تسجيل الدخول تسجيل جديد

تسجيل الدخول

إدارة الموقع
منتديات الشروق أونلاين
إعلانات
منتديات الشروق أونلاين
تغريدات تويتر
  • ملف العضو
  • معلومات
الصورة الرمزية chawki dz
chawki dz
عضو فعال
  • تاريخ التسجيل : 07-02-2016
  • المشاركات : 108
  • معدل تقييم المستوى :

    9

  • chawki dz is on a distinguished road
الصورة الرمزية chawki dz
chawki dz
عضو فعال
يا سيدي راني في اغبينة
08-02-2016, 07:37 PM
يا سيدي راني في اغبينة
و منها قلبي راه اسعل

تتلهوث عني كي لعجينة
ما سلكت ما بغات اتزل

تتلطم بيا كي السفينة
في وسط ابحر امهول

ما ثقلت ما رصات بينا
خايف لا الحال يطول

عمرها ما كانت زينة
و هفت كذا من ابغل

تحشيهالك كي الدبنونة
اتبان اتللش و اتهبل

يا ضايقها تقول ابنينة
و احرز روحك لا تحصل

لا تروحش معاها ديمة
ساعة بساعة كي اتعول

افهم ذالمعنى يا بليمة
نوض اسقعد و اتعدل

ما هيش دايما احنينة
راها تقلب و اتبدل

لا اطاوعها ذيك الشينة
تهرب عنك و اترحل

يا ما! لعبت ابغاشينا
حسبوه الحال ايطول

بالصغر ياما اتغرينا
و لعبت بينا من لول

عاد الواحد كي الروينة
مطلوق امهروط واشل

لا تحراكة ولا سكينة
و اجياح و عاد ايذل...

قاع انهارو كالمشينة
و لعشية يطيح امكسل

يا ربي ألطف بينا
و لا تبهدل فينا راجل

رضي عنا والدينا
و الدعوة منا تقبل

ارحم من اداتو المنية
ارزق الحي فيهم و اعجل

و الصلاة على نبينا
طه مصطفى لفحل

عدد القارص و التشينة
و عدد ما في الكون اكمل

حساب الشاردة و المهينة
و حساب ما خلقت الكل

حساب كل تراب و طينة
بما تعلم ناقة و اجمل

ما ننسى صلاح المدينة
الحاضر منهم و اللي ارحل

ذوك اجدود سلالة زينة
محلاهم سكر و اعسل

احفظ لي البن و البنية
و العيال معاهم كل

لا تخلي ذيك المنوية
سلك ها لي من لوحل

مرحبا بزينة السمية
و جا السعد معها طل

نتمنى رهيفة و احسينة
و بيها الباب راه اتحل

هات يا ربي واش نتمنى
ورد و ياسمين و فل

يا واهب من غير منة
سبحانك من لا تغفل.

تمت بقلمي يوم 04-12-2008 -chawki dz
التعديل الأخير تم بواسطة chawki dz ; 09-02-2016 الساعة 07:28 PM سبب آخر: تصحيح فقط
  • ملف العضو
  • معلومات
الصورة الرمزية chawki dz
chawki dz
عضو فعال
  • تاريخ التسجيل : 07-02-2016
  • المشاركات : 108
  • معدل تقييم المستوى :

    9

  • chawki dz is on a distinguished road
الصورة الرمزية chawki dz
chawki dz
عضو فعال
رد: يا سيدي راني في اغبينة
17-02-2016, 08:43 PM
قالك لمن تقرا زابورك يا داود***لافاهم لكلامنا و عجبوه امعانيه
مولاها من الآن مايزيد يعاود***و يقطع خبرو هاذ المنتدى خاطيه
لامن يعرف ذوق الهاذو لقصايد***و لا من فاهم قولنا و يفسر فيه
يسل خيوطو قاع يبعد و يحايد***يا مضنوني الملحون راحو اماليه
كاين بعض اخرين اتخبش واتعاند***وحاشا بعض اخرين القلب اتفاجيه

و السلام ختام


مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


الساعة الآن 07:37 PM.
Powered by vBulletin
قوانين المنتدى