تسجيل الدخول

أنت وردة نبتت في القلب قاتلـــة


بذرة... شجرة... هذي وردة طـالعــة









أنت لحبيبة... نجمــة سـاطعـة


قلبي عشـــق بابــك وأنت غافلــة









في بحر عينيها راهــي ساكنــة


تنـــادي بأصـــوات زاهيــــة









روحك نغرس فيهــا وردة باهيـة


ونتهـــوى بأنفـــاس هــاديــة








راسي تعمر بالظنــون الزايـفـة


وأنت ديما في عقـلــي بـاقيــــة









يا عاشق هذي وردة أحمر لونهــا


مـت واحييت وشفــاني صـوتهــا









يا عاشق هذي وردة أبيض لونهــا


مـا نسمح فيك وما نسمـح في زينهــا









يا مزغنـة دخلوا ليـك أحبــابنـا


اولاد سليم... وسيدي عبد الرحمان بناوها









يا عـــاشق أهلهـا واجدادهــا


بلاد الكـرم والجـود... سـل سكـانها









اترحب بكــل ضيـف يـزورها


وسي الطيب ادرى بهــا وأحـوالهــا









فخــرك ولحنــك معــانــدة


نحميــك مـن النــاس الفـاســدة









نهارك يجيب القوت بالزحمة الزايدة


وليلك عينـــو مـاهــي راقـــدة









نتمنى تبقاي كريمة وســاجيــة


تنســـاك لعيـــون الحــاســدة









ربي يحفظـك ويصــون قيمتـك


وتـدومــي جـنـــة خـــالـدة






قوارف-رشيد

جميل اخي ماخطت يدااااااااااااك
ننتظر جديدك