شاركنا يومك الاول من عيد الاضحى يا شروقي( ة )
السلام عليكم و رحمة الله تعالى و بركاته إخواني الشروقيين أخواتي الشروقيات خلونا نعيش فرحة اليوم الاول من عيد الاضحى من خلال سردكم لتفاصيل أحداثه و كيف يعيشه كل واحد منكم بدءا من الاستيقاظ صباحا الى النوم ليلا :8: هيا يا شروقيين كيفاش تفوتو اليوم الاول نتاعكم نتاع عيد الاضحى :15: . . . انتظر تفاعلكم ماتحشمونيش :17: |
رد: شاركنا يومك الاول من عيد الاضحى يا شروقي( ة )
السَّلامُ علَــــيكُم رأيي يقول : من الأحسن أن تغلقي الموضوع وتثبتيه ’ وبين الفينة والاخرى طلعيه مثل العادة ليظهر للعيان ، حتى يوم العيد هذاك هو نجمعو شوية صور ونحكو التفاصيل حينها واش قلتي ؟؟ أسْتَغْفِرُ الله وأتُوبُ اليْه |
رد: شاركنا يومك الاول من عيد الاضحى يا شروقي( ة )
ههههه امورة انتم فكرو واش تكتبوا و انا كل يوم نحطلكم كبش يفكر كم
لأني حطيت الموضوع في منتدى ليس تحت إشرافي |
رد: شاركنا يومك الاول من عيد الاضحى يا شروقي( ة )
السلام عليكم الموضوع سيرسل إلى كل أعضاء المنتدى عبر البريد الإلكتروني تحياتي |
رد: شاركنا يومك الاول من عيد الاضحى يا شروقي( ة )
بارك الله فيك عمو اسعدتني مبادرتك
|
رد: شاركنا يومك الاول من عيد الاضحى يا شروقي( ة )
اللهما علمنا ونفعنا بما علمتنا
|
رد: شاركنا يومك الاول من عيد الاضحى يا شروقي( ة )
اقتباس:
شرفت موضوعي اخي ببصمتك الاولى في المنتدى شكرًا لك |
رد: شاركنا يومك الاول من عيد الاضحى يا شروقي( ة )
انا والحمد لله اول ايام العيد اكون على اعصابي ولا اطيق احد اخر من يدبح
|
رد: شاركنا يومك الاول من عيد الاضحى يا شروقي( ة )
في العادة نفيق قبل أذان الفجر بساعة نصلي ركعتين قيام ثم أجلس لقراءة ما تيسر من كتاب الله ثم نصلي الفجر
و أجلس لذكر التسابيح لطلوع الشمس ( ساعات يغلبني النعاس مجددا فأغفوا على سجادتي ههههه ) ثم عندما تبدأ التهاليل في المسجد نروح نفرش الصالة و نوجد صينية الضيافة إللي تكون في الغالب في عيد الأضحى مكونة من الحلاوج الآتية ( حلقومة . حلوة ترك . لبن أو رايب . تمر ) و قهوة أو تاي حسب مزاج ماما من بعد يروح بابا من للمسجد نسلم عليه هو و ماما و بعدها يجينا الذباح يذبحلنا الأضحية و نفطروا على كبدتها و تنظف البقية غالبا دون حضوري طبعا ( لأني ما نتيقش هذا الشي ) ثم نتغدوا مع بعضنا و نستنوا خوالي و عمومي يجو عندنا و غدوة نروحوا نحنا لدار جدة و يمة ربي يرحمها و النهار الثالث و الرابع يجونا نساء خوالي و عمومي و خلاص و نسيت عشية النهار الأول أو صبيحة النهار الثاني يقسموا الذبيحة و يصدقوا إللي راح يصدقوه و يهدوا إللي راح يهدوه و يخلوا إللي راح يخلوه وبابا و خواتي الذكور يروحوا نهار الأول لجدة يعيدوا عليها و للمقبرة للترحم على جدي و يمة و خالي و خال ماما |
رد: شاركنا يومك الاول من عيد الاضحى يا شروقي( ة )
اقتباس:
اليوم الاول تفوتوه عند عجوزتك و لا في داركم؟ شكون يذبح لكم و شكون يزلف الدماغ و شكون يغسل الدوارة وواش تديرو للغدا وواش تآكلي وواش ماتكليش و.......؟ |
رد: شاركنا يومك الاول من عيد الاضحى يا شروقي( ة )
اقتباس:
فقط سؤال انت قلت ماما و يمة ربي يرحمها و يسكنها فسيح جناته شكون ماماك و شكون يماك :2: |
رد: شاركنا يومك الاول من عيد الاضحى يا شروقي( ة )
ههههههههههههههههههه انا لا ادبح في بيتي عملتها مرة وحلفت بصراحة لا اخفي علكم انا عمري ما شوطت الزلوف ولا لامستو الدوارة هنا هنا وين رجعت نغسلها كلو للزبالة الله غالب ابن عمي والف البوزلوف اصدقه نخلي الدوارة والكبدة وكلو يروح نغديهم وانا لا اكل في البيت الذي شويت فيه الكبدة
لما ننتهي ويكون ابن عمي متحسر مني الله غالب العام الي فات اكل بوزلوف لان خالتي تولت المهمة لعشية ندير كمونية على قولكم ولا اتعشى في بيت تخدمت فيه الدوارة تصورو اكلي قاطو ومشروبات طول اليوم لا اكل لما تدخل الرائحة في انفي تكوبالي كلش مازال الخير ونحكيلكم المرة هذي بالصور |
رد: شاركنا يومك الاول من عيد الاضحى يا شروقي( ة )
ماما هي إللي جابتني للدنيا و يمة ربي يرحمها هي جدتي لأمي إللي ربتني ثاني و بالمناسبة ولاد جيرانا المتربين عندنا مع أنهم ما يقربوناش إلا أنهم يعيطوا لماما ماما كيما أمهم مازلنا متربين بعقلية بكري
|
رد: شاركنا يومك الاول من عيد الاضحى يا شروقي( ة )
اقتباس:
في انتظار الصور وهكذا راح تكتمل فرحة العيد :1::1::1: |
رد: شاركنا يومك الاول من عيد الاضحى يا شروقي( ة )
ما احبه بعيد الاضحى الحنة واللحم تاني يوم فققققققققققققققققققققققققققققققققققققققققققققط
|
رد: شاركنا يومك الاول من عيد الاضحى يا شروقي( ة )
اقتباس:
إحنا ثاني نقولو لوالدة ابي ربي يرحمها ما واولادي يقولو لجدهم بابا و لجداتهم ما |
رد: شاركنا يومك الاول من عيد الاضحى يا شروقي( ة )
نو نو أنا الحنه هي إللي ما الدورش بيا في عرس أختي و ما حنيتش غير دائرة صغيرة درتها حشمة من ماما و نحيتها بعد ساعة هههههه
|
رد: شاركنا يومك الاول من عيد الاضحى يا شروقي( ة )
السَّلامُ علَــــيكُم
موضوع شيق حقًّا سأحاول الرّد ’ الرَّشح أتْعَبَنِــــــــي زعما مش رايحة نهدر بزاف في اليَوم الأَوّل ’ أنهَض رفقَة مَامَا قَبْلَ صَلاة الفجر ’ نقرأ القرآن ونُصَلِّي، ثُمَّ نُحَضِّر سينية القَهوة لأبِي واخوتي ’ بَعدهَا يذهب الرِّجال لأداء صَلاة العيِــد ’ وأنا وماما ننظِّف البيت ونرتِّبه وماما تشعل التلفاز تحبّ كمَا أحب التسبيح والتكبير الذي تبثه القَناة الأرضية ، بعْدَ الصَّلاة وبِحُكم أن الأقارب متفرقِين عبر ولايات الوطن نتصل بكل واحد .... عندها يرجع الوالد رفقة الأبناء ’نعيِّدو لبعضانا ‘’ ويأخذون كل لوازم الذبح | الموس والباسينات الماء الساشيات البالي والفروطوار وكل شيء للتنظيف | يقوم واحد من الإخوة بالذبح والآخر بالسلخ وواحد يجيب الراس وواحد يوزع الماء من هنا وهناك وواحد يصوّر ويتمهبل وواحد ينظف الأمعاء والدوارة من الأكل المتبقي فيها وواحد رايح جاي يديب موس ادي حوس ادي باسينة ’ وفي الوقت نفسه أنا وماما نكونو نزلّفو الراس حنا نقولو نشوّطو ، أيا من بعد تطلع الدوارة ننقيوها أنا وماما سمى هي تشد جيهة وأنا جيهة بش نكملو بكري ، أيا وكالعادة أخي الصغير في الذكور يطلع الرية حنا نقول |لفَّاد | والكبدة لي لاصقين فبعضاهم وهو يتمسخر ينفخ فيهم ويتصور وسط مزاج وضحك حدّ الهيستيرية , مابيدما نكونو حنا نظفنا المنزل يطلعو الجزرة ويروحو الرجال ينظفو مكان الذبح يسيقو ويغسلو وتنوض المناوشات بيناتهم أنا ندوش الأول ولاخر أنا الأول أيا يدوشو ونكون أنا وماما نوجدو فالفطور نقليو الكبدة ولفاد والسلاطة ونوجدو الطابلة نتلمُّو كامل ونتغداو . نرجع للكوزينة نغسل المواعين و ماما تقسَّط الراس وتحطُّو يغلي فالماء بعدما نقعتو أنا فالماء والخل هي تقسط فالراس وخاوتي شابعين ضحك ويتصورو تعرفو تمهبيل تاع ليجان ونا نكمل الروتوشات مصارين نقلبهم ونكملو كيف كيف ونحطو الدوارة والمصارين تغلي نصها ونص لا خر نديروه عصبانة ونوجدو الحشو تاعها توصل بينا الزوح بعد الظهر نكملو كلشي مع العشوة نحشيو العصبان ونحطوه جانبا ’ وخاوتي وبابا يكونو راحو لعند الأقارب وكي يرجع واحد منهم نقسمو الجزرة ولي يتصدق يتصدق ولي يتهدى يتهدى ونحضرو العشا ’ هذاك هو نكون سيقت أكثر من عشرين مرة فالنهار ناكلو ونطيحو نرقدو كاااااااااااااااااااااااااو خاصة أنا وماما , فاليوم الثاني نطيبو الفرمسة ولا الشخشوخة البسكرية ولا الفتات الميلي ولا الفطير القسنطيني ولا النعمة الشاوية كل واحد كفاش يسميها ’ ونخرجو سينية لبرى للناس ياكلو ويذوقو ماكلتنا وتبدا الزياراااااااااااااات دخول خروج سنيوة قهوة تروح ووحدة تجي وهكا ماشيا الحالة كشما تفكرت نزيد هذا العام معنا جدد أكيد فيها تغييرات أسْتَغْفِرُ الله وأتُوبُ اليْه |
رد: شاركنا يومك الاول من عيد الاضحى يا شروقي( ة )
اقتباس:
واكثر شيء يعجبني هو لومبيوس ربي يدوم لمتكم :12: |
رد: شاركنا يومك الاول من عيد الاضحى يا شروقي( ة )
اقتباس:
الله يجعله عيد مبارك عليكم وعلى جميع المؤمنين والمؤمنات ويعمر بالخيرات بيوتكم . |
رد: شاركنا يومك الاول من عيد الاضحى يا شروقي( ة )
اقتباس:
أجمعين آمين آمين بوركت أخ عصام |
رد: شاركنا يومك الاول من عيد الاضحى يا شروقي( ة )
اقتباس:
|
رد: شاركنا يومك الاول من عيد الاضحى يا شروقي( ة )
السلامُ عليكم رائع جدا يا غاليتي ام اسامة، لي عودة بإذن الله ما احلاها من لمة بين الاعضاء في هذا الموضوع المميز بوركتِ:13: |
رد: شاركنا يومك الاول من عيد الاضحى يا شروقي( ة )
اقتباس:
اهلا بالغالية فطومة وستكون احلى واجمل بانضمامك حبيبتي انا في الانتظار :12: |
رد: شاركنا يومك الاول من عيد الاضحى يا شروقي( ة )
موضوع جميل براءة
انا مرة نعيد عند عجوزتي ومرة في داري على حساب ظروف عمل زوجي عند حماتي أكيد اجمل واحلى اللمة ولومبيونس يوم العيد تقريبا يفوت غير في المطبخ تنظيف أحشاء وبوزلوف وغذاء ونزيدو عشاء يعني ما نجيو نكملو طاح الليل انا لا آكل شيء من الخروف بصح نحب نشارك في كل شيء نغسل أمعاء ....كرشة ....بوزلوف ...الخ ما عندي حتى مشكل ونخدم كل شيء خمسة وخموس عليا ههههههه الغذاء باين الأحشاء مشوية مع بطاطا مقلية وسلطات ومشروبات العشاء كل مرة كيفاش عند حماتي يأكلون غير كرشة نديرو بكبوكة وفي دارنا موالفين اليوم الأول عصبان وفي اليوم الثاني نقطعو ا الخروف ونصدقو واش لازم والباقي مشوي .....مقلي .... محمر .....وما نزيدوش من فوق أسبوع نكملوه الكبش في داري السماطة تقتل تقولي ماشي عيد نذبحو الكبش...زوجي يهز الكبد والخروف والباقي نصدقوه والغذاء كيما ذكرت سابقا والعشاء كيف كيف ما كان لا كرشة لا بوزلوف ....... وخلاص العيد والتهاني عبر الهاتف |
رد: شاركنا يومك الاول من عيد الاضحى يا شروقي( ة )
اقتباس:
|
رد: شاركنا يومك الاول من عيد الاضحى يا شروقي( ة )
|
رد: شاركنا يومك الاول من عيد الاضحى يا شروقي( ة )
اقتباس:
العيد حلاوتو في اللمة وبوزلوف والكرشة ولو انني لا أطيق أكلهم ابدا:2: |
رد: شاركنا يومك الاول من عيد الاضحى يا شروقي( ة )
اقتباس:
|
رد: شاركنا يومك الاول من عيد الاضحى يا شروقي( ة )
خلاص الموضوع هذا لن ادخله كتشيعة لا اطيق شيئ من احشاء الكبش الا لحمه اللححححححححححححححححححححححححححححححححححححححححححححححح حححم فقط بكل طرق طهييها
|
رد: شاركنا يومك الاول من عيد الاضحى يا شروقي( ة )
الاعادة لا تتغير
1ـ صلاة الفجر ثم صلاة العيد ثم المغافرة ثم الكبدة و الدوارة |
رد: شاركنا يومك الاول من عيد الاضحى يا شروقي( ة )
اللهم انصر الاسلام
|
رد: شاركنا يومك الاول من عيد الاضحى يا شروقي( ة )
اقتباس:
يوم عيدي يا براءة يشبه يوم عيد إشراق في دارها:8: :16: كبدة و لحم الخروف :16: قلت هذا من قبل في المنتدى فتعرّضت لحملة نقد واسعة من فحلات الدوارة:20: اقتباس:
|
رد: شاركنا يومك الاول من عيد الاضحى يا شروقي( ة )
شكرًا لكل من مر من هنا بارك الله فيكم جميعا
لي عودة للرد على كل واحد ان شاء الله الله غالب تحضيرات العيد أخذت كل وقتي *_* |
رد: شاركنا يومك الاول من عيد الاضحى يا شروقي( ة )
كل عام وانتم بالف خير...........اعاده الله علينا باليمن والبركة:13::13::13:
|
رد: شاركنا يومك الاول من عيد الاضحى يا شروقي( ة )
السلام عليكم و رحمة الله و بركاته. عيد مبارك أختي و كل عام و أنتم بخير. هذا العام و ككل عام نحتفل بالعيد رفقة العائلة في ساحة المنزل. خمسة عائلات و أربعة كباش تصلح للمصارعة الاغريقية:8:. صلاة العيد تبدأ على الساعة السابعة و كالعادة في كل عام نفس الخطبة لا يوجد ميزاجور عند إمامنا:8:. حوالي نصف ساعة تنتهي صلاة العيد ثم المعايدة على بعضنا البعض. حوالي الثامنة الجميع يكون حاضرا في البيت و مستعد للقتال:4:. كل فريق عنده مهمة و أهداف محددة. أنا أنتمى لفريق الذبح و السلخ و التسياق:8:. الجميع يشارك في سلخ الكبش الأول و الثاني بما فيهم النساء. التاسعة انتهاء من ذبح الكباش الأربعة و في نفس الوقت هناك فريق الدوارة و البوزلوف و هناك فريق التسياق. العاشرة و نصف انتهاء كل الأعمال القتالية.الوالدة تقوم رفقة أخواتي بتحضير الغداء و في نفس الوقت اعداد العصبان أي البكبوكة و البوزولوف للمساء. يتبع.... |
رد: شاركنا يومك الاول من عيد الاضحى يا شروقي( ة )
السلام عليكم
عيد أضحى مبارك وكل عام وأنتم بخير اليوم الصباح صليت الفجر مع ماما و وابي ورجعت رقدت شوية بعدها رحت نصلي مع ابي صلاة العيد وحضرنا الدرس الحمد لله كان راااااااااائع . ولينا للدار سلمت على كامل الأسرة و ذبحنا عمي الكبش طبعا عاونتهم , ممبعد نظفت انا مكان الذبيحة و الدماء و غيرها وماما غسلت الدوارة, بلا ما ننسى الكبدة اللي شويناها وكليناها بعد ما كنا صايمين ذوق رااااااااااااااائع , فطرنا والعشية ان شاء الله نسلمو على الجيران و نشوو اللحم للعشا , الغد ان شاء الله رانا رايحين عند الاقارب لتبادل التهاني و اللي بعده نستقبل صحاباتي باش نحيكو للعيد ويوم الأحد نروح نقرى كالعادة |
رد: شاركنا يومك الاول من عيد الاضحى يا شروقي( ة )
اه يا كتشايع اه قهر قهر انا الي عملت كل شيئ من الكبدة للدوارة لكن ههههههه البو زلوف حلفت لاء والف لاء موش كل طير يتكل لحمو ياماما لحد الان لم اكل شيئ الا فنجان قهوة الصبح بعد الفجر وحبة قاطو لا اطيق شيئ الرائحة تسكن انفي وكل شيئ اشمه كبد ودوارة كتشيعة سدو نفسي غديتهم انا نشوي في الطاجين والكل ل ياكل وفرحاااااااااااااااااااااااااان والكل سعيد اين انت يمجيد وععععععععععععععععععععع راني نطيب في الدوارة للعشا وساضعها لما تجهز صحا عيدكم
|
رد: شاركنا يومك الاول من عيد الاضحى يا شروقي( ة )
في المساء.
قمنا أنا و زوج أختي بتقطيع الكباش و ذهب فريق من العائلة الى المطار. هذا العيد لم يكن مثل الأعياد السابقة لأنه تحقق فيه حلم كنّا جميعا في العائلة ننتظره بفارغ الصبر. في هذا اليوم المبارك عاد شخص عزيز علينا غادرنا منذ 12 سنة. انه أخي الذي هاجر الى الخارج و لم يعد منذ 12 سنة. حتى الان لم نصدق أعيننا و نحن تحت صدمة الفرحة. |
رد: شاركنا يومك الاول من عيد الاضحى يا شروقي( ة )
مساء الخيرات
حنا عادي اجواء العيد روتينية صباح نوجدو الصالة ونفرشو زربية خاصة فقط بالعيد ههههه بالنسبة ليا هديك الزربية هي العيد نوجدو سينية للضيوف فالعادة يجونا بزااااف اقارب خاصة اخوالي ولكن هذا العيد ما جا حتى واحد بعد الصلات يجي بابا يذبح و خويا يتهلا فالباقي والفنا نفطرو على الكبدة يوم العيد و الغدا يكون دوارة وخويا الثاني يدير الشوا مي للاسف هذا العام ما حسيناش بالعيد خلاص لانو راح يجوز لارمي ،،،، عشاء العيد يكون بربوشة كما جرت العادة نروحو نزوروا نانة ربي يحفظها وننتظر زيارة الاقارب ثاني عيد يكون للزيارات |
الساعة الآن 04:25 PM. |
Powered by vBulletin
قوانين المنتدى