تسجيل الدخول

ولا سور تدي البنت مشي خسارة فيها الخيمار اعطيها زوج هههههههههه امزح معك

المهم راهم قالو كلش متنسايش سلاظ دوفخوي مليحة زيد في الشبحة والبوراك ايضا

انا من راي لوكان تقدملهم التقليد ديالكم خير باش يتعرفو عليكم مليح خير من انت تقدم التقليد ديالهم
هما الي يقدموهولكم كي يعرضوكم هكذا واش خليتلهم ليهم ههههههه

هذا راي متزعفيش ههههههههه

انا نفضل تقدمي عوايد تاع المنطقة ديالكم سورتو الشخشوحة ولا ديروها يحبو العاصميين يدوقوها

ربي يكمل

اه نسيت مدام المسافة بعيدة تهلاي فيهم مليح قيمهم مليح وما تبلغيش برك كني طبيعية وعادية معهم بصح بينلهم بلي راكي فرحنا بهم وراكي مرتحتلهم والدار درهم

هههههههههههه وليت الصبحية هاذي لقيتها صح متهليا فيها قالت كولش تبارك الله عليها

اعتقد ان الخاتم يجي بعدما تشوف العروسة وتتفاهمو .

السلام عليكم
بو كول واحد والتقاليد تاعو بصح الخاتم متديهش حتا تروحو تخطبو
كيما نقولولها حنا الشوفة
الشوفة تدي الباتيسري والورد وداركم تروحو تشوفو العروسة واذا تفاهمتو على كولش ثما يجي الخاتم وتروحو تخطبو وتعاود تشري الورد والباتيسري ههههه وتزيد الخاتم ملفوق

خلطتيهالي تاع الصح

يعني زوج مرات ندي الورد والباتيسري (الباتيسري تقصدوا بيه الميلفاي ولاَّ ليطرونش ولاَّ لاطاغت)

واش هو الفرق بين هذو الثلاثة " الشوفة والكلمة والخطبة"

اضحك الله سنك في الجنة اخي سليم علاش الملفاي راك رايح للقهوة اكيد لا طاغت وتكون شابة بزاف على دوقك والورد من الاحسسسسن يكون احمر
الفرق بين الشوفة والخطبة ... الشوفة راكم رايحين تشوفوها يعني تشوفها وتشوفك امبعد اذا تفاهمتو وقبلتو على باركت الله
اما الخطبة باينة خلاص شفتها وشافتك وقبلت يعني درتو الشوفة وراكم رايحين تخطبو اوفيسيال وثما تدي الخاتم

تعليقي متاخر ولكن ..

حنا نديرو شوربة فريك + طبق رئيسي(طجين الزيتون او جلبانة كباب اي شيئ )

+ تشكشوكة + فريت + سلطة

اما الحلويات المقروط اكيد البقلاوة
les gâteaux secs

و الباقي كيما تحبي