منتديات الشروق أونلاين - صوت معنا في مسابقة الطبخ لشهر فيفري 2013

اقتباس:

المشاركة الأصلية كتبت بواسطة رحيل (المشاركة 1535288)

في اخر عمري و ليت نتسول بعد ما كنت معززة مكرمة...
هذا و اش ربحت من صحبة ام هديل...
هي قادرة على روحها ماشي كيما انا على نياتي و ما زالني نتبع فيها...
خلاص انا ذاهبة و لن تسمعوا لي حسا بعد اليوم...
الدمعة طاحت...
لي ربح بصحتو و لي خسر ربي يصبروا...
و هذا اخر عهدي بمسابقات الطبخ....
.
.
.
الوداع

نو نو نو رحيلوووو
ما عهدتك تستسلمين بسهولة و ترفعين الرّاية
الثّالثة ثابتة إن شاء الله :11:

اقتباس:

المشاركة الأصلية كتبت بواسطة أحلام 86 (المشاركة 1535304)

جدتي اخلاص ستنيت حتى طفيت :14:وفي الاخير صوتي لغيري هههههههه معليش

ههههههههههه
آآآسفة خيرها في غيرها إن شاء الله
قبلاتي

اقتباس:

المشاركة الأصلية كتبت بواسطة أمل الرّبيع (المشاركة 1535319)

والمسابقة ومادارت فينا

البارح نعست بكري ودرك راهي 4نتاع الصّباح ..(كون قيام ليل مانّضوش )

مشالي النعاس قلت نقرا واش قالوا بعدي ؟؟؟

أنا مادرت حملة لطبقي كنت حاسبتكم وطنيين وتحبّوا علام الوطن الغالي

كنت نحضّر في الطّبق وكان الفريق الوطني مهزوم نقولكم ماعملتش الملح في البطاطا

سقيتها بدموعي ..

وعند التّزيين كانت بين عينيا ألوان علمنا الحبيب امّلا بقيت هاذا أحمر هاذا أخضر وهاذا أبيض

ومنين كمّلت وصوّرت حطيّتو للأولاد ماحبّوش ياكلوا تفكروا الهزيمة وبقاوا يبكيوا وأنا نسكّت ..

جا أبو العيال صاب مندبة في الدّار قاليّ(واش صرا واش كاين ؟؟))(شكون اللّي مات ثاني ؟؟)

قالو الصغير أبي (بصّح الجزائر تروّح ؟؟)

وقعد مسكين يحكيلهم عن الانهزام وأسباب الهزيمة ...وراح للثّورة والثّوار ومن ثمّ عرج لقراية

وبدا في محاضرته (كلشي بالقرايا ..والنّجاح والفوزيجي بلقرايا ...)

قالّو الصغير حتّي في الكرة كاين لقرايا (قالوا واش راك تضّن .....) .................................................. .................................................. .................................................. .................................................. .................................................. .................................................. ...ووووو.......................................... .................................................. .................................................. .................................................. ..............الماكلة بردت و هو مابغا يسكت

وفي الأخير ناضوا لولاد ...وقالولي اشبعنا ..........................................

وبقا طبقي المسكين ينتظر من ينظر اليه ...

وهكذا أضفت البطاطا الى قائمة المغضوب عليهم (كالحمص...الدّوارة ....

هاذي قصة طبقي مع أسباب هزيمته

والى مسابقات أخرى ..أستودعكم الله

إنهزم بشرف لكن في نظري فائز يكفي أنّه كان ضمن القائمة
أموووولة قبلاتي

اقتباس:

المشاركة الأصلية كتبت بواسطة رحيل (المشاركة 1535354)

السلام عليكم

شريكتي لا تحزني...المهم حسنتي ترتيبك مقارنة بالمسابقة الماضية...
ماشي كيما انا الناس تمشي للقدام و انا نمشي للوراء...

..........
الان عندي شغل كبير و يجب علي القيام به
و ساعود لاحقا ان شاء الله لاعلن عن قرارات و مطالب مهمة جدا متعلق بسلامة و امن هذا المنتدى و أعضائه (دون المشرفين) و لي حديث عن التجاوزات الخطيرة التي حصلت فيه بسبب هذه المسابقة..اخطر ما في الامر وجود مندسين و بلطيجة يدعو انهم من الثوار..و تاريخ هذا المنتدى يشهد بانهم لم يكونوا يوما من ثوار مطبخنا الذي نفديه بأرواحنا..
...
ترقبوا الخطاب بعد ان انتهي من الاشغال المنزلية المتراكمة علي من يوم بدات ثورة المطبخ....

دنا مزلوووومة:14
رغم أنّ إبني عمّي من ميدان التّحرير فلم أنحاز إليه
شفت العدل؟؟؟:8:

اقتباس:

المشاركة الأصلية كتبت بواسطة رحيل (المشاركة 1535395)

أم زيد الدنيا راهي عايمة عندي...راني نشف زعما..
مي عيني الثانية راهي هنا...
أنت اكبر مخالفة للقانون و سي فيني بيناتنا....
عضو لجنة التحكيم يكون على الحياد
و يا درا شحال من كيلو حمص فليكساتلك ام هديل...
المشرفين زعما قلنا نتوما هما القضاة و لكن اكتشغنا
انكم متورطون مع البلطجية و الفلول....

إلاّاااااايااااااا:3:

اقتباس:

المشاركة الأصلية كتبت بواسطة دائمة الذكر (المشاركة 1535434)

ياجماعة انزلوا الى ميدان التحرير كاين

مظاهرات مليونية و كاين كينتاكي:8:

قدّمت لرحيلوووو إثبات إدانتك يا أم هديلووووو
دبري راسك معاها:19:

اقتباس:

المشاركة الأصلية كتبت بواسطة نور الملائكة (المشاركة 1535492)

والله راني ندحك ،، يييييي عليكم :19:، كي نشوف هكا نخاااف وماعلاباليش علاه.:9:
يعني يعني أنا قادرة نولي كيفكم هكا شاطرة !! ييي ما دنيتش ، :2:
كنت رح نشارك ب لي فريت ، يخي فآخر لحضة ولّيت حشمت ههههه
رايحة للحفافة دك ، رح نقص شعراتي وغادوووني :14: شكون تجي معايا ؟ خطيكم من الطبخ ، و صحاب لحوانت واش خدمتهم ؟
أنا الله غالب صوتت لبارح ومزال صوت تع وسمويا ،اللي تحتاج صوت تقولي :20:

بصحتك لاكوب نتاع الشّعر:11:

اقتباس:

المشاركة الأصلية كتبت بواسطة رحيل (المشاركة 1535509)

فكرت في تاسيس نقابة الاعضاء..
المسابقة بينت ان المشرفين عمرهم ما كانوا في خدمة الاعضاء كيما يقولو...
ام هديل عميل مزدوج تلعب من و من و لكن اكتشفت ان ولاءها للاشراف أكثر...
و لهذا لم يتحركوا ضد تجاوزاتها و بلطجتها...

نحن في إنتظار إعتراف هذا العميل:3:
حتّى يحاسب على فعلته أمام الملأ
علينا بتأسيس محاكمة فوريّة:5: