تسجيل الدخول

ماشي مطبخي مطبخ تاعها
طاجـــين الســلق بأفخاذ الدجاج المحشية من مطبخي ولا أرووووووووع

هذا طاجين كُرات السلق
مع أفخاذ الدجاج المحشية بالفقاع و الفلفل الأخضر الحلو
نتمنى يعجبكم كيما عجب الضياف


الطريقة:
تحضري فلفل أخضر مشوي مقطع شرائح
و فقاع شرائح
تفتحي أفخاذ الدجاج بواسطة موس حلاقة جديد
تحطي طبقة الفلفل و فوقها ملح و فلفل أسود
ثم الفقاع و تغلقي و تخيطيها و تحطيها في مرق أبيض بالحمض
ولما تنضج اقليها و بعدها انزعي الخيط
و هاهي أفخاذ الدجاج قبل تقطيعها



و بعدها السلق تفوريه و من بعد تضيفيلو شووووووووووي ملح
إذا كان ناقص
و بيضة مخفوقة مع شوي فلفل أسود
و مغرف فرينة متكثريش إذا كانت كمية السلق قليلة
و تخلطي و تكوري و تغطسي في بيض مخفوق و من بعد فرينة
و تقلي و لما يجهز حطيه في المرق
و هاهو الطبق جاهز

شوفوا ما أحلاه

السلام عليكم

يبدوا طبق جميل

بورك فيك على النقل ..

لكن ما هو الفقاع ؟

و الله ماعلابالي الموضوع منقول شكرا على الرد

اممم قمت ببحث في جوجل .. يبدوا أنه champignon .. لكن الغريب أنه و حسب جوجل ، بمعناها الطبي لا النباتيّ ..

نت سييها اذا جات مليحا ابعتيلي و ادا جات ماشي مليحا كوليها وحدك و خلاص

ان شاء الله لما نجرّبها راني نعرضك و لو أنه فكرة السلق المقلي هذه شوية

و بالنسبة لأفخاذ الدجاج المحشيين الأفضل أنهم يتقلاوا في شويّة زيت و ممبعد يوضعوا في مرق .. هي السيدة دارت العكس .

و الله ماعلابالي دبرو راسكم

السلام عليكم:
الطبق يبدو لذيذ
وبالنسبة للفقاع فهو الفطر champignon كما أشرت أختي مريم و هناك من يسميه المشرم أيضا و هو ظاهر في الصورة الثانية في الحشوة يسار أسفل الصورة.
تحياتي

شكرا على المعلومة

انا ما ناكلو لكن بهده الوصفة راح اجربه وادووووق