تسجيل الدخول

يا القمر ارواح علاش راك بعيد عليا؟
ارواح تسمع حكايتي وتحكيها للنوايا لي مازالوا مافاقوش
ارواح راني محتاجاتك في هذ العشية
كل يوم راني نحكي معاك وكلامي ماتسمعوش
قولي اذا انت حجرة قاسية
ولا قلب طري باه مانجرحوش
اذا كنت قلب طري مانقدرش نحكيلك لي بيا
مانقدرش نحكيلك حكايتي مع الوحوش
واذا كنت حجرة قوية راح تحمل
احمد ربي انك بعيد والظلم ماتشوفوش
انا راني في زمان خاني ودار عليا
وليت الظالمة والامان فيا مايديروش
كاني ارتكبت جريمة
ولاو فيا مايثيقوش
ارواح يا القمر تسمع الحكاية
وتتاكد بلي انا ماظلمتوش
هذ الزمان هو لي غدرني
هو لي خسرني وانا ماخسرتوش
انت على الاقل حجرة
ماراحش تتكسر اذا عرفت الكلام لي مازلت ماقلتوش
انت راك بعيد في السماء
وحدك بصح المهم الخدع ماتعرفوش
ياريتك تتكرم وتقدم ليا
نفرغلك قلبي لي مازال ماغلقتوش
هذي حكاية منسية
قدرت نسمح بصح الجرح مانسيتوش
حابة نفهم علاه رجعت انا اظالمة؟
راني نبكي ولي فيا مافهمتوش
كنت عايشة لاباس بيا
وسط الحباب اذا بكا واحد فينا حنا مانضحكوش
فجاة لقيت روحي وحدي
راحوا خلاوني لسبب مازال مااستوعبتوش
ماعطاولي حتى حجة مقنعة
بعد ما كانوا يقولولي حنا على فراقك مانقدروش
لقيتهم راهم يتاهموا فيا
وانا الضعيفة لي يغلبها الانوش
انا بعد هذ التجارب المرة
الامان في الناس وليت مانديروش
وليت نشك في كل خطوة
وسري لاعز الناس مانمدوش
وحدة امنتها على سري ووعدتني تحفظوا
لقيتها راهي تفرق فيه بعد ماقاتلي مانفرقوش
ووحدة لجات ليها كي طحت في حفرة
اظلم منها يا ناس مازال ماشتوش
قالتلي انا ماندخلش في مشاكلك
وكي سحقتني جات عندي قلتلها انا طلبك مانردوش
ووحدة قالتلي ماعندكش العقلية
ديري حوايج ما يجوزوش
وهي راهي اكثر مني
ماخلات حتى ظلم مازالت مادارتوش
يا القمر مانقدرش نكملك
باينة عليك كلامي ماقدرتلوش
انا نعطيك برية وصلهالهم
وقوللهم اذا راني ظالمة واجهوني وماتحشموش
روح يا القمر انت ماراكش تسمع فيا
هكذاك وكلامي ماحملتوش
ما ادراك انك تسمعني وتفهم
اكيد رح يتكسر حجرك وانا مازلت مامسيتوش

مرحبا يا اعضاء المنتدى الرائع ان هذه منافسة بيني وبين زمن الوصل في كتابة قصائد حول القمر انا اكتب في منتدى المحاولات الادبية والحكاية دائما اقرؤوا كل قصائدنا عن القمر وصوتوا من منا الافضل سينتهي التصويت يوم 8.9.2012
ارجو التفاعل وشكرا لكم

يشرفني ان اكون اول من يرد يا مبدعة اكيد كلنا معك لتصلي الى القمة
اتمنى لك التوفيق والنجاح شكرا على الكلمات الرائعة والمشاعر الصادقة
دمت بالف ود ....ملكة الاحساس
شكرا لك

شكرا جزيلا يا غاليتي والله لا اعرف كيف اعبر لك عن مدى فرحي الا بكلمة شكرا

جميل ماكتبت بل اروع
مشكوووووووووووووورة

شكرا جزيلا لك اخي سعيد

شكرا لك اسعدني مرورك العطر

.....مرانيش مصدق ..... كل هاذا .....لا اجد ما اقول .....لكي ختي .......بصراحة ........بسم الله .....ماشاء الله.....راكي حطمتي كل التوقعات التي كانت في بالي او ما تصورتش تكوني متالقة هاكدا ...نعم لقد اخجلني ....بالفعل...ما عساي ان اقول فيكي وانا الذي لم اعلم انكي ممكن ان تفجري قنبلة موقوتة لا طاقة لي في ردعها ههههههههه .......مزيدا من التالق في السماء والريادة ...لقد احكمتي وثاقي ...ولابد ان استنجد بخبرتي والا نلتي مني لانكي قاسية ههههههه ولن ترحميني ههههههه........اليوم ادركت مدى خطورتكي ........مايا .......ولن ادع لكي فرصة كي تبعثري حروفي لانني سازداد قوة منذ الان

شكرا جزيلا لك اخي زمن الوصل
لدي سؤال لك :لماذا لم تقم بالتصويت؟هيا ان الوقت يمر

اشكرك جزيل الشكر اخي

اخي زمن الوصل انا لست وحشا كي لاارحمك يا اخي اريد ان اقول لك انت مميز فعلا ولديك موهبة كبيرة تستحق التشجيع وكل ماينقصك ينقصنا جميعا وهو الكثير من المطالعة ومحاولة صقل المواهب
احيي روحك العالية وشكرا لمرورك