منتديات الشروق أونلاين
عرض 40 مشاركات من هذا الموضوع لكل صفحة

منتديات الشروق أونلاين (http://montada.echoroukonline.com/index.php)
-   منتدى الأسرة والمجتمع (http://montada.echoroukonline.com/forumdisplay.php?f=14)
-   -   ما يحتاجه العريس بالتفصيل .. خاص بالرجال فقط (http://montada.echoroukonline.com/showthread.php?t=228755)

عمر القبي 02-03-2013 09:12 PM
رد: ما يحتاجه العريس بالتفصيل .. خاص بالرجال فقط
 
اقتباس:
المشاركة الأصلية كتبت بواسطة سليم يلل (المشاركة 1552347)
آآآآآآ هذي نورمال

مزية

يعني كاين عقلية عندنا اللي يرفضك بسبب هذه القضية بسبب تأويلها أنك ما قيمتهمش كي جيت لوحدك يعني نورمالمو الكبير هو اللي يهدر على الطفلة ومن بعدما يفريوها يروح المعني


علاش نشقي دارنا و بلالك متعجبنيش اصلا الطفلة؟؟

ياسين جزائري 02-03-2013 09:14 PM
رد: ما يحتاجه العريس بالتفصيل .. خاص بالرجال فقط
 
اقتباس:
المشاركة الأصلية كتبت بواسطة عمر القبي (المشاركة 1552348)
علاش نشقي دارنا و بلالك متعجبنيش اصلا الطفلة؟؟
و خممت على البنت كي تروح تشوفها و ما تعجبكش ..واش راح تقولهم ممبعد و كيف سيكون شعور البنت ..؟؟

عمر القبي 02-03-2013 09:15 PM
رد: ما يحتاجه العريس بالتفصيل .. خاص بالرجال فقط
 
حتى صديقي الحميم فعل نفس الشيئ و هو يعني "كميكاز" أنا على الاقل كنت أعرف العائلة و يعرفونني مكنتش فقط أعرف ابنتهم و لم ارها من قبل بصح صديقي ما يعرفهم ما والو راح دقدق فتح اباها قالو جيت قاصدك في بنتك قالوا اتفضل و شوف معاها أنا خاطيني.صاب روحو في الصالون يقصر مع امرأة حياته و ام ابنائه الان

عمر القبي 02-03-2013 09:16 PM
رد: ما يحتاجه العريس بالتفصيل .. خاص بالرجال فقط
 
اقتباس:
المشاركة الأصلية كتبت بواسطة ياسين جزائري (المشاركة 1552349)
و خممت على البنت كي تروح تشوفها و ما تعجبكش ..واش راح تقولهم ممبعد و كيف سيكون شعور البنت ..؟؟
واش حبيتني ندير دايرة جلباب سيتار محال تشوفها بطريقة اخرى.

سليم يلل 02-03-2013 09:17 PM
رد: ما يحتاجه العريس بالتفصيل .. خاص بالرجال فقط
 
اقتباس:
المشاركة الأصلية كتبت بواسطة عمر القبي (المشاركة 1552348)
علاش نشقي دارنا و بلالك متعجبنيش اصلا الطفلة؟؟
بون كيستيو

راني نقصد اللي شاف الطفلة وراح اصدم ديراكت عندنا كاين اللي يؤولها باللي والدي الشاب غير موافقين

كي رحت لوحدك واش ديت معاك وواش لبست (يعني ستيكيت روحك)؟؟

مع من جلست وواش حكيتو يعني رحت شفت برك ولاَّ درتو الخطوط العريضة؟؟

يمكنك تسوطي على السؤال اللي ما يعجبكش :15:

Karim Ibn Karim 02-03-2013 09:22 PM
رد: ما يحتاجه العريس بالتفصيل .. خاص بالرجال فقط
 
اقتباس:
المشاركة الأصلية كتبت بواسطة سليم يلل (المشاركة 1552333)
بعدما تفريو قضية الأخ "كريم"

ندخلوا فالصح

نفرضوا أن الشاب لقى البنت المناسبة لطموحه (متدينة أو بنت فاميليا أو شابة أو خدامة ...إلخ) أو نعتوها له إما عن طريق العائلة أو أحد المعارف (ملاحظة من شاء التفصيل في القضية فله ذلك)

فماهي الخطوة الموالية , يعني تتكلم مع أحد أفراد العائلة بنية التقرب لها قصد الزواج أم إرسال العائلة مباشرة لخطبتها أم ماذا؟؟

ماهي البروتوكولات ووماذا يأخذون معهم؟؟
اااااااااااااااااسف على التاخر
انا اتواصل معكم بصعوبة و هذا لضعف النت .........
========== نقاش رائع
=
الحقيقة طبعا
تبعث احد يكون قريب لتلك العائلة
يعني سينيال باش يعطوش ( الاوطوريزاسيو )
من بعد نساء من عائلتك مثلا امك و اخواتاتك
ثم ياتي دورك
تروح تشوف و تحكي
الا عجبك الحال
تدخل في الرسمياااااااااااااااااااات

عمر القبي 02-03-2013 09:22 PM
رد: ما يحتاجه العريس بالتفصيل .. خاص بالرجال فقط
 
اقتباس:
المشاركة الأصلية كتبت بواسطة سليم يلل (المشاركة 1552354)
بون كيستيو

راني نقصد اللي شاف الطفلة وراح اصدم ديراكت عندنا كاين اللي يؤولها باللي والدي الشاب غير موافقين

كي رحت لوحدك واش ديت معاك وواش لبست (يعني ستيكيت روحك)؟؟

مع من جلست وواش حكيتو يعني رحت شفت برك ولاَّ درتو الخطوط العريضة؟؟

يمكنك تسوطي على السؤال اللي ما يعجبكش :15:
مكاش مشكل: ديت معايا علبة شوكولاطة من نوع ferrero rocher قيمتها 1000 دج و لبست قميص مع فيستا كلاسيك و صباط كلاسيك و عراقية "أخينا ستيل"، جلست مع أخيها و هي طبعا و تكلمنا على الخطوط العريضة و وضعت بعض الشروط كان أولها الكتاب و السنة هما الدستور في البيت و أعلمتها أني رجل غير مرتب يعني نرمي حوايجي في كل مكان ههههههه ضرك كي تجي تشكي نقوللها ياخ قبلتي من الاول فتسكت المسكينة ههههه

ياسين جزائري 02-03-2013 09:25 PM
رد: ما يحتاجه العريس بالتفصيل .. خاص بالرجال فقط
 
اقتباس:
المشاركة الأصلية كتبت بواسطة عمر القبي (المشاركة 1552353)
واش حبيتني ندير دايرة جلباب سيتار محال تشوفها بطريقة اخرى.
بصح هاذي مشكلة لازملها حل ..تصور بنت يجو يشوفوها شحال من واحد و ما تعحبهمش ..معنوياتها ستتحطم ..على الأقل كي يشوفوها الأهل ديالو يوصفوهالو ..تكون عندو نظرة حول شكل البنت ..ممبعد الواحد يدير الكوراج و يزدم

عمر القبي 02-03-2013 09:26 PM
رد: ما يحتاجه العريس بالتفصيل .. خاص بالرجال فقط
 
اقتباس:
المشاركة الأصلية كتبت بواسطة ياسين جزائري (المشاركة 1552365)
بصح هاذي مشكلة لازملها حل ..تصور بنت يجو يشوفوها شحال من واحد و ما تعحبهمش ..معنوياتها ستتحطم ..على الأقل كي يشوفوها الأهل ديالو يوصفوهالو ..تكون عندو نظرة حول شكل البنت ..ممبعد الواحد يدير الكوراج و يزدم
  1. كيف كيف موسى الحاج حاج موسى المهم تكبر و تنسى و خلاص.

سليم يلل 02-03-2013 09:27 PM
رد: ما يحتاجه العريس بالتفصيل .. خاص بالرجال فقط
 
اقتباس:
المشاركة الأصلية كتبت بواسطة عمر القبي (المشاركة 1552361)
مكاش مشكل: ديت معايا علبة شوكولاطة من نوع ferrero rocher قيمتها 1000 دج و لبست قميص مع فيستا كلاسيك و صباط كلاسيك و عراقية "أخينا ستيل"، جلست مع أخيها و هي طبعا و تكلمنا على الخطوط العريضة و وضعت بعض الشروط كان أولها الكتاب و السنة هما الدستور في البيت و أعلمتها أني رجل غير مرتب يعني نرمي حوايجي في كل مكان ههههههه ضرك كي تجي تشكي نقوللها ياخ قبلتي من الاول فتسكت المسكينة ههههه
بون ريبونس

نفرضوا أني دخلت وجات الطفلة بصح ما عجبتنيش , نقعد غير نخزر فيها بلا خطوط عريضة أو رقيقة ولاَّ كيفاش ندير في هذا الموقف المحرج

ونفرضوا قعدت نليكيدي فيها بالشروط التعجيزية وهي تجاوب غير "واه واه" :19:


الساعة الآن 01:09 AM.
عرض 40 مشاركات من هذا الموضوع لكل صفحة

Powered by vBulletin
قوانين المنتدى