|
رد: يوم في حياة كل عضو مع فارس العـاصمي.
السلام عليكم و رحمة الله فعلا صيد ثمين العاصمي هنا cupidarrow الله الله ، بإنتظار يومك فارس موفق أخي تحياتي |
رد: يوم في حياة كل عضو مع فارس العـاصمي.
بسم الله والصلاة والسلام على رسول الله وعلى اله وصحبه ومن والاه هذا ماكتبه الله لنا ان نعيشه في هذا اليوم من الساعة 8:15 الى 14:15 : انها الساعة 8:15 دقيقة تفتح امي الباب "فارس نوض باش نروحوا قبل ماتبدى السخانة" افتح عيني واقول لها "آنعم راني جاي نزيد 5دقائق برك "وبعد مرور 5دقائق تعود امي "نود راهم جازوا 5 دقائق" انهض ولاول مرة مند بداية العطلة في هذا الوقت فالوقت الذي استيقض فيه دائما العاشرة صباحا لكن اليوم علي ان اوصل امي الى بيت جدتي في بلكور او بلوزداد حاليا وكذلك علي ان ادفع فاتورة ابي للهاتف .... انهض وكاني كسرت لجبال كيما تقول جدتي رحمها الله الـنـوم اتجه الى الحمام لاغسل وجهي ثم الى المطبخ وانا مازلت مطفي كلياhttp://smilies.sofrayt.com/%5E/l0/snore.gif فتنظر الي امي وتقول "أواه انت هاذ لنترنت حيهبلك لوكان جيت ترقد بكري كي الناس تنوض بكري ...كاش نهار تدخل تسيبني رميتوا من النافدة تقصد لانترنت طبعا هه" شربت القهوة نتاعي ونهضت عائدا الى غرفتي فتقول امي "بالك تشعل الميكرو علبالي تلصق لتم بدل حوايجك ومشي نروحوا" قتلها انعم يايما مارانيش حنشعلوا راني جاي " خرجنا متجهين من القبة )عندنا شهر فقط وين رحلنا للقبة) الى دار جدتي في بلكور )اين كنت اسكن) في الطريق وصايا امي التي لاتنتهي " اغلق الغاز في اليل اتهلى في الدار بالك وين تروح وتخلي اختك وحدها بالك على خوك بالك بالك" ....لاتنتهي طبعا لان ابي يعمل في وهران فكل هاته المسؤوليات تقع علي( . ) ركبنا الحافلة متجهين الى بلكور كالعادة العاصمة مغلوقة لوكان تمشي على رجليك تلحق قبل من الحافلة لكن لاباس والفنا بعد حوالي ساعة وصلنا الى بلكور التي بينها وبين القبة حوالي 7 كيلوميترات فقط يعني 7 كيلوميترات في ساعة كل هاذا بسب اختناق الطرق لاباس وصلنا الى بلكور اوصلت امي الى دار جدتي دخلت سلمت على خالتي وجدتي الحت علي جدتي كالعادة ان ابقى حتى الفطور لكن اخبرتها انه يجب اصعد للابيار لكي ادفع فاتورة موبليس ودعتهم وقبل الخروج امي تعيد الوصايا وفوقها "نهار الاثنين ارواح تديني اجبتها ان شاء الله " حسنا تبقاو على خير والسلام عليكم خرجت متجها الى الابيار وكاالعادة الغاشي والاكتظاظ في كل ماكان خاصة شوارع بلكور الشعبية مررت في طريقي الى محطة الحافلة على المارشي طناش لزيارة صديق لي يقطن هناك يسمى السوق بالمارشي طناش لانه ينتهي على الساعة الثانية عشر بعدها توجهت لمحطة الحافلة متجها الى الابيار صعدت للابيار وطبعا ساعة باش تلحق دفعت الفاتورة وعدت ادراجي لكن عندما اتفكر بان الطريق مغلوقة ومازال ساعتين باش نلحق نفشل لاباس ركبت الحافلة وبعد حوالي ساعة ونصف وصلت لمحطة ابن عمر في القبة وبعدها الى حي جوليفو او المنظر الجميل)لم افهم عن اي جمال يثحدثون وين ترمي عينك تشاهد اسمنت في اسمنتthumbdown) ..وصلت للمنزل وجدت اختي وحدها اخي الصغير راح عند واحد قريب لي دخلت السلام عليكم ناديت اختي اعطيني نفطر فطرت ثم اتجهت الى غرفتي استرحت قليلا بعدها شغلت الجهاز واتجهت مباشرة الى منتدياتي الرئيسية فتحت الشروق دخلت لمنتدى الجدل وجدت بعض المواضيع فقررت ان ارد عليها بعدما انتهي من كتابة ماكتب بعدها اكملت كتابة مامر علي اليوم ثم حفظتها في ملف تكست وتوجهت لصلاة الظهر يتبع ان شاء الله.... |
رد: يوم في حياة كل عضو مع فارس العـاصمي.
اقتباس:
راني جاي اقتباس:
اقتباس:
اهلا بالاخ جابر لايسمح بقرورة اكثر من نصف ليتر بالك تدير كيما عبد الله جاب معاه سيتيرنة |
رد: يوم في حياة كل عضو مع فارس العـاصمي.
نصف يوم متعب على ما يبدو ربي يكون في العون بصح الإنتقاد الأول: علاش الإختصار و السرعة؟؟ شفت البيدون تاع البارح، مازال ما لحقش للربع nosweat في انتظار التالي icon30 |
رد: يوم في حياة كل عضو مع فارس العـاصمي.
الحمد لله لم اتأخر كثيرا مقدمة رائعة كتبتها أنامل فريال نصف يوم متعب كما قال عبد اللهsurrender ربي يكون في العون لي عودة إن شاء اللهicon30 |
رد: يوم في حياة كل عضو مع فارس العـاصمي.
نصف يوم جميل أعجبني cupidarrow ومتعب مثل ما قالو مع السخانة هادي متعب ونص nosweat ربي معاك متابعة لتفاصيل يومك اخ فارس تحية لك |
رد: يوم في حياة كل عضو مع فارس العـاصمي.
اليوميات فكرة رائعة خاصة عندما أتاحت لنا الفرصة للتعرف على أخ عزيز علينا حفظك المولى و حفظ عائلتك الكريمة من الجدة إلى الأخ الصغير |
رد: يوم في حياة كل عضو مع فارس العـاصمي.
اقتباس:
صار خويا تسكن في القبة...راني عازم على زيارتها وراك علابالك علاهnosweat جميل....مع الإحتجاج على الإختصار. |
رد: يوم في حياة كل عضو مع فارس العـاصمي.
اقتباس:
شفت ياخويا زيد السخانة راسك يحبس روح ترقد هذا واش كاين مانزيدش نعمر راك اديت كلش |
رد: يوم في حياة كل عضو مع فارس العـاصمي.
اقتباس:
الله يبارك فيك في انتظار عودتك |
| الساعة الآن 03:16 AM. |
Powered by vBulletin
قوانين المنتدى