|
المقهى الرياضي
http://www.almlf.com/get-1-2010-almlf_com_rgtbny7s.gif http://www.almlf.com/get-1-2010-almlf_com_lq94c6lb.gif اهلا بكم اخوتي الكرام في هذا القسم الجديد من منتدانا اقول قسم و ليس موضوع جديد لانه سيصبح بمساهمتكم جزءا قارا في منتدانا الرياضي الهدف من انشاء هذا المقهى هو بالدرجة الاولى تقريب وجهات النظر بين الاعضاء و تقوية الصداقات..و تمتين العلاقات بينهم...بما يسمح بتوحيد الصف ازاء القضايا التي تمر بالرياضة في بلدنا و كذا في منتدانا هذا المقهى موجه للدردشة في المسائل التي تهم الاعضاء رياضيا و فقط اضافة الى التعارف بين اعضاء المنتدى الرياضي لذلك يمنع الدردشة في مواضيع اخرى في المنتدى الرياضي منعا باتا ابتداء من الان ارحب بالجميع و بما انه يوم الافتتاح..القهاوي خالصين علياnosweat (شكرا للاخ lakba على اللوقو الجميل في الاعلى |
رد: المقهى الرياضي:تم الافتتاح و الدعوة للجميع
http://oooo22.jeeran.com/%D9%8A%D8%AB%D8%A8%D8%AA.gif شكـــــــرا للاشرافـ كاينــــــــــــة "مشايخــــــــة" راك تقولـ خالصــــــة عليكــ والله ما تصرى : انا نخلص القهاويـ والى حبيتو : راكم معرضى عنديـ للعشاء مرحبا بيكم خوتيـ تحيا فلسطيـنـ وتحيا الجزائــــــر |
رد: المقهى الرياضي:تم الافتتاح و الدعوة للجميع
اقتباس:
اهلا بك خويا العزيز دييغو مارادونا تاع البلاد..هههه انت الداخل الاول ما تستاهلش غير قهاوي...تستاهل تبريحة تاني قولي خويا دييغو منين انت و شحال في عمرك؟؟ |
رد: المقهى الرياضي:تم الافتتاح و الدعوة للجميع
اولا مبروك الافتتاح وياربي يجعلو خطوة لتقدم وتقوية منتدانا الغالي
ثاني انا بالسيف لا حبست القهوة ورجعتها شاي وانت حابين ترجعونا ليها وواحد منكم ماحب يخلصلي شاي يا بخلاء ماعليهش كيما يقولو القعدة جزائرية ولخلاص تونسي ههههههههههه |
رد: المقهى الرياضي:تم الافتتاح و الدعوة للجميع
اقتباس:
هههههه...مع الاسف ما عندنا توانسة هنا اللي يشرب حاجة يخلصها وحدو...هههههه اهلا بيك خويا انت اسمك محيرني...سام و لا سامي و لا سمير؟؟nosweat |
رد: المقهى الرياضي:تم الافتتاح و الدعوة للجميع
اقتباس:
الله يخليـــك خويـ العزيز يقالـ "بعضـ الرجالـ كلامهم كالتفاح" "وبعض الرجالـ كالعسلـ ف القرجومة" الله يرحمك يا تاج الديــــــنـ انا من تيارتـ وبالضبط مدينة فرندة قولـ رانا داخليـن على 23 خوك: تاجر ...كلـ نهار وخدمته تشكر اخي الكريم الله يدومها محبـة |
رد: المقهى الرياضي:تم الافتتاح و الدعوة للجميع
اقتباس:
الله يبارك خويا كان عندي اصحاب في الجامعه من تيارت اكثريتهم من تخمارت..خيار الناس خويا انا تاني يا خويا كونت تاجر في الخضر و الفواكه قبل عملي الحالي ربي يقوي رزقك خويا..نسيت نسقسيك على اهم حاجةnosweat الاسم؟؟ |
رد: المقهى الرياضي:تم الافتتاح و الدعوة للجميع
اقتباس:
|
رد: المقهى الرياضي:تم الافتتاح و الدعوة للجميع
اقتباس:
يبارك فيــــك خويـ العزيـــــز الخضر والفواكـــه دخلت المجالـ نتاعها...بصح جملة...فلح وبيع الغلة ف الارضـ نوكلـ عليك ربي الى زرتـ تيارتـ وما دحمتش عنديـ في فرندة كيـ تدخلـها سقسيـ على محمد 306 وراهم يورولك المضربـ الله يفرج علينا وعليك اخيـ الكريم معرفة خير ان شاء الله |
رد: المقهى الرياضي:تم الافتتاح و الدعوة للجميع
اقتباس:
الله يبارك و يحفظلك كريم تيليكوم يعني اتصالات..ربي يعينك ممكن العمر و منطقة السكن...معك محمد من تلمسانcupidarrow |
رد: المقهى الرياضي:تم الافتتاح و الدعوة للجميع
اقتباس:
ربي يحفظك خويا العزيز...ان شاء الله كي اليوم علابالك عندنا ناس بزاف من تيارت هنا في تلمسان و بالخصوص في الغزوات و ين نسكن...نسيت...اصلا هوما جيراني...و ناس عسل ربي يحفظهم...واحد شرا علينا نعجة من مدة قصيرة...ههههههه علابالك ناس الشرق بزاف في منتدانا مزية لقيت واحد من الغرب نستقوى بيه...هههههه |
رد: المقهى الرياضي:تم الافتتاح و الدعوة للجميع
اقتباس:
خيــــــــــــار الناسـ كاليوم ان شاء الله نتقهواو في رحبة والله عنديـ جاريـ راه غير كي كملـ ماجستير اعلام آليـ من تلمســــــان يظلـ يشكر فيكمـ الله يحفظكـ خويـ محمد وليـ عودة ان شاء الله في المساء موعد صلاة الظهـــر وديجا مولـ القهوة راه با يسيقـ الله ينصـر خوتنا في غزة واللهم وفقـ منتخبـــــنا الغليـــ |
رد: المقهى الرياضي:تم الافتتاح و الدعوة للجميع
متشرفين خويا محمد بيك وسلملي على ناس تلمسان عمري 28 سنة ونسكن بولاية بسكرة بالضبط في مدينة سيدي خالد بلاد حيزية لا تعرفها
نسالك سؤال صح بنات تلمسان هم الاجمل في الجزائر بصح ماذابيك الجواب يكون بيناتنا لتسمع بيه زوجتي ونحصل هههههههههههههههه |
رد: المقهى الرياضي:تم الافتتاح و الدعوة للجميع
اقتباس:
ربي يحفظك خويا \ هههههههههه...صح راهو يسيق و باين تقلق منا الى الملتقى اخي و ربي يعينك |
رد: المقهى الرياضي:تم الافتتاح و الدعوة للجميع
اقتباس:
ههههههههههه...فكرتني خويا مرة فالجامعه كتبت بحث على منطقتنا و كتبت فيه بلي الناس عندنا اجمل ناس و يخطفوا العقل...الظاهر الاستاذ في جامعه وهران ما عجدبوش كلامي...الور خبطني ب6 على عشرين...ههههههه متشرف خويا بمعرفت...خيار الناس ناس بسكرة...معروفين بالكرم ناس الصحراء و حيزية راهي مشهورة دوليا ماشي غير فالجزاير علابال مش انت برك من بسكرة في المنتدى...عندي صاحبي تاني عمر faraway من تم...عضو متالق في التصاميم واش تشرب خويا...ههههههههه...و لا جاي تقعد بركsly |
رد: المقهى الرياضي:تم الافتتاح و الدعوة للجميع
اقتباس:
أو بالأحرى نقول : ناس هوما هوما أو ناس كي لعسل في القرجومة أو ناس قباض لرواح ولا هوما مبروك علينا هذا القسم الجديد ... |
رد: المقهى الرياضي:تم الافتتاح و الدعوة للجميع
اقتباس:
اهلا بيك خويا معانا رانا غير نتعلموا في الحكم اليوم....هههههه انت بلاما نسقسي منين انت..باين من درارية بالعاصمة بصح قولي شحال في عمرك و واش تدير...(باش اذا مازال ما تزوجتش نحوسلك على عروسة....ههههههههه) |
رد: المقهى الرياضي:تم الافتتاح و الدعوة للجميع
علابال مش انت برك من بسكرة في المنتدى...عندي صاحبي تاني عمر faraway من تم...عضو متالق في التصاميم
واش تشرب خويا...ههههههههه...و لا جاي تقعد بركsly عمر ماعرفتوش اول ماريح يدخل رايح نتعرف عليه حاجة مليحة بزاف فكرة المقهى الرياضي هكدا نتعرفو على الاعضاء الكرام صح مش غلط واش نشرب باينة نشرب من رحيق تعارفي على اعضاء منتدانا الغالي على بالي في القهوة هادي مكانش هادا المشروب ههههههههههههههههه فكرتني خويا مرة فالجامعه كتبت بحث على منطقتنا علاه الواحد مايقدرش ينسا ايام الجامعة مهما يمر من وقت ؟؟؟؟؟؟؟؟؟؟؟؟ |
رد: المقهى الرياضي:تم الافتتاح و الدعوة للجميع
اقتباس:
يا خويا ايام الجامعه كانت هم و غم..بصح غير مرت الواحد رجع يحنّلها قولي واش تشجع في نوادي الكرة...باين اتحاد بسكرة و الله عجبوني نهار طلعوا للقسم الاول...مع الاسف ما طولوش |
رد: المقهى الرياضي:تم الافتتاح و الدعوة للجميع
اقتباس:
أما السن فضع الرقم الذي تريد ... |
رد: المقهى الرياضي:تم الافتتاح و الدعوة للجميع
اقتباس:
عندي عجوزة من الجيران حابة تتزوج المسكينة...ياك تقبل ..في عمرها 70 برك...ههههههههه |
رد: المقهى الرياضي:رضوان بوحنيكة مطلوب حيا او ميتا
اتحاد بسكرة صاريلها كي المنتخب الوطني فرحونا عام وبكاونا العمر كامل
محمد التيارتي تاجر ومحمد التلمساني كان تاجر العاصمي مازال معرفناش انا ثاني تاجر وزيد كامل جامعين ههههههههههههههه ماعرفت نضحك ماعرفت نقول يخي بلاد يخي صافي لازم باه يكون واحد تاجر لازم يتخرج من الجامعة والله غير مليحة ربي يجيب الخير لهادي البلاد يا bachirdraria واش تخدم ورحمة على باباك ماتقولش تاجر اكذب عليا ومتقولش الكلمة هادي |
رد: المقهى الرياضي:تم الافتتاح و الدعوة للجميع
صاحيت يا المشرف قهوتك خالصة من عندي |
رد: المقهى الرياضي:رضوان بوحنيكة مطلوب حيا او ميتا
اقتباس:
هههههه...راك تشوف يا خويا...بصح واش حبيت يقولك بشير...يكون غير تاجر تجزئة او جملة...تاجر فواكه او مواد غذائية...تاجر شرعي او غير شرعي...ههههههههه |
رد: المقهى الرياضي:تم الافتتاح و الدعوة للجميع
اقتباس:
صحيت خويا العزيز...جيبتها سخونة...شحال نحب الحاجة اللي ما نخلصهاش من جيبي..ههههههه تصميم فور يا خويا...ما تقوليش بلي انت اللي خدمتو..علاخاطر فن تاع الصح قولي خويا...انت قبايلي و لا عاصمي؟؟ |
رد: المقهى الرياضي:رضوان بوحنيكة مطلوب حيا او ميتا
أنا قبايلي من برج بو عريريج _برايجي_ و الصورة المتحركة هدية ليك يا جمال |
رد: المقهى الرياضي:تم الافتتاح و الدعوة للجميع
اقتباس:
صافي تخلص لغير المشرف علاه احنا جيناك على العين العورا ماعليهش باه نوريلك كرم ناس الصحرا قهوتك خالصة عليا خويا |
رد: المقهى الرياضي:تم الافتتاح و الدعوة للجميع
اقتباس:
كلكم معروضين على حسابي المشرف هو الأول |
رد: المقهى الرياضي:رضوان بوحنيكة مطلوب حيا او ميتا
اقتباس:
خيار الناس خويا...و شكرا على الهدية...راني حطيتها في اول الموضوع و الله عندنا مصممين هايلين...راني نخمم في مسابقة جديدة للتصاميم عن قريب ان شاء الله ما قوتليش اسمك و سنك خويا العزيز و واش تديرnosweat عيطيولنا للغزالي نخلصوا عليه قهوة...icon31 |
رد: المقهى الرياضي:قهوتك خالصة خويا الغزالي ادخل برك
@ gamalove2002
أسأل خويا توفيق في ECHOROUK_LTD أو صالح أخيه أو أخيه الصغير الجوال في بقاع العالم أو عمه The BIG BOSS ستعرف ماذا أعمل (لا لست من بيرغبالو بل من درارية). لربمــــا حيطيست هههههههههههههههههههه ... |
رد: المقهى الرياضي:قهوتك خالصة خويا الغزالي ادخل برك
اقتباس:
ههههههه...صايي خويا بطلت...ما نعرفش...الجزايري كي يخبي حاجة جيمس بوند عشر سنين و اذا لقاها...هههههه يا خويا حيطيست واش ناقصها...كاين ناس ما لقاوهاش...ههههههههه |
رد: المقهى الرياضي:رضوان بوحنيكة مطلوب حيا او ميتا
اقتباس:
السن : تحطني في البرما ما نطيبش _ 40 المهنة : informatique - maintenance |
رد: المقهى الرياضي:قهوتك خالصة خويا الغزالي ادخل برك
يا محمد تبالي راك نسيت اليوم راه الاثنين تبالي الغزالي راه صايم ومش حاب يقول انا عرضتو في موضوع انتاعو وماردليش وزدت عيطتلو انت ثاني وماردش ياخو اطلب ربي يقبل صيامو
بشير صحة محمد يقدر يسال هادوك الى قتلو عليهم انا كيفاه رايح ندير ؟؟؟؟؟؟؟ ولا ديما تحبو تصعبوها علينا بزاف علينا الحالة الصعبة الى عايشها المنتخب البرايجي ربي يخليك خويا كنت نمزح معاك برك وعلى بالك السبب انك قبايلي انا من اشد المعجبين بمواقفهم الرجولية وديما نقول الحمد لله الجزائر فيها القبايل |
رد: المقهى الرياضي:رضوان بوحنيكة مطلوب حيا او ميتا
اقتباس:
الله يبارك خويا العزيز...رقم 40 واقيلا هو اللي يلعب بيه مطمور في فريقو مانشنغلادباخ...40 او 44 و الله ما عقلت باين تشجع البرج خويا...هاد العام ماكمش فور بزاف كيما العامات اللي فاتو...غير العام اللي فات كونتو تخوفو سطيف بزافbleh |
رد: المقهى الرياضي:رضوان بوحنيكة مطلوب حيا او ميتا
اقتباس:
انحطوك فوق روسنا إن شاء الله |
رد: المقهى الرياضي:رضوان بوحنيكة مطلوب حيا او ميتا
اقتباس:
|
رد: المقهى الرياضي:قهوتك خالصة خويا الغزالي ادخل برك
اقتباس:
المسكين في هذا الموضوع هو ...القهوة.. علابالك خويا جمال..كي تقول لواحد في دزائير: قهوتك خالصة..نكمل و لا لا؟n_othumbdown يعني المسكينة قهوة هاذي..كي يتكلمو على "الرشوة" يسموها قهوة الجيب..او كي يتكلمو على تفسير رأيا القهوة في الحلم..يعني بشرى تع شر..خاصة لمن رأى نفسه قد شرب منها..أو في الجنائز ما يحطوش العصائر..يحطو القهوة.. الغريب انو الشاي راهو "مطفي الضو" ههههههه او مخلي الضرب كلو على القهوة.. هذي مزحة برك بديت بيها ردي..قهوتك خالصة يا جمال (على هكذا راكي رايح تغنى غير بالقهوة ي جمال ههههههههه) أنا العزالي ..لا يهم من اية ولاية..المهم من الجزائر الحبيبة.. مواضيعي نحب انها تكون في صميم الأحداث بدون مكيجة و لا مساحيق..نقول للمحسن أحسنت و للمسيئ أسئت..مهما كانت قيمة المعني بالموضوع.. أحب مشاركة أصدقائي هنى بمنتدى الرياضة آرائهم..بما وسع صدري لنقدهم في أحايين متقطعة..لا ننسى اننا في منبر الرأي و الرأي الآخر (مشي الجزيرة غير ما تحلمش جمال ههههههههه) لدي أصدقاء كثر و الحمد لله..نتبادل أفكار متقاربة و متباعدة..لا يهم..المهم هو التواصل الإيجابي في منتدى عرفت انت أخي جمال كيف تسيره (علابالي تعبتك بيها هاذي هههههههه).. أنتهز هاته الفرصة خويا جمال لكي تعمل أكثر في هذا المنتدى و خاصة لكي تضع حدا لمواضيع لا تستحق ان تكون في منتدى رياضي في منتدى بحجم منتدى الشروق..الدي نعمل كلنا لان يرقى لمصاف أكبر المنتديات و ما ذاك على الله بعزيز.. تقبل تحياتي الكريمة و انا عند حسن ضنكم و أرائكم و الله من وراء القصد.. أخوكم الغزالي (عبد الفتاح) |
رد: المقهى الرياضي:قهوتك خالصة خويا الغزالي ادخل برك
اقتباس:
يا خويا محمد.. الغزالي باين راهو مشغول بالردود على موضوعو الجديد انا عليها عيطتلو ...حبيت نخرجو من هاداك الموضوع...هههههه يا خويا ما تخافو والو على المنتخب...غير الكاس اللي ندوها و الهفاف و جماعتها انا صايي...من اليوم ما نزيدش نقراهم |
رد: المقهى الرياضي:قهوتك خالصة خويا الغزالي ادخل برك
مـبروك على هذا المولود الجديد في المنتدى
بصح انا ما نشربش القهوة نشرب غير العصير الطبيعي وشكرا على القسم الجديد |
رد: المقهى الرياضي:قهوتك خالصة خويا الغزالي ادخل برك
اقتباس:
يا خويا ما كفاكش تقتلنا بالمواضيع تاعك دايما تزيد تقتلنا بالردود...هههههه يا خويا الشروق على عيني و راسي...ما تخليتش عليها حتى لما كان عدد الاعضاء المتواجدين في المنتدى لا يتجاوز 40 في احسن الاحوال و سقسي باقي المشرفين حتى اني مرة صورت صورة للمنتدى تاعنا فيها عضوين او ثلاث بالاضافة الي المواضيع اللي راك تشكي منها راني ملاحظها فقط نظرا لقلة الاعضاء اتغافل في كثير من الاحيان عن بعضها لكي لا يبدو المنتدى فارغ بصح صبرك عليا انتظر بفارغ الصبر اعادة افتتاح التسجيل في المنتدى و سيكون لنا حديث اخر فالتسجيل متوقف منذ اكثر من 6 اسابيع خويا عبد الفتاح فهمت من ردك المطول انك دخلت خطرة هنا و مش معول تولي...ما تخافش مش رايح تخلص مادامني خدام في المقهى....هههههههه |
| الساعة الآن 10:21 PM. |
Powered by vBulletin
قوانين المنتدى