بنتى حبيبتى الغالية
04-11-2008, 07:13 PM
بنتى حبيبتى الغالية
بحبك وخايفة عليكى
من غدر الدنيا ليكويكى
اسمعى منى يا ضناية
اليوم ده انتى عايشة معاية
بكرة تقولى فينك يا مااااااااااااااية
بحبك وخايفة عليكى
من غدر الدنيا ليكويكى
واسمعى منى وافهمينى
نفسى يا غالية تحسينى
انتى كل فرحتى
انتى حياتى ودنيتى
ازعل انا على زعلك
واتعب لا امووووت من تعبك
اليوم ده وانا لسة معاكى
بقولك
بحبك وخايفة عليكى
من غدر الدنيا ليكويكى
بنتى يا عود اخضر
يا صفحة بيضة منورة
عايزاكى تكونى لى قريبة
وتيجى فى حضنى يا حبيبة
تحكى بقلبى اسمعك
واخاف لقلب يخدعك
همس ليكى يا ضيا عينى
وتحسى بيا وتفهمينى
واوعى فى مرة تبعدينى
بحبك وخايفة عليكى
من غدر الدنيا ليكويكى
هقولك يا حبيبتى كلام
متقالش لغيرك من الانام
بنتى يا غالية عليا
يا هواية يا نور عنية
خلى بالك من الايام
ودايما بوصى لقدام
خلى اسمك تاج راسك
وشرفك دايما نبراسك
واوعى تطاطى للايام
اتمسكى بدينك ومبادئك
وخلى عندك هدف قدام
خلى ولائك للحق
ودايما للغش قولا لأ
بنتى يا غالية عليا
عظمى ايمانك فى الوجدان
وادفعى الظلم فى كل مكان
صوتك دايما خليه
همس واوعى تعليه
غير فى الحق لاى جبان
ونظرك يا حبيبة غضيه
عن المعاصى طهريه
لسانك دايما خليه
بذكر ربك رطبيه
واذنك دايما تصونيها
من اى شىء مهان
واقولك ايه دى وصية
تقريها وتقولى عليا
امى انتى عالية علية
بحبك وخايفة عليكى
من غدر الدنيا ليكويكى
مهجة الروح والفؤاد
اسراء
من مواضيعي
0 هل تحلم بالوحدة الإسلامية ؟!! شارك فى كتابة دستورها
0 السلام عليكم ورحمة الله وبركاته
0 الطفل
0 بنتى حبيبتى الغالية
0 هل تحلم بالوحدة الإسلامية ؟!! شارك فى كتابة دستورها
0 الانثى
0 السلام عليكم ورحمة الله وبركاته
0 الطفل
0 بنتى حبيبتى الغالية
0 هل تحلم بالوحدة الإسلامية ؟!! شارك فى كتابة دستورها
0 الانثى