رد: مَطْبَخِي الصَّغِيرُ
03-07-2014, 12:32 PM
اقتباس:
السلام عليكم
نجدود هنآآ ، ماشاء الله ، الله يبارك فيك ~ [ أنا عندي أيام رآئعة ] >> كي نخمم على البطن هههههههه أضحك الله سنك صح يا نجود قرايتك يا ختي وحدها ماتخليكش تفكري حتى في حاجة غير في البوليكوبات اللي قدامك وكتاش تحفظيهم الحمد لله [ تخصصي ] زعما أدب عربي الكتب تُحفظ و القصائد و المطولات و المشكلة ماش غير ادب حتى الرياضيات و الكيمياء الله المستعان [ بصح لازم تاكلي ولا ترضاي بالاكل تاع الرسطو ] الله يبارك أكلات تهبل [ ذرك نجربهم ] بصح واش ديري في اللاصوص -- وعلابالك بلي الخالوطات هاديك هي اللي تشبع وتجي بنينة بوركتِ على الطلة و على المعلومات [ خاصة الأطباق اللي لازم نجربها ] جزاك الله خيرا |
وعليكم السلام ورحمة الله وبركاته
لالا انا قصدي على يامات الجهاد الدراسي ماشي الطبخ
لانو غالبا مايكون الطبخ هروبا من ثكنة الحفظ والمراجعة
ياختي كي نتفكر يامات الليسي ماكنتش نحل الكارتاب والوقت عندي بالفائض وضرك لوكان نلقى نشريه
ماعليش لازم نتعبو باش نحسو بالنجاح مليح مليح ونفرحو الوالدين
مقادير اللاصوص سيدتي ^^:
شوية بصل تقليه في الزيت مع الثوم
وتزيديله طوماطيس تاع الحبة
وشوية حرور وزعفران وشوية فلفل احمر [ بصح ماتقويش منه يمرر الماكلة ]
واذا عندك حشيش حطي شوية [ حشيش مش حشيش خيما تقولو نخدم المخدرات ..مانيش عارفة كيفاش تقولولو نظن نظن وحد البلاد يسموه بقدونس / العربية بدات تتبخر]
**
عندك الحق
وحد الخطرا قليت البصل وزدت قليت الباذنجان وزدت قليت البطاطا ومبعد زدتلهم شوية لاصوص وزوج حبات بيض
صاحبتي قعدت غير مخلوعة ..بصح كي كلاتها عجبتها
وكي هدرت مع صحبتي فلسطينية قالتلي هذي طبخة يديروها عندهم
ربي يحفظك مريومتي
التعديل الأخير تم بواسطة أَنْفَاسُ الإِيمَانْ ; 03-07-2014 الساعة 12:40 PM