المشاركة الأصلية كتبت بواسطة salim chinwi (المشاركة 1363321)

السلام على حبابي
بالنسبة لمشكلة سيارتي صبتلها المشكل من عند واحد في سطيف ماكونتش نتوقعها منو الا هو لا بوبين+ ماب
لابوبين كانت تمد نصف قدرتها سيبور سا كانت ديراتي
والماب هو قطعة يعدل بين الكهرباء والهواء بارسكو سيارات ضرك راهم أنجيكسيو ماشي كيما بكري
وبالنسبة لكليو سامبول مانكذبش عليكم نكرها ومانحملهاش ومانشتيهاش اصلا مالقري 1.4
أنا مانشريش موتي بيدي اللي يسوقها غير فلافيل مايحش بيها مي انا نسافر بزاف السامبول إلا فوت 120 كم/سا راك ميت لا محالة وهذا الامر غير ماتناقشنيش فيه أرواح نعتلك مقبرتهم يا محاينك والله العلي العظيم ماهي سيارة والبرهان أن سيارة كليو سامبول ممنوعة من دخول البلدان الأروبية نظرا لعدم توفر السلامة والأمن فيها وشكرا