|
طبق الطمينة من إعدادي.....بصحتكم
http://fantasyflash.ru/anime/flowers/image/f60.gifالسلام عليكم و رحمة الله و بركااتهhttp://fantasyflash.ru/anime/flowers/image/f60.gif جئتكم اليوم بطبق حلو مشهوور في منطقة الوسط تعده النساااء في مناسباات ولادة الأطفاااال يحبه الكباااار قبل الصغاااار http://r22.imgfast.net/users/2213/10.../277638789.gifالطميــنةhttp://r22.imgfast.net/users/2213/10.../277638789.gif اترككم مع طريقة التحضير المقادير : -3 كيلات من الحرشة (سميد خشين) . -كيلة من اللوز او الكاوكاو. -عسيلة حسب الحاجة -زبدة -إكستري بذوق اللوز للتزين: لوز مرحي او كاوكاو مرحي ، حلوة الترك ، بيستاش ، أدراااجي ، قرفة التحضيــر: http://www.sedty.com/smail/1/up/15100000.gif نحمس الحرشة(السميد لخشين) في الطاجين ... نحمس اللوز او الكاوكاو ايضا و نطحنه رقيق (مثل الفرينة) نخلط 3 كيلات سميد +1كيلة كاوكاو مرحي أو لـــوز. -في إناء من حديد نضع العسيلة (لا يجب ان تكون خاثرة بزااف) نضعه فوق النار و نضع داخله قطع من الزبدة حتى تذوب لا يجب ان تغلى ..حين تذوف و تمتزج العسيلة مع الزبدة نسكب خليط (الحرشة +الكاوكاو)..و نتركهم يشربو على نار هادئة مع خلط مستمر كي تشرب و ترطاب ننزعها من فوق الناااار (حوالي 3 دقائق) ثم نسكبها في صحن و نزينها بحلوة الترك و الادراجي مع اللوز و البيستاااش +القرفة ....طبعااا كل واحدة و مقدورهاااا..و طريقتها في الديكور أنا من يومين قمت بإعداد هذا الصحن لكن لم أزينه بالشكل اللازم ..(صحن بسيط) قد تختلف طرق الاعدااد..من بيت لاخر اتمنى ان نتباادل الأفكاار هنااااا http://img102.herosh.com/2012/02/14/105127981.jpg بالنسبة للروينة افضل ان تعطينا الوصفة إحدى العضواات من شرق الجزااائر أكلتهااا في إحدى المناسباات أعجبني ذوقهااا كثيراااا و قمت بتصويرهااا هذا شكلهاا الطريقة حسب ما أملوهاااا لي السيداات هنااك هي ان يحمس الشعير و يطحن جيداااااا(لونه يكون بني) و يشرب في العسيلة و الزبدة و يزين حسب المقدوراات http://img105.herosh.com/2012/02/14/435167234.jpg http://echoroukonline.com/montada/images/icons/fdf.gifشهية طيبة للجميع http://echoroukonline.com/montada/images/icons/fdf.gif |
رد: طبق الطمينة من إعدادي.....بصحتكم
امممم الطمينة شحال نحبهااا تعطيك الطاقة و الحيوية .. و قد ذوقت أخوات من عدة بلدان بنقلادش ، كينيا ، اليمن، باكستان، العراق و ماكانش لي معجبتهاش و ما قالتش عاوديها ههه أما الروينة أظن أنني ذقتها مرة لكن في الغرب الجزائري و نسيت كيف تسمى .. أظن أنه تستعمل الفرينة محمصة.. تبقى الطمينة هي الأفضل شكرا أختي ليلى |
رد: طبق الطمينة من إعدادي.....بصحتكم
اقتباس:
أهلااا مريومة الطمينة تكون أحلى كلما كانت زينها أحلى لكن للذوق دور في التحماااس ..و التفوار لانه فيه من يفور السميد...و حتى العسيلة و الزبدة لها دور كبير اتمنى رؤية طمينتك ...علابالي رايحة تعجبنا احناا ثااان اشكر لك مرورك اخيتي ... محبتي :11: |
رد: طبق الطمينة من إعدادي.....بصحتكم
طمينة ليلى شهية و ممتازة طمينتنا إسمها الزرير نغسل القمح وندعه فوق مناديل لينشف جيدا في فصل الصيف نحمسه في طاجين على نار هادئة حتى يصير لونه بنى فاتح نرحيه و نحوله إلى غبرة ونضيف له ثلث الكمية كاوكاو محمس نسخن 6ملاعق عسيلةو1ملعقة زبدة عندما تذوب نضيف الخليط السابق بحيث تبقى جارية نقدمه في صحون ويزين بالموجود جوز أو لوز أو كاكاو .................................................. ............................................... نقدم هذا الطبق مع الحلويات عند ازدياد الأطفال هذه طمينة رائعة المذاق |
رد: طبق الطمينة من إعدادي.....بصحتكم
الحرب راهي نايضة في المنتدى العام على السورياتhttp://www.hawaaworld.com/sites/defa...gif?1263801001
و انت تحوسي تسمنينا بالطمينةhttp://www.hawaaworld.com/sites/defa...gif?1263729401 امززززززح انا نموت عليها و خصوصا تاع النفاس شوفي انا نخلط كاس سمن و كاس عسل و نصف كاس حلوة الترك الشاميةhttp://www.hawaaworld.com/sites/defa...gif?1263800915 و تزيدي ذرات من حبة حلاوة مطحونة و نضربيهم حتى يرجعو كراميل و من بعد تزيدي السميد اللي قليتيه و نمدلك astuce قبل ما تقلي السميد فوريييييييييه و كي يبرد اقليه و ما تحطيهش مع الخلطة تاع الكراميل حتى يبررررررررد افهمتي او اعيد الدرسhttp://www.hawaaworld.com/sites/defa...gif?1263454759 |
رد: طبق الطمينة من إعدادي.....بصحتكم
اقتباس:
حبيبتي هاذي احنا نقوللها الروينة مع بعض الاختلاف يعني انا ندير شوية ماء دافئ و اضيف السميد اللي حمصتو ورحيتو و نخليها جربة و اضيف السمن و الغرس مفور و اذا حبيتي تزيدي سكر و في الاخير رشة صغييييييييرة فلفل اسود |
رد: طبق الطمينة من إعدادي.....بصحتكم
اقتباس:
|
رد: طبق الطمينة من إعدادي.....بصحتكم
بارك الله فيك سلام على المجهود تقريبا نفس الطريقة بصح مؤخرا عدت نفوّر الدقيق قبل ما نحمصو تجي الذّ وما تنشفش (ما تيبسش)
شكرا أختي |
رد: طبق الطمينة من إعدادي.....بصحتكم
بارك الله فيك
ربي يحفظك شكرا لك تعيشي |
رد: طبق الطمينة من إعدادي.....بصحتكم
السلام عليكم... اعذروني مرة أخرى، لكن الغلطة غلطتكن عندما تتركن روائح أطباقكن الزكية تخرج من الكوزينة إلى أرجاء المنتدى... جذبني هذه المرة بعد الغريبية والرفيس، إسم الطمينة ويا عيني على الطمينة :11:... شكرا جزيلا لك أخت ليلى على الهدية اللذيذة...:7: |
رد: طبق الطمينة من إعدادي.....بصحتكم
اقتباس:
هههههههههههههه ماكانش حلوة الترك الجزايرية :19: شكرا ليلى على الطمينة الهبال على فكرة حنا عندنا مصطلح "المَقْنتَّة" وأيضا الرفيس وهي نفس معنى الطمينة عندكم وهناك تقريبا نوعين شهيرين أحدهما يصنع أولا كـ مبسس ثم يفتت وبعدها إلى المقلاة وهذا لا يكون يابسا وأكله يشبه أكل الطعام والنوع الثاني على ما أظن أن السميد "يُحيَّر" أولا في المقلاة وبعدها يطهى بالعسل ولهذا يكون يابسا نوعا ما ولكن طعمه لذيذ جدا وهذا النوع أعشقه أكثر شكرا مجددا على الوصفة |
رد: طبق الطمينة من إعدادي.....بصحتكم
أما الروينة فهي عندنا شيء آخر والله أعلم
وهي نحصل عليها عندما نطحن القمح ونضيف لها السكر والماء وقليلا من الملح على ما أذكر ثم تؤكل |
رد: طبق الطمينة من إعدادي.....بصحتكم
أمممممممم يا ليلى باينة طباخة ماهرة ما شاء الله مانكذبش عليك لست من عشاق الطمينة ما نستبنهاش بصح ناكلها عجبتني فكرة اللوز و الكاوكاو كي يدخلو في الخليط مع السميد حنا نخدموه سميد وحدو و في التزيين نستعملو المكسرات مثل الجوز و البيستاش المهم باينة بلي طمينة ليلى بنينة الله يبارك ان شاء الله كاش نهار ذوقيني منها الروينة لا نعملها كثيرا في البيت إلاّ أنها تجي البشكل لي درتيها نشفى آخر مرة كليتها فالصيـــف باركك المولى ليلى سلمت الأياي |
رد: طبق الطمينة من إعدادي.....بصحتكم
سلام عليكم
الطمينة باينة هايلة من شكلها ومكونتاتها رغم اني ام اتذوقها ابدا ولم اراها الا الان ..واحنا عندنا الطمينة فالشرق ربما في قسنطينة فقط هي عبارة من مزيج بين الدقيق المحمص والغرس ونضيف الزبدة حتي يتماسك العجين ومن بعد نحلوها باليد في قصعة او طاولة ونخلوها تحكم رحها ومن بعد نقطوعها بالسكين على شكر معين اما فيما يخص صورة الروينة الي وضعتها نقولها احنا البسيسة وطريقة صنها كيما قاتلك ام زيد ربي يحفظها وهناك من يضيف في القمح قليل من العدس او الحمص ولكن احنا نديروها جارة غير فالنفاس اما فالايام الاخرى ما تكونش جارية بزاف تشبه اللي وضعتيها فالصورة بنت عمو راكي شاطرة فالطبخ |
رد: طبق الطمينة من إعدادي.....بصحتكم
اقتباس:
أهلا سيدتي اسمع هذه الكلمة لكن منعرفهاااش شيئ جميل ان نتعلم اطباق مختلفة من ربوع الوطن اشكر على الوصفة المفصلة يبقى علينا شراء القمح .. ان شاء الله نجربها و نعرفها على اهل الوسط هنااا جزيل الشكر سيدتي اقتباس:
طبعاا مفهووم و لو انا جزايرية ماشي شامية :18: تبدو طمينتك مختلفة قليلا لكن لا يمنع من تجريبهااا باش نشوفو مهاارات السيدة ام هديل اشكرك على الإضافة حبيبتي اقتباس:
و الفلفل الاسود واش دخلو وسط الحلويااات :5::5: اقتباس:
اهلاا ساعية شكرااا على الافاادة كي نزيد نخدمها نجرب نفورو و نشوووف نورتي اختي اقتباس:
الله يسلمك اختي ربي يبارك فيك و الشكر لك على المرور اقتباس:
اهلاا بـ شقيري المنتدى بما انك تحبها كاش نهار نديرهالك بالتاويل ...و كولها وحدك ما تعرض حتى واحد معاااك:12: تسعدني طلاتك خيوووو حقااا نورت الموضوع اقتباس:
الله يسلمك اخي سليم اشكرك على الاضافات القيمة "أحم أحم" و لو انني ما فهمتش معنى مبسس (اضن المعنى الحرشة عندنا) على حساب الشوفا بديت تفهم في الطياااب و الكوزينة ايلا كملت هكذا رايح تولي شاااف :7: بصح منعرف ايلا من راسك و لا كاش وااحد راه يتريشيلك هههههه امزح طبعااا مجددا اشكر لك مرورك الثقيل :16: اقتباس:
تبدوو الروينة مشهورة في الشرق و في الغرب ما فهمتش وعلاش ماشي معروفة فـ الوسط :5: اشكرك على التدخلات الطيبة اقتباس:
بوووووه نرمينااات كاش واحد مايستبنش الطمينة :19: هههههه اسعدني تدخلك تبدو الروينة مشهورة في كل ربوع الوطن غير الوسط سوطااوه ؟؟؟ نقوك حاجةنرمينووو عالم الطبخ هذاا انتي وحدك تقدري تصنعي وصفاات خااصة المهم يكون عندك فن التفكير اشكرك على المرور عزيزتي نهرا تسوتني اعرضيني و نجيبلك الطمينة ان شاء الله محبتي عزيزتي اقتباس:
عليكم السلام و رحمة الله و بركااته :13:اااه يا ايماان خسارة راكي بعيدة ...سينو نشبعك طمينة معليش اتعلميها كيما تعلمت انا الرفيس لعلمك هي صح بنينة و سبحان الله عندها ذوق خاااص هذه درتها فقيرة فقط لاجل ابنة اختي مريومة ماكانوش في البيت الوسائل كاش نهار نعاودلها ان شاء الله مرورك اسعدني نؤنؤتي ماذقتيش الطمينة بصح لك هذه |
رد: طبق الطمينة من إعدادي.....بصحتكم
راكم قتلتونا برائحة الطبخ هاذو النهارات .. اغلقو البيبان و التواقي يا محاينك وشحال انحب الطمينة .. قد ما ناكل منها انجوع . حتى انعود انقوللهم هزو عليا الطبسي راني نكمل عليه . :8: يعطيك الصحة على الطبق ..و مازال ولا كليتوه .. خاصة كي تعود فوقها الشـــــــامية ..:8: . ************ |
رد: طبق الطمينة من إعدادي.....بصحتكم
اقتباس:
أهلا اخي نوركيم :19: وااش مازلنا في قصة الشامية:5:؟؟ على كلِ خلاصت الطمينة ...و لي حب ياكل يرووح لسوريااااااااhttp://montada.echoroukonline.org/im...cons/icon6.gif بقاو غير الطباسا فارغين http://www.smiley-lol.com/smiley/ord...s/blabla07.gif امزح اخي و لو ..كل عضو عندوو حقووو..و ايلا خلاصت نزيدو نخدمووو ماشي خسارة :12: شكراااا على مرورك |
رد: طبق الطمينة من إعدادي.....بصحتكم
اقتباس:
ان شاااااااء الله تكون الشامية pirimé :1::1::1::1::1::1: |
رد: طبق الطمينة من إعدادي.....بصحتكم
ليلى صدقيني
قرصة فلفل اسود فوق الروينة يمدلها طعم لذيييييييييييييذ |
رد: طبق الطمينة من إعدادي.....بصحتكم
يا سلام عليك يا اخت سلام
الطمينة ولا اروع منها هاذي من بين احلى ما في تقاليدنا في الحقيقة حنا رانا قريب نكلوها ما تخافوش راني نعرضكم كامل كثروا من دعاوي برك |
رد: طبق الطمينة من إعدادي.....بصحتكم
بارك الله فيك
ايه فكرتيني بالنفاسات و العقيقات هههههههههههههههههههه شكرا على الطمينة الشهية اكلة جزائرية 100% ها المصير و لا خليني مكان لا شاميات لا والو ههههههههههههههههه تحياتي اخت سلام على الطبخة اللذيذة |
رد: طبق الطمينة من إعدادي.....بصحتكم
اقتباس:
صدقتك صدقتك :14: و ايلا جربتها و مرضت نجي نجوز ياامات عندك تطببيني لانني لا احب الفلفل الاسود انا:6: |
رد: طبق الطمينة من إعدادي.....بصحتكم
اقتباس:
الله يسلمك و يعزك غاليتي اهاااااا بما أن المولد النبوي الشريف جااز يعني رايح يكون عندكم مولود جديد:7: بالربح و السعاادة اخت ورورد ..(الدعاوي اومبعدااا) ياخ ماشي انت الماما؟؟ |
رد: طبق الطمينة من إعدادي.....بصحتكم
اقتباس:
الله يبارك فيك اخي عبد المنتقم ايلا راك حاب الشامية نعرفولهاااااا...غير ماكالاه برك تنقصووو من اصابع الجزايرياات :18: امزح اشكرك على المرور اخي تحية |
رد: طبق الطمينة من إعدادي.....بصحتكم
بالربح و السعاادة اخت ورورد ..(الدعاوي اومبعدااا)
ياخ ماشي انت الماما؟؟ لا مش انا الماما غير العمة برك الله اسلمك |
رد: طبق الطمينة من إعدادي.....بصحتكم
السلام عليكم
الله يعطيك الصحة سلامو ربي يقويك ويعطيك الصحة نمووووووت على الطمينة |
| الساعة الآن 06:20 AM. |
Powered by vBulletin
قوانين المنتدى