|
رد: يوميات أعضاء منتديات الشروق ...
اقتباس:
عليكم السلام و رحمة الله و بركاته اهلا خويا يوسف انت على الاقل تحركت و مشيت يقولو في الحركة بركة ماشاي كيفنا نهار كامل و انا قاعدة ع الكرسي اوكي نسعد بالقراءة لك...مع مغامراتك الفريدة ليلتك اسعد لا تسىغدا ان شاء الله يوم صياام دمت طيبا اخي |
رد: يوميات أعضاء منتديات الشروق ...
اقتباس:
الله عليك يا بُش بُش حتى و ان كان روتيني بالنسبة لك الا انه يوم نشيط بالنسبة لناااا...اما نقطاعات الكهرباء حدث و لا حرج هذ اليامات ...surrender ما اسعد امك بك وين دارتك ...ماتخافش عليك هي يامات تاع الحلوى ابروفيتي مادامك في العطلة ...ماشي كيما احنا 365/365 خدمة icon36 لا تنسي بشرى غدوة ان شناء الله يوم التروية ....مليح فيه الصيام ربي يقبل على كل مومن بلغي امك سلامي .....و قبلة كبيرة لكhttp://www.t555t.com/vb/images/smilies/143.gif |
رد: يوميات أعضاء منتديات الشروق ...
اليوم
كثرت الزبائن ،،، انستي أن اليوم هو يوم الجمعة |
رد: يوميات أعضاء منتديات الشروق ...
اقتباس:
لكن البارحة هو يوم خميس والآنسة كتبت يوميات أمس nosweat تحية |
رد: يوميات أعضاء منتديات الشروق ...
لالا يوسفn_o... مافهمتش وش حب يقول رضوانthumbdown... راهو يحكي في يومياتو تع ليووووم...وكيما راك تشوف، طولها بزاااااافnosweat، لدرجة أنه سيطلب عطلة لمدة شهرين عن المشاركة في المنتدى...ههههههههههههههههه...تحية لكما. |
رد: يوميات أعضاء منتديات الشروق ...
ضبطت منبه هاتفي ليوقظني باكرا وعندما وفـَى بوعده ندمت صراحة خاصة مع دفء الفراش في صبحية باردة , بعينين مغمضتين وصوت نائم هاتفت ابن خالتي "ألو صباح الخير عابد...وين راك؟؟" "صباح الخير سليم...هذا وين وصلت للسوق راني ننزَّل فالخرفان من اللوطو" "على بالك عطيتك كلمة وندمت...حلاتلي الرقدة وراني عيان..مانيش عارف إذا نجي ولا ما نجيش"...أكملت المكالمة بسرعة عسى النعاس لم يهرب بعد من جفوني وفجأة تحرك الضمير فيَّ ولم يسكت عن الصراخ حتى نهضت مسرعا...لبست الكومبا الرياضية التي تليق بمعارك السوق هههه فبعد ساعة تقريبا وجدتني في سوق ماسرى...دخلت سوق المواشي وبدأت أسأل عن سعر كل خروف أتجسس ظهره أو أرفعه من بطنه للأعلى أو أتفقد أسنانه (أنا لا أفقه في علم الماشية شيئا غير نلعبها خبير أمام الباعة باش ما يكوفونيش فقط ههههه) ربما أنتم تتساءلون عن الأسعار فهي نار في نار...هربت حين وجدت أحدهم يلِحُّ على أحدِهم أن يبيعه كبشا سمينا لكن البائع لم تعجبه قيمة 4 ملاين واربعين ألف سنتيم حيث قال بسخط كبير راك بعيد بزاف حبيبنا وبعد جولة تفقدية بسيطة في السوق وصلت عند ابن خالتي (هو شريك أخي في الخرفان وبما أن أخي دركي وكلَّني لأبيع بدلا عنه) سألته "شحال راهم عاطيينك فيهم" فأجابني هذا "ثمنطاعش 18" وإذا صادقوك فبعْ وهذوا الثلاثة عطاوني 17 جملة , ذهب هو ليتناول قهوته وبقيت أنا مع الخرفان وبدأ الزبائن يسألونني سوى واحد فيهم رأيت في عينيه الجدية لكنه ضربني في الرُكب بعرضه غير المغري وبدأ يستعطفني ويتباكى رغم هندامه الأنيق ألححت على مبلغ "تساطاعش 19" وتجمَّد هو عند "ثمنطاعش 18" وفي الأخير تصادقنا على عرضه وبعدها مباشرة جاءوني ثلاثة أشخاص يساومونني في الثلاثة الباقين وبعد جدال ودي عنيف طلبت أن يرفعوا العرض إلى "سباطاعش ونص" وكان لزاما عليَّ أن أنادي على ابن خالتي ليساعدني على ثلاثتهم وفي الأخير كان لنا ما نريد...أنهينا مأموريتنا ثم توجهنا مباشرة لجهة بيع السيارات فكان يلزمني ميزاجور لأسعار السيارات وكعادتي اسأل فقط عن "الأكسنت والكليو كلاسيك والسيـpـار 5" وللإفادة فقط فالأكسنت جي أل أس 2005 هي في حدود 67 مليونا والكليو كلاسيك 2006 في حدود 70 مليونا والسيـpـار 5 سنة 1989 في حدود 38 مليونا وختمت جولتي في جهة السيارات الفاخرة وهذه المرة ليس للمساومة ولكن لتشلال العين فقط خاصة إذا تعلق الأمر بالمرسيدس التي أعشقها وأتسمر أمامها كثيرا (اللهم ارزقنا واحدة يا رب)...وصلت للدار ورائحة الخرفان تشتم فيَّ من بعيد...دوَّشت ثم افطرت ثم توجهت لصلاة الجمعة فصلينا كعادتنا خارج المسجد ولكن المطر فعل فينا الأفاعيل هذه المرة ...وبعد الصلاة مباشرة قيلولة خريفية طويلة أما باقي يومي لا جديد فيه إلا انقطاع الكهرباء وعودته مع وقت العشاء تقريبا
هذا هو يومي بالتفصيل الممل وعفوا على الإطالة |
رد: يوميات أعضاء منتديات الشروق ...
اقتباس:
شوف يا خويا سليم جابلي ربي كنت تبيع في قطوطة هنا ..nosweat حنا عندنا وصلت النعجة "ماشي الكبش" ل 2.5 و 3 ملاين و الكبش المليح تحت 4 ما تحكيش . و اليوم سال الليساننس في السوق.... لهب بالعربية حليل الزوالي المسكين.. لوكان قتلي راك تبيع ب18 و 19 . ندي عليك ثلاثة ولا ربعة .. ***** عندما يلعب التاجر في السوق دون رقابة ... يحدث العجب |
رد: يوميات أعضاء منتديات الشروق ...
اقتباس:
صدقني ما فهمت والو كيما تاوعنا وفي نفس السوق اعطاوهم 24 و 25 مالقري تاوعنا بقرونهم هههه الله غالب ما ساوموناش واش حبيتنا نديروا على بالك السعر يحدده الزبون فمثلا يسألك شحال عطاوك تقول له مثلا 25 فيأتي آخر ويعطيك 25 و50 ألف وهكذا حتى التراضي على كل المال (وهي التسمية المتداولة للماشية) راهو غالي بزاف السنة والخروف نورمال بـ 25 حتى 28 والخروف المليح بـ35 والكبش المليح بزاف من 4 ملاين للعقبة هذا العام درناها كتجربة فقط ومالقري خسرنا فيها بصح تعلمنا منها بزاف والعام الجاي ارواح عندي نتهلى فيك إن شاء الله |
رد: يوميات أعضاء منتديات الشروق ...
سلام عليكم واش نحكيلكم اليوم تفكرت حادثة صرات عندنا فالدار العام اللي فات في العيد تصوري ليلاي شرينا الكبش قصدي الكباش -كانوا عندنا 4 كباش فالدار - وكنا حاطينهم فالقراج وان كعادتي كنت متوجهة للجامعة وكي عادت الساعة 7 صباحا جيه خارجة من الدار تصوري وجدت الباب تاع القاراج مفتوح والكباش بح مكان والو surrender طلعت لفوق وكانوا كامل نايمين غير جداتي جيت نخبرها خفت خاطر عندها مرض السكر والقلب خفت عليها رحت لبيت يما ودقيت الباب خرجتلي قلتها ما لكباش مكانش قالتلي واش قتلها غير نودي بابا لكباش راهم بح والله الدار كامل فطنت عمي وعمي واخي وبابا كامل يحوسو واحنا مخلوعين وزيد 2 كباش ماشي تاعنا واش نقولك فيلم تاع الرعب فالنهار وبعد جهد جهيد في البحث والسؤال تم العثور عليهم مع بعض وكي جبناهم اتصلنا بعماتي باه يجيو يدي الكباش تاعهم ... هاداك النهار جامي ننساه وخاصة انها بقية حكاية كلما نتفكروها نضحكوا . |
رد: يوميات أعضاء منتديات الشروق ...
اقتباس:
شوف عندي الشيخ تاعي ربي يحفظو .. كان كل عام يربي زوج ثلاثة ربع يبيعهم يعرف كيفاش يعززهم .. و يخير الكاليتي المليح .. و كي يدخل لكباش للسوق تقول دخل اسبوعة الناس كامل تجري وراه ما يقعدش كثر من نص ساعة يبيعهم و يجي خارج..و بالسومة اللي ترضيه هذا العام قعد هو يجري ورا لكباش.nosweatnosweat.. بطل من تربيتهم .. كرهوووه العام الجاي انشاء الله اذا كان بسومة 18 و 19 وجدلي كاميو ولا زوج . انفيد معاك سيري 6 nosweat ********* |
| الساعة الآن 07:07 PM. |
Powered by vBulletin
قوانين المنتدى