|
أنوي بوقالة للعضو ألي يجي بعدك.......
السلام عليكم ورحمة الله تعالى وبركاته هذه لعبة أعجبتني وددت من خلالها أن ينوي كل عضو بوقالة للعضو الذي يأتي بعده وراني نوتي على ليجي بعدي هذي البوقالة :rolleyes: ربي يسترك ويحفظك والصبر يقولو الصبر ثمرة تاعو حلوة راح تلقى واش عمرك تهوى وتصفالك ليام وتشرب مع لحباب قهوة صافية وإن شاء الله كل ما تهوى في إنتظاركم أرق تحية للجمبع:) |
رد: أنوي بوقالة للعضو ألي يجي بعدك.......
راني راني في وسط جناني السرّ و البهاء ريته بعياني راني راني حالفة بالرباني هذه المرة ما نأخذ غير البراني |
رد: أنوي بوقالة للعضو ألي يجي بعدك.......
السفينة اللي جات باش أنكافيها باللوز والسكر نطعم غاشيها (أي ناسها) وبالزباد والعطر نطلي سواريها ونطلب ربي العزيز للحج يدّيها |
رد: أنوي بوقالة للعضو ألي يجي بعدك.......
عسل يا عسل في باقة خضرا يا شميمت العاشقين يا قمرا حلف سيد الملاح ما يرأس أمر غير إذا جات غزالته باش تكمل الحضرة |
رد: أنوي بوقالة للعضو ألي يجي بعدك.......
عندنا شجرة ** معمرة بالياقوت وعندنا فوّارة ** معمرة بالحوت اعطوني ابنتكم ** و لا نطيح نموت |
رد: أنوي بوقالة للعضو ألي يجي بعدك.......
.
:D :D :D :D :D :D . |
رد: أنوي بوقالة للعضو ألي يجي بعدك.......
إذا انت ليل أنا نجمة اضويك , و إذا انت بحر أنا موجة أقويك , و إذا انت ربيع أنا وردة أبهيك , و حلفت غير أنا إلي نديك:) |
رد: أنوي بوقالة للعضو ألي يجي بعدك.......
رفدت بريقي و توضيت....و ربي اعطاني ما تمنيت |
رد: أنوي بوقالة للعضو ألي يجي بعدك.......
مزين القمر بضواه علينا طالع ، ومزين إنسان الي في قلبو جامع ومزين النجوم كيما الياقوت المجمع ومزين ألي ربي عطالو ايكون قانع :) |
رد: أنوي بوقالة للعضو ألي يجي بعدك.......
امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ . ********** ثانكس زنوبتي على اللعبة....نموت ع البوقالات..:o ..:rolleyes: راني عقدت و نويت.....;) ...و هديك ف خاطرك... http://207.210.95.221/~echorouk/mont...ons/icon11.gif |
رد: أنوي بوقالة للعضو ألي يجي بعدك.......
لي عطالو ربي من الذهب جبال ماتنحيهالو جيوش من الرجال ولي عطاه الزين وخصال ما يتبدل والدهر بدال يبقى كالذهب مهما حال شكرا سيدرا |
رد: أنوي بوقالة للعضو ألي يجي بعدك.......
اقتباس:
يعطيك الصحة أسومة وعجبتني البوقالة أنتاعك باسم الله بديت ..و على النبي صليت ...وهذي عقدتها ونويتها لحبيبتي أسومة قريب الرفيقة ...يا قريب الرفيقة ...بيني وبينك طويقة ... يا مخلي في قلبي شقيقة ....تروح وين تروح... بصح تعيا ترجع ليا ونرد لقلبك الحريقة ;) http://www.albom.v90v.com/data/media/69/84.gif |
رد: أنوي بوقالة للعضو ألي يجي بعدك.......
اقتباس:
:o :o :o ميغسي بوكو زنوبه...و الله فور كيما مولاتها..http://207.210.95.221/~echorouk/mont...ons/icon14.gif..ربي يخليك.... و هادي في خاطرك الزينة ديالي....:o :) باسم الله بديت ..و على النبي صليت ...جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني....;) ***** دوماج ..جمولة مبنتش...باش ننولها وحده...يا درى وين راهي...:confused: |
رد: أنوي بوقالة للعضو ألي يجي بعدك.......
وهذه بوقالة لي قبلي ولي بعدي سجدت سجدة وصليت على النبي الكريم وتمنيت ورفدت يدي ودعيت وطلعت عينيا وبكيت ياربي يا كريم حققلي كل مافي قلبي ورجعلي ذاك الي طول عمري نستنا فيه |
رد: أنوي بوقالة للعضو ألي يجي بعدك.......
اقتباس:
انا تاني نحب البوقالات خصوصا في سهرات رمضان بصح دوك نقصت شوي كل واحد عاد متلهي بشغالاتو انها الحياة يعطيك الصحة لي نفكرتيني اسومة حبيبتي كنت لاتية شوي راكي تعرفي هيا انويلي واحدة رني نسنى |
رد: أنوي بوقالة للعضو ألي يجي بعدك.......
اقتباس:
شرفت ست الحسن واللي متحلاش القعد بلا بيها وهذي في خاطرك جمولة الغالية وردة فاتحة في بستان قدها ولونها وجمالها من بعيد يبان لازم على كل من حبها يقدملها من الهدايا قناطير و اطنان ويحمد المولى ويقول سبحانك ربي يا حنان ويا منان أحفضها :rolleyes: |
رد: أنوي بوقالة للعضو ألي يجي بعدك.......
اقتباس:
الله يسلمك حنونة او يعطيك الصحة على البوقالة الهايلة و انا نجيبلك واحدة من عندي ان شاء الله تعجبك الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب امين ياربي |
رد: أنوي بوقالة للعضو ألي يجي بعدك.......
هادي في خاطرك جموله جزت على جنية ، قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت يولي لي ....:cool: ;) ***** وهادي في خاطر دنوشتي...سينو... تزعف عليا....:D قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.;) |
رد: أنوي بوقالة للعضو ألي يجي بعدك.......
حبيت نعرف واش معنى البوقالة |
رد: أنوي بوقالة للعضو ألي يجي بعدك.......
اقتباس:
هي من التراث الشعبي كانت متداولة كثيرا حتى الماضي القريب بين النسوة خصوصا في السهرات الرمضانيه كنوع من التسلية والترفيه هذه اللعبة التي تأخذ تسميتها من الإناء الفخاري المعروف باسم " بوقالة " /كلمة تركية حسب اعتقادي/ ، الذي كان وما يزال يستخدم في هذه اللعبة، بعد أن يتم ملؤه بقليل من الماء يرفق بـ " الكانون" أو "النافخ" للتبخير بكل أنواع البخور من جاوي وعنبر. الأشعار الشعبية الجزائرية التي هي عماد " البوقالة "، تشاع في الأوساط العائلية لاسيما النسوية، وغالبا ما يكون فحواها حول الحب العفيف والحزن على فراق الأحبة والخلان والأمل بعودتهم، وتتطلب لعبة البوقالة تحضير الأجواء الحميمية الملائمة التي تساعد المشاركات فيها على فتح مخيلتهن وشرح صدورهن للفأل الطيب والأمل والرجاء والحلم ارجو ان يكون الجواب وافي اخي عزة |
رد: أنوي بوقالة للعضو ألي يجي بعدك.......
اقتباس:
فكرة رائعة.. و ثراتنا يجب الحفاظ عليه بورك فيك تحياتي سعاد |
رد: أنوي بوقالة للعضو ألي يجي بعدك.......
باسم الله بديت ** وعلى النبي صليت وعلى الصحابة رضيت ** وعيّطت يا خالقي يا مغيث كل مغيث ** يا رب السماء العالي ********************* فال يا فلفال يا فاتح سبع قفال اجبرلي سعدي مهما كان من الشرق و لا من الغرب ولا من الشمال هذه البوقالة انويتها للي بعدي |
رد: أنوي بوقالة للعضو ألي يجي بعدك.......
اقتباس:
و للذي يأتي بعدي: قريب الرفيقة ..يا قريب الرفيقة ..بيني وبينك طويقة .. يا مخلي في قلبي شقيقة ..تروح وين تروح.. بصح تعيا ترجع ليا ونرد لقلبك الحريقة تحياتي سعاد |
رد: أنوي بوقالة للعضو ألي يجي بعدك.......
أرجو تثبيت الموضوع
و شكرا |
رد: أنوي بوقالة للعضو ألي يجي بعدك.......
اقتباس:
بارك الله فيك اخت جميلة على الشرح جزاك الله كل الخير |
رد: أنوي بوقالة للعضو ألي يجي بعدك.......
'''خيوط الليل ذابت ..و شعاع الصبح بان.. و الشمس فوق لاحت..ذهب عليا اللي كان.. و اللي زمان غابت..جات اليوم تبان .. تسقم السعد ثابت...اتهنيت و الحظ زيان..'' هذي ليك اختي سعاد اتمنى ان تنال اعجابك تحياتي 'الناس كسبت الحطب و الشطب .. و انا كسبت طير منقارو فضة و ريشو ذهب... هذي نويتها لملاك الجنة ابنة اللاخ عزة على فكرة توحشنا مواضيعها:rolleyes: تحياتي |
رد: أنوي بوقالة للعضو ألي يجي بعدك.......
'''خيوط الليل ذابت ..و شعاع الصبح بان..
و الشمس فوق لاحت..ذهب عليا اللي كان.. و اللي زمان غابت..جات اليوم تبان .. تسقم السعد ثابت...اتهنيت و الحظ زيان..'' أشكرك أيتها الجميلة تقولين تنال إعجالي؟ لقد سحرتني :) شكرا لك أيتها الراقية سعاد |
رد: أنوي بوقالة للعضو ألي يجي بعدك.......
باسم الله بديت ..و على النبي صليت ...وعلى ؟؟؟؟؟؟؟؟؟؟هذى البوقالة نويت... محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا . |
رد: أنوي بوقالة للعضو ألي يجي بعدك.......
نويتها ل؟؟؟؟؟؟؟؟؟؟؟؟؟؟؟؟؟؟؟ '''بركاك يا قلبي من البكاء ...واضحك للزمان ... تسعد ببشائر الخير...و ربي يرد اللي راح..''' امين |
رد: أنوي بوقالة للعضو ألي يجي بعدك.......
و هذه لـ .............................؟ :D
دزيت باب لحبيب دفة على دفة فراشو من حرير نرقد وندّفا بوقالو من ذهب نشرب لا نروى و كلامو من عسل غير نذوق نشفى تحياتي سعاد |
رد: أنوي بوقالة للعضو ألي يجي بعدك.......
الى.................. ********** ''''شدني شدني... شدني من يدي .. من غيرك انا ما ندي... كلامك زين و سلامك يملا العين...''' http://207.210.95.221/~echorouk/mont...ons/icon11.gifhttp://207.210.95.221/~echorouk/mont...ons/icon11.gifhttp://207.210.95.221/~echorouk/mont...ons/icon11.gif |
رد: أنوي بوقالة للعضو ألي يجي بعدك.......
للذي يأتي بعدي
أنت سبيبط و أنا خويط فيك أنت سنيسلة وأنا خميسة تحميك أنت خويتم و أنا حجرة تبهيك وين تروح تلقاني و غير أنا نحميك :) تحياتي سعاد |
رد: أنوي بوقالة للعضو ألي يجي بعدك.......
******** قالوا أعليا أنسى و أنا ماني ناسي غلبتني النكسة و دمعي جرى حواسي الكبدة حساسة حرمت أنعاسي اللي يحبكم ما ياسا ما يتعذب ما يقاسي http://207.210.95.221/~echorouk/mont...ons/icon11.gifhttp://207.210.95.221/~echorouk/mont...ons/icon11.gifhttp://207.210.95.221/~echorouk/mont...ons/icon11.gif |
رد: أنوي بوقالة للعضو ألي يجي بعدك.......
باسم الله بديت ..و على النبي صليت ...وعلى أصحاب الأسماء ألي تبدأ بالزّاي:rolleyes: هذى البوقالة نويت... طلبت من الله العوافي رسي كل مغبون ب مينا ويكسي كل عريان وحافو وبعد لهموم علينا رد الفال لا تخافي عندي تخلاص الغبينة دير النية بالقلب الصافي والنية باقية في القلوب الزينة ياربي في كل وافي وغرس الخصايل فينا بالفال تعود واف وبالنية باقيا الدنيا زوينة |
رد: أنوي بوقالة للعضو ألي يجي بعدك.......
اقتباس:
باسم الله بديت ..و على النبي صليت ...وعلى أصحاب الأسماء ألي تبدأ بالأألف هذى البوقالة نويت... خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة . |
رد: أنوي بوقالة للعضو ألي يجي بعدك.......
اقتباس:
باسم الله بديت .. و على النبي صليت ... وعلى أصحاب الأسماء ألي تبدأ بالجيم هذى البوقالة نويت... رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد. |
رد: أنوي بوقالة للعضو ألي يجي بعدك.......
باسم الله بديت .. و على النبي صليت ... وعلى أصحاب الأسماء ألي تبدأ ب ؟؟؟؟ :rolleyes: :rolleyes: هذى البوقالة نويت...:o هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية. |
رد: أنوي بوقالة للعضو ألي يجي بعدك.......
ماناكل من جنان الجنة ولو يشهيني و ما ناخذ الشيخ ولو يغنيني ناخذ الشاب بيض ولا سمر الي يهم هو انو يملالي عيني |
رد: أنوي بوقالة للعضو ألي يجي بعدك.......
:o
اقتباس:
قوليلي برك يا اسومة اذا تعزيني شكون لي يبدى اسمهم بالباء الفضول يقتلني اعذريني يا حبيبتي:o ************************************************** ************************************* هذي نويتها في خاطر لي يقراها و يكتب رد بلي قراها باسم الله بديت و على النبي صليت الصبر ياك يقولو الصبر ثمرة تاعو حلوة وراح تلقى واش طول عمرك تهوى وتصفى عليك ليام وتشرب مع لحباب قهوة صافيا إن شاء الله بلا تلوى ************************************************** ******* ماناكل من جنان الجنة ولو يشهيني [/quote]و ما ناخذ الشيخ ولو يغنيني ناخذ الشاب بيض ولا سمر الي يهم هو انو يملالي عيني يا اختي سعاد لقد فتحتي بابا على نفسك صعب اغلاقه ستتعرضين الى هجوم الشيوخ الا تعلمين انهم اكثر الناس اصرارا على الزواج و انت الان تثبطيهم:p |
رد: أنوي بوقالة للعضو ألي يجي بعدك.......
باسم الله بديت .. و على النبي صليت ... وعلى أصحاب الأسماء ألي تبدأ ب الحاء ;) هذى البوقالة نويت...:rolleyes: سبحان الله خالق السماء والنجوم سبحان الله مسخر لجبال وعلا لغيوم سبحان الله باعد الشدة وينحي ربي علينا لهموم ويولي كل بعيد بشملو ملموم:rolleyes: |
| الساعة الآن 09:46 PM. |
Powered by vBulletin
قوانين المنتدى