تسجيل الدخول

الحمد لله جوزتي الأزمة بسلام ..
نقولك ما كان لا طبيب نفسي لا والو ،،
.وحد المرة اختي وصفلها طبيب مختص فاللأعصاب وآلام الرأس وحد الدوا على جال راسها يوجعها بزاف رغم أنه عملت سكانير وماظهر والو ..كي كانت تشربو تدوخ وتولي ماتقدرش تنوض وتروح للقراية ..وحد المرة شربتو يومين ما فطنتش و ديناها لسبيطار ومن بعد ولينا في مشاكل نتاع البوليس لا خاطرش قالك ممنوع وبالاك راهي تتاجر بيه فالقراية _ ههه هم بضحك وهم يبكي _ ..مزية كان بوصفة طبية .. وتهنينا للبروبلام.

تحياتي ..

يعطيك الصحة على التثبيت أختي Mavi
ـــــــــــــــــــــــــــــــــــــ

القصة التي وعدتكم بها واقعية مئة بالمئة ..
لقد تأخرت لأني لا أجيد الكتابة وأنا أحاول قدر
المستطاع أن ألملم أفكاري.

تحياتي..

بلا مزية اختي .. وانا ايضا سأساعدك ف نشر بعض مني دمتِ سالمة
وانتظر جديدك

ذات مرّة كنت انا واخي الي اقل مني وابن عمي
نانا الله يرحمها عطاتنا نشرولها وكانت تحاسبنا ع دورو
المهم حنا حافظين الاسعار وبغينا نهزو من الصرف وحنا مروحين
ضبطنا المجموع التالي للقضيان طبعا انا مولات الفكرة الكل وهوما
اتباعي ، المُهم لقينا بلاصة فيها رمل نضت بش نحفظ الطريق والمكان
مليح ودفنت الدراهم ورحنا للدار اما هوما الخاينين راحو ورايا
وانا كنت مبرونشية مع ( دراغن بول ) نموت عليه لدك نعاودو هههه
راحو داو المصروف وكلاوه ورجعو يشوفو معايا بعدها جعت
قلتهم هيا بنا لنشبع بطوننا حلوى ورحنا للمكان السري حفرت حفرت
ما لقيت شي قلت بلاك بدلت ولا غلطت والعجب ان اخي وابن عمي
يحوسو معايا قلب ورب وليت خزرت لسما وقُلت ( والله يا ربي ما نزيد نخبي حاجة قدامك ) ههههه استغفر الله وقتها كبرنا وجبدنا الحكاية
واخي اعترف قلي انا وبلال ديناهم ههههه شتمتو قتلو كليتو وخليتوني للشر والزعاف المغزى من القصة انه فوتنا لحظات جميلة وطفولة لا تعوض حقا ..

السلام عليكم ورحمة الله وبركاته
يعطيك الصحة يا Mavi

وحد المرة كي كنا صغار أنا وأخواتاتي وخويا الصغير حضرتنا أمي الغذا وتغذينا ..المهم وبابا ما كانش فالدار وجدتلو غير ليه فريث أومليث وخلاتو فالمقلة فوق الطابونة ..أيا وراحت للبحيرة ..واحنا صغار سخفنا ..وكل واحد فينا راح كلا بالسرقة شوية وواحد ما شاف خوه ..كي جات ماما اسمعناها تعيط وجابتنا كامل ومن بعد سقساتنا شكون اللي كلا الغذا تاع أبي كل واح فينا يحلف باللي ماشي دهو لا خاطرش كل واحد في بالو باللي كلا غير شوية وماراحش يفراه والمصيبة احنا ڤاع كلينا ..امالا ماما ستفتنا احنا الخمسة واعطاتنا طريحة بالدالة .

هههههه يحفظها لأمك ختي هههه والله فعلا التشاغب كان هايل
ماشي كي لوقت ذا طابلات تيليفون ربي يجيب الخير وسلامتكم
من طريحة

مرحبا ..
مرة وانا جالسة ع سوشيال الميديا نقلب ونحوس جاتني اضافة
وظهر انه بيننا مشتركين بزاف بيننا المهم تم القبول والحديث
الى غير ذلك ولكن لم اكن احادثه كثيرا لم تعجبني شخصيته
وميولاته رغم كبر سنه لكن عقله ( زبل ) حدث الذي حدث وارسلت صورا
بالخطت له كانت من لمفترض لصديقة وبسرعة حذفت على الجيهتين
ولم اكن ادري انه ( الذكر ) يحفظ الصور مرت الايام والشهور
ارسل لي قائلا ( صح عيدك ) رددت عادي الا ان شتم امامي
ولم احتمل وما خليّت ما نقلو ونبهدلو قبل ما ياكل بلوك قال كلمة
( نفضحوها ) هنا الجن ركبني وحاولت افهم وش كاين
الى ان فهمت انه حفظ الصور تواصلت مع صديق لي وقصصت له الحكاية بالتفصيل وارسلت له كابتور للاحاديث + والتهديد رغم انه
لم اخف منه او فكرت انه صحيح سينشرها ان لم البي رغبته الحيوامية وهكذا حدث الذي حدث.وبلّغت عنه واخذوه عطاوه طريحة كلاب
وبيتوه شحال ف الحبس وانتهيت..

لا احب الذكور لي تستقوى ع بنات ضعيفات ولا يستطعن
فعل شيء ولا التبليغ عنه لانه يخافون من اهاليهم و المجتمع
اختي يصرالك موقف هكذا ما تسكتيش وبلغي شرطة الجرائم الالكترونية
وقولي بلي مكيش حابة عايلتك تسمع يتهلاو فيه مليح

السلام عليكم
....ههه مسكينة الوالدة درتولها مشكلة مع الأب ، المهم كانت الحياة جميلة بحلوها ومرها. شكرا

غريب غيابك ايات اين انتِ
سكوت يخيم ع المنتدى تحسب وضعو ك وضع زوجة الاب :/