منتديات الشروق أونلاين - بعد الفراق......رسالة الوداع 2

اقتباس:

المشاركة الأصلية كتبت بواسطة دمعة حزين (المشاركة 1415826)

رسالة الوداع 2

جازو ساعات وانا نفكر و نفكر
وشحال كان صعيب عليا
نكمل نعيش ولا ننتحر
كرهت و مليت من هاذ الدنيا
كيفاش نعيش و نصفي الآخر
توفى وخلالي موتو هدية
كيفاش عليه رايحا نصبر
كيفاش انّحيه من بين عينيا
بقيت نهدر و نهدر
قلت لازم نروح نعزي و ندي والديا
نروح نشوفو بالاك نقدر
نستوعب موتو الّيلة هاذيا
لحقت لدارهم و عقلي مبحّر
و النّاس كامل يشوفو فيا
نبكي ودموعي كانت تعبر
على الحرقة لي كانت بيا
هاذا ساكت وهذا يهدر
واش حكاية هاذ الصبية !
بقى عقلي خايف ومحيّر
وقلبي حطيتو بين يدّييا
نسمع غير كلمة الله اكبر
رايحين يدفنوه هاذ لعشيّا
رايحين يحفرولو لقبر
وأنا واحد ماراهو حاس بيا
حسيت روحي كي ذاك لعافس على لجمر
وحبيت نشوفو يا لوكان شويا
نحاولو لكفن وبدا دمعي يقطر
كيفاش راح ، خلاني وسمح فيا
كان وجهو كي لقمر منور
وهو يودع الدنيا هاديا
رفدوه تم تم وخلاو قلبي يتعصر
خلاوني وحدي نعيش لميزيرية
ماظنيتهومش يكونو بشر
كي بعدو حبيبي ليوم عليا
لوكان دفنوني معاه يدو لآجر
يريحو قلبي ويديرو فيا مزيّة
رجعت لدّار ولي يشوفني عليا يتحسّر
يقول يا حليلها الطفلة هاذيا
وأنا في بالي رايحا ننتاحر
باش نتلاقا معاه فالّخرانيا

بقلم خوجة سعاد رويبة

السلام عليكم و رحمة الله تعالى و بركاته
بسم الله الرحمن الرحيم
أختي سعاد سوف أقوم بالرد و بدون أي نفاق

المرثية التي ألفتيها جد رائعة من ناحية التعبير أو كما يسمونه "المشياخة" (الواد عندك) إلا أن لديك مشكل في الميزان و سقوط واضح و جلي في أغلب الأبيات لكن بكل صراحة و بدون أي مجاملة فحو القصيدة رائع رائع رائع بكل ماتحمله الكلمة من معنى.
و سوف أفيك ببعض ملاحظاتي في القصيدة من غير الميزان

اقتباس:

هاذا ساكت وهذا يهدر
واش حكاية هاذ الصبية !

بالنسبة لي تكون
هذاك أحزين و الصحيح متكدر
و أنا ضعيفة لرهاف آناس أولية " الولية التي أنجبت الأولياء"
***
لا أريد أن أعكر عليك الكثير من الملاحظات لكن قابلي ملاحظاتي بمجرد نقد بناء لشخصية لا تعرفينها و يبقى ردي مجرد رأي
بكل صراحة واصلي فيما أنت عليه لديك حس رهيف و قلم معبر يستحق كل تقدير
كل التحايا لك أختي
أخوك في الله عبد العزيز
مجرد هاوي في الشعر الملحون