|
رد: يوميات أعضاء منتديات الشروق ...
السلام عليكم جزى الله خيرااا كل من مرّ من هنااااا و سرد لنا يوميات الثلج و باقي اليومااات لاحظت بعض الملاحظاات ان شاء الله نقدر نرجع ليهم واحدة واحدة غدا ان شا الله مذكرتي ستكون بعنواان الاستقلال عن سونالغااز يوميتي لنهار اليوم ميزها شيئ هذ الايام سلبتنا الكهرباااء صارت تنقطع كل مساء لمدة ساعتين تقريبااا و في وسط النهار كل دقيقة تنقطع ... اليوما كي فطنت لاحظت الكهرباااء الي كانت تجي و تروح كل دقيقة قريب تحرقو اجهزتنا ..عيطتلي اختي و قالت انه بمكان سكانها الثلج راه كي القطن ...علما انها تسكن قريبة من تيزي وزو ..كما ان زميلتي في العمل اعلموها ان الثلج سيسد الطريق اين تسكن هي و فعلا بدا ثلج رقيق يصب و الجو متقلب و السحب السوداااء و البرد..... كنت في العمل و الكل بقي يتحدث عن تقلباات الطقس و المالون و احتمال سقوط الثلج مثل المرة السابقة و ما ينتج عنه من ازماات خاصة انقطاع الكهرباااء ...بالصدفة حدثني شخص عن شرائه لـ groupe electrogene أعجبتني الفكرة كنت اتصور ثمنه بااهض جداا من قبل لهذااا لم افكر قبلااا...المهم بسرعة طرحتها على أخي و اسرتي طبعا في الهاتف ...و اتفقنا و ذهب اخي و اشترى مجمع كهربااائي .. هذ المساااء تشوقنا لتجريب المولد لكن الكهرباء دارت الزكارة و ماحبتش تنقطع ..في العادة ترمش شوية برك تروح النت لكن اليوماااا بقيت صامدة ...موالفة 6 تنقطع اليومااا 8 و بقات شاادة و أخيراااا بعد صلاة العشاء انقطعت من جهة فرحناااا لاننا فقط تشوقناااا لتجريبه فاسرع اخي واشعل المولد....كامل فرحنا و كأننا حققنا انتصااار .و حمدنا الله على فضله ... لكن في نفس الوقت تذكرنا جيراننا و سكان الحي و من هم معزولون على العالم و ليس لهم كهرباااء ربي يجبر بخاطرهم ان شاء الله أدعوا الله لهم بالفرج..و ربي يقدر كل مومن على تحقيق الافضل .. كان يوم شبيه بالاستقلاال فسبحاان الله ما اجمل الحرية و ما اجمل الامااان العاقبة لكم ان شاء الله تحية للجميع و ليلة سعيدة لكم السلام عليكم :13: |
رد: يوميات أعضاء منتديات الشروق ...
اقتباس:
شريرة هادي كاااامل وما عردتينيش؟؟:2: كون جيت ودخلت مع تاع أقل من خمس سنين :14: |
رد: يوميات أعضاء منتديات الشروق ...
في الأسبوعين الأخيرين أصبحت يومياتي و مع التساقط الكثيف للثلوج تقريبا متشابهة من المنزل إلى العمل إن استطعت الخروج . فاليوم مثلا كان مجمل ما قضيته في العمل لا يزيد عن الساعة أو الساعة و نصف فقط و البقية في التحدث إلى زميلاتي اللواتي استطعن الحضور للعمل ليس كسلا منا و لكن لغياب المواطنين الراجع لانقطاع الطرقات و البرد الشديد الشيء الذي يجعلهم يعزفون عن الخروج إلا لقضاء الضروربات الملحة فقط ....
|
رد: يوميات أعضاء منتديات الشروق ...
اقتباس:
:10: آسفة عندك تكوني فكرتي عرضة الجزائر افراد المنزل فقط وراكي علبالك حنا قداه الله يبارك خلاص المولد الجاي نعرض اختي ونعشيها ونحنيلها ونعطيها تلعب بالنجوم:8: :1: بصح علاه الالة مع تاع خمس سنين :3:غير وجدي روحك للمولد الجاي المسابقة سبيسيال على جالك :20: تحياتي ايمانو واش راح الزعاف :18: |
رد: يوميات أعضاء منتديات الشروق ...
السلام عليكم اليوم كان يومًا مملاًّ لكن ميّزته السهرة الممتعة لختم أسبوع الدعوة الى الاسلام بالجامعة.. فقد استضفنا "نابوليون" الذي كان معنّي راب أمريكيّ شهير لكن بفضل الله تعالى تغيّر مسار حياته بعد اعتناقه للاسلام .. كانت ساعة دعوية ممتعة جدًا و الحمد لله .. تمنّيت لو كانت أطول فماشاء الله تبارك الله .. كلامه الذي يدعوا الى اتباع القرآن و السنة لا يُمل أبدًا.. يجعلنا نخجل من أنفسنا .. نحن الذين وُلدنا مسلمين .. أضع هنا فيديو لمن يريد أن يستمع الى قصة اسلامه .. (ملاحظة: الفيديو لا يحتوي على موسيقى فقط أصوات) |
رد: يوميات أعضاء منتديات الشروق ...
http://dc16.arabsh.com/i/03669/kebwqqfkfw8b.gif
السلام عليكم للوش نقولك حاجة و ما تتخلعيش لاووووول مرة منذ سنوات الضياع لم ينقطع عنا التيار الكهربائي حتى و الثلج يتساقط الكل مندددددهش تعرفي من الفرحة الناس خرجو في الليل يتصورا في الثلج تعرفي ما رمشتش والوووووووو غرييييييييييييبة موالفة ما نحكيلكش بصح هاذ المرة تقول رانا في نيويورك خمسة في عينيكhttp://www.hawaaworld.com/sites/defa...gif?1263454215 اشحال اشريتو القروبhttp://www.hawaaworld.com/sites/defa...gif?1263454189 |
رد: يوميات أعضاء منتديات الشروق ...
اقتباس:
علاااابالي ،، الله يباارك ويزيد ،، هههههه ،، إيه إيه راحلي الزعاف ،،:8: تعشيني و تحنيلي وتمديلي نلعب بالنجوم :14:، كفاه ما يروحليش الزعاف ،،:10: أنا ندخل مع تاع خمس سنين ، خاطر نلقى روحي معاهم ألاااااااز ،،:10: خلاص راني عولت لمولد لجاي نجوزو عندكم ،،:1: وعلااااابالي تتهلاي فيا ،،:12: |
رد: يوميات أعضاء منتديات الشروق ...
اقتباس:
و عليكم السلام و رحمة الله و بركااته ماشاء الله ....كم احب مثل هكذاا مناسبااات و لمّااات ربي يثبتنا و يثبتو ان شاء الله تعرفي مريم حديثي الدخول في الاسلاام يطبقون الاسلام بشكل احسن منا نحن المسلمين ...و الله عاد يغيروني ربي يجمعنا و ايااهم في الجنة ان شاء الله |
رد: يوميات أعضاء منتديات الشروق ...
اقتباس:
ربي يوفقك في عملك نوّاااار تعرفين لن أحلم بسقوط الثلج بعد هذا العاااام اللهم إلا إذا دارو التاويـــل .....إن شاء الله ذاب هذ اليامات ؟؟؟ امشي بحذر و إحتاطي من السقوووط ... |
رد: يوميات أعضاء منتديات الشروق ...
اقتباس:
كيفاااه ذاك الثلج كاامل و ماراحتش التريسيتي :19: أواااه ...واقيلا بدات الثورة الصناعية تاع الدزاير من عندكم :5: ما تفكرينيش في التريسيتي عندنااااا...كانت خادمة فينا التيــر من هار شرينا القروب مازادتش راحت تقول خرجت فينا العين http://www.frashat.com/vb/images/smilies/face2.gif و السر في الحكاية تاع الإنقطااع ...انو بلارج (اللقلق) كان بنى عشو فوق البوطو تاع التريسيتي عش الله يبارك اول امس جات البلدية سيبيسالمو عليه و خسراتولو المسكين كي جا لعشية تلفولو الخيوط و رجع منكوب .. و الله غير غاضني ...ايلا كشما عندك كاش شومبراااا فيد ..تسلفيهالو يامات قسما يبنيه من جديد خاتش راه مصر على المكااان ... شرينااه 19 ايلا حبيتي نبيعوهلك خاتش خلاص مازيدوش نحتااجوه نديرولك لارونجمو قسما شعلناه زوج سويعاات واش تقولي ؟؟؟ |
| الساعة الآن 06:48 AM. |
Powered by vBulletin
قوانين المنتدى