منتديات الشروق أونلاين - حدّثنا و حدّثينا عن تجربتكَِ الأولى

منتديات الشروق أونلاين (http://montada.echoroukonline.com/index.php)

- المنتدى العام (http://montada.echoroukonline.com/forumdisplay.php?f=104)

- - حدّثنا و حدّثينا عن تجربتكَِ الأولى (http://montada.echoroukonline.com/showthread.php?t=217607)

رد: حدّثنا و حدّثينا عن تجربتكَِ الأولى

السلام عليكم
أتا في العيد من النوع الذي لا يذبح ولا يسلخ ولا يغسل ياكل فقط
تقريبا نقعد واقف ونتكلم بزاف
طبعا السبب في هذا ان عدد الايدي عادة يكون كثير واليد العاملة متوفرة اذا علاه نعي في روحي
لكن في الضرورة نكون واجد وفي الذبح فقط يجب ان تكون الضرورة القصوى

رد: حدّثنا و حدّثينا عن تجربتكَِ الأولى

اقتباس:

المشاركة الأصلية كتبت بواسطة abd el kader (المشاركة 1475645)

أمممممممم
فهمت علاه ثقافتنا راهي جيفة !
لكن زعما تكون كلات منها ! ماهي ظنة كانت تأمن بالخرفان والذبيحة !
راني خايف برك لا تقولي غسلت الدوارة وشوطت البوزلوف
!

الله أعلم لم تكن حاضرة هههه أضحكتني اضحك الله سنك بصح شكون قالك كلاوه جيفة؟ ذبحتوا مليح و الحمد لله.

رد: حدّثنا و حدّثينا عن تجربتكَِ الأولى

اقتباس:

المشاركة الأصلية كتبت بواسطة أم زيد (المشاركة 1475689)

................................
الله غالب يا رحيل
دائما في قسم الطبخ ياتي الحديث عن الدوارة و أتحاشى المشاركة
و الله إنها الحقيقة :2:
أولادي مثلي لا يطيقونها.

مسكينة ام اميمة عندها على الاقل أربع دوارات في السنة فزوجها لا يستغني عنها.

رد: حدّثنا و حدّثينا عن تجربتكَِ الأولى

أصبحنا واصبح الملك لله
السلام عليكم ورحمة الله تعالى وبركاته
الامس بايتة نضحك على مشاركتكم وردودكم وحبيت انا تاني نشارككم
يا الله على بركة الله
والدتي كانت قافزة شاطرة كالنحلة ماتخليناش نقربوا لادوارة ولا بوزلوف كلشي تعمله وحدها تبارك الله عليها ورب يحفظها ....
بصح ارواحي تشوفي أول عيد في بيت الزوجية ومازلت اتذكرذلك اليوم المشؤوووووم 16/03/2000 (أكملت 21)
بديت نغسل في الدوارة القطعة اللي تعجبني نقطعها واللي ماتطلعليش عليها نرميها في لابوبال هههههههههههههه..

اما البوزلوف كشفني انتاع الصح :2::2::2:قعدت نقول يا ما وين راكي ارواحي سلكيني من هذي الاعمال الشاقة اللي راني فيها ....

يا عبادالله و با عجابة غسيل الدوارة في عيد الميلاد هاذي قاع ماكايناش وماتصراااش
حسيت روحي راني محقووورة ههههههههههههههه
بصح سلكتها طيبت الدوارة على الكيف:16::16: عجبت مول الدار رحمة الله عليه :10::10::11:

ومن تم قلت نحي التقلاش والدلع جانبا و نشمر على روحي ..
و دورك نغسل ونشوط ونطبخ يعني 3en 1 والعائلة تفطر في الوقت على11.30 او12 ماتجي الواحدة انتاع العشية نكوووون في بلاستي متغاشية:8: :17:

في امان الله

رد: حدّثنا و حدّثينا عن تجربتكَِ الأولى

نشكر كل من مرة من هنا ورفض ان يشارك في تنكيل بجثة الكبش الوديع اما من يشارك ويستمتع في تعذيب الكبش وهو ميت لازم نشتكو بيكم لجمعيات الرفق بالحيوان

رد: حدّثنا و حدّثينا عن تجربتكَِ الأولى

اقتباس:

المشاركة الأصلية كتبت بواسطة إخلاص (المشاركة 1475657)

و عليكم السّلام و رحمة الله و بركاته
و فيك بارك الله
مرحبا بالغالية كنت في إنتظارك حتّى ترجعيلنا ماء الوجه كيما نقولوا و تحمريلنا وجوهنا:11:
طلاّقة النّسا هذي سمعت بها و شفتها صعيبة في الغسيل:10:
شووف يا ياسين حتّى ما تعمّمش:8:
أنا حتّى الكبدة ما كنتش ناكلها لا هي لا الرّئة لا القلب إلاّ اللّحم و ما لازمش يكون فيه الشّحم
لكن بعد ما جيت لبلجيكا وجدت المغاربة معي في المستشفى يشترون كثيرا الكبدة و كانوا يعرضوني عليها و قالولي ذوقيها،صراحة كي ذقتها عجبتني ما لقيتهاش كيما كنت متخيلتها ليّنة مثل الرّئة

يعني قعدت سنوااات محرومة من الكبدة:8:ساعتها قلت لأختي الكبرى: علااااه كي كنت نقللكم ما نحبش الكبدة ما قلتوليش جربيها؟؟؟ نتوما فرحتوا باش ينقص واحد من الحساب:8:
بورك لي مرورك العطر حبيبتي
قبلاتي

السلام عليكم:
أولا:بارك الله فيك جدتي على الموضوع استمتعت كثيرا بتجارب الأعضاء

ثانيا:
أضحكتني أضحك الله سنك يا جدتي بارك الله فيك. حتى أنا لما كنت صغيرة ما كنتش نحب خلاص الكبدة و اللحم ما عرفت علاش
لكن مع مرور الوقت أصبحت أعشقها و استغربت من نفسي كيف كنت نكرها و ما نشمهاش كامل
الشيء الوحيد الدي مازال يقرفني هو الشحم

أما عن نفسي فلا أذكر أول مرة شوطت فيها البوزلوف ربما كنت سنة أولى ثانوي و الله أعلم. كان والدي و أمي يقومون بكل الأعمال من قبل و المرة الأولى التي قمت فيها بالتشواط كنت حسبالي بلي أنو أمر ساهل نحطو فوق الطابونة و يتحرق الشعر و هدا ما كان تمتم و لكني أذكر أني أمضيت معه أكثر من ساعتين إعدا ما شي كتر و ماكنت عارفة وقتها أنوا الحذافر يخلعوها حتى جا بابا و نزعهم . أما الدوارة فكانت كابوس حياتي كنت نفضل نشوط و لا نقي و نملط الدوارة . و بعد زواجي بشهرين شرف العيد المبارك و بدأهاجس الخوف من الدوارة التي لا أعلم من نبداها و الحمد لله سلكت على خير كان الوالد و والدة الزوج المحترم في البقاع المقدسة . و مررت العيد عند أهلي ذبحنا عندهم و هكدا شوطنا 2 زلاللف بقيادة عمر القبي يعني كنت المساعد ديالوا بارك الله فيه و أختي نقاتلي الدوارة. و العام لي بعدوا شوطت البوزلوف و ملطت 2 دواور بكل سهولة بارك الله فيها أم عمر نحاتلي العقدة لي أجهدتني طيلة تللك السنوات بدون مبرر و الحمد لله
و بما أن عمر القبي يحب العصبان و البكبوكة فيشتري الدوارة تاع الغنمي و البقري مرات عديدة في السنة و الحمد لله لكن خوفي الأن أصبح الرجيم و تعارضه مع هذه أكلات.

أم خيرو ماشاء الله مازالك على ديدانك تاع الصح أكيد أن العجوز الحقيقية بيننا هي
أم هديل
بار ك الله فيك
و ربي يعوضك خير في الدنيا قبل الآخرة ان شاء الله خيرو ما يزعفش مني على هذ الدعاء . ربي يقدرلكم نتي وياه كل خير و يرزقكم من نعيمه .

رد: حدّثنا و حدّثينا عن تجربتكَِ الأولى

مشكوووووورة جدتي الغالية على الموضوع .....
و الله الموضوع اعجبني و الردود اضحكتني .... انا شخصيا فيما مضى كنت نتمولك :12:نهار العيد .....يومي يمر و انا اجول بين العمال فيرونني متنقلة ما بين الشرفة لأرى والدي حفظه الله و اخوتي و الجيران يذبحون و يسلخون و بين المطبخ مع وصول اولى الوفود من الرأس و الرجلين .... لكن هذا انتهى ما العام الماضي حركتني نوع من الغيرة عندما رأيت الوالدة الغالية في عيد 2010 سعيدة و مبتهجة لأن اختي هناتها من الزليف فأنا اقسمت على ان افعلها في العيد القادم ... وحدث ذلك اتذكر ان والدي لما اتى من صلاة العيد مع اخوي رحت نجري قتلو غير تذبح ابعثلي الزليف اليوم انا راح نزلفو و هو قعد يضحك مفهم والو ... وخاوتي شبعوا علي ضحك مي درتها صح عمرت الدار دخان و انا و ليت منشبه لوالو و عيييت بصح كي قاتلي امي "زلفتيه كيما واحدة بخوفيسيونال " فرحت بزاف و نويت نعاودها هاد العام ان شاء الله ...... اما الدوارة فالشباب يهنونا منها يغسلوها كل عيد برا و احنا نعاودوها برك......عيدكم مبارك و ان شاء الله سعادتنا دايما عامرة.

رد: حدّثنا و حدّثينا عن تجربتكَِ الأولى

اقتباس:

المشاركة الأصلية كتبت بواسطة abd el kader (المشاركة 1475652)

لأنه يجب حسب المذهب عندنا أن يذهب الجزء الناتئ في الرقبة (الغلصمة) مع الرأس لا مع الجسد

وفي الطيور أمرها صعب بعكس الخروف فأمر الغلصمة يسير

ورحم الله صاحبة تلك الطيور التي خافت عليهم من الآفة !
ما تعلمت إلا بهم

لكن أظن أن أمر السلخ أشد من أمر الذبح ؟ ! أليس كذلك ؟

اما غسيل الدوارة، فكنا ونحن مراهقون نتخاصم على من يغسلها !!
فيا خيبتنا في بنات اليوم !!!

أيّاااااااا هذي كبيرة يا بنات اليوم اهجمن بكلّ قوّة:8:

رد: حدّثنا و حدّثينا عن تجربتكَِ الأولى

اقتباس:

المشاركة الأصلية كتبت بواسطة أم خير الدين 46 (المشاركة 1475654)

اخلاصو موضوع شيق للغاية

استمتعت كثييييييييرافي قراءة الردود
لي عودة ان شاءالله
ونحكيلكم بالتفصيل الممل
فكونوا في الموعد:8::8:
تصبحون على الف خير

أسعد الله يومك حبيبتي
في شوق للوصول إلى ردّك و قراءة التّفاصيل:11:
قبلاتي:13:

رد: حدّثنا و حدّثينا عن تجربتكَِ الأولى

السلام عليكم
لن تصدقي غاليتي إن أخبرتك أنني لا أطيق فعل ذلك لكن أنا مجبرة و قد فعلت ذلك منذ خمس سنوات تقريبا يعني عندي خمس اسنين ملي وليت انشوط الزليف و نقي الدوارة
بورك فيك
حفظك الله