|
رد: كوكبة من فحول الملحون الجزائري
عبد العزيز الوزاني
اليوم مع القسم الاول يا رب العباد كمل قصدي نمـشـي نحـج و نطـوف نـزور النـبـي و الـبـيت و عـرفـا يــا واســع المـخــازن فـضـلـك شـــلا نـصـيـــف حرمي دخيل بالكـعـبـة و الهـادي يا المولـى قـوي زادي و لا تشفي فيا عادي أصلح فســادي يـتـفـجـى نـكـادي حاشـى يـخـيب مــن قــصــدك يــا جـــواد يا من شانه قوي و جـاهه موصوف بـلــغ مـنـيــتـــــي للـمـــروى و الـصـــفـــــا أنـــت العـظـيــم جــل و أنــا العـبـد الـضـعـيـــف حولي وقـوتي وأحكـام أمري بك ما لك في ملكك شريك يا الخلاق رجايا فيك هربت إليــك فــي هــدي و هديك تكلـــي عـلـيـــك تـوفـــي لــــي ذا الــمـــراد لا تحرمنـي حـتـى نمـتـع الشوف فــي مــقـــام سـيــــد الـثـقـلـيـن الـمـصـطفى بــوجــود نـيـتــــي رايـــد يـــا نـعــم اللـطـيـــــف نقضي فرايـضـي بالعزم و نحرم في الجبل نطوف و نـرجـم بجمار إبليس الظالم شرط لازم و نذوق طـيـب زمزم و نقبـــل الـحـجــر مـــــن قــرحـــة لـكـبـاد نغنم الحج مـع الطـواف و وقوف و نزيـد للـبـقـيـــع نـــــــزور الـخــــــلافـــا حـبـــه سـرى فـي قلبـي وخـطـف عقلـي خطيـف المصطفى شبـيـه الـبـدر السانــي وسيلتي وحجاب ايماني لذ لي ذكرهفي لساني ضي أعياني بـمـحـبـتــه سـبانــي و حـــرم الـمـنـــــام جـفــــل مــــن الاثـمــاد و ضميري من شوق الحبيب مرجوف فــي نـهـــار نـوصـلــه نـرتــاح و نـتـعافــى يـــا ربـنـــا سـألـتـــك بـالـقــــران الـشـــريـــــف والأنبياء و الرسـل و الربـع كتب يا اللي ما تخفاك غيوب غيتني و ارزق لي مركوب حر مأدوب و يكون زادي مكسـوب مهــري ســريـــع يـــدرج كـمـــا الـفــرفـاد به نشـق بـلاد الخـلاء مع الخوف بـه نـعـبـــر الطـريــق مـسـافــة بـمـسـافـــة فـنــــى و رق حـالــي و انـحــل كـمــا الـرهـيــف البعد كـادنــي حـبــه يــــا فـهـمــا غلب الناطق و البكمة و طلوع الأرض الحرمة شفيع الأمــة جانـي صـعـيب شما و بقى فــي كــل حـيـن غـرامــــي يــــزداد و دموعـي كالامزان تسيل و تحوف ساعـة نـهـيــــج فـيـهـــا سـاعــــة نـتـعـافى لو صبت كل عام ربيع و شتوة و صيف و خريف نقدم على ظهر بلي نضحى هجيم * رافد الشوق بأمر عظيم و الراكب ساير في حسن تنظيم نسيـر و نـقـيـــم و لا نرافق هميم رجــال صايـلـــة بـخــيـــــــول و الـعـتـــاد و قـطـايـفها هـذا لـذاك مــردوف و الـبـل سـاحـبـــــة و الـمـشـيـــة كــلافـــة |
رد: كوكبة من فحول الملحون الجزائري
شكرا لنقلك هذا النسج الرائع..
|
رد: كوكبة من فحول الملحون الجزائري
اقتباس:
بارك الله فيك أخي http://akhawat.islamway.net/forum/up...1184420750.gifأسعدني مرورك |
رد: كوكبة من فحول الملحون الجزائري
اتمنى ان لا تنسى عائلة حرز الله من بسكرة من اجمل واروع الشعراء في الملحون وانا من المعجبين مند زمن يهذه الفئة الرائعة جزائرنا لا زالت بخير مازال فيها كبار يقدرو يوصلوها ما ارروع ما خطيت اخي استمتعت بالتجول هنا
|
رد: كوكبة من فحول الملحون الجزائري
اقتباس:
بارك الله فيك أختي الكريمة لكن الذي يعرف رواد في منطقته فنتمنى أن نتذوق من هذا الفن الرائع أنتظر مجهود كل الأعضاء بدون استثناء بارك الله فيك و جزاك الله الجنة |
رد: كوكبة من فحول الملحون الجزائري
اقتباس:
البيت الحمراء … شعر حرزالله عبد الواحد بسكرة ..................لاَنَنْسَى عَادَاتْنَا يَا ذَالْحُضْرا ……….وْنَحْكي على التَاريخْ نُضْرُبْ تجْوَالة قَلْبي فَرْفَرْ شَاقْ للْبَيتْ الْحَمْرا ……….بالْمُقْرَة حَنَّاتْ طَابَعْ لَعْمَالة ارْجَالْ ابْمِيعَادْ شَيّاخَة حُضْرا ……….وْعُقبْ اللَّيلْ اتْبَاتْ تَمْدَحْ جَلْجَالة أزْرَابَة وَافْرَاشْ وَالرَقْمَة حُرا ……….وْزَخْرَافَة بَالْوَانْ تَعْطِي دَلاَلَة أشْكَالْ وْرُسُومْ تُرْمُزْ للصَحْرَا ……….تَحْكِي عَنْ اسْنِينْ فَاتَتْ طَـوّالَة اسْنَيّاتْ امْزَوْقَة تَجْلَبْ نَظْرَا ……….وَالْقَهْوَة والتّايْ منْهَا سَيّالَة الشَكْوَة بَرْبَاطْ فُوقْ الْحَمّارَا ……….بَالْعَفْصْ وْ عَرْعَارْ ريحَة فَعّالَة فَوّاحَة ابْجَرْتِيلْ وَ الدَبْقَة عَطْرا ……….اشْرُبْ يَا مَعْلُولْ لَبنْ الْمَوّالَة سَلكْ امْرَارَة فِيهْ للسَاقَمْ يَبْرَا ……….مْنَ النَعْجَة فَالْبَرْ تَرْعَى جَوّالَة وَاقْدَاحَاتْ الْبَانْ تَحْضَرْ فَالْمَرَا ……….غَرسْ وْ دَقْلَةْ نُورْ لَينَا بَجّالَة المْلّة فَالْكَانُونْ طَابَتْ بَالجَمْرَا ……….حَرْشَايَة وَاحْلِيبْ لَيهَا وَكّالَة جَبنْ ابْقَفْصْ ابْيَاضْ نعْتُو جُمّارَا ……….طَبِيعِي فُرْمَاجْ مَنْ صُنعْ الْخَالَة وَالْقَرْبَة بَامْيَاهْ سَالَتْ شَرْشَارَا ……….بَنّتْ مَسكْ اتْزِيدْ تَعْطِي مَثْقَالَة جَلْبَتْلِي لَنْظَارْ رَكْبِيَا شَقْرا ……….وَرْيَاهَة للْخَيرْ دِيمَة صَهّالَة الرَقْبَة بَسْبِيبْ بيها نَعّارَا ……….مَسْرُوجَة للْقَومْ عَنْهَا عَوّالَة مَنْ لحْيَالْ الْهِيهْ تَلْقَى جَرْجَارَا ……….ابْنَقْرَاتْ الْخَلْخَالْ تَقْضِي جَيَالَة الضَيفْ الْكَرِيمْ ليهَا بَبْشَارَا ……….بَالرَفْسَة وَادْهَانْ مَاهِي طَوّالَة كَرّامَة للضَّيفْ ذِيكْ الْمَسْرَارَا ……….اطْعَامْ الْكُسْكُسْ ليهْ دِيمَة فَتّالَة صِفَتْهَا غَزَالْ تَسْلَبْ بَالنَظْرَا ……….مَا يَامَنْ صِيّادْ جَاوهْ خَتّالَة الْعَينِينْ السُودْ خُمْرِيَة سَمْرَا ……….وَاحْوَاجَبْ عَالْعينْ دَارُو هَلاّلَة فُوقْ اكْتَافْ اشْعُورْ رَابَتْ مَظْفُورَا ……….كَمّوسَة بَالطِّيبْ للنّيفْ اقْبَالَة الْبَاسْ الْحَشْمَة زَادْ فَالْهمّة كُبْرَا ……….,وْ بَالشَعرْ الملْحُونْ عَنْهَا قَوّالَة امْلاَحَفْ الْوَانْ بَانُو سَحّارَا ……….واحْزَامْ البَثْرُورْ سَلْكُو يَتْلاَلَة تَكْلِيلَة وْ مَسْلُوتْ في وَذنْ الْبَتْرا ……….خُرصْ القَصّة وَ الْعِوَاشَقْ شَعّالَة الشّدْ وَالشَنْبِيرْ وَالْقَشْطَة صُرَا ……….والْخُمْري مَنْسُوجْ بالدّقْ أُخْلاَلَة الْمَدْوَرْ لمّاعْ وَ الْحَولي سُتْرا ……….وامْشبّكْ وَسْـوَارْ فَضّة وْ خَلاّلَة أجْحَافْ اعْلى الْبَلْ فَاتَتْ سَيّارَا ……….وْمرْحُولْ الْخَودَاتْ فيهُمْ سَوّالَة الْجَحْفَة مَوْجَاتْ مَاحَتْ بَالْعَطْرَا ……….اتبّـعْ في خَطْوَاتْ لحْجَلْ عَدّالَة وَارْجَالْ الْبَارُودْ بالْبَاسْ الْفُخْرَا ……….غَي فُرْسَانْ اطْيُورْ حَامُو مَيّالَة مَنْ رَاسْ الْمَشْوَارْ دَارُو غَبّارَا ……….اهْرُبْ يَا عَلاّلْ جَاوْ الْخَيّالَة الْعَرْبي وَ الْقَابْسِي مَاهُمْ عُرَا ……….دُخّانْ اكْحَلْ غَيمْ دَايَرْ ظُلاّلَة ازْغاريتْ الْحَانْ للضّايمْ يَبْرَا ………تَمْسَحْ كُلْ اقْلُوبْ وَاتْنَحْ ازْلاَلَة احْني وْضَايَاتْ غَابَة بَالسَدْرَا ……….وَاشْعَابْ وْ خُلْجَانْ وَدْيَانُو حَالَة البُطْمَة بَاظْلاَلْ بَانَتْ شَوَارَا ……….مَقْصَدْنَا فَالْحَرْ فِيهَا قَيَّالَة اللّكْ وْ زَبُّوجْ فَالْوَادْ أُعْمَارَا ……….وَ الزّاوَشْ وَزْوَازْ دَايَرْ حَلْحَالَة أُعْقُبّة وَ اطْيُورْ سَكْنُو وَكّارَا ……….عَنْ لَرْنَبْ وَ احْبَارْ عَاشُو مَدْلاَلَة وْلاَتَامَنْ حَجْلاَتْ طَارُو صَفّارَا ……….والثَبَّتْ فَالسَيرْ وَ أقْرَا الْبَسْمَالَة الثَعْلَبْ وَالذِيبْ طَبعْ الْمَكّارَا ……….صَيّادَة فَالْبَرْ يمْشُو دَهْكَالَة الْقَوبَعْ وَ التَرشْ مَنّكْ فَرْفَارَا ……….وْ مُسَيْسِي وَالدُخْ طَارُو مَذْلاَلَة اصْرنْدِي وَ الصَوّاقْ مَاهُمشْ احْيَارَا ……….واللَّهَايَاتْ أُرْكَاكْ لُحتْ الدَرْبَالَة والْجَرْبُوعْ أمْعَا الجرْدَة في زَغْرَا ……….مِيرَاقَة وَاعْفَارْ دَارُو شَغْلاَلَة والقنْفُودْ امْعَا الزِوَاقَدْ في سَهْرَا ……….وَالْوَرْنَة وَالضّبْ ديمة صَوّالَة امْعَاذَرْ وَامْرُوجْ شَعّاعَـة خَضْرَا ……….مخْرُوفَة وَ ارْبِيعْ جَادَتْ غَسّالَة الْخَدّة وَالرُقّيمْ تَفْلى دَرْدَارَا ……….حُمّيضْ وْ خُبيزْ للْمَة كَمّالَة مَرِّيوتْ وَ الْخَافُورْ وَ الْفَيجَلْ تَارَا ……….تَالْمَة وَالتَرْثُوثْ مَانَا قَدّالَة الْعَجْرَمْ وَ اقْدَادْ وَارْمَاثْ وْ شَجْرَا ……….كُمّيشْ وْ لَوّايْ خَبّلْ تخْبَالَة وَالْقِيزْ ابْعَسْـلُوجْ دَارْ النُوَارَا ……….خَيّاطَة وَ اشْنَافْ نَجمْ وْ خُرْطَالَة الْحَلْفَة بَالدَقْمُوسْ دَارَتْ جُمّارَا ……….وَالْبَاقَلْ بَاكْدَاهْ خُوذْ الْحَمّالَة الْجَوْبَرْ وَالتَرْفَاسْ مَطْيَبْهَا صُفْرَا ……….سُبْحَانْ الله خَالْقُو ذُو الْجَلاَلَة اللِّي قَالْ الأبْيَاتْ جَاتُو ذَالفَكْرَا ……….مَنْ صُغْرُو شَفّايْ عَرْشُـو رَحّالَة يَنْضَحْ بَاللِّي فِيهْ بَاشْعَارُو يَقْرَا ……….متْفَكّرْ لَرْصَامْ مَنهُمْ في حَالَة عَايَشْ في خَيَالْ مَطْيَبْهَا عَشْرَا ……….وْ مَتْفَكّرْ مِيعَادْ ذُوكْ الرَجّالَة ابْقَاوْ اعْلى خَيرْ رَاجَعْ للدَشْرَا ……….الْبَاطِيمَة عَلاّتْ دَارَتْ خِيّالَة ادْرُوجْ وْ كَرْلاَجْ تَطْلَعْ دَوَّارَا ……….وْ فَالثَاني إيطَاجْ بَانَتْ طَلاّلَة اثْمَنْيَا وَاتْلاثينْ رَقْمِي يَا حُضْرَا ……….وْ مَكْتُوبَة في الْبَابْ لَيكُمْ دَلاّلَة مَرْحَبَا بَضْيُوفْ ليّا زِيّارَا ……….وَحِيدْ وْ لَولاَدْ بِيكُمْ وَهّالَة |
رد: كوكبة من فحول الملحون الجزائري
قصيدة للشاعر البسكري عبدالواحد حرزالله
أجْفَانِي مَحْبُوبْ عَني رَاحْ وْصَدْ ... خَلّى وَكْرْ أحْزينْ لَيا وَأشْبَاحُو سَافَرْ دُونْ أودَاعْ وَابْقَيتْ امْقَيدْ ... ولْفِي رَاحْ وْ غَابْ مَشْيَنْ تَسْرَاحُو خَلّـَى نَـارْ الشـوقْ فِيهَـا نَتْمَرْمَدْ ... مزّيلف مهْموم قَلْبي و اجْرَاحُو كِي نَتْفَكرْ طَيْفْهَا قَلْبِي يَشَّدْ ... صَهْدُونِي لَيَّامْ عَنِي وَاكْسَاحُووْ خرَّفْ شَجْرِي طَاحْ وَرْقُو وَاسوهَدْ ... لَعْبَتْ بِيهْ أرْيَاحْ بَسْفَايَكْ لاَحُو كَـدَّرْ عَنِي أسْحَابْ بَاغْيَامُـو سَوَّدْ... وَالْجَوْ اللِي كَانْ وَدَّعْ بَاكْلاَحُـو بَاقِي وَحْدِي مَا الْقَيتْ أمْنَينْ أنْصُدْ ... فِي قَفْرَه وَ وْحُوشْ بَرْ وْ صُلاَّحُو أنْعَيَّطْ وَ أدْيُـورْ تَـلْقَى وَ أتْعَاوَدْ ... وَالشَاعَرْ مَسْكِينْ كَثَّرْ تَبْرَاحُو لاَ مَنْ شَفُّـو حَالْ حَـالِي يَجَنَّدْ ...مُـولَه نَدْهَه أرْزِينْ يَاتِي بَاسْلاَحُو أنْبَيزْ بَاطْيُورْ زَينَا وَ أنْحَشَّدْ ... وَالصَدَى عَكَايْ صَمَّطْ بَامْزَاحُو لاَلِي فَرخْ أحْمَامْ فَالطَّيرَه يَسْعَدْ ... و الا هُدْهُدْ زَينْ مَرْقُومْ اجْنَاحُو يعْزَمْلِي وِيطِيرْ لَيهَا فَالْمَرْقَدْ ... وْ يَاتِينِي بَاخْبَارْ قَلْبِي وَافْرَاحُو سَيَدْنَا سْليمَانْ طَيرُو مَتْوَجَّدْ ... مَكْتَشَفْ بَالْقِيسْ سَكَّتْ ذَبَّاحُو طِيرْ مْعَى لَطْيَارْ وَاصْفَالِي مَسْعَدْ ... لَلْجَلْفَه لَغْوَاطْ سَالْ اللّي رَاحُو الْوَسَّارَه وَ عْبَادْهَا لاَشْ أتْبَعدْ ... وْ دَوَّرْ يَا تَبِيبْ لَجْبَالْ أقْبَاحُو الْقَعْدَه وَاكْحَيلْ وَأسْحَابُو لَبَدْ .... أمْطَارْ وْ رُعُودْ بَرَّقْ تَقْدَاحُو أحْذَرْ مَنْ طُيُورْ قَنَّاصَه تَرْصُدْ ... أعْقُبَه وَ الْبَازْ دَامِي تَشْرَاحُو عَينْ الرِّيشْ وْ زِيدْ حَشَّادْ وْ حَشَّدْ ... ألْشَرَّابْ الْوِدَانْ صَبَّحْ بَصْبَاحُو عَينْ الْمَلحْ وْ فُوتْ للدَشْرَه هَوَّدْ .... جَبلْ أمْسَاعَدْ شُقْ شَجْرُو وَاطْرَاحُو |
رد: كوكبة من فحول الملحون الجزائري
جزاكم الله خيرا
|
رد: كوكبة من فحول الملحون الجزائري
جزانا و جزاكم الله كل خير
|
| الساعة الآن 01:28 PM. |
Powered by vBulletin
قوانين المنتدى