركة الأصلية كتبت بواسطة أبو اسامة مشاهدة المشاركة
طال انتظارنا أخ لغريب
آسف فغدا أصبحت سبعة أشهر
موعد آخر زمن.....(مزية ماقلتش أسبوع )
أستودعكم الله الذي لا تضيع ودائعه
[/CENTER]
  • ملف العضو
  • معلومات
لغريب
مشرف شرفي
  • تاريخ التسجيل : 14-12-2008
  • الدولة : الجزائر
  • المشاركات : 1,951
  • معدل تقييم المستوى :

    17

  • لغريب will become famous soon enough
لغريب
مشرف شرفي
  • ملف العضو
  • معلومات
الصورة الرمزية الزمردة النادرة
الزمردة النادرة
شروقي
  • تاريخ التسجيل : 24-04-2012
  • المشاركات : 2,506
  • معدل تقييم المستوى :

    14

  • الزمردة النادرة is on a distinguished road
الصورة الرمزية الزمردة النادرة
الزمردة النادرة
شروقي
رد: سلسلة متجددة من أشعار شعبية....متجدد
08-09-2012, 04:43 PM
حنا شعب مقلق وين راهي الحلقة 2_راني نمزح فقط _انا متابعة باذن الله .
  • ملف العضو
  • معلومات
لغريب
مشرف شرفي
  • تاريخ التسجيل : 14-12-2008
  • الدولة : الجزائر
  • المشاركات : 1,951
  • معدل تقييم المستوى :

    17

  • لغريب will become famous soon enough
لغريب
مشرف شرفي
رد: سلسلة متجددة من أشعار شعبية....متجدد
12-09-2012, 04:14 PM
تم إضافة جزء جديد...
إذا مالقيتش مشاركات هناك إحتمالين..
الأول تغيير القصيدة...
الثاني (راكم عارفين)
أستودعكم الله الذي لا تضيع ودائعه
[/CENTER]
  • ملف العضو
  • معلومات
لغريب
مشرف شرفي
  • تاريخ التسجيل : 14-12-2008
  • الدولة : الجزائر
  • المشاركات : 1,951
  • معدل تقييم المستوى :

    17

  • لغريب will become famous soon enough
لغريب
مشرف شرفي
رد: سلسلة متجددة من أشعار شعبية....متجدد
08-11-2012, 04:12 PM
السلام عليكم
أغرب موضوع لي.
2693 مشاهدة بخمس ردود..
و ثلاثة منها لي و أثنين فقط من الأعضاء...
لم أفهم...هل أواصل طبع القصائد ؟
أستودعكم الله الذي لا تضيع ودائعه
[/CENTER]
  • ملف العضو
  • معلومات
الصورة الرمزية amina 84
amina 84
شروقي
  • تاريخ التسجيل : 20-06-2009
  • العمر : 39
  • المشاركات : 9,993
  • معدل تقييم المستوى :

    26

  • amina 84 has a spectacular aura aboutamina 84 has a spectacular aura aboutamina 84 has a spectacular aura about
الصورة الرمزية amina 84
amina 84
شروقي
رد: سلسلة متجددة من أشعار شعبية....متجدد
08-11-2012, 05:32 PM
[quote=لغريب;1485191]
السلام عليكم
أغرب موضوع لي.
2693 مشاهدة بخمس ردود..
و ثلاثة منها لي و أثنين فقط من الأعضاء...
لم أفهم...هل أواصل طبع القصائد ؟
[/quote

طبعا أنا أيضا أتابع و أقرأ كل الأجزاء المضافة بمتعة يا أخي لغريب

  • ملف العضو
  • معلومات
الصورة الرمزية علي قوادري
علي قوادري
مشرف شرفي
  • تاريخ التسجيل : 30-07-2008
  • المشاركات : 4,559
  • معدل تقييم المستوى :

    20

  • علي قوادري is on a distinguished road
الصورة الرمزية علي قوادري
علي قوادري
مشرف شرفي
رد: سلسلة متجددة من أشعار شعبية....متجدد
08-11-2012, 05:37 PM
موضوع قيم وهو للتثبيت أخي لغريب سنتابع ماتنقل..
الديمقراطيه الأمريكيه أشبه بحصان طرواده الحريه من الخارج ومليشيات الموت في الداخل... ولا يثق بأمريكا إلا مغفل ولا تمدح أمريكا إلا خادم لها !
  • ملف العضو
  • معلومات
لغريب
مشرف شرفي
  • تاريخ التسجيل : 14-12-2008
  • الدولة : الجزائر
  • المشاركات : 1,951
  • معدل تقييم المستوى :

    17

  • لغريب will become famous soon enough
لغريب
مشرف شرفي
رد: سلسلة متجددة من أشعار شعبية....متجدد
08-11-2012, 08:16 PM
السلام عليكم
بارك الله فيك على التثبيت
و تم إنهاء القصيدة الأولى و بدأنا أخرى
أرجوا أن تعجبكم
أستودعكم الله الذي لا تضيع ودائعه
[/CENTER]
مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


الساعة الآن 01:33 PM.
Powered by vBulletin
قوانين المنتدى