تسجيل الدخول تسجيل جديد

تسجيل الدخول

إدارة الموقع
منتديات الشروق أونلاين
إعلانات
منتديات الشروق أونلاين
تغريدات تويتر
  • ملف العضو
  • معلومات
محمد سعيد ريال
عضو فعال
  • تاريخ التسجيل : 06-03-2015
  • المشاركات : 211
  • معدل تقييم المستوى :

    6

  • محمد سعيد ريال is on a distinguished road
محمد سعيد ريال
عضو فعال
يَا اللِّي مَا عندي غِيرَكْ
17-07-2018, 10:46 PM

يَا اللِّي مَا عَنْدِي فِي ذَالحَيَاةْ غِيرَكْ ***-- *** غِيرْ رَبِّي وَ انْتِ يَا المَالْكَة اذْهَانِي
دَايْمًا فِي بَالِي مُحَالْ مَا انْسِيتَكْ ***-- *** حَتَّى يَقْضِي الله وْ نْصِيرْ فِي اكَفَانِي
بِيكْ نَفْخَرْ ؤُ نَتْبَاهَا عَلَى احْسْودَ كْ ***-- *** فِي المْجَالَسْ وِينْ مَا نَمْشِي امْشَرْفَانِي
الكُلْ يَحْتَرَمْنِي كُلْ مَا اذْكُرْتْ أسْمَكْ ***-- *** انْجَاوَبْ ؤُ رَاسِي مرْفُوعْ مَنْ سألْنِي
اشْحَالْ جُلْتْ البُلْدَانْ ؤُ مَا لْقِيتْشْ مَثْلَكْ ***-- *** وِينْ نَمْشِي نَلْقَا صُمْعَتَكْ سَابْقَانِي
وَاجَبْ نَفْخَرْ لِأنِي فَرْدْ مَنْ اوْلاَدَ كْ ***--*** يَا البِيضَة الغَالْيَة يَا اجْمِيلَتْ الاوْطَانِي
مُحَالْ إلاَ يَشْطَنِّي حُبْ غِيرْ حُبَّكْ ***--*** لُو ايْصِيرْ وَاشْ ايْصِيرْ فِيكْ مَا ايْكَرْهُونِي
يَا الغَالْيَة المَالكَتْني بَالبْهَا اعْشَقَتَكْ ***--*** مَنْ صْبَايَا مَمْلُوكْ وَ انْتِ المَالْكَانِي
(مطلع)
لُو ايْصِيرْ وَاشْ ايْصِيرْ نَبْقَا لِيكْ وَافِي ***--*** اتْهُونْ االعُمْرْ افْدَاكْ وَ اقْليلْ يَا االشّْرِيفَة
كُلْ مَا اعْمَلْتْ يَنْعَدْ اقْلِيلْ غِيرْ كَافِي ***--*** يَا اللِّي حَبَّكْ قلْبِي ابْكُلْ صَدْقْ وَ اوْفَاء حُبَّكْ فِي اعُرُوقِي يَجْرِي وَ الدَّمْ دَافِي ***--*** وصْفَكْ فَايْتْ فِي لُوصَافْ كُلْ صِيفَة
فِيكْ البْهَا وَ الجَمالْ ايْمَتَّعْ اللَشُّوَافِي ***--*** يَا اللِّي خَلْقَكْ رَبِّي فِي الكُونْ تُحْفَة
كُلْ مَنْ شَافْ بْهَاكْ وْ زِينَكْ الخُرَافِي ***--*** يَنْبْهَرْ وَ ايْسَبَّحْ لله جَهْرْ وَ اخْفَا
مَهْمَا امْدَحْتْ وَ انْظَمْتْ عَلِيكْ مَنْ قُوَافِي ***--*** ايْجِي بْحَالْ اللِّي يَرْشْفْ مَنَ النَّهْرْ رَشْفَة
وِينْ ايْبَانْ عْمَالِي مَعَ مَا عَمْلُو اسْلاَفِي ***--*** اعْمَارْهُمْ هَانُوهَا ابْطَلْنَا الشُّرَفَاء
(بيت)
انْتِ الأُمْ اللِّي ظَمِّيتِينَا فِي حُظْنَكْ ***--*** غِيرْ احْنَانَةْ صَدْرَكْ مَالِيشْ صَدْرْ ثَانِي
كِيفْ نَقْدَرْ نْعِيشْ وَ انَا بْعِيدْ عَنَّكْ ***--*** كِيفْ نَقْدَرْ نَنْسَاكْ وَ انْتِ فِي وَجْدَانِي
يَا الغَالْيَة المَالْكَتْنِي بَالبْهَا اعْشَقْتَكْ ***--*** مَنْ صْبَايَا مَمْلُوكْ وَ انْتِ المَالْكَانِي
(مطلع)
كُلْ مَنْ شَافْ ابْهَاكْ ايْتَيه فِيهْ يَذْهَلْ ***--*** اعْطَاكْ رَبِّي مَنَاظَرْ رَايْعَة وْ جَمَالْ
الخُضُرَة الخَلاَّبَة امْقَابْلَة السْوَاحَلْ ***--*** وَ الشُّطُوطْ الذَّهْبِيَة تَسْبِي الجُوَّالْ
مُتْعَة للنَّاظَرْ فِي اسْهُوبْهَا مَعَ التَّلْ ***--*** زِيدْ للصَّحْرَى اتْقَابْلَكْ وَحَاتْ وَ رْمَالْ
حُسْنْ زِينَكْ مَفْقُودْ كُلْ شِي فِيكْ هَايَلْ ***--*** مَهْمَا اوْصَفْتْ جَمَالَكْ يَبْقَى الكَثِيرْ مَازَالْ
اعْطَاكْ رَبِّي مَنَاظَرْ رَايْعَة اتْهَبَّلْ ***--*** اجْمَعْ فِيكْ الخَالَقْ فِي الفَصْلْ رَبْعْ أفَصَالْ
اعْطَالَكْ رَبِّي زِينْ مَنُّه الزِينْ يَخْجَلْ ***--*** فِي المْحَافَلْ زِينَكْ تُضْرَبْ بِهْ لَمْثَالْ
مَنْ لاَ سَحْرُه زِينَكْ مَا شَافْشْ زِينْ جَاهَلْ ***--*** العَشْقْ فِي غِيركْ بُهْتَانْ وْ كَذْبْ وَ هْبَالْ
(بِيت)
مَنْ غَدْرْ العَدْيَانْ أسُودْ حَامْيِينَكْ ***--*** وَاقْفِينْ ابْطَالْ مَا ايْقَرَّبْشْ لِكْ دُونِي
مَسْتَعَدِين لَلْمُوتْ بَاهْ يَعْلَا عْلاَمَكْ ***--*** هَاكْذَا اقْرِيتْ وْ هَاكْذَا الأهْلْ عَلْمُونِي
يَا الغَالْيَة المَالْكَتْنِي بَالْبْهَا اعْشَقْتَكْ ***--*** مَنْ صْبَايَا مَمْلُوكْ وَ انْتِ المَالْكَانِي
(مطلع)
هَاكْذَا تْرَبِينَا انْحَبُّوكْ مَنْ صْغُرْنَا ***--*** حُبَّكْ يَجْرِي مَجْرَى الدَّمْ فِي العْرُوقْ
هَاكْذَا قْرِينَا وْ هَاكْذَا الوَالْدِينْ عَلْمُونَا ***--*** حُبْ الوَطَنْ انْحَطُّوهْ عَلَى لرَّاسْ مَنْ فُوقْ
بَعْد طَاعَةْ الله وَ الرَّسُولْ انْحَبُّو وَطَنَّا ***--*** وَ غِيرْ حُبُّه فِي احْكَامْنَا يَنْعَدْ عُقُوقْ
يَحْمِيكْ رَبِّي وَ يْصُونْ وَ يْخَلِّيكْ لِينَا ***--*** فِي الهْنَاء وَ العَزْ مَا يَنْهَانْ فِيكْ مَخْلُوقْ
مَهْمَا اتْغَرَّبْنَا عْلِيكْ وْ غَبْنَا اتْلاَيْمِينَا ***--*** الحَنِينْ يَجْمَعْنَا وُ حُبَّكْ الكْبِيرْ وَ الشُّوقْ
مَهْمَا غَبْنَا انْوَلُّو عَلَى الفْرَاقْ مَا قْدَرْنَا ***--*** كِيفْ يَقْدَرْ مَنْ يَعْشَقْ يَنْسَا المَعْشُوقْ
مُحَالْ نَنْسَاكْ يَا مَنْ ازْرَعْتِي الحُبْ فينَا ***--*** حَدْ مَا يَنْسَا أُمُّه إلاَّ عَدِيمْ الخُلُوقْ
(بيت)
رَبِّي بْجَاهْ الهَادِي خِيرْ الوَرَى حْبِيبَكْ ***--*** أحْمِي بْلاَدِي مِنَ الكَائِدِينْ يَا الغَانِي
بْحُرْمَة جمِيعْ الصَّلِحِينْ مَنْ عِبَادَكْ ***--*** يَعِيشْ وَطْنِي آمَنْ مَنْ كُلْ سُؤْ هَانِي
وَ اجْعَلْ لُو منْ شَدَّةْ كُلْ ذِيقْ مَسْلَكْ ***--*** لاَ اتْشَمَّتْ فِيهْ العَدْيَانْ وَلاَ ايْعَانِي
يَا عَالَمْ الاسْرَا رْ رَاهْ شِي مَا اخْفَالَكْ ***--*** لاَ تْصَلَّطْ حَاقَدْ مْنَ الإنْسْ أوْ جَانِي
يَا سَامِيعْ الدُّعَاء بَالمُصْطَفَى اسْأللْتَكْ ***--*** تَجْعَلْ صُمْعَةْ وَطْنِي الفُوقْ عَالوْطَانِي
اقْبَلْ دُعَاء عَبْدَككْ الظَّعِيفْ طَلْبَكْ ***---*** اجْعَلْ هَذَا الوَطَنْ آمَنْ مِنَ الفْتَانِي
وَ ارْزَقْ أهْلُه مِنْ ثَمَارَاتْ رَزْقَكْ ***--*** يَا مَنْ قُلْتْ أجِيبْ الدَّاعِي إذَا دَعَانِي
بَالصَّلاَةْ عَلَى الهَادِي اخْتَمْتَهَا وَ ابْفَضْلَكْ ***--*** طَالَبْ القَبُولْ وُ طَامَعْ ما يْخِيبْ ظَنِّي
وَفَّقْ رِيَّالْ وْ ضُوِّي دُرُوبُه بِنُورَكْ ***--*** و جَاوَزْ عَلَى العُصْيَانْ وُ زَلَّتْ اللِّسَانِي
يَا الغَالِيَة المَالْكَتْنِي بَالْبَهَا اعْشَقْتَكْ ***--*** مَنْ صْبَايَا مَمْلُوكْ وَ انْتِ المَالْكانِي
تمت بفضل الله ...في 8 رمضان 1439 هجري
الموافق ل-25/05/2018 (نظم ...محمد ريَّال)
  • ملف العضو
  • معلومات
الصورة الرمزية دائمة الذكر
دائمة الذكر
مشرفة منتديات الشروق
  • تاريخ التسجيل : 29-03-2009
  • الدولة : الجزائر
  • المشاركات : 41,213

  • زسام التحرير 

  • معدل تقييم المستوى :

    10

  • دائمة الذكر is a jewel in the roughدائمة الذكر is a jewel in the roughدائمة الذكر is a jewel in the rough
الصورة الرمزية دائمة الذكر
دائمة الذكر
مشرفة منتديات الشروق
  • ملف العضو
  • معلومات
محمد سعيد ريال
عضو فعال
  • تاريخ التسجيل : 06-03-2015
  • المشاركات : 211
  • معدل تقييم المستوى :

    6

  • محمد سعيد ريال is on a distinguished road
محمد سعيد ريال
عضو فعال
رد: يَا اللِّي مَا عندي غِيرَكْ
18-07-2018, 03:26 PM
لك مني جزيل الشكر سيدتي الفاضلة على مرورك الكريم

وعلى العبرات الراقية تحياتي الخالصة بارك الله فيك
مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم


الساعة الآن 07:40 PM.
Powered by vBulletin
قوانين المنتدى