أهْ مَنْ غَدْرْ اللِّي حْسَبْتُه حْبِيبْ
21-07-2018, 01:43 PM


آهْ مَنْ غَدْرْ اللِّي حْسَبْتُه حْبِيبْ وَ افْشِيتْلُه سَرِّي *
ثُقْتْ فِيهْ وَ اغْدَرْ بِيَّا وْ خَانْ مَلْحِي وَ العَشْرَة *
انْسَا احْسَانِي وْ كَفَانِي بالشَّرْ بَدَّلِي خِيرِي *
خَيَّبْ ظُنِّي وَ امْشَا تَعْبِي مَعَاهْ هَبَائًا مَنْثُورَا *
لاَ مَحَبَّة قَعْدَةْ فِي ذَالزَّمَانْ نَعْطِيكْ اخْبَارِي *
إلاَّ الغَدَرْ وَ الحِيلَة وَ الغُشْ حَسْبُوه اشْطَارَة *
مَنْ تقُولْ حْبِيبَكْ تَلْقَاهْ لَخْرَابَكْ يَجْرِي*
الوُجُوهْ مَلاَيْكَة وْ دَاخَلْ القُلُوبْ كُفَّارْ نْصَارَى *
لاَ وَفَى لاَ نِيَّا لاَ صَدْقْ لاَ خُوفْ البَارِي *
إذَا دَرْتْ النِّيَّة وْ اصْحَبْتْهُمْ يَرْمُوكْ فِي حُفْرَة*
لاَ مَحَبَّة قَعْدَةْ فِي ذألزَّمَانْ نَعْطِيكْ اخْبَارِي*
إلاَّ الغَدَرْ وَ الحِيلَة وَ الغُشْ حَسْبُوهْ شْطَارَة *
الغَدَرْ حَرْفَتْهُمْ وَارْثِينْهَا عَادَة مَنْ بَكْرِي *
رَدْ بَالَكْ يَخَّدْعُوكْ بَاللّسَانْ وَ الضَّحْكَة الصَّفْرَة *
إذَا تَبَسَّمْ فِي وَجْهَكْ غِيرْ خُبْثْ وَ انْتَ مَا تدْرِي* فِي قْفَاكْ يَطَّعْنَكْ وَ ايْقَطْعَكْ بَمْوَاسْ وْ شَفْرَة*
لاَ مَحَبَّة قَعْدَةْ فِي ذالزَّمَانْ نَعْطِيكْ اخْبَارِي* إلاَّ الغَدَرْ وَ الحِيلَة وَ الغُشْ حَسْبُوهْ اشْطَارَة *
لاَ صْدِيقْ فِي وَقْتْ الشَّدَّة تْقُولْ يَفْدِيلِي ثَارِي *
لاَ زَعِيمْ إذَا طَاحَةْ بِيكْ تُوَّجْدُه نُعْرَة *
انْتَبَهْ رَانِي انْحَذَّرْ فِيكْ يَا فَاهَمْ شِعْرِي *
كُونْ حَذْرِي وَ افْهَمْ مَعْنْ الكَلاَمْ وْ خُوذْ العِبْرَة *
لاَ مْحَبَّة قَعْدَةْ فِي ذَالزَّمَانْ نَعْطِيكْ اخْبَارِي *
إلاَّ الغْدَرْ وَ الحِيلَة وَ الغُشْ حَسْبُوهْ اشْطَارَة *
صُونْ سَرَّكْ تَنْجَا وَ اتْفُوزْ بَالهَنَى وَ التَّوْقَارِي *
دِيرْ تَكْلَكْ فِي الحِيْ مَنْ لاَ ايْنَامْ يَرَى وْ لاَ يُورَاء *
اجْتَنَبْ خُلْطَتْهُمْ قُومْ النِّفَاقْ وَ اهْجَرْ عَالْبَكْرِي*
اسُواقْهُمْ مَرْبِيَّة فِيهَا الفْلاَسْ خْصَارَة فِي خْصَارَة *
لاَ مْحَبَّة قَعْدَةْ فِي ذَالزَّمَانْ نَعْطِيكْ اخْبَارِي *
إلاَّ الغَدَرْ وَ الحِيلَة وَ الغُشْ حَسْبُوهْ اشْطَارَة *
مَيَّزْ ابْعَقْلَكْ شُوفْ اعْمَالْهُمْ وَ احْذَرْ يَا غُرِّي *
كُلْ يُومْ ايْبَدَّلْ صِيفَة وَ يَنْقْلَبْ كَمْ مَنْ مَرَّة *
لاَ تَامَنْ فِي امْحَبَتْهُمْ كُونَكْ افْطِينْ وْ حَذْرِي*
الْوَضِيعْ إذَا طَحْتْ ايْبَدْلَكْ بَالسّْفَى وَ القُشْرَة *
لاَ مْحَبَّة قَعْدَةْ فِي ذَالزَّمَاَنْ نَعْطِيكْ اخْبَارِي *
إلاَّ الغَدَرْ وَ الحِيلَة وَ الغُشْ حَسْبُوهْ اشْطَارَة *
مْنِينْ كَانَتْ لِيَّامْ امْوَالْيَة كُنْتْ ابْزُوَّارِي *
وَ مْنِينْ عَكْسَةْ لاَ زُورَة لاَ سْوَالْ لاَ حَتَّى نَظْرَة *
امْنِينْ كَانَتْ لِيَّامْ امْوَالْيَة مَا اعْصَاوْلِي أمْرِي*
وَ مْنِينْ عَكْسَتْ لاَ خِيرْ اتْفَكْرُوهْ مَا ادَّاتْهُمْ غِيرَة*
مْنِينْ كَانَتْ لِيَّامْ امْوَالْيَة مَا اخْطَاوْ اوْكَارِي*
وَ مْنِينْ عَكْسَتْ وَلَّى مَرْسَمِي امْثِيلْ المَقَبْرَة *
مْنِينْ كَانَتْ لِيَّامْ امْوَالْيَة كَانُوا فِي اجْوَارِي *
وَ مْنِينْ عَكْسَتْ امْشَاوْ بْلاَ اوْدَاعْ رَحْلُوا فِي مَرَّة *
هَذَا حَالْ الصُّحْبَة فِي جِيلْنَا يَا مَنْ لاَ تَدْرِي *
تَغْفَلْ ايْبِيعُوكْ وْ يَشْرُوكْ رَاهُمْ سَمْصَارَى *
انْهِيتْ نَظْمِي نَشْهَرْ أسْمِي لِكُلْ مَنْ هُوَ قَارِي*
حَاء وْ مِيمِينْ وْدَالْ طَالَبْ العفُو مَنْ مُولْ القُدْرَة *
يَا السَّاتَرْ عْيُوبْ الخَلْقْ لاَ تَفْضَحْ سَتْرِي *
جُودْ عْلِيَّا فِي هَذِه وْ ذِيكْ مَنْ جُودَكْ سَتْرَة *
والصَلاَةْ عَلَى المصْطَفَى شَفِيعْنَا نُورْ ابْصَارِي *
وَ عَلَى آلُه كَافَّة وَ الرِّضَا عَلَى العَشْرَة *
اوفَى اخْطَابِ وَ اكْمَلْ نَظْمِي وَ تَمْ انْهِيتْ اسْطَارِي *
رَاهْ رِيَّالْ امْسَلَّمْ لَشْيُوخْ مَعَ الشُّعَارَاء *
لاَ مَحَبَّة قَعْدَةْ فِي الزَّمَانْ نَعْطِيكْ اخْبَارِي *
إلاَّ الغْدَرْ وَ الحِيلَة وَ الغُشْ حَسْبُوهْ اشْطَارَة *




تمت بعَون الله
محمد رِيَّالْ