|
رد: فخامة الرئيس (بوتفليقة) يزور منتديات الشروق
الحمد لله ...أنا ماقلت والو ....أنا مع ما تقوله الأخت سماح دائما ...أكيد كلكم تشهدون لي بذالك .....tearstearstears تحيا سماح ويحيا بوتفليقة ...
|
رد: فخامة الرئيس (بوتفليقة) يزور منتديات الشروق
سيدي الرئيس فرع جامعة بوسعادة هل سيتحقق حلمي ؟
يعيش سكان مدينة بوسعادة والبلديات القريبة لولاية بوسعادة حالة غليان بسبب عدم استفادة بوسعادة من فرع جامعي الذي تقرر إنشاؤه في عهد الوالي السابق بسعة 8000 مقعد بيداغوجي، وتم تخصيص له قطعة ارض تتربع على عشر هكتارات بالمدينة الجديدة لبوسعادة ، ومنذ تنصيب الوالي الجديد لم يعرف هذا المشروع النور بعد ، وقد تم تحويله إلى بلدية المطارفة القريبة من مقر ولاية المسيلة و لمذا لا نرى اي مشروع ترفيهي للشباب في مدينة بوسعادة ؟؟؟؟؟؟؟؟ وعلى هذا اجتمع المجلس الشعبي البلدي لبلدية بوسعادة وهدد بالاستقالة جماعيا في حالة تحويل الفرع الجامعي ، كما هددت معظم بلديات الجنوب البالغ عددها 23 بلدية من الجهة الجنوبية لبوسعادة بالاستقالة الجماعية وهذا في حالة تحويله إلى منطقة أخرى .وتبقى الإشاعة هي سيدة الموقف إلى حين تفنيدها وتجسيد المشروع على ارض الواقع فالى متى سيبقى اولادنا و بناتنا يدروسون في ولاية المسيلة ’ و الى متى يبقى وزير التربية يزيد زرهوني متجاهلا لمطلب اولاد بوسعادة و الى متى سينصب الرئيس عبد العزيز بوتفليقة بوسعادة بالولاية بعد ان وعد كل البوسعاديين في العهدتين السابقتين بالولاية السؤال يبقى مطروح عند جميع البوسعاديين و الى متى يبقى اكثر من 150 الف مواطن من بوسعادة يسير 70 كم الى المسيلة من اجل ابسط ورقة ادارية ؟؟؟؟؟؟؟؟؟؟؟؟؟؟؟؟؟؟؟ |
رد: فخامة الرئيس (بوتفليقة) يزور منتديات الشروق
اقتباس:
|
رد: فخامة الرئيس (بوتفليقة) يزور منتديات الشروق
نقول له مرحبا بك ورزقك الله الصحة والعافية لكن نريد ان نفهم
|
رد: فخامة الرئيس (بوتفليقة) يزور منتديات الشروق
اقتباس:
ما تخافش فواز انا لست كما يشاع عني و لا اعرف d r s الا بالاسم ولست منهم ولست من اي نوع من انواع المخابرات الجزائريه ولا الامنيه ولست ممن يضرب الشيته ولم القى السيد الرئيس يوما وهو لا يسمع بمواطنه اسمها سماح لان مثلي الكثير لهذا لست مجبرا لتكون مع ما اقول حتى لا يمسك شيء واظن انك جربت حريه التعبير ببلدنا ولا مرة جاك الشرطي لبيتك لاعتقالك رغم انه سهل جدا اليس كذلك ؟ ان قلت يحيا بوتفليقه من قلبك فانت حر ولا تقدر ان تديمه في كرسي الرئاسه مدى الحياه وان هتفت يسقط بوتفليقه فانت حر ولن تقدر ان تسقطه من كرسي الرئاسه ،ما نحن الا بسطاء نسعى وراء لقمه العيش ونحلم بوطن امن حر مستقل رخاء وشعب موحد لا يفرقه شيء ..ولا يمكن لاحد ان يجعل بينه وبين من يحكمه فتنه حتى ولو لم يتفقا يوما في البسياسه المنتهجه. |
رد: فخامة الرئيس (بوتفليقة) يزور منتديات الشروق
مثلما المعارضة تتعامى وتتجاهل على ما يسمونه هم الشيتة النظام أيضا له نفس المنطق مع يسميه هو المؤامرة وبعض ما يحدث في المنتدى خير دليل على ذلك بنبرة حنينة وحزينة وأقل حِدة من صاحبها الأصلي أقول "سيدي الرايس ما خصنا والو" http://www.youtube.com/watch?v=HoxZU_JzNYI ويعجبني مقطع بزاف تاع لطفي دوبل كانو يقول فيه كون تهدر... يقولك " آو روح اشكي لبوتفليقة " !!! خطراك هذي الفئة دايرين des barrages باه الصوت تاع الشعب ما يطلع حتى étage القصيدة الكاملة سيد الرايس... نكتبلك لأول خطرة même لكان عمبالي هاد الخطوة راي خطرة خطراك انا قالولي اسكت... On ne sait jamais تصرالك مشكلة تعود تقول واش جرالي؟ راني، مشني جاي نمدح بالمشاعر ومشني جاي نسب باش يقولوا زعمة واعر آني مسلم واعي، نمن بالـ les quatre livres En plus آني berbère، يعني حنموت en homme libre ما نقولكش باللي الشعب مشو لاباس ولا باللي الناس ناقصين ماكلة ولباس ما نقولكش خلاص زاد الفقر ولا البأس آني جيت نقولك...في هذه البلاد كثر اليأس بـdes espoirs مش affaire تاع الصوارد تفهم soi كون نحكيلك صح l’histoire بكري صرات... واحد لعباد كانوا يتصرفوا رباونا على الشر، دارولنا lavage de cerveaux قداه من عام، هوما غير يعلموا فينا باللي الدولة عدوة، وjamais رايحة تفيدنا حطمونا، حطونا، حرقونا، وحقرونا... باه على قد ما نكبروا نزيدوا نكرهوا الحكومة هوما كانوا غير بالذهب و غير الفضة والشعب كانو يعطيولو غير الفتات وغير الفضلة حطونا في الضلام، والظلم راح لبعيد حبوا يكونوا امراء وحنايا كل عبيد دارولنا قوانين، قالو الشر عاد مسرح قالو باللي الشعب حياتو كاملة يبقى مكلح علومنا، فهمونا... بالي الـ vote ديما مدرح قالولنا باللي الحل... لازم الناس كل تتسلح!! مالا نبرح… هاذ لعباد اهم مهابيل حبوا يهدمونا، حبوا يرجعوا الشعب ارهابي!! نعودو هالكين... هوما لهيه كانوا هانين خلي نفضحهم، ونبعثلك لبرية هادي سيد الرايس مشني جاي هنا باش نمدح ولا باش نجرح كيف لكلاب اللي تنبح جيت نبلغ رسالة ونكتب نقول غير الحق وربي شاهد لكان نكذب سيد الرايس مشني جاي هنا باش نمدح ولا باش نجرح كيف لكلاب اللي تنبح جيت نبلغ رسالة ونكتب نقول غير الحق وربي شاهد لكان نكذب سيد الرايس... مشني جاي نضرب الشيتة ومشني جاي باش نشعل نار جديدة مشني جاي بنميمة تاع جريدة بالعكس آني جايبلك message تاع شبيبة La jeunesse تفكر غير في الـ départ خطراك la plus part شافوا المستقبل كلو ضباب وش بقات؟ كي تقرا عمرك كامل... كي تفض كامل... تلقى غير الحيط مقابل !!! راك تهبل... كي تشوف شكون اللي حاكم منصب وتشوف باللي الرشوة، والمعريفة هي اللي توصل كيفاه حتفصل بين الكذب والحقيقة كون تهدر... يقولك " آو روح اشكي لبوتفليقة " !!! خطراك هذي الفئة دايرين des barrages باه الصوت تاع الشعب ما يطلع حتى étage مذبيهم مظاهرات، تكسار فوضى وحس ماذبيهم تشعل نار والبلاد كل تتهز يزيد يجيبلك حزب، داخل هاذ اللعبة ويخرج la police باش السخانة تزيد تعلى الدعوة تحمى… والناس تعود غير تتظارب وتروح المطالب... ويقولوا الشعب آو ظالم والخبيث آو ضامن... كي بنى هاذ السد المصير تاعنا فسد... كي دارو فرق تسد مالا قبل ما نتسب… ولا صوتي يروح يتسد ندير برية السبب… إن شاء الله توصل بالسند سيد الرايس مشني جاي هنا باش نمدح ولا باش نجرح كيف لكلاب اللي تنبح جيت نبلغ رسالة ونكتب نقول غير الحق وربي شاهد لكان نكذب سيد الرايس مشني جاي هنا باش نمدح ولا باش نجرح كيف لكلاب اللي تنبح جيت نبلغ رسالة ونكتب نقول غير الحق وربي شاهد لكان نكذب سيد الرايس... باه نكون معك متفق لازم توافــــــــــــــق باللي انا مشني منافق كي شفت في الأفـــــق باللي كثرو الأزمـــــــــــــــــــات تبعت القرضاوي في فقه الموازنات بديت نكومباري، بين الخير والشر في وقت صح صعيب واين الفتن راي تتنشر الراس ولا حجر، والحكمة بدات تتهجر نسقسي ربي مع واش من فئة نتحشر نستعرف في الديون...راك ربحت لو ديفي كي نتفكر بكري... حبوا يبيعونا لا فامي نشفى على الإرهاب، كان يقتل بالمئات واليوم الحمد لله، مع القانون تاع الوئام بكري اللي يدير الظلم... كان ديما محمي واليوم، عدنا نسمعو فلان فالحبس وفلان منحي C’est vrais مشاريع كانت ميتة وتحركت قداه من مدرسة و قداه من جامعة تحلت C’est vrais قداه من village مكانش يعرف Gaz C’est vrais قداه من village كان بلا تريسيتي خلاص عمبالي L’économie لازمها صح la base عمبالي لازمنا وقت باش نوصلو La surface عمبالي دوصيات بزاف مزالوا محلولين بزاف des Projets لازم يدارو فـla venir بصح هذي سنين، وليجان مهمشين ليجان بالآلاف في بلاد الغربة مطيشين لازم الرشوة، والمعريفة الكل تتنحى لازم اللي يدير الشر يتحاسب ويدي طريحة نبنيو سبيطارات ونديفلوبيو ميدان الصحة نعدلو التعليم باه نبداو على قاعدة صحيحة لازم les jeunes تاعنا تعاونهم على خدمة... لازم توقف معاهم خاطر كرهو غير من الخدعة هذي الرسالة تاعي سامحوني كان بالغت وندعي ربي اللهم اشهد أني بلغت سيد الرايس مشني جاي هنا باش نمدح ولا باش نجرح كيف لكلاب اللي تنبح جيت نبلغ رسالة ونكتب نقول غير الحق وربي شاهد لكان نكذب سيد الرايس مشني جاي هنا باش نمدح ولا باش نجرح كيف لكلاب اللي تنبح جيت نبلغ رسالة ونكتب نقول غير الحق وربي شاهد لكان نكذب |
رد: فخامة الرئيس (بوتفليقة) يزور منتديات الشروق
ياريت يحبسو الرسائل عند هاد القصيدة الرائعة والكافية على ما أظن...شكرا جزيلا...
|
| الساعة الآن 07:40 PM. |
Powered by vBulletin
قوانين المنتدى