صحيح معروفة عندهم هذا الديفو

لا عمّك ماشي محتاجها

صحيح معروفة عندهم هذا الديفو
و لكن كي جيت هنا و عشت هذو 11 سنة عرفت بلّي هنا ما كانش يا مّى إرحميني تلقاهم يحسبوا بالفرنكو يزيروا السنتورة باش ما يسيزيوهمش و لاّ ما خلصوش الكراو الباقي
الحياة هنا صعيبة
رغم هذا ما قدرتش نتأقلم معاهم
عندي صحبتي بلجيكية مسلمة عندها بنتين كانوا يقراوا قدّامي ألور على منتصف النّهار يجوا يتغدّاو عندي
رغم أنّ جدّاتهم الأقرب
من بعد فهمت كي يروحوا عندها يدوا معاهم ليتارتين يعني واش ياكله:eek:
و مرّة صحبتي وحد أخرى جزائريّة عرضوها البلجكيين بيانسور كي يعرضك واحد تفرح
راحوا المطعم و كلّ واحد واش خيّر
كي لحق وقت لخلاص تصدمت كي شافت كلّ واحد يخلّص على روحه
و هي حشمت ما كانش معاها دراهم :D
دارت سبّة نسات البورتفاي خلصوا عليها و رجعتهولهم من بعد :D
ياا ربّي يسترني و ما نولّيش كما هما:eek: