|
رد: هل يفرض على الزوجة خدمة والدي زوجها ؟
كأني بالاخ سليم انزعج من كلامي ...
. . اولا كلامي ليس موجها لك و لا لخطيبتك و لا حتى لصاحبة الموضوع اماني بل هو كلام عام لكل من يقرأ الموضوع اعضاء و زوار ... و حين اريد توجيه كلام لشخص معين راح نعمل اقتباس ... . . ثانيا عدم الاحسان لا يعني بالضرورة الاساءة فكف الاذى من الاحسان ... . . ثالثا موضوع مثل هذا يعالج بواقعية بعيدا عن المثالية فكلنا يمكننا تصوير انفسنا ملائكة ... و هذا ما جعل وجود صدع كبير بين العالمين و الواقع و الافتراضي ... ففي الافتراضي الكل مثالي مؤمن خاشع قانع صادق عاقل متأمل ... انت تتلفت للواقع تصيب الاشرار دايرين حالة ... . . رابعا فلنتحدث بضمير الغائب فانه اكثر مصداقية من المتكلم ... . . خامسا مشكلتنا اننا اصبحنا نعمل حساب للعيب اكثر من الحرام ... . . . . سادسا من شاء ان يستمع القصص فانا هنا ... . . . نبدأ بقصص الالف كنة و كنة ... . . رأيت من الكنات من تسيئ الى بيت حماها من اصغر مخلوق في العائلة الى اكبره بل منهن من تصل الى الشيخ في حد ذاته ... رأيت من الكنات من لا يهمها سوى الاهتمام بنفسها شعرها مكياجها ملابسها و ذهبها و تاركة شغل البيت على حماتها او اخوات زوجها ... رأيت من الكنات تعيش بين غرفتها و المطبخ يعني تاكل و تشرب و تروح تريّح يصدق عليها قول الشاعر "راقدة و تمونجي و على العام كونجي" ... رأيت من الكنات من تمشي بمثل ضربني و بكى و سبقني و اشتكى ... يالها من كنة جمرة لكن هل تلام وحدها ؟؟ و الصنم اللي معاها قصدي راجلها ما محله من الاعراب هيا اسمعوا شفت بعيني ما حدش قالي راجل يدخل بكيس مملوء حلويات و شكولاتة و حلوة الترك و يمر امام امه و احواته و يعرّض في كتافه ...و يقيس العلب فارغة موتوا بالقنطة هي بنت بابا و ماما ... شفت بعيني ماحدش قالي راجل لما تقولوا امه اديني للطبيب يقول مانيش لاهي و ثم ثم يهز مرته تروح للكوافير و لا تنحي على خاطرها ... شفت بعيني ما حدش قالي راجل تطلب امه دراهم يقول راني مزلوط ... و يروح فريرة للبيجوتري يشري الخاتم لملكة الحسن و الجمال ... شفت بعيني راجل ما يخليش مرتو تدخل للكوزينة على خاطر ظفارها يتكسروا ... و شفت و شفت و شفت ... و الصنم هذا يا اما خلعاته بالزين ... يا اما خلعاته بنت باباها و ماماها يا اما خلعاته بالرجلة تاعها يا اما قطعتلوا في حبة هندي عند ولاد خيرة .... . . ================ . . قصص الالف حماة و حماة .. . . شفت حماة تخلي بناتها على حدها و الكنة سارفيس دوتال ... جيبي حطي ديري هاتي .... شفت حماة تخرج هي و بناتها و يخلوا الكنة وحدها كيفها كيف الفاز في الدار ... لالا الفاز خير منها فيه الورد ... شفت بعيني حماة و بناتها يعلقوا على الكنة و موضوعها في كل محضر يحضر ... شفت بعيني حماة تحرش ابنها على زوجها ما تخليهاش تروح لفلانة و ما تخليهاش تعمل كذا ... شفت بعيني حماة وصلت ضربت كنتها و مشات على ضربني و بكى و سبقني و اشتكى ... شفت بعيني حماة تدخل في خصوصيات كنتها في كل صغيرة و كبيرة ... و شفت حماة ثان تقطع لابنها و كنتها عند ولاد خيرة و ياما كناين تطلقوا كان السبب الرئيسي هي الحماة او اهل الزوج عموما فحتى اخوات الزوج يديروا الويل في الكنة ... . . =========== . . قصة الالف نسيب و نسيب ... . . شفت بعيني رجال يخلوا اهلهم و يسكنوا عند نسابهم في الضيق و الطرطيق ... شفت بعيني رجال مر على اهلوا و عسل عند نسابوا .... شفت بعيني رجال اهلوا يروحوا يباركولوا على ابناءه في بيت نسابه ... شفت بعيني رجال عند نسابهم هو الامر الناهي ... . . في المقابل .. . . شفت بعيني رجال يزوروا نسابهم غير في المناسبات ... شفت بعيني رجال تقولو مرتو اديني لدارنا يقولها عيطي لخوك يجي يديك ... و اذا تفضل يحكملها طاكسي و يقولها ديراكت لداركم ... و اذا تكرّم يوصلها باب دارهم ... و اذا ولى الخير يدفق منوا دخل للصالو و خرج ... شفت بعيني رجال يمنعوا الزوجة من زيارة اهلها او حتى هم ما يزوروهاش الا باذنه ... شفت بعيني رجال يحسب الماكلة على نسابه ... و شفت و شفت و شفت ... . . . . شفت بزاف و سمعت بزاف و اللي ما شافش ما ينكرش و اللي ذكرته قليل جدا ... . . . الان علينا البحث عن الحلول و ليس انكار ما اقول بدعوى انها افكار سامة و دخيلة ... . . . لو نلاحظوا اغلب المشاكل سببها الرئيسي هو الزوج ... فالزوج الذي لا يحترم اهله زوجته لن تحترمهم ... و الزوج الذي لا يحترم زوجته اهله يفعسوا عليها ... و الزوج اللي ما يديرش روحوا راجل يولي خاتم في يد نسابه ... و الزوج العاقل هو من يمشي بعقلية لا افراط و لا تفريط ... . . . كي تشري الاشياء لزوجتك اجعل نصيب لاهلك و ضع كلها في كيس مستقل ... اهلك يحسوا بالاهتمام و المساواة و زوجتك تحس بالاستقلالية ... كي تخرج مع زوجتك دير نهار لامك و اخواتاتك و نهار لزوجتك ... لما يكون عندك خواتات في الدار علمهم و علم مرتك ان شغل البيت يكون بالتناوب لا افراط و لا تفريط و اذا عاونتهم انت واش فيها ... ياك اللي حلل ربعة كان يخدم اهله و يخيط ثوبه ... و ما تضيعش اهلك على حساب نسابك ... ربي يحاسبك على اهلك و ما يحاسبكش على نسابك ... و ما تخليش كرامتك و عزة نفسك و النيف و الرجولة الزائفة عقبة في علاقتك مع اهل زوجتك ... الراجل العاقل هو اللي يضع الامور في مواضعها ... و دامك تزوجت لازم تعرف هاذ الامور و اذا ما عرفتهاش فلست اهلا للزواج روح ڨاجي خير ... . . . =========== . . في الرد الاول انا لم ابد رأيي لا بالايجاب و لا بالسلب مجرد نقاط ذكرتها ... فلما نقول عدم الاحسان فانا لا اقصد انا الكنة تحمل هرواة و تسوّط الناس لالا مازالني ما هبلتش ... . . ================ . . في الاخير ربي يهني سعيدة بالسعيد و يديروا عائلة سعيدة و نولوا قاع سعداء انا حاولت نكشف الواقع و نضع بعض النقاط على بعض الحروف ... باش الاجيال القادمة تكون كما ينبغي ... . . ============= . . نقطة اخيرة لوكان نترشح للرئاسيات ... (علاش مارينلوبان خير مني ؟؟) راح يكون من شروط الزواج -دبلوم في علم النفس - دبلوم في علم الاجتماع - دبلوم في العلوم الشرعية . . . و اللي ما عندش الدبلوم ما يحلمش بالزواج لانه ماشي غير و ارواج تزوج الزواج مسؤوليات ... فعلينا بفقه الزواج ... . . . . هذا و دمتم في رعاية الله و حفظه ... و عذرا اماني على طول المقال ... و للمرة الثانية كلامي عام |
رد: هل يفرض على الزوجة خدمة والدي زوجها ؟
اقتباس:
عندك الحق انا هى والله رانى معاك وكما قال الشاعر لاتتزوج الا وسنطرا معاك فأن نساء مناكيد هو قال مناكيد مناحيس بصح انا مانقولش مناحيس |
رد: هل يفرض على الزوجة خدمة والدي زوجها ؟
السلام عليكم ورحمة االله... أعجبني رأي الأخت أنا هي...ولو أنها تبدو متحمسة ومنفعلة بعض الشيء...:2::3: صحيح فالكلام أمر و التطبيق أمر آخر...أرى أغلب الفتياة الغير متزوجات يطربن في الحديث عن استعدادهن التام لخدمة والدي الزوج... لكن أقولها بصراحة..." لبنات تاع هاذ الوقت كي يخدمو زوجهم راهم ملاح"... مع ذلك تبقى القضية قضية تفاهم و تفهم في نفس الوقت،مادام أن الشرع لا يلزم الزوجة بخدمة والدي زوجها بشكل مباشر و إنما من باب طاعة الزوج فحسب... تقديري و احترامي ل " بنات تاع هاذ الوقت":13: |
رد: هل يفرض على الزوجة خدمة والدي زوجها ؟
الموضوع اعجبني كثيرا مع اني لست متزوجة
فكل واحد له رأي وكل واحد حسب نيته فأنا بالنسبة لي تعمل كل مجهوداتك لتسعد انسابك لأنهم بمثابة عائلتك والله اعلى واعلم وشكرا على الموضوع |
رد: هل يفرض على الزوجة خدمة والدي زوجها ؟
اذا كانت الزوجه تحب زوجها وتحترمه عن قناعه لا تزلفا او خوف..فهي بالضرورة تحب كل اشيائه وما حوله...
كم اشتهي حتى حوائجه الصغيرة اشتهي فاذا كان الشاعر يقول / احبها وتحبني * ويحب ناقتها بعيري اليس الوالدان اولى من الناقة والبعير ؟ |
رد: هل يفرض على الزوجة خدمة والدي زوجها ؟
السلام عليكم وشكرا لكل من مر من هنا وسأعود للتعقيب عن تعليقاتي اخوتي واحد واحد ان شاء الله وطال العمر
بالنسبة لتعقيب الاخت رحيل الاخير : شكرا على تاثرك بوضع هذه الشريحة من المجتمع فعلا هي مصب اهتمامنا حتى انني فكرت طويلا في الموضوع علني اجد المقاربة الافضل لكن بصراحة لم أجد قاعدة محددة وجب التقيد بها حتى نحل المشكل لعدة اسباب : فنحن بطرحنا لهذا الموضوع اكيد لسنا نحرض النساء عن التخلي عن خدمة اهل ازواجهم لا ابدا بالعكس بل قلت واعيد ان باب الانسانية اولا واخلاق الانسان ثانيا وعشم بأجر عظيم من الله ثالثا ودرءا للمفاسد الاجتماعية رابعا وتحقيقا لحياة هنيئة مستقرة مع الزوج خامسا كلها اسباب تدعونا الى حث النساء ان يوسعن بالهن ويخدمن اهل ازواجهن عن طيب خاطر قدر المستطاع لكن هناك حالات عديدة ووضعيات تختلف من اسرة الى اخرى ففي حال رفض زوجة ما لاسباب مقنعة عدم خدمة والدي زوجها لا يحق للمجتمع القدح في اخلاقها لهذا نحن بطرحنا للموضوع لسنا بحاجة الى الآراء الشخصية المبنية عن العواطف او استعراض المناقب والخصال الشخصية من قبيل انا شخصيا اخدم انا شخصيا افعل بقدر ما نحن بحاجة الى التفكير في جميع الوضعيات لانصاف هذه الشريحة من جهة وانصاف الزوجات من جهة اخرى ملاحظة صغيرة للاخت انا هي اشكرك على التعقيبات التحليلية الجزيلة اما بخصوص قولك من لم يدخلوا الميدان فلا باس اخية المجمتع مليء بالقصص ولا تنسي ان الواحدة ممكن امها تعيش التجربة او اختها او جارتها يعني حتى لي en attente:2: ولهن الحق في عرض افكارهن ليستفدن من اصحاب التجربة المعاشة :15: شكرا للجميع :13::13::13::13::13: |
رد: هل يفرض على الزوجة خدمة والدي زوجها ؟
اقتباس:
بصح البعض مع انا هي |
رد: هل يفرض على الزوجة خدمة والدي زوجها ؟
اقتباس:
|
رد: هل يفرض على الزوجة خدمة والدي زوجها ؟
السلام عليكم الرد الاخير للاخت هاجر انا هي اعجبني كثيرا و هو اكثر توضيحا و تفصيلا من ردها السابق في الحقيقة اثرت نقاط كثيرة كل واحدة تستحق ان تستقل بموضوع و اكثر ما اعجبني من كلامك قولك اقتباس:
بالنسبة لرد اماني و قولك باننا لسنا بحاجة لاراء شخصية فقد اصبت من جهة و لكن من جهة اخرى دراسة كل الظروف و الوضعيات تتطلب تجارب شخصية و الا كيف لنا ان نتعرف عليها اذا لم يطرح كل منا تجاربه او تجارب الاشخاص المقربين اليه لي عودة للموضوع ان شاء الله و املي كبير في ان تتغير نظرة النساء و الشابات لاهل ازوج و موضوع خدمتهم |
رد: هل يفرض على الزوجة خدمة والدي زوجها ؟
اقتباس:
|
| الساعة الآن 07:39 AM. |
Powered by vBulletin
قوانين المنتدى