|
اخر يوم لي في الثانوية هو 18افريل 2010
السلام عليكم ورحمة الله تعالى وبركاته كتبت هذا الموضوع لابين واوضح الاوضاع التي يعيشها طلابنا في ثانويات الجزائر فمثلا انا لدي صديق (ماشي معاود ويقرا الله يبارك) (حبس من شهرين قالي بلي ماكانش القراية وصح هاذا وين فقت انا كي لقيت روحي وحدي في الكلاصة(تسيير واقتصاد) من 24 تلميذ ولاو غير1؟؟؟؟ انا راح نهبل قلت لبابا قالي هيه بطل واقرا في الدار خير واش هاذ التمسخير |
رد: اخر يوم لي في الثانوية هو 18افريل 2010
ااااا وي خويا عندك الحق
انا ثاني راني هكا العشيات كل حبستهم مانيش الروح نروح غير الصباح تجي لعشية والله الاساتذة يتكسلو او تمسخير برك والله كون جاو يحلونا في السوجيات احسن او هاذي هيا العقلية منا او جاي |
رد: اخر يوم لي في الثانوية هو 18افريل 2010
والله ربي يكون في عونكم
انتم الضحية الاولى ربي ينجحك الباك وكل الطلاب |
رد: اخر يوم لي في الثانوية هو 18افريل 2010
انا نقعد نورد في الوقت اووووووووو اليوم الله يبارك قعدت في الدار ياخوتي فهمت المتتاليات الحمد لله (خير مانروح لهيه يقعدوا يسركوا ) الصباح رياضيات العشية محاسبة ديما هكذا بربي نشالاه ندي الباك والحفاظة نوض على ال5 (اقتصاد+علوم ش+قانون+جغرافيا+تاريخ+.....) ربي يعاوني ويعاونكم خوتي جماعة التسيير ايا خوتي نديو الباك كيف كيف |
رد: اخر يوم لي في الثانوية هو 18افريل 2010
meme ana rani 3la had lhala lwekt li nhab nrouh ani nroh w lwekt li nhab nreyah manrouhch w makayen la hassib wala rakib darbin denya b koutbi jma3et el idara wellah massam3in bwahed bessah nwekel 3lihoum rebi hna nchalah nedou BAC w houma khelihoum yedarbou 3la lkourssi wahed mayerbah fihoum
|
رد: اخر يوم لي في الثانوية هو 18افريل 2010
عندك الصح يا خويا انا في رايي المراجعة في الدار هي الاحسن من الثانوية خصوصا الا كانو الاساتدة ما يراجعوش لتلاميد انا معاود الباك العام المضي وقتنا راح غي في الفراغ ما استافدت والو بصح هدا العام الحمد الله هدا وين راني نحس راه عندي الباك وراني نقرا مين راني قاعدا فالدار ونراجع ونحفظ
الله انجاحنا |
رد: اخر يوم لي في الثانوية هو 18افريل 2010
السلام عليك يا اخوتي ممكن تقولولي وين راكم واصلين في البرنامج بالمناسبة انا علمية ش ع ت شكرا خاصة ولايات الشماال وهل حددولكم ولا مزال؟
مشكورييييييييييييييييين وجزاكم الله الف خير وادخلكم فسيح جنانه |
رد: اخر يوم لي في الثانوية هو 18افريل 2010
فيما يخص العتبة ستكون يوم 25 من الشهر على حد علمي بالنسبة لجميع الشعب
|
رد: اخر يوم لي في الثانوية هو 18افريل 2010
بارك الله فيك و أقول لك بانه 60 /100 من التلاميذ توقفوا عن الدراسة.....
و ان شاء الله النجاح للجميع |
رد: اخر يوم لي في الثانوية هو 18افريل 2010
ماتراعوش للناس الحابسين لآخر يوم وانتم تقراو
ماتقولوش الاساتذة يتمسخرو عادي ماتعرفوش تهدروا معاهم ياسيدي اليوم مش حابين نقراو درس خلينا نراجعوا مادة احرى تقعدوا في الدار خير تضيق روحكم صح تقراو 1و2ولا3 سوايع بصح جامي تكملو انا من أي على الاقل كملو حتى لشهر ماي وخلاص مازال افريل ماخلاصش باتوفيق للجميع يارب |
رد: اخر يوم لي في الثانوية هو 18افريل 2010
بالنسبة للادبيين الادب رانا في المسرح
التاريخ الحركات التحررية الجغرافيا الجزائر الفلسفة الدرس الاخيروكملنا الرنامج في الفلسفة الشريعة الميراث الفرنسية text argumentatif الانجليزية الوحدة3 كماناها الرياضيات الدوال التناضرية وانتم؟؟؟؟؟؟؟؟؟؟؟؟؟؟؟؟؟ |
رد: اخر يوم لي في الثانوية هو 18افريل 2010
يااختي الكريمة لاداعي للتهجم على شخصي لانك وبكل بساطة لاتفقهين شيئا في هته الامور لربما سمعت هذا الكلام عند اختك الكبيرة قلت نعم لكن يجب ان تضعي رجليك في ارض الواقع لانه الواقع شيئ والشيئ الذي تتكلمين عنه انت شيئ اخر يجب ان نرى هذا الامر من منظور المنطق لان المنطق يقول ان معظم تمارين البكالوريا سوف تاتي من الثلاثي 1 و2 اما الثلاثي الثالث ستاتي حوالي 15/100 من التمارين منه وفقط اما في مايخص الثلاثي الثالث نحن كطلاب تسيير واقتصاد بقي لنا 2دروس في الشريعة و4في الاجتماعيات ومحسوب منهيه كملنا كلش لكن بقي شيئ وجب ان اشير اليه الا وهو ضيق الوقت ومدة 46 التي بقيت يجب على الطلبة الاحرار والذين يفهون كلامي دون التسبب في تلطيخ سمعتهم من خلال كلمات بذيئة تخرج من افواههن ان يعو ماذا يفعلون في القسم ((السيرك وفقط)) بصفتي طالبا كنت سركت في بداية العام لكن الان وفي تاريخ 18افريل ايقنت انني لن انجح اذ واصلت على هذا المنوال من جهة ومن جهة اخرى (الحمد لله قمت باعداد برنامج في ذهني يتضمن مايلي الفترة الصباحية 8---11 رياضيات الفترة المسائية 2---5 محاسبة الليل على حساب القوسطو لكن يااخوتي الكرام هذا البرنامج خاص بي وفقط لاستطيع ان ياتي شخص اخر غيري ويريد تطبيقه لانه على حسب الوقت ....واشياء اخرى لايمكن ايجازها في رد على هته المغبونة التي وصفتني بالحابس الذي لايعي مايقول الاحظ ومن خلال الردود ان معظم الطلبة الذين قاموا بوضع رد في موضوعي انهم قد قاموا بايقاف الدراسة عند هذا التاريخ انا مثلا اقسم بالله العلي العظيم انه لايوجد اي طالب في قسمي (مانيش معاود ويقراو معايا غير اللي ماشي معاودين) شعبة التسيير والاقتصاد لانهم وحسبهم الان هم يراجعون ويحفظون اتمنى من المغفلات اللاتي يزعمن انهن يردن النجاح ولايتوقفن من اهدار الوقت في الثانويات وماصاحبه من......... ربي يهدينا |
رد: اخر يوم لي في الثانوية هو 18افريل 2010
اذا تقصدني انا اسمح لي على الازعاج حبيت نعطي رايي وزيد
انا المرة الثالثة اللي نعاود فيها الباك مش اول مرة وعندي الخبرة وهذا الراي تاعي وكل واحد حر في تصرفاتو واسفة قلقتك بالتوفيق ليك وللجميع |
اخر يوم لي في الثانوية هو 18افريل 2010
شكرا جزيلا |
رد: اخر يوم لي في الثانوية هو 18افريل 2010
الحمد لله حنا رانا نقراو
لقد انهينا برنامج الدروس في الرياضيات،الانجليزية،التاريخ والجغرافيا،علوم اسلامية |
| الساعة الآن 05:48 PM. |
Powered by vBulletin
قوانين المنتدى