حكاية اليو يوم على عيشة بنت بوغزال و خوتها سبع رجال
07-09-2022, 06:59 AM
حكاية اليوم على عيشة بنت بوغزال و خوتها سبع رجال


كانت عيشة تخدم خاوتها بعد وفاة امهم كشافوها خوتها تتعب فكرو يجيبو ڨنينة ( أرنب ) تعاونها في شغل ،عيشة وعدت لڨنينة بلي اي حاجة تقسمها معاهم قالتلهم لوكان نلقى حبة فول نقسمها معاك فاتو ليام ويتعاونو على شغل وطياب وزاهيين مع بعضاهم حتى جاء نهار وعيشة تكنس لقات حبة فول وكلاتها شافتها لڨنينة وزعفت وقاتلها ياك وعدني لوكان تلقاي حبة فول تقسميها معايا وكليتها وحدك قاتلها عيشة اسمحلي والله مقصدت راهي كاين شكارة وكولي واش حبيتي عيات كيفاه درتلها والو حبت غير من هذيك حبة فول لكلتها وفي هذيك منطقة مفيهاش نار قليلة يعني لقريب تطفالو نار يكب حطب راح ڨنينة باه تنتقم منها وبالت على نار وهربت وعيشة خايفة ليجو خاوتها وميلقاوش فطور خرجت برا تحوس وتجري لعندو نار وتقول يا حد حد ها شكون عندو نار يمدلي حتى واحد محب يمدلها غير واحد غول لعندو وخرج قالها انا عندي نار قالها نمدلك بصح عندي شروط قاتلو واش شروطك قالها نمصلك كل يوم من دمك قاتلو معليش مصلها شوية من دمها واعطالها نار تاع يوم برك باش تولي ويزيد يمصلها دمها راح مناك غدوة لعندو قالها واش لقيتي سيدك بن سيدك يدير قاتلو لقيتو قاعد على حصيرة تاع ذهب وياكل بمغرف تاع ذهب امبعد قالها صحيتي شرب من دمها وراحت كل يوم هكاك عيشة بدات تشيان ودوخ امبعد خاوتها حسبالهم راهي مريضة ولا وا شبيها قاتلهم والو غير من عيا وڨنينة تعبت راحت محبتش تقولهم واش دار امبعد حالتها بدات تسوء تفاهمو خوتها وقالولها حبينا يوم ناكل بركوكس راحت طيبتلهم قدرة كبيرة وامبعد حكمو يدها وقالولها لوكان متقوليناش واش بيك ندخلو يديك في قدرة تاع بركوكس سخونة وامبعد حكاتلهم على قصة ڨنينة وحكاتلهم على غول راحو حفرة كبيرة وحط زربية فوقها وقالولها روحي وسبيه ومتخافيش كراحت قالها لغول واش لقيتي سيدك بن سيدك يدير قتلو لقيتو قاعد على حصيرة تاع حمار وياكل بمغرف تاع حمار قالها ارجايني راني جايك ويجري يجري حتى طاح في حفرة امبعد ارماو عليه حشب ونار وحرقوه وحوسو على ڨنينة قتلوها وجابو نار وعيشة شروالها ماكلة زينة وبدات ترجع صحتها وعاشو هانيين
وهذه اخر حكاية