|
سلمولي على سعدان
طول المباراة وأنا أتابع تحركات عودية ... لماذا ؟ لأنه يمثل اللاعب المحلي ( إحتراف عربي قصير ) الذي ظلمهم سعدان كثيرا بالانتقدات و الاقصاء و كان الملاعب الجزائرية عقيمة... سعدان الذي هلل له الجميع لميلاد منتخب منديالي ( وانا في لحظة فرح صدقته ) إنهار أمام فريق مغمور و في ملعبنا ليعيد البوسني حليلوزيتش تشكلية ( لا تزال في طور البناء ) تعد بالتحدي خصوصا و ان اللعب الهجومي في نصب عينه بدل عمو سعدان الذي لا يعرف غير حماية الحمى و الرد بالكراة الثابة و مرة لخرى العالية العشوائية عودية الذي لعب طيلة الشوط الول و الثاني تقريبا هدد المرمى بطول قامته و بنيته المورفولوجية العملاقة ( ما شاء الله ) عكس الورقة الخاسرة التي إعتمد عليها سعدان طويلا و أقصد غزال ، الفوز معنوي لا يمثل شئ مقارنة بالخصم لكن على الاقل تغيير الخطة و النسق الهجومي يبعث بالتفائل كل مرة نقول مانزيدش نحكي في الكرة اجد نفسي أكتب ـــــ الموضوع مجرد رأي يمكن حذفه بعد قراته |
رد: سلمولي على سعدان
اقتباس:
أخي موسى هذا مايدور في رأسي تماما... الموضوع لن يحذف كما طلبت بل سيُثبّت...شكرا جزيلا لك. |
رد: سلمولي على سعدان
نعم اتفق معك في كل ماقلته بصح غدوا الصحافة نتاعنا تركز على واحد تطلع قاااااع الفوق حاجة اللي مليحة انو البوسي ما يتصنتلهمش ومشي خواف كيما واحد الناس |
رد: سلمولي على سعدان
ههههههههههههه سبحان الله ...صدقني والله نفس الشئ كنت اقوم به (متابعة كل حركات هذا اللاعب )...إضافة إلى تهديده للمرمى في عدة مرات ..كان يسترجع كرات عديدة كذالك ويقطعها ..من منطقة دفاع الخصم ...ويحولها لهجومات خطيرة ..وكان إشراكه ناجحا عموما ...نتمنى له بقية مشوار ناجح ..
|
رد: سلمولي على سعدان
اقتباس:
سعدان للأسف كان كذلك اقصى عدة أسماء كانت ستسطع لو منحها الفرصة كما منحها لغزال في زمن سعدان كان الدفاع من كراة ثابة هو الذي يسجل لكن إن بقي البوسني فالموازين ستنقلب و ما زياني ببعيد |
رد: سلمولي على سعدان
اقتباس:
البوسني محترف حقيق ولا يُحلب الصحافة تابعت مشواره مع الفيلة و اكاد اجزم انه مناسب لعقلية الجزائري |
رد: سلمولي على سعدان
اقتباس:
لا تستغرب فقد لفت انظار كل من شاهدة المباراة عودية كان مغموم في البطولة لكن كان نابض في الشبيبة صراحة لاعب يستحق الفرصة منذ زمن عمو سعدان |
رد: سلمولي على سعدان
اللاعب عودية كان في المستوى والمدرب لعب خطة هجومية وكان في المستوى ولكن لا ننسى أن هناك أخطاء فادحة في الدفاع كادت تكلفنا أهداف لو كان المنتخب الغامبي يملك مهاجمين يمتازون بالخفة والمراوغات وخاصة من جهة عنتر يحيى المهم إن شاء الله مزيد من الإنتصارات وألف مبروك علينا وعليكم
|
رد: سلمولي على سعدان
اقتباس:
لتعلم يا صديقي ان الدفاع من مخلفات سعدان أنا هنا لا أنتقد أي لاعب أو حتى سعدان كمدرب سابق لكن عودية اللاعب المحلي خطف مني التركيز في المباراة :19: |
رد: سلمولي على سعدان
الخطأ الكبير لما اقحم عنتر يحيى أساسي نحن نعرف جميعا أن مستواه انخفض منذ مدة كان يجب استدعاء بلحاج هكذا يصبح يلعب ب قادير كمدافع في مكان عنتر يحيى وبلحاج يلعب متقدم عن قدير يعني راح يساعد قادير في الدفاع ويساعد الهجوم وخاصة أنه يحب الصعود كثيرا
على العموم أرى أن المدرب الجديد يحب الهجوم وخاصة مع النتيجة الإيجابية التي عاد بها نتمنا فقط أن يواصل بهذا الرتم وأكثر إن شاء الله ويبقى هذا وجهة نظري فقط معلومة ممكن أن يوافقني فيها البعض وممكن العكس كذلك ألف ألف مبروك الفوز |
رد: سلمولي على سعدان
اقتباس:
نحن هنا نخلط مع بعض فرأيك محترم حتى ولو كان خاطأ بلحاج طار بمجئ لاعب ميلانو صحيح أن بلحاج سريع و ذو نزعة هجومية لكن راح ضحية إختياراته كما هو حال زياني ثم قادير و بلحاج يلعبان في نفس المنصب تقريبا إذا لا يمكن دمجهما مع بعض إلا في الضرورة ، و البوسني إستجد في الارتكاز وسط ميدان هجومي بغزالو بدل يبدة رغم صعوبة المهمة ( غزال متعدد المناصب لوكان يكمل هكا ممكن يجيبها حارس مرمى ) |
رد: سلمولي على سعدان
اقتباس:
|
رد: سلمولي على سعدان
عودية تفرجت عليه واحد العام سياربي كونتر النصرية في ملعب القليعة ما عجبنيش بزاف , مام نهار اليوم ما عجبنيش بزاف الحاجة اللي عجبتني فالماتش تاع اليوم هو الشونجمون , خرَّج مطمور ودخَّل بودبوز عقلية دز القدام برك (بمعناها الإيجابي ثاني تحسبوني راني نمعني:3:) , هذي هي العقلية التي تخليني نتفرج ألاز عقلية الفوز توحشناها بزاف بزاف وهذا هو الصح حتى ولكان عندك قطوطة تنفخ فيهم شوية كوراج يولوا لك سبوعة , وعقلية بلَّع اللور تضيعك..السبوعة ترجعهم لك قطوطة |
رد: سلمولي على سعدان
السلام عليكم و رحمة الله و بركاته شكرا لك اخ موسى على الملاحظة القيمة :1: كنت حاسب روحي غير انا لي راني نراقب في عودية جمهور كبير لاحظ الفرق لي دارو عودية ياو :16: و الله اندهشت كثيرا لمردود الاعب عودية الذي تفوق في الكثير من الكراة العالية الرئسية في شكل توزيعات للزملائه خاصة البنية المرفلوجحية القوية و الطويلة التي يمتاز بها عودية اما شكل العام للمباراة اضن ان لمسة حليلوزيتش موجودة استطعنا ان نرى طريقة لعب منهج في اللعب عكس ما كنا نشاهده طيلة العشر سنوات الاخيرة من كراة عالية عشواية نسجل هدف و ندافعع عن مرمانا 80 دقيقة كامل و الواحد داير يدو على القلبو طلعونا السكر معاهم. بخصوص الخطا الدفاعي في محور الدفاع اصبح مقلقا صراحة وقت سجل الهدف من الغامبيين صراحة تحسرت على غياب قلب الاسد حليش وكيا يقولو كاين لاعبين طاب جنانهم في ليكيب غير يشوفو كيفاش يسرحوهم راهم كاينين شباب ما شاء الله اه مشي يلزم يخلو الراجل يخدم راه دار حاجة مليحة حين لقن الصحافة المكتوبة و المسموعة درسا في الحبر الذي سال على الورق و الانتقادات التي وجهت في حقه و ها هو قد دافع عن خياراته و اغلق افواه البزنسة الذين يحيطون بالمنتخب |
رد: سلمولي على سعدان
اقتباس:
معناتها عجباتك النزعة الهجومية غمالا عودية دار حالة في الهجوم و للعلم هذي الفرصة و الاولى و استغلها كما ينبغي المهم معجبكش الماتش هذا بالاك الجاي تبدل رايك |
رد: سلمولي على سعدان
اقتباس:
هذا مدرب مليح يعرف ابجديات الكرة لوكان يخلوه يخدم على عامين تشوف منتخب جزائري مهاجم وكيما قلت حليلوزيتش لا يُحلب الصحافة قالهم مسؤول على خياراتي و نفذ وعدو و زيد هذا ماتش ساهل فالخصم مكانش قوي بمعنى الكلمة لكن كل التوفيق نتمناه للكتيبة شكرا عبد المنتقم |
رد: سلمولي على سعدان
http://up.hawaaworld.com/up/sites/up...d6bb59bcb3.gif
الصراحة انا لم اشاهد المباراة كنت نحفظ في ابني الصغير غدوة عندو اختبار في مادة التكنولوجيا ساسال زوجي و نردلك خبر.........لي عودة للموضوع |
رد: سلمولي على سعدان
اقتباس:
معناتها راح تجيبيلي رأي زوجك ؟ معليش راني نستنى و ركزي فالسؤال على عودية لأنه محور الموضوع:18: نسيت بالتوفيق للإبن و الاب والام |
رد: سلمولي على سعدان
اقتباس:
بخصوص عودية بانت لي تقنيا ناقص بزاف وهو كيما غزال يلعب صون بالون ديجا صاروخ تاع قديورة حبَّسه عودية فالكاري بالعكس عجبني الماتش رجعنا فالسكور وما نفرحش كون مع مدرب واحداخر كون بلَّعنا اللعب من البداية وعقلية طيَّش علينا برك...وكون كي تلقينا الهدف الأول نطفي التيلي على خاطرش نعرف باللي صايي تتلف لهم ويروح لهم المورال ويدخلوا 3 بنوت واحداخرين عجبني المدرب تاع بصح ونظن عقليته الكبيرة جعلت عقلية جميع اللاعبين تجي تحت عقليته سنودع مع هذا المدرب عقلية التشوكير وغادي قاع يولوا يشمخوا التريكو إن شاء الله |
رد: سلمولي على سعدان
انا لست معك في تحليلك
سعدان دكتور ولن يبلغ اي مدرب مهما كان ما بلغه مع المنتخب الوطني فمن هذا المنبر احييه واحييه واحييه لانه من لاعبيين عاجزييين كون متخب مونديالي ونشر الفرحة |
رد: سلمولي على سعدان
اقتباس:
النقاط لي قلتها على عودية كاين منها من باب انها اول مشاركة له في المنتخب و غي ادغال إفريقيا و هذا كله إلى جانب فيغولي الذي سطع نجمه لكن صدقني أفضل بكثير كثير من غزال ان شاهدته في البطولة مع الشبيبة أيام كأس الافرقية كان رأس حربة تاع الصح ضد نادي لي ربح لكوب و تاهل لكأس العالم للأندية ( نسيت إسمو ) فقط لو تعطى له الفرصة اكثر سيصبح لنا فريق أقوى من ذي قبل |
رد: سلمولي على سعدان
اقتباس:
هذا رأيك وذاك رأيي ويبقى إحترام الاراء واجب علينا |
رد: سلمولي على سعدان
http://www.ali4.com/images4vb/card/Almawt.jpg
شوف يا سي موسى المعلم قالي انا اولا جاني اكتئاب من الستاد نتاع غامبيا خطرش مرة يتفرج الماتش تاعنا و مرة يتفرج الماتش تاع مصر و النيجر في الجزيرة 9 و راك شايف الستاد نتاع مصر بدون تعليق و قالك المعلم عودية ما هوش حاجة كبيرة و الدليل ضيع اشحال من هدف و الحاجة المليحة اللي دارها عودية انه فتح ال jeu لصحابو و هادي حاجة مليحة و الاهم غامبيا ماهيش حاجة باه نقيمو اللاعبين نتاوعنا و الفايدة هي الربحة :1::1::1::1::1::1: هذا راي المعلم انا لاااااااااااااااا افقه في الرياضة |
رد: سلمولي على سعدان
سعدان يبقى سعدان والضربي العام طويل للمجاملات هذي غير غامبيا ماكايناش في الترتيب العالمي
انت راك متناقص قليلا مع الاحترام دوما غزال ما زال يلعب فيه ما معناه انه سيدهم بغض النظر عن الاهداف التي هي مفتاحنا للحكم على اللاعبين (منطق خاطئ) المقابلة المقبلة في الجزائر او في بلد بعيد على الادغال انشوفو عودية اذا تم استدعاؤه وليس اقحامه لانه استنجد به للبنية المرفولوجية وفقط انا لست متشائما ولا صد البوسني لكن صد من ينكر سعدان بدفاعه وفرض المحليين و........ لكنه يبقى الوحيد الذي هزم حليلو ...اذا كنت تتذكر ودليل قوته اول تشكيلة لعب بها حليلو هي التي هزمه بها سعدان بعد التغييرات اتمنى التوفيق للمنتخب والناخب ولك عزيزي moussa |
رد: سلمولي على سعدان
راك غالط
مين كانت الجزائر تخسر في الداخل والخارج جاء سعدان دار 5 ماتشات فوز على التوالي هدا كامل نسيتوه .ادا كان حاليلوزيتش دار خطة هجومية سعدان دار الطموح والروح والعزيمة ماعليهش ............................ في2004و2008و2009 ماكانش لخرج الشعب الجزائري من الفرح أشكرو حاليلوزيتش درك يسرالو كيما سعدان |
| الساعة الآن 12:45 AM. |
Powered by vBulletin
قوانين المنتدى