|
نكت اللاعبين المحليين...اللي عندو الجديد يحطو هنا
السلام عليكم خاوتي ما ان اعلن الشيخ سعدان عن استبعاده لمجموعه من اللاعبين المحليين حتى امطرنا هؤلاء بمجموعه من النكت البايخة ...كل وحدة اكثر من الاخرى ليأكدوا بذلك ان الشيخ لم يخطا في استبعادهم..و ان عقليتهم محلية كما هم لاعبون محليون لما ابعد الشيخ سعدام اللاعب جبور قال انه سيعود للفريق بعد اثبات استحقاقه لمكانته بوعزة بعد ابعاده قال انه سيثبت لسعدان احقيته بمكانه في المنتخب و هكدا هم المحترفون بعد ابعاد المحليين خرج علينا اولا ببوش ليقول..ساكشف المجهول بعد مباراة 13 مارس مع المحليين و هذا حتى لا ياثر على فريقه كما ادعى واش من مجهول و واش من مستور يا خويا بيتر بوش انت تجيب روحك لبوقرة و لا بلحاج و لا عنتر يحيى ها العن الشيطان يا ولد ثم خرج علينا لموشية ليقول ان ابعاده مؤامرة من اجل المجيء بلحسن يا خويا واش جاب لجاب حتى ان كانت مؤامرة...و حتى ان كان اللاعب حركي حسب رايك ربما فنحن نحتاجه اكثر منك لانه مستواه احسن ببساطة واش تقران روحك بواحد يلعب ضد الريال و البارصا...ها اخزي الشيطان ثم جاء الزاوي...ههههههه..الزاوي كامل ضحكني اكثر بصراحة نظن كان يتمسخر بالصحافي برك...لانه يتمسخر في كل كلامه المهم قالك هو احسن من اللاعبين المتداولة اسماؤهم حاليا ما فهمتش اذا كان يقصد اللي معاه في الفريق ام اللي رايحين يجو بصراحة يا خويا زاوي انت اضعف واحد بين الجميع اللي راحو و اللي قاعدين و اللي جايين...ههههههه بصح علابالي كونت تتمسخر برك كاش نكت جديدة اليوم خاوتي؟؟؟ الموضوع الاصلي هنا |
رد: نكت اللاعبين المحليين...اللي عندو الجديد يحطو هنا
الله يهدي ما خلق اعجب |
رد: نكت اللاعبين المحليين...اللي عندو الجديد يحطو هنا
ههههههههههههههههههههههههه
ما كاين والو محمد بصح تاع الزاوي تقتل بالضحك هو خير منهم قاع علابيها دعاوه باش يلعب في الريال خخخخخخخخخخخ |
رد: نكت اللاعبين المحليين...اللي عندو الجديد يحطو هنا
لا حول و لا قوة الا بالله |
رد: نكت اللاعبين المحليين...اللي عندو الجديد يحطو هنا
http://content.sweetim.com/sim/cpie/...s/0002006E.gif الخوف كامل نهارلن يعود هناك زياني وبلحاج وبوقرة ولن يكون هناك في فرنسا من يشعر انه جزائري خاصة مع موجة تسمية الجالية هناك لابنائهم باسماء غربية يعني 10او 20 سنة لن نجد واحد اسمه يدل انه جزائري ولن يكون امامنا الا ولاد بابوش واحفاد الزاوي نهارها نندموا لاننا لم نهتم باللاعب المحلي ولن نسعي لتطوير مستواه |
رد: نكت اللاعبين المحليين...اللي عندو الجديد يحطو هنا
اقتباس:
هههههههههههههههههههههههههههه يا خويا نموت قبل ما يلحق هاداك الوقت...ههههههه |
رد: نكت اللاعبين المحليين...اللي عندو الجديد يحطو هنا
اقتباس:
من حقهم يزعفوا لأن هذه تسمى: الحقرة. |
رد: نكت اللاعبين المحليين...اللي عندو الجديد يحطو هنا
اللي يضحك على المحليين يرجع يتفرج لقاء الجزائر مصر في أنغولا و يشاهد كيف أن المحليين المصريين يلعبون أمام محترفينا.
|
رد: نكت اللاعبين المحليين...اللي عندو الجديد يحطو هنا
اقتباس:
يا خويا حتى سعدان ما سمعتوش قال بلي ما يولوش قال المستوى تاعهم ما يسمحلهمش باش يشاركو في المونديال و هادي باينة يا خويا رانا رايحين نشاركو في الموندال...و رانا خايفين من المهازل كيما اللي صرات خطرة للسعودية ..ادات سبعه ضد الالمان اذن من دون عواطف...لازم يشارك الاحسن و الا فلا داعي للمغامرة في المونديال اما زاوي و رحو و بابوش ...مازالهم صغار و مازالهم يشبعو مونديالات...ههههههههههههههههههههههههههه |
رد: نكت اللاعبين المحليين...اللي عندو الجديد يحطو هنا
clapclapقالك المدرب كابيلو مات بالفرحة
كي نححو اللاعب زاوي هداك لي كان مخوفو اما روني وبيكام عبرو عن سعادتهم لان اللاعب زاوي كان يشكل لهم قلقا وقد زال يازاوي ارواح انقض الفريق nosweatnosweatnosweat غير انت لي تقدر على روني وبيكام tears |
رد: نكت اللاعبين المحليين...اللي عندو الجديد يحطو هنا
اقتباس:
ثم أن ليس فقط المبعدين مستواهم ليس مستوى المونديال. هناك العديد من اللاعبين لم يلعبوا مع أنديتهم منذ فترة طويلة و منهم من لم يبين أي مستوى إذا لعب فلماذا لم يبعد هؤلاء؟ ببساطة الحلول الترقيعية كالعادة في الجزائر هي الأساس لإسكات الناس و خلطها تصفى. |
رد: نكت اللاعبين المحليين...اللي عندو الجديد يحطو هنا
اقتباس:
دعك من انغولا روح شوف الشوط الاول تاع مصر ضد انجلترا في ونبلي فعلا شيء مشرف لو كان عندنا لاعب محلي بذلك المستوي لكن اشك ان ياتي يوم يصل فيه لاعبنا المحلي لمستوي كذلك ولو لعبنا بمحليينا بهذا المستوي فااكد لك اننا لن نختلف عن ليبيا في شيء يعني كاس افريقيا نزورها كل 100 سنة مرة |
رد: نكت اللاعبين المحليين...اللي عندو الجديد يحطو هنا
اقتباس:
ما تغلطش في االسعودية جمال هذوك من اولياء امور البعض هنا هههههههه وزيد المانيا ضربتهم ب ثمانية اهداف . 4 في الشوط الاول ومثلهم في الشوط الثاني هههههه كلوزو دار رايو سجل 3 حسب ما اذكر |
رد: نكت اللاعبين المحليين...اللي عندو الجديد يحطو هنا
اقتباس:
هذه أنانية كبيرة، نريد فقط أن نرى نتائج اليوم أو غداـ، لا نريد أن نشجع الرياضة في البلاد أبدا أبدا هذه آخر همومنا. بالمناسبة واش دارو لولد عمك زياية؟ هو ثاني مستواه محلي؟http://www.echoroukonline.com/montad...ons/icon10.gif |
رد: نكت اللاعبين المحليين...اللي عندو الجديد يحطو هنا
اقتباس:
هو اجمل خبر سمعته عندما قيل بان الصحافة الانجليزية تنتقد قاواوي ههههههه طبعا الخبر نقلته لنا صحافة كول ووكل تاعنا هههههه يعني قاواوي مسكينمن لاقاها لا من لا من انجلترا اصبح محل انتقاد العالم باسره هههههههههه |
رد: نكت اللاعبين المحليين...اللي عندو الجديد يحطو هنا
اقتباس:
ضحكنا عليهم هاداك النهار واقيلا رايحين يضحكوا علينا هاد المرة...ههههه يا خويا نورمال هوما البطولة المحلية تاعهم اقوى وحدة في افريقيا و في العالم العربي و احنا بطولتنا راشية صح...المونديال جابوه المحترفين برك...و احنا علابالنا بلي المحترفين مش حل لازمة الكرة الجزائرية لكن واش نديرو...الله غالب كيما قال الرايس تاعنا خلونا على الاقل نخرجو من المونديال بشرف |
رد: نكت اللاعبين المحليين...اللي عندو الجديد يحطو هنا
اقتباس:
هههههههه للاسف راهم معولين علي الخزان الفرنسي في رايهم الخزان تاع ىفرنسا لا ينضب فالاعبين درجة اولي كبن زيمة وزيدان يلعبون لفرنسا والباقي الجزائر موجودة وطبعا حتي ان لم يكونو جزائرين نعطيهم جنسية وانتهي الامر ماكنش مشكل يعني . واش انديروا بالزاوي خليهم معى الشلف بارك راهي رايحة اطيح زياية مسكين من البداية ماهوش معبي العين تاع سعدان غير شتي يتعب في روحوا برك كي راح لانغولا هههههه وزيد كي راح للسعودية ينسي لا يزيد يحط رجلوا فيها هههههه اما لو راح لسوشوا طبعا كان سيصبح من خيرة المحترفين تاعنا ويخلف صايفي مالك الفريق ههه |
رد: نكت اللاعبين المحليين...اللي عندو الجديد يحطو هنا
اقتباس:
حتى للمونديال واحنا icon31icon31icon31خالعينهم |
رد: نكت اللاعبين المحليين...اللي عندو الجديد يحطو هنا
اقتباس:
و زيد العمرة و الحج غير خطوة قداومو... واش يدير بتكسار الراس؟ |
رد: نكت اللاعبين المحليين...اللي عندو الجديد يحطو هنا
شكرا يا أخي جمال على النكت أما الضحك حنا في حنا اللاعب يقيم بشيئين هما المستوى في اللعب و المستوى في الأخلاق نلاحظ أن لاعبين مثل مغني و زياني و يبدة مثال في الحياء و الأخلاق و لا يتمردون على مدربهم اذا وضعهم على كرسي الاحتياط رغم مستوى فنياتهم أما لاعب مثل لموشية فقد أثبت أن له مزاجا صعبا و سلوكا متهورا مع فريقه المحلي أو مع الخضر و لم يتدارك نفسه رغم الانذارات من المدربين و من الجمهور و من الصحافة و يحق للمدرب أن يبعده بعد أن تأكد عدم قدرته على تغيير عقليته اللتي يمكن أن تأثر على الفريق باسره و ان تأكدت ردود فعله الأخيرة في الصحافة فذلك يكون مضاد له لا معه و سوف تأكد ردود أفعال المحليين مستوى أخلاقهم بعد أن تأكد الجميع في مستواهم في الميدان لماذا لا ينصاع اللاعبين الى أوامر المدرب مهما كانو كبارا و تقبل ابعادهم لمصلحة المجموعة و كم من لاعب يلعب عشرة دقائق و يكون له شأنا أكبر ممن يلعب 90 دقيقة اذا لم تقنع خصمك بصوت خافت فلا تقنعه بصوت مرتفع |
رد: نكت اللاعبين المحليين...اللي عندو الجديد يحطو هنا
اقتباس:
http://content.sweetim.com/sim/cpie/...s/000203FB.gif صح ما دوم غير الشكارة وزيدلوا العمرات والحجات يعني خير ربي دنيا واخرة جات غير في الزاوي مسكين في الشلف ماكان والو لا عمرة لا دراهم |
رد: نكت اللاعبين المحليين...اللي عندو الجديد يحطو هنا
اقتباس:
بوعزة عندو سنيتن وهو قاعد في الاحتياط وساكت ما قال حتي كلمة ورغم هذا ابعد هذه حلول ترقيعية فعلا هناك لاعبين ابعدوا فقط ككباش فداء |
رد: نكت اللاعبين المحليين...اللي عندو الجديد يحطو هنا
زاوي لاعب معروف بخفة
الدم وكان ديما رزين اما ردة فعله من الاستبعاد غريبة ؟؟؟؟؟؟ المدرب استبعد غيلاس وجبور وماقالو والو busted_red اما اللعب للي مخوف كابيلو راه داير حالة بتصريحات nosweat ........................ افضل لاعب محللي من حيث الاخلاق قواوي بكل مقاييس وبدون مزاح surrender رغم تحميله للخسارة ومدح شاوشي الا اننا لم نسمع منه كلام غير لائق icon30 قواوي icon30icon30icon30.. |
رد: نكت اللاعبين المحليين...اللي عندو الجديد يحطو هنا
اقتباس:
و الله غير غاضوني تاع الصح. كان على المسؤولين عدم استدعاؤهم و خلاص، أما أن يتم وضعهم في المذبح أمام الغاشي و يتم ضربهم و جلدهم أمام الملأ حتى يمتصوا غضب الجمهور فهو تصرف لا أخلاقي. و ثاني احنا دايما نحبو حاجة فرانسا و تاع الهيه و مش رايحة تتنحى هذه العقلية منا أبدا. |
رد: نكت اللاعبين المحليين...اللي عندو الجديد يحطو هنا
اقتباس:
|
رد: نكت اللاعبين المحليين...اللي عندو الجديد يحطو هنا
ههههههه و الله غير خسارة كبيرة للفريق اذا راح زاوي الهداف و بابوش المبدع و رحو المتألق...!!!!!!! ههههههههااااااااااااااااي
يحيا الشيخ رابح سعدان |
رد: نكت اللاعبين المحليين...اللي عندو الجديد يحطو هنا
اقتباس:
هههههههه ياو لاعبيتن تاع فرانسا ياخو اناىالحاجة لي حبستلي راسي هي علاه جاتهم علي اللاعبين المحلين بعد الهزيمة مع ان المحترفين هم من لعب مباراة صربيا والمحلين كانو في الاحتياط واش دخل بابوش واوسرير والجماعة يعني المحترفين خسروا المباراة وبابوش هو السبب لانه لاعب ناقص في المستوي وهو كان احتياطي ههههههه فلسفة جزائرية بحتة مغلوبتي يا مرتي |
رد: نكت اللاعبين المحليين...اللي عندو الجديد يحطو هنا
اقتباس:
صار هذي هي؟ لو كان غير زادوا أعلنوا أن لزهر حاج عيسى ما عندوش أمل في المشاركة في المونديال باش تكمل http://www.echoroukonline.com/montad...ons/icon10.gif |
رد: نكت اللاعبين المحليين...اللي عندو الجديد يحطو هنا
اقتباس:
|
رد: نكت اللاعبين المحليين...اللي عندو الجديد يحطو هنا
اقتباس:
اعتقد ان زاوي ممكن يرجعو سعدان لكن اذا استمر بتصريحات busted_redتطفر فيه |
رد: نكت اللاعبين المحليين...اللي عندو الجديد يحطو هنا
اقتباس:
ههههههه نعم هذي هية وبوعزة ما كانش حاضر في التربص هههههه ياو قتلك مغولبتي هي مرتي استقواوي غير علي الضعفاء من الفريق المحلين و وزادولهم بوعزة مسكين كي لقاوه ساكت وما يهدرش بزاف ههههه اما منصوري شكون يقدرلوا |
رد: نكت اللاعبين المحليين...اللي عندو الجديد يحطو هنا
اقتباس:
|
رد: نكت اللاعبين المحليين...اللي عندو الجديد يحطو هنا
اقتباس:
|
رد: نكت اللاعبين المحليين...اللي عندو الجديد يحطو هنا
حقيقة ربي يهديهم
أولا راهم كبرو و زيد صراحة ما عندهمش مستوى تاع مونديال بزايد عليهم |
رد: نكت اللاعبين المحليين...اللي عندو الجديد يحطو هنا
ياخي اداو الدراهم حق لقعاد في البنك واش راهم احاوسوووووووو
|
رد: نكت اللاعبين المحليين...اللي عندو الجديد يحطو هنا
اقتباس:
على الأقل ثمانيه أو سبعه هي أفضل بكثيـر من سكور تع زوج أرقام مثل 13 مقابل صفرsly أو 15 مقابل صفر sly المهم المشاركة و ربي يبعد علينا ما يخطط له بعض الأعداء بتضخيـم ما يحدث في الفريـق الوطني ، كل الدول عرفت مشاكل في صفوف لاعبي فرقهم و لكم في انجلترا أبسط مثال حيث تم ابعاد القائد بسبب تبهديله معينه عرفها كل العالم ، و فريق الأرجنتيين و تبهدايل مدربهم الشخصية و غيرها ، هذه هي حالة البشر و ممكن توقع أكثر ، لكن القول الأول و الأخيـر أن الجزائر ستشارك في جنوب افريقيا و ان شاء الله ستظهر بالوجه الذي يتمناه كل محب للجزائر مع تمنياتنا بالتوفيق للاعب كرة القدم الجزائري في داخل المنتخب أو خارجه . |
رد: نكت اللاعبين المحليين...اللي عندو الجديد يحطو هنا
اقتباس:
حتي دزيري مسكين في وقتوا كان يروح بدراهمو ههههه علاه ما يعيطولناش علي دزيري بلال يلعب |
رد: نكت اللاعبين المحليين...اللي عندو الجديد يحطو هنا
اقتباس:
|
رد: نكت اللاعبين المحليين...اللي عندو الجديد يحطو هنا
اقتباس:
|
رد: نكت اللاعبين المحليين...اللي عندو الجديد يحطو هنا
يا الخاوة اذا قالولكم مرة
اللاعب الفلاني غادر الفريق قبل المباراة لأسباب عائلية أعرفو بللي رب العائلة راهو غضبان ماشي سعدان |
| الساعة الآن 07:57 AM. |
Powered by vBulletin
قوانين المنتدى