منتديات الشروق أونلاين - قررت نحبس لقرايا (قرار نهائي)

منتديات الشروق أونلاين (http://montada.echoroukonline.com/index.php)

- منتدى الأسرة والمجتمع (http://montada.echoroukonline.com/forumdisplay.php?f=14)

- - قررت نحبس لقرايا (قرار نهائي) (http://montada.echoroukonline.com/showthread.php?t=274218)

رد: قررت نحبس لقرايا (قرار نهائي)

اقتباس:

المشاركة الأصلية كتبت بواسطة شاعرة المستقبل (المشاركة 1888497)

معليهش هي قاعدة وانا نسشورلها ونسبغلها بالاورونج باه يتحرق شعرها وتولي مهرجة ماهيش طبيبة وانا خالصة ونضحك عليها
من الشيب الي ناضلها من لقرايا:8:

تسشوريلها باش تولي مهرجة ماشي طبيبة يعني الغيرة عمت قلبك لانها صارت طبيبة :1::1::1::1
هي كل شيبة بمعلومة و انت كل شيبة بسيشوار :11::11::11:

رد: قررت نحبس لقرايا (قرار نهائي)

اقتباس:

المشاركة الأصلية كتبت بواسطة منال لينا (المشاركة 1888502)

لالا ماشي الغيرة الي خلاتني نديرلها هك ديجا انا نطيح خير منها للشهر وهي تضال في ليباري والدم والجراح والعمليات والمداقات فالسبيطار والتعب والريحة والذل
انا نولي نخدم عند روحي ونخدم لبنات لمساكن يعاونوني
انا لمعلمة وكلش باذني
وانا عندي حق عليها فالبرلمان يعني انا الي نشرعلها حقوقها وواجباتها يا الفحلة

الطبيبة تولي تبعثلي اس ام اس باه نرفد عليها وتشد عندي رونديفو لنهار الخميس وتحللني باه نزرب نخلصلها ونحرقها وتسكت
والشيب معمرلها راسها انا كل يوم بسبغة والزين ونجرب فالروس واللون الي يعجبني نديروا لروحي:15:

رد: قررت نحبس لقرايا (قرار نهائي)

ههههههههههههههههههههههههههههههههه

انا تاني قريت و ما عندي ما درت بقرايتي يا شاعرة
حتى خدمتي ماعندها ختى علاقة بالشي لي قريتو

رد: قررت نحبس لقرايا (قرار نهائي)

اقتباس:

المشاركة الأصلية كتبت بواسطة moh_aaa (المشاركة 1888514)

:9: غضتني عمو :8:
دير حفاف تولي ديبيتي
والا ارواح تخدم معايا انا صالون تاعي كبير نقسمو معاك

وش نديروا بالقراية :15:

رد: قررت نحبس لقرايا (قرار نهائي)

اقتباس:

المشاركة الأصلية كتبت بواسطة شاعرة المستقبل (المشاركة 1888505)

و بعدما يجور عليك الزمن و تخر قواك و ينال المرض منك لا قدر الله ستلجئين اليها و تتوسلينها و تريحك من الام الظهر و تورم الارجل
و بعدها لن تكفيك كنوز الدنيا لتعيدي صحتك
هي تعيد الصحة للانسان و لا يمكن الاستغناء عنها اما انت للافراح و المناسبات فقط و قد لن يحتاجونك ان اعتمدت كل واحدة على تزيين نفسها اما هي فلن يستغنى عنها في اي فصل من الفصول :16::16::16::16
اشجعك يا ريان اخدمي حفافة لتطلع الدكتورة من عندك في اجمل حلة و تستقبل مرضاها و هي انيقة

رد: قررت نحبس لقرايا (قرار نهائي)

شوفي ريان راسي قريب يطرطق و عينيا تنفاخو من الدموع و راني قلقانة لوكان نلقا واحد قدامي ضرك نخنقو بلا ما نفيق كملتي عليا انت هيا حبسي خير ما نجيك

رد: قررت نحبس لقرايا (قرار نهائي)

اقتباس:

المشاركة الأصلية كتبت بواسطة شاعرة المستقبل (المشاركة 1888441)

السلام عليكم ورحمة الله

قررت نحبس لقرايا وهذا قرار نهائي

دخلت انا وصديقتي نريمان منذ ايام في نقاش شديد وحاد مفاده علاه رانا نقراو
كارهين صامطتلنا والباك لحق وما وجدنالوش ومستحيل ننجحوا

لقرايا صعيبة انا ما قدرتش الرياضيات والسيونس
وهي هلكتها الايطالية والالمانية

تعب وعيا وغضب وازعاج ومانا رابحين والو
ماناش نخلصوا على هذا التعب والملل وقلة الراحة

ولقينا اعلان تع سطاج تاع حفافة نتعلموا الحلاقة
خممنا مليح
الحفافة ولات طبيبة تخلص 40ميل على الوحدة + 20ميل على لا بانتير الي تديرو للمرا تقولشي مهرج +مليون وميتين للعروسا+الحرقوس 200 ميل +الصبغة من 120ميل حتى 600ميل وخلي وخلي +وليلة العيد تطيح حوالي 4ملاين المهم ولاشان عندها بالكوموندو قبل شهر
حسبنالها بيان وشحال تخلص وشحال تفيد وشحال تكري وشحال نقعدوا نقراو فالسطاج
ايا قررنا نحبسو لقرايا ونولو حفافات

انا رح نولي حفافة في باتنة
وهي في سطيف
المهم الحلاقة عندنا لناس المنتدى باطل مرحبا بيكم

وبيني وبينكم رايحين نترشحوا للبرلمان ونولو نخلصو 30مليون ههه خير من نقراو ونعياو ونهبلو وما ننجحوش لانو البرلمان يرحب بالحفافات بعكس الطبيبات والمهندسات

المهم حبيت نستشيركم قبل ما نعتمد الفكرة انا ونريمان قبل ما نحبسوا لقرايا
لانو ماما رافضة وبابا قالي دبري راسك انتي حرة المهم ما تندميش
نريمان امها قالتلها نحاوزك من الدار وباباها خافت تقولو :10: لا يعود يرميها من البالكون

انا مقتنعة ونريمان ثاني

اني نحكي مني جد مكان لاه تقولوا تتمصخري :19:

المهم رايحين نحبسو لقرايا ونتهناو من التعب ونولي حفافة :15:

برلمان القعدة في الدار

برلمان الكوزينة والطياب

ههههههههههههههه

احلام جميلة لكن المستقبل

في المطبخ والدار

رد: قررت نحبس لقرايا (قرار نهائي)

اقتباس:

المشاركة الأصلية كتبت بواسطة منال لينا (المشاركة 1888518)

لالا ما تطيحش بيا بربي ان شاء الله
ديجا راني قلتلك نولي معلمة والبنات هوما الي يخدمو
وانا نتفرج في مسايا ونامر عليهم ديري هك ديري هك
ونخلص برك
والطبيبة تقلي امشطيلي نتي تعرفي خير منهم نقلها لالا راني مدايرة الفارني حنونة

انا قاعدة ونخلص ونخلص في بنات مساكن
وهي تداوي فالمرضى مرات تعطيهم دوا ترهجهم وتقتل وتدي ارواح في بعض العمليات
مي انا مريحة نتفرج نفارني في ظفاري ونسمع فالموسيقى الهادئة ونكت فالشعر والبنات يخدموا
ما تخافيش عليا ما تطيحش بيا يا لعزيزة

رد: قررت نحبس لقرايا (قرار نهائي)

اقتباس:

المشاركة الأصلية كتبت بواسطة soujod (المشاركة 1888522)

غير ارواحي يا الزينة حتى انا المورال زيرو راني ايحة نحيس لقرايا وكي تحتاجي ارواحي نمشطلك باطل راكي عزيزة:11:

رد: قررت نحبس لقرايا (قرار نهائي)

اقتباس:

المشاركة الأصلية كتبت بواسطة إسلام دراعة (المشاركة 1888526)

برلمان القعدة في الدار

برلمان الكوزينة والطياب

ههههههههههههههه

احلام جميلة لكن المستقبل

في المطبخ والدار

يبدوا انك خارج مجال التغطية
لا عاد الحفافة حلم
الطبيبة منام صافي
النا وليت حفافة وخلاص
ومنال جهزتلي الصالون