رد: من قال ان الشباب الجزائري لا يكافح...انقل لكم الصورة حية
06-05-2015, 03:51 PM
قرات بعض الردود هنا والله حزنتن كثيرا منها بحكم تجربتي يجي الشاب يخدم هو عندوا مستوى يجي معلم دار ادراهموا بعرق الغلابى ويزيد يحقرهم لابعد حد نحن في بلادنا ما يخصنا غير نحسوا بالغلاباى عندنا العمال البسطاء ما كان واحد يحس بيهم وانا عارف واش نقول وعن تجربة وواحد ما راه مجرب الخدمة كيما انا خدمت حوالى 10 سنين داخل الورشات وشفت الحقرة والله غير اكثر من اللي يخدم عند الكولون يجيك واحد يقولك الشباب ما يخدمش وينسى انوا الشباب اذا اخدم ما يديش حقوا وما يدير والوا بالخدمة اديالوا الا اذا كان باش يصور مصروف باش يكمل يقرى
هاهي صورة لشاب متزوج عندوا بنت وولد مستاجر سكنى ياخذ 45 الف في النهار ياجماعة واش يدير بيها زعم يقر يكمل الخدمة واحد النهار مرض من الضهر اديالوا كنت نتكلم معاه قالي اني مريض قلتلوا روح تداوي قالي باش نداوي اذا داويت ما نصرفش على الدار واذا ماداويتش راح نحبس في يوم من الايام انا هنا اجمدت
صورة لشاب وحد اخر انا اليوم ذاك ما رحتش للخدمة بكري كي وصلت حوست عليه قالولي هو راهراقد وتخيلوا وين داخل الشونطي ايا انا تحيرت عليه رحت ليه لقيتوا يتالم راهوا طاح من السافوطاج قريب مات اخذاه المعلم للسبيطار وتركوا ثم في ليرجنس ايا طلبوا منوا يخلص 100 باش يفوت ما عندوش ولا للشونطي ورقد انا رحت للمسؤول قلتلوا ضرك تديه للسبيطار سينوا نروح نشتكي بيك ولا تعطيه الدراهم باش ندوه للسبيطار وكان الامر الاخير بعد اصرار مني ومن بعد ارماوه
صورة اخرى كنت نخدم في اقامة جامعية في البليدة ايا احتجنا عامل يكون قريب انا جبت عامل من داخل الاقامة شاب في 20 من العمر يتيم الابوين عندو 5 اخوات بنات وكلفوه بعمل معين وانا نت مشرف عليه لما خلص الخدمة اديالوا تعرفوا يا ناس انوا مازال للوقت هذا ماخلصشعندي غير راني انسان كيما هذا يزيد يخدم انا للوقت هذا كيف هذا الانسان مازلت ما خلصتش وكانت الخدمة كامل على مسؤليتي
كنت نخدم في ورشة اخر تعرضت لحادث لم يتم تعويضي وتم التستر على الحادث وتم دردي من العمل وانا لازلت داخل العطلة المرضية ولما طالبت بالوثائق كانت المفاجئة انا اعمل في الشهر 22 يوم وصاحب العمل يصرح ب 15 يوم و المذهل كل العمال بهاته الصفة ومنهم من عمل لمدة تفوق الاربع سنوات واكثر اين هنا القانون والر قابة ممكن هناك من يقول ان القانون لا يحمي المغفلين او يتبادر الى ذهنه اني لم اشتكي
اجيب انا اشتكيت لدى مفتشيت العمل او تعلمون ما كانت النتيجة قال لي مفتش العمل ان دوصيه اخشين ما تقدرلوش يا جماعة
ما زلت في معركة معهم جميعا الى ان اياس
انا لم اعمل بهاته الورشة كثيرا لا يهمني امري ولكن معضم العمال لا يعلمون بهذا التلاعب الخطير وليس عليهم فقط بل على الامة والوطن جميعا انا عندي هذا اللامر اخطر من قضية الخليفة وما جاورها
كيف لما العامل يعمل 22 يوم في الشهر ويصرح صاحب العمل بانه عمل 15 يوم هو هنا تلاعب بالدولة ككل اذ انهذا العامل المفروض يقتطع من راتبه لاجل صندوق الضمان لكي يصتطيع الصندوق التكفل بكل متطلباته ومنها رواتب المتقاعدين لكن في هاته الحالة المدخول للصندوق يكون قليلا فيتم تعويض النقص باموال الخزينة يعني اصحاب المقاولات يسرقون العمال و يسرقون امول الخزينة بعدم التصريح بهم او التصريح المنقوص بهم وهو تلاعب كبير على مستوى معظم الورشات واماكن العمل وهو مسكوت عنه ولكنم ان تحققوا حولا الموضوع
امر اخر انت تعمل عامين وانت تضن ان لك خبرة عامين ولكن انت في الحقيقة وعلى الورق عندك خبرة عام بحسب عدد الايام المصرح بها في كل شهر
انا ذكرت هاته التفاصيل اوصل بعض معانات العمال الجزائريين الذين هم اخوتنا وابناؤنا واباؤنا وهذا الاحتقار لهم من قبل اصحاب المقاولات والورش افبع هذا تقولون ان ابنائنا فنيانين انا عن نفسي لن اعمل مجددا انا مضرب الى ما لا نهاية عن العمل ولا يشرفني ان اعمل تحت نضام عمل يحتقر العمال وكاننا نعمل عند المعمرين الفرنسيين
يا ناس الحترموا العمل وشجعوا العامل يرجع كل ابنائنا يعملوا بطريقة لا تتصورونها اما ان نبقى نمجد في فكرة ان ابنائنا فنيانين فهو ظلم كبير لابنائنا
هنا سرت جزء يسير من معانات العمال ليس لاجلي ولكن حبا في ابناء بلدي الغلابى المحقورين من كل الامة بالرغم من اننا كلنا عمال من من الزبال والعفو من من ينضفون قذارتنا الى الرئيس
abdou