|
سكاتش دروج الباطيما -الحلقة الثالثة -
السلام علييكم
احبابي اليوم حبيت نشارككم سكاتش من انشائي راه يدور في مخي قلت نديروا متسلسل على شكل 15 حلقة للايام المتبقية في رمضان المهم القصة تحكي على دروج البطيما الحلقة -3- http://im88.gulfup.com/KgrdJK.jpg هذي الباطيما فيها 6 طوابق يعني 12 مسكن وبالتالي 12 عائلة كل عائلة من ولاية معناتها عندنا 12 ولاية وكل العائلات تاع عسكر يعني الباطيما تاع عسكر ومع عائلاتهم على بركة الله نبداو الطاوس (القسنطينية): صباح الخير عيشوش معليكش ؟؟ عيشوش العاصمية: في رحمة ربي سوال عليك الطاوس: والله ماني لباس من التلاتة وانا نايضة ماجانيش النوم خلاص عيشوش : كون شربتي اتاي يقولو الي يشرب لاتاي فالليل يجيه النوم الطاوس : تتمصخري بيا انت درك التاي يرقد عيشوش : سبحان الله جيت ندير لخير ولا عليا ختي حنا هكا يديروا عندنا الطاوس : خلاص خلاص ما قلت والو ليوم نشرب قهوة ذقيلة وهكاك يجيني النوم .. ايه نسقسيك بوعلام وليدك معليهش ؟؟ عيشوش : ايه يا بوعلام مسكين .. من نهار خرجت الريزيلتا تاع الباك مراهش قدقد راني خايفة عليه طاوس: هذا من لعام لي فات وهو صافا با الناس قريب تعقب لباك هذ العام عيشوش: سكتي برك راني معولة نديه لبلحمر نديرلو رقية راني شفتو فالشروق طاوس : وتامني نتي بهذاك بلحمر ؟؟ يا ختي انا لالا عيشوش : وعلاه ما نامنش بيه يخي يقرا في كلام ربي .. وكون ماجاش مليح مايجبوهش حتان للشروق طاوس: ياختي انا من سمعتوا يقول نرقي فالدم هرب قلبي منو عيشوش : ماتدري لكون صح جا طالع الدراجي وليد الصامتة البريكية صباح الخير الحاجة وشراكي لباس عيشوش الحمد لله او ليدي سوال عليك الدراجي : والله قا في نعمة من عندربي ونتي خاتي الطاوس راكي لباس؟ الطاوس لباس الحمد لله وانت معليكش؟ الدراجي : ا في رحمة امالا راكم لباس .. والصحة لباس .. هيا امالا تبقاو على خير عيشوش : استنا يا وليدي نعطيك تشريلي الخبز؟؟ الداجي : اا زعما كنت طالع نتقدى ايا معليهش هاتي نجيبلك عيشوش : ربي يحفظك يا وليدي نشالله تجيب الباك وتولي طبيب الدراجي : هههههههه ايه ياالحاجة نشالله نجيب الباك هذيك هي الدنيا وما فيها راح يشريلها الخبز .. طاوس : شفتي الله يبارك عاقل ومتربي تقول ماهو بن الصامتة ..صامتة وصامطة .. عيشوش : عندك الحق بصح حتى الصامتة قلبها ابيض تحب ترمي الهدرة برك . جات هابطة حنان بنت فريدة العنابية حنان : اهلا وشراكم راكم مجمعين كي لعسل ربي يدومها هكااا طاوس : حفظك ربي يا بنتي وين بيها ؟؟ههه عيشوش : يحلي يامك يا بنيتي كيما قالت الطاوس وين رايحة في هاذ لقايلة حنان : والله يا خالتي عيشوش يا الخدمة هاذي ..ماخلاتليش خلاص رني رايحة دركا راهم عيطولي عندنا رينيون ايرجون عيشوش : روحي يا بنتي روحي ربي يفتحها في وجهك . حنان : يفتحلي لخير خالتو ماشي قرعة 9ازههههههههه وراحت حنان للخدمة عيشوش : والله يا هاذ الطفيلة تشفني خانها السعد قاعدة غير تكبر الطاوس: وهي شايفة روحها ناقسة زين وعلاه ما تحجبتش وعدلت روحها كي لبنات ؟ ما تشفك ما والو عيشوش : صح صح بصح التربية تسخف والخدمة الطاوس : كون جات على الخدامة والشهرية راهم الذر هاذو كامل ازوجو درك عادت الخدامة تطير. طلت لويزة من فوق : هواري .. هواري .. ماشفتوش البز هاذا وين راه الطاوس : لالا ما شفناهش غير قولي صباح الخير لويزة : صح سمحولي .. كي راكم غايا ؟ والله هاذا البز رح يهبلني ساعة ما جا ما جابلخبز ... يتبع غدا 1 عائلة الصامتة من بريكة 2عائلة تاسعديت تيزي وزو 3عائلة سبولة بسكرة 4 عائلة لويزة وهران 5 عائلة فريدة عنابة 6 عائلة الطاوس قسنطينة 7عائلة نوة تيسمسيلت 8 عائلة نعيمة سطيف 9 عائلة نونا ميلة 10 عائلة نوال جيجل 11 عائلة عيشوش العاصمة 12 عائلة فايزة خنشلة . انتظرونا غدا بعدد جديد |
رد: سكاتش دروج الباطيما -الحلقة الثالثة -
لمن فاتته الحلقات الولة تجدونها هنا
الحلقة الاولى http://montada.echoroukonline.com/sh...d.php?t=272080 الحلقة الثانية http://montada.echoroukonline.com/sh...d.php?t=272165 |
رد: سكاتش دروج الباطيما -الحلقة الثالثة -
السلام عليكم
والله روووعة يا ريونة راكي دايما متألقة ومتميزة الله يبارك عليك نعطيك 20/20 في انتظار الاعداد القادمة ان كنا احياء باذن الرحمان. |
رد: سكاتش دروج الباطيما -الحلقة الثالثة -
.................................................. ............................................
تشكري ريون |
رد: سكاتش دروج الباطيما -الحلقة الثالثة -
اقتباس:
حبيبتي فاتي ربي يخليك ليا وهذا من روعة ذوقك ان شاءله تعجبك البقية:14::14::14::14::14: |
رد: سكاتش دروج الباطيما -الحلقة الثالثة -
اقتباس:
العفو مامون |
رد: سكاتش دروج الباطيما -الحلقة الثالثة -
ماشاء الله ياريان يوم بعد يوم راكي تبدعي
والله فوووووووووووووووور في المتابعة انا لم اعطيك النتيجة للحلقات 1و 2 و3 اليوم نتيجتك 100/100 |
رد: سكاتش دروج الباطيما -الحلقة الثالثة -
اه يا نينو يا لعسل تعيشي تعيشي حشمتيني
|
رد: سكاتش دروج الباطيما -الحلقة الثالثة -
والله ياريان قتلتيني بالضحك
سيرتو كي وصلت عند الوهرانية تفكرت روحي كي نهدر مع افراح في التيليفون تقعد غير تضحك كي نقولها كيراكي غايا ؟ ^^ مبدعة بأفكارك ويبدو انك عارفة لعقلية الساكنين بالباطيمات ^^ جميل بحق اسجل متابعتي ممم لم اكن اعرف ان قِ موجودة في اللهجة الجزائرية :10:مع انو كنت نشوف الأخوات هنا يستعملوها بصح كنت حاسبتها غِ زعاقا ^^ سؤال : بريكة وين جاية ؟ :10::10: |
رد: سكاتش دروج الباطيما -الحلقة الثالثة -
اقتباس:
وتبعد عن منطقة سكني ب8كلم انا ما نحكيش بالقا نحكي بالغا بصح كي عادو قراب لينا ولهجتهم باهية بزااااااااف :20::8: قلت نديرهم يمثلو باتنة صافي انتي وهرانية؟؟ خيار الناس متشرفين |
| الساعة الآن 05:40 PM. |
Powered by vBulletin
قوانين المنتدى