|
إلى المرشح جزائري (مزحة)
يا محمد أعذرني والعذر محمــــود يصعب ننتخبك ونخلــي خيـــــــــرة صاحبي يا جزايري لكــن بحـــــدود لا تتنرفى و تحطنــي في حيـــــرة أه لو تشوف لقــدها الممــــــــدود تقول عليها بجعــة في بحيــــــــرة ما شفت مثلها فنجمــات هوليــود لا نانسي تبان قدامــها ولا شكيرة صوتي محال لمترشح غيرها يعود وياريت نزيدها أصوات لهل والجيرة جمال فليد خير من زيف لعهــــود وشلاغم وكروش تجلب الطيــــرة يا جزايري هذا قرار ما فيــــه ردود عاندني وخليك من كثر الغيــــــرة يا محمد سامحني لا تكون عنود طاوعني تنازل لمترشحة خيــــرة عبد الوهاب طيباني لحظة الإدراج |
رد: إلى المرشح جزائري (مزحة)
السلام عليكم... دخلت فالوقت المناسب جدا ...:11: قصيدة جميلة على العموم لكن علامة إستفهام كبيرة حول الإسم النسائي الذي ورد فيها والذي تهلل له وللتصويت لصالحه...:5::5::5: |
رد: إلى المرشح جزائري (مزحة)
اقتباس:
تعلم أخي جزائري أن أسماء: خيرة وبختة وعيشة كثيرا ما تستعمل في تعليقات الجزائريين وضرب الامثال. فهو مجرد رمز . |
رد: إلى المرشح جزائري (مزحة)
اقتباس:
حبيت تقول عيشة هي التصويت الإيجابي الحقيقي، وبختة هي التصويت الابيض، ونتا خيرت خيرة؟ :5::5::5: |
رد: إلى المرشح جزائري (مزحة)
اقتباس:
يا سلام عليك إستنتاج صائب، فعلا أنا لحد الساعة مع خيار خيرة إلى أن أجد الأجمل منها قواما. |
رد: إلى المرشح جزائري (مزحة)
اقتباس:
مالا اصبر عليا شوية نخيطلك قصيدة قيس لمقام، وماتضحكش...:8: |
رد: إلى المرشح جزائري (مزحة)
اقتباس:
على أحر من الجمر |
رد: إلى المرشح جزائري (مزحة)
اقتباس:
يا شيخنا يا بو أســــــــــــــامة عمرنا ما كنّا عُــ(و)لـــــــــ(ا)ــــما بصّح الدنيا تقرّيـــــــــــــــــنا علم رزين وتزيدنا فهــــــــــــامة... اسمع يا سيدي نحكــــــــــــــيلك حاجة ممكن راح تفيــــــــــــدك قالوهالي نــــــــــــــاس يعرفو على عمـــــــــــايل خيرة ونزيدك... هادي يا سيدي فشــــــــــــــــلانة معجازة هي وفنيانـــــــــــــة ما تعجن خبزة ما تعرفـــــــــــــ تنقّي حبّة جلبانــــــــــــــــة... عينيها كـــــــــــحولة وكبار بصح معمـــــــــــــية بغبار ماتورّيلك حقّ ما تـــــــــــــــبيّن شي نافع ولاّ أخـــــــــــــــبار... مظهرها ممكن ملــــــــــــيح قدها يعجب هادا صـــــــــــــحيح لكن الجوهر يا عمّــــــــــــي كيفْ سْفَا يدّيه الريـــــــــــــــح... { نحبس هنا خاتش بديت نعرق...:8:} |
رد: إلى المرشح جزائري (مزحة)
اقتباس:
بداية واعدة وعيشة قالوا عليها ميالة تتقلب كي مثل الريــح مع كل واحد تعطي دالة من فمها ما تشد صحيح مرة إيه ولخرى تقلك لا لا كثر كلامها هف وتزلبيح |
رد: إلى المرشح جزائري (مزحة)
اقتباس:
اخترت الحطة والزين المقدود=الاسم باين في الورقو خيرة نشكروك كثرلنا برك المردود=انعاونوك بلا دينار و لا ليرة انجو معاك في اليوم المشهود=ننتخبوا زينة لرماش والتصديرة الله الله اشتقنا لارتجالاتك المميزة. |
رد: إلى المرشح جزائري (مزحة)
اقتباس:
قلت زوج كلمات شطّحت غاشي، يا درى وكان نجيب قصيد صحيح وش را يصرا ياااادرى...:8: لديّ تحفظ أستاذي الكريم على طريقة ذكر الأسماء...:11: |
رد: إلى المرشح جزائري (مزحة)
والله....
وطنا عليهم مزال الباب مسدود ما لقيناش الخير فالكروش الكبيرة ما فادنل لا ساعد لا مسعود توالم نلقاو الخير في خيرة بارك اله فيك.. |
رد: إلى المرشح جزائري (مزحة)
اقتباس:
اقتباس:
اقتباس:
اقتباس:
3مقابل 1 ( عرقان) شفت خيرة واش تدير |
رد: إلى المرشح جزائري (مزحة)
يا خيرة كي ترشحتي ما خفتيش التبهديلة درتي رايك و خرجتي من الدار و الناس في حيرة الهدرة عليك فالبرلمان راهي كثيرة... وربك غفار الذنوب و لي لعقلك هذي تدبيرة تندبي سعدك كي تشوفي الكفن في الدويرة وتتفكري بلي عصيتي مولاك الذي خلقك في صورة جميلة ونتي بجياحتك تبعتي الشكارة الكبيرة وين تروحي يقولولك تحيا خيرة وتندمي كثر كي تكوني وحدك في الحفرة الصغيرة |
رد: إلى المرشح جزائري (مزحة)
اقتباس:
نقطة موسى تتحسب زوج لأنه ما يحبنيش...:8: 3-3 |
رد: إلى المرشح جزائري (مزحة)
اقتباس:
هذا اللي ما راناش قابلينو اللعاب جزائري والرشام جزائري لازمنا حكم |
رد: إلى المرشح جزائري (مزحة)
اقتباس:
النقطة ملغاة لأن الأخ موسى يقصد خيرة وعيشة وبخته أليس كذلك؟ مع إعجابي بالأبيات الشعرية |
رد: إلى المرشح جزائري (مزحة)
اقتباس:
مهما كانت النتيجة فهي معقولة، لأننا نلعب على ميدانك شيخ بو أسامة، فبيني وبين الشعر بملحونه وفصيحه جفاء فوق ما يتصوّر عقل البشر...:8: |
رد: إلى المرشح جزائري (مزحة)
اقتباس:
وعليه يسعدني أنني جعلتك تحاول كتابة الشعر وهذا في حد ذاته إنجاز أعتز به |
رد: إلى المرشح جزائري (مزحة)
اقتباس:
صح، بارك الله فيك... نطقتني تاني الحميّة على راك عارف شكون...:11: |
رد: إلى المرشح جزائري (مزحة)
|
رد: إلى المرشح جزائري (مزحة)
اقتباس:
يعلم الله كم أكرهك :8: اقتباس:
يا أبو اسامة واش من ابيات .. قول خربشات واحد فارغ شغل نظم الشعر ليس من إختصاصي رغم اني اعشق الشعر الجاهلي |
رد: إلى المرشح جزائري (مزحة)
خيرة زينة الورود شابة ورزينة وصغيرة تهدر يتحرك الجمود تـْسكـَّر من غير بيرة خيرة قدها وقدود تفهم وفالعقل كبيرة توعد توفي لعهود وتلقى للمشكل تدبيرة هذي القصيدة جبناها على خيرة بلا ما نعرفوها المهم هي معريفة حبيبنا أبو أسامة |
رد: إلى المرشح جزائري (مزحة)
اقتباس:
خيرتي خيرها على الكل ممدود قدها للمحاسن زاد وذخيـــــــرة يدها رمز الكرم والجـــــــــــــود نار ضيفها قادية فكل ديــــــــرة حبيبها عند الناس مسعــــــود والله لا يجيب لعدوها سيــــرة بالشرف عطيت ليها لعهــــود نموت يا سليم وتحيا خيـــــرة |
رد: إلى المرشح جزائري (مزحة)
اقتباس:
راكم اصبحت معيرة (أي مسبة) كنتو امام فرنسا كالفهود واليوم حابين ترشحو خيرة ربي أخذ عليكم العهود ومدح صاحب النيف والغيرة وإذا رأيت خيرة للامة تقود قل إيه يا امة راك في حيرة نسيتي كلام ربك الموعود وعبدتي الدينار والليرة (عملة لبنان أي الدوفيز) يابنت الجزائر الودود يا أختي ياخيرة راهم يشوفو فيكم كبنات هوليود احترزي ماراكيش صغيرة ما سمعتيش عبدالوهاب العنود في قصيدته القصيرة ما يذكر عليك إلا القدود وباغي يعمل في الشعب تخديرة ونسا يذكر الخدود باغيك تكون فقط ميرة (تأنيث رئيس بلدية) ولو كان ذكرهم ذاك العنود لجات لبوتفليقة إقالة وتوخيرة قري في بيتك ولو كان خيمة وعمود قبل ما تندمي في الدنيا و لاخيرة |
رد: إلى المرشح جزائري (مزحة)
اقتباس:
لله درّك يا شيخ عبد القادر...:16::16::16: |
رد: إلى المرشح جزائري (مزحة)
لا أملك إلا أن أقول أنه موضوع طريف جدا
استمتعت كثيرا بقراءة كل الردود و رغم ذلك لم أعرف " خيرة " بعد شكرا للجميع |
| الساعة الآن 11:15 PM. |
Powered by vBulletin
قوانين المنتدى