|
سؤال للأكولين والشرهين
السلام عليكم ليس عندي وصفة لطبخة ما ولكنه سؤال ربما أجد عندكم له تفسير داروا اليوم في العْشا الشوفلور وبطبعي المقليات اتحاشى أن آكلها مباشرة فمثلا سألت الوالدة واش درتو للفطور قالت لي اللونتي ...قلت لها حمِّيه وجيبيه وطبعا وضعت قاع الشوفلور فالعدس وما حطيتش المغرف حتى طلِِِِِِّّّّّّيت على الوردة الحمرا تاع الزلافة في رمضان اللي فات , كل مرة يديرو فيها الباذنجان المقلي كنت أغطسه في الحريرة البطاطا المقلية والسباقيتي وكل المقليات تقريبا نخلطهم مع السلطة الخضراء في طبسي واحد في رمضان صدقوني كثيرا ما كنت نتسحر بشوية طعام وشوية حريرة وشوية سلطة وما تيسر مما تبقى من الفطور (بصح هنا ما نخلطهمش في الطبسي ههههه نخلطهم في ليسطوما برك ههههه) أسأل لأن صديقي الذي أفطر معه يقول لي أن تصرفاتي في الأكل غريبة نوعا ما وأنا لا أراها كذلك |
رد: سؤال للأكولين والشرهين
يا حليييييييل...هكداك وما بانش عليك...قـهـقـهـة بصح ماراكش وحدك كاين بزاف خاوتك كيما نتا ، بصح كاتيقوري وحدوخرا تماما... و أقصد آل تبناج: يعني حنااااااان مع اللقمة غيييير بلعقل ، فتيتة فتيتة...cupidarrow على كل حال نقولك بصحتك...جـائـع |
رد: سؤال للأكولين والشرهين
http://29.media.tumblr.com/tumblr_l2...ssxho1_500.jpg شفلور بالعدسn_on_on_o هذي وحدهاicon30 و الباذنجان بالحريرة هذي كااااااااااااااااااااااااااارثة اضن انك تفتقد للحنان و لهذا تخلط الاكل لتشعر بالسعادة شفت دورتهالك نفسنياتnosweat من الاحسن ان تتزوج سريعا اخاف ان تخلط البزلوف مع الدولمة هههههههههههههههه تعرف زوجي يقول لي دااااااااااااااائما هذا المثل la pitié vient en mangons كيما قال الزين نتاع تونس افهمتني !!!!!!!!!!!!! |
رد: سؤال للأكولين والشرهين
تحية أخ سليم عندنا مثل بليغ يقول:اللي تشهى حاجة يديرها في عشاه... و مثل آخر يقول:كول ما يعجبك و ألبس ما يعجب الناس.. عندي مشكل مع السلطة الخضراء.....نحب ناكلها أثناء الأكل بينما الوالد يتضايق من هذه العادة.....رغم هذا و رغم أنتقاده لي منذ الصغر مازلت على نفس العادة و لم أتغير و لم أسأل لأن الأمر يعجبني.... والباقي لا يهم...المهم بالاك تكثر برك nosweatnosweatnosweat و بصحتك |
رد: سؤال للأكولين والشرهين
السلام عليكم
هههههه اضحكني موضوعك نوعا ما ؛ اظن انك جد عادي لانك ذكرتني بمن اشره منك يعني لوكان ما تكونش الطابلة معمرة ملقرن للقرن ما تشبعوش (في العين ولا في الكرش) ، لازم المقلي (بيض ولا فريت) والسلاطة (تفضل بانواعها) والبيض مغلي والفرماج ويخلط المقادير السالف ذكرها في المطلوع (اجباري) ويجوز بالمرقة شربة او اي صوص(باه يحسي مليح) و العصير (اي نوع) ويشرب ملقرعة (باه يروى مليح) وكي يكمل زوج ياوورت وحبة بنان و كل حلو في الثلاجة ( وحاب الكرش ما تخرجش) هههههههههههههههههه والله غير فكرتني (يفكرك ربي في الشهادة) ملخص القول تأكد أنك جد جد جد جد عادي أخي ؛ لا داعي لكل هذا الوسواس |
رد: سؤال للأكولين والشرهين
اقتباس:
يا حفيظ هاذا مشينة ماكلة ولا يرمي وراه؟ |
رد: سؤال للأكولين والشرهين
ههههههههههههههههههه شكرا لردودكم المرحة الأخت التي تحدثت عن الحنان فبالخلط هذا أراني حنين بزاف على ليسطومتي بدأت الفكرة من ذعري من الزيوت التي تبقى في الطبسي بعد الأكل أو التي أحسها في جوفي ولهذا بدأت الحكاية مع خلط البطاطا المقلية بالسلطة ثم تطورت للسباقيتي وبعدها جميع المقليات ومع جميع أنواع المرق هل تعلمون أن حفظة القرآن الكريم (الطـُّـلبة) عندنا يدورون على البيوت ويجمعون من كل عائلة أكل جاهز (هذا كابشة لوبية وهذا كابشة عدس وهذا سباقيتي و..و...) ثم يخلطون ما جمعوه في قدر كبير ثم يقسمون ما تحصلوا عليه بالتساوي...هذه الأكلة جامي جرَّبتها ولكن يقولون أنها تسمَّن بزاف |
رد: سؤال للأكولين والشرهين
اقتباس:
راه عندي شوية ثقل في الفهم عاودلي الله يرحم بوك ...sant ************ بالمناسبة ان شره في الاكل و اكول ايضا لكن ما بانش عليا على خاطر السبب كيما قالت هذيك الشاطرة هذيك هي مشكلتي الكبيرة . |
رد: سؤال للأكولين والشرهين
السلام عليكم http://echoroukonline.com/montada/im...ons/icon10.gifhttp://echoroukonline.com/montada/im...ons/icon10.gifhttp://echoroukonline.com/montada/im...ons/icon10.gif أضحكني كثيرااا موضوعك اخ سليم .....وأعجبتني بزااف الردود هنااااا ما فهمتش فكرة السباقيتي ما تقوليش برك عاد تقلوووه؟؟؟؟؟ بخصوص التخلاط فكرتني بزمناتي ....أنا يوما و ليس ببعيد عندي حوالي عامين ملي بطلت هذ العادة كنت لوكان نخلط الماكلة نمرض مثلا إذا استفتحت بالسلاطة لن أأكل معها شيئحتى انهي ثم نزيد لجوازات وووو ثم اعود للسلاطة مثلاااا مالازمش نخلط و دوما أد مشكلة لانني دوما أجد نفسي آخر واحدة ف الطابلة و مبعدى ديما كانو يحصلوا فيا الاواني ... لهذا لليوم عندي علاقة طيبة مع الاواني .... صدقني عانيت من هذه العادة سواء في الجامعة او في البيت او في اي مكان ..لان الناس كامل يخلطو طبعا ماشي في طبسي واحد كيفكbleh اليوم صرت في صحن واحد اضع مثلا قليلا من السلاطة قليلا من الارز قليلا من البطاطة لست أكلولة ....و ثان ناكل بلعقل مقارنة بمن هم حولي surrender بشان المقلياااات لا أحبذها ايضاااااا ...أنا لي فريت أحيانا حتى نجوزهم على بابي طورشون و غالبااااا كل المقليلااات ...الله غالب منعرف ايلا عادة و لا مرض tears ...كما اننني اتعجب من الذين يشربون الماء مباشرة وراء الأكل ...سواء قهوة الصباح و لا ماكلة و الله عاد ندهش ...لو كان أنا نموت مباشرة n_o على كل كل واحد و مزاااجو و في الأكل تسمع العجب icon31 شكرااا على الموضوع |
رد: سؤال للأكولين والشرهين
السلام عليكم ورحمة الله
يبدو انه ياخ سليم ماعندكش ليسطومة الله يبارك عندك كيما هاديك ليخدموا فيها السيمان هههه صدقني انا لوكان ندير كيما انت نقعد شهر وانا مريض هههه اكره شيئ عندي او التخلاط في الاكل مرة ذهبت عند صديقي وهو من الشرق وكانت هناك ماكلة اسمها الاصلي "خالوطة" حسب ما اخبرني فيها كل شيئ (لوبيا-بطاطا-القرعة-البصل-الطماطم وووو) المشكل اني كنت جيعان فاكلتها ههه لكن بعدها في الليل وليت مانضويش ههه |
رد: سؤال للأكولين والشرهين
اقتباس:
على بالك باللي الزواج يبلَّع لابيتي النسا يهبلوا يا محاينك يخصنا الزيت , السكر , البطاطا , طوماطيس , الخبز والقائمة طويلة عريضة اقتباس:
بخصوص المشروبات ثاني ما عنديش مشكل يعني نقدر نشرب مشروبات غازية وبدون غاز في مائدة واحدة بدلت عادة القهوة الكحلة برك فمنذ سنوات طويلة كنت يوميا حلاَّب الصباح وحلاَّب عشية (كناية عن كأس من الحجم الكبير) ومنذ 5 أشهر تقريبا أصبحت أشرب الحليب بالشوكو أو الحليب وحده اقتباس:
واقيلا راك تحكي على الشكشوكة وليس الشخشوخة |
رد: سؤال للأكولين والشرهين
اقتباس:
السلام عليكم إييييييييه ... الرحمة تأتي بالأكل ... شهادة زور على زوج كريم الذي قال L'appétit vient en mangeant فاتُّهم هذا الزوج المسكين أنه قال la pitié vient en mangons وهل تنزل الرحمة بالأكل المستمر .؟ حيّاكم الله . |
رد: سؤال للأكولين والشرهين
طريفة فعلاً العادات التي قرأتها هنا و تبقى العادة التي لا تدخل في رأسي و التي يمارسها الكثير من الجزائريين و هي المايونيز فوق البيزااا
ولكن الأخ سليم بتا الروكور في طريقة تناوله المقليات و التي شخصيا لا أحبها كذلك فقط شم رائحتها يحدث حالة طوارئ ..خاصة الباذنجال..busted_red |
رد: سؤال للأكولين والشرهين
اقتباس:
على ذكر المايونيز فهو يمنح للأكل متعة خاصة من بين الطبايع اللي يكرههم صاحبي في أكلي أني كي ندوموندي فريت أوملات لازم نسقيها بلاصوص تاع الجاج وبالزيادة المايونيز هههههههههههه الباذنجان المقلي أعشقه عندما اخلطه بالفلفلة ههههههههههههههه |
رد: سؤال للأكولين والشرهين
T]يا اخ سليم..........
من قلبي ربي اعين لسطومة تاعك عليك |
رد: سؤال للأكولين والشرهين
إلّي ما شافكش يا سليمو يقول راك أوباز فائض في السّمنة على حسب أكلك ههههههههه عندك الزهر تعرف يعجبني المثل كول إلّي يعجبك و البس إلي يعجب النّاس يعني خلّطت ما خلّطتش واحد ما راح يعرف برّد قلبك ما دام بعد الأكل ما تتوجّعش هذي بحدّ ذاتها نِعْمة عظيمة مرّة رحت عند صحبتي بجاوبة و طلبت منّي نتغدّى معاهم و جابتلي صحن تكربابين الصّراحة أوّل مرّة نشوفها ما فهمتهاش أصلا شفت كورات و مرق و أعشاب و عدس شفتها شبعت و عندي ديفو ما نقدرش ناكل شيئ ما نعرفوش مي الحشمة خلاّتني نبلع و خلاص و المشكل إلّي ما قدرتش نقاوموا كانت حارّة و أنا ما نحبش الحار كان يوم لا يُنسى المهم ساعتها إستغربت من تلك الأكلة و لكن وجدت تخلاطك أغرب ربّي يعنن معدتك هههههههه تحيّة |
رد: سؤال للأكولين والشرهين
في هذه الحالة ما عليك أخي سليم إلا عمل أشعة فلا أعتقد ان لديك معدة بل بيطونيااااااااغ * خلاظة الإسمنت* و حتى أوفر عليك الطريق و المصاريف ما عليك إلا بالإتصال بالأخ ملولي مختص في تصليح مثل هاته الألات .. شهية طيبة و لا حول ولا قوة إلا بالله |
رد: سؤال للأكولين والشرهين
السلام عليكم
اضحكني كثيرا موضوعك اخي سليم واضحكتني كثيرا ردود الاعضاء كل واحد وعادته شوف معاك اختك انا مسكينة يقولو عليا عندي ايسطومة تاع فرخ اخر من يجلس في الاكل واول من ينهظ والاكل صراحة ناكلو من شكلوا اذا عجبتي ناكل واذا ماعجبني لا .... صراحة ربي يعيك بطنك عليك هههههههههه |
رد: سؤال للأكولين والشرهين
لقد قرأت الموضوع قبلا و لكنني فضلت ألا أجيب عليه إلا بعد أن أسأل كل من أعرف شرها في الأكل ركان لأم لا
و الجميع يدعون لك بسلامة و صحة جهاز معدتك فأنت تستحق دخول كتاب غينيس للأرقام القياسية شكرا لك و ربي يحفظك |
| الساعة الآن 06:19 AM. |
Powered by vBulletin
قوانين المنتدى