السلام عليكم
اخواني اخواتي هدا شعر اوصتني صديقه ان انشره لها هنا كي تتاح لكم فرصه قراته والتعليق عليه اتمنى ان يعجبكم

يا بابا

ربي سبحانو خلق وفرق
وقسم لعبادو
منهم الي عطالوا الذريه
ومنهم لي شتاق يشوف ولادو
كاين لي حمد ربي على هاذ النعمه
وحافظ عليها بكل جهدو
وكاين لي هملها وفي عوض ذريتو
قعد يربي في مالو
يا بابا يا لليكنت عزيز عليا
بصح خليت الدموع على خدودي يسيلو
نهار الي رحت وخليتني كي سحقيتك
والغالي بعد الولف صعيب فراقو

حكيت ليل ونهار والله لا
يجعل هادوك اليامات عليا ينعادوخليتلي فراغ في قلبي
ما ظنيت واحد في هدا الدنيا يقدر يعمرو
وكنت نقول وعلاه ؟
واش لي خلاه يروح عليا وانا لي درتو
ظنيتو يحبني صح
ياك انا بنتو
من احمو ودمو
وطرف من كبدتو
بصح اليوم خلاص
نشكرربيونحمدو
لي عطاني يمات وجدة
وخوالات في هدا العالم ما ينصابو
عوضولي فراغك
وفوق هدا الشيء زادو
لمو لفتات ورقعو الي انت كسرتو
واليوم فهمت بلي
العيب فيك وماشي انا مولاتو
انشاء الله ربي يهديك
ويحطك في قلبك شويا من رحمتو
ويفتح لك بصيرتك
هدا الي من ربي نطلبو
انا رايحه نقعد ديما نحبك
ياك نتا بابا وهدا الشي حبيتو ولا كرهتو


مع تحيات سلمى



اتمنى لكم متابعه ممتعه

بارك الله فيك على هذه الكلمات

لكن كلما أريد أن أقوله
إنني أشاطر ما قاله الأخ الكريم من قبل

مهما فعلوا ......... طاعة الوالدين من طاعة الله والرسول ص

ربي يجيب ساعة الخير والله ايفرج كرب المسامين والمسلمات
إن شاء الله

أختي الكريمة .............cupidarrow
فقدت أبي منذ سنة 1998

صدقيني هناك بعض الوقت وين نتوحشه
cupidarrow
الله يرحم اللي مات

ويتبث اللي ابقى

السلام عليكم ورحمة الله وبركاته

اختي سماح
تحية حارة مني اليك والى كل تلاميذتك الشرفاء
لا اظن ان الاخت سلمى متواجدة الان في مدرستك
اظنها الان في مقاعد الامتحانات تجتاز البكالوريا
ان شاء الله يكون النجاح حليفها هي
والخالة عائشة وكل تلاميذتك
اختي سماح
ما نقلتيه لنا لا يمكن تصنيفه في خانة النثر او الشعر او المقالة
ما نقلتيه لنا هو قمة في الابداع كل حرف فيه له ميزته
جمع بين الحزن . الالم . العتاب . اللوم واخيرا الامل والحب.
ما كتبته سلمى هو عينة صغيرة من معاناة فئة محرومة
من احدى الوالدين او كلاهما معا
كم من اب هجر اسرته دون رجعة
وكم من اب مسجون وترك عائلته تصارع مرارة الحياة
اختي سماح
لا ادري ما اقوله سوى رفع يدي الى السماء
طالبا من الله عزوجل ان يحفظ جميع اسر المسلمين
ويرجع كل غريب الى احضان عائلته
وان تعم السعادة والحب كل بيت مسلم
بارك الله فيك
وجزاك كل خير