منتديات الشروق أونلاين - سلسلة ألغاز جدتي(07)

منتديات الشروق أونلاين (http://montada.echoroukonline.com/index.php)

- منتدى الألغاز والأحاجي (http://montada.echoroukonline.com/forumdisplay.php?f=28)

- - سلسلة ألغاز جدتي(07) (http://montada.echoroukonline.com/showthread.php?t=249784)

رد: سلسلة ألغاز جدتي(07)

اقتباس:

المشاركة الأصلية كتبت بواسطة امر طبيعي (المشاركة 1697876)

واش من رد...؟؟

أنا قلت رحمة الله و بركاته..و نت قلت رحمة الله تعالى و بركاته و الفرق تعالى لأن غير موجودة أصلا في السلام و أنت يمكنك البحث أكثر و التأكد....

و بالنسبة للشخشوخة مرراحش نديرلك الفوطو نتاعها باه ماتسخفيش.....و لكن نوعد إذا جيتي هنا بطبق شخشوخة.....

الشاوية حرار....و رجال و عندهم كلمة و يكفينا شرفا أن الإحتلال الفرنسي لم يترك عندنا و لا أثر و لا بيت و لا طريق من عندها كل شيء نتاعنا و هذا دليل على أننا ماكناش نسمحولو يتمركز عندنا لأن المنطقة كانت كلها حروب و أنا من منطقة أولاد رشاش أي أبناء الرشاش و أبناء الرشاش هم الرصاص و لقبنا هكذا لكثرة الرصاصات التي تنتلق من عندنا.... و ببالتحديد من عرش آيث الحادج.....:4::4::4::4::4:

آسفة
أعتذر حسبتها ورحمة الله لي مانقولوهاش :2:
بارك الله فيك

شكرا على العرضة
خنشلة عدة مرات جيناها (حمام الصالحين) بصح مانعرفهاش مليح

نعم الناس وأحرار صح
ويقولو كلمتهم كي البارود إلا خرجت ماتوليش

راني غير نقصر لمليح ولحاير تلقاه في كل بلاصة
متشرفين أخي وحنا كامل جزايين ماتفرقناش الألقاب

رد: سلسلة ألغاز جدتي(07)

اقتباس:

المشاركة الأصلية كتبت بواسطة امينة متفائلة (المشاركة 1697879)

ولو يا أخيتي فهذا هو الأصل....

نحكيلك حكاية على كلمتهم رصاص إذا خرجت متوليش

وهذي صرات في عرشنا بكري كان واحد يعس فواحد لبلاصة خالية و يكثرو فيها السرارقة و قال لماليه....بعد التسعة مانحب حتى واحد يجيني و إلا مصيرو الموت....و تفاهم مع ولد ختو ديما يجيبلو العشا قبل التسة و فيوم من الأيام جابلو الماكلة و قصر معاه شوي...و من باعد قالو راني رايح و راح و من بعد بعد بزاف تفكر بالي التيليفون نتاعو نساه.....مالا رجع....بعد التسعة شوفو خالي و لكن معرفوش راح تخبالو فواحد الشوكة و خروج عليه من الوراء و حطلو لكلاش السلاح فوق راسو هذاك قالو لالا أخالي راني أنا ولد ختك واش قالو (و هي من أغرب القصص الي صرات عندنا)....قالو لا خالي لا والو الحادجي فات قرص على الزناد مابقاش قالهالو بالشاوية...و عطاه:4:....

لا علينا...مرحبا بك لمرات عدة و ننصحك مرة الجاية كي تجيو روحو التبردقة هي بلاصة ساحرة يجيولها من كل الدول العالمية.....و ننصحك كبديل عن حمام الصالحين المعروف ننصحك بحمام لكنيف إذا مارحتولوش

رد: سلسلة ألغاز جدتي(07)

اقتباس:

المشاركة الأصلية كتبت بواسطة امر طبيعي (المشاركة 1697895)

قتلو صح؟
ماكدبوش عليكم :11:

بيك يسلمك
فالحقيقة عندنا بزاف ماجيناش عليها نسيت عليها ومعروفة بزاف بالحمامات
مؤخرا سمعت قالولي على بلاصة رايعة وجاية عالية ماشي هادي هي التبردقة
تشرفني الزيارة
أنا من مشجعي السياحة المحلية ونموت على التحواس امنيتي نزور الجزاير بلاصة بلاصة عيب علينا نحوسو على تونس والخارج وبلادنا منعرفوهاش

المهم سعدت بالجولة القصيرة في خنشلة
مادبيا تحطنا صور للمناطق تاعها خاصة التبردقة شوقتني

بارك الله فيك أخي.

Re: سلسلة ألغاز جدتي(07)