|
الدنيا شموع مصيرها الاحتراق احلى مافيها الامل وامر مافيها الفراق
رسالة الوداع
فاليل وانا سهرانة مع النجوم جاتني مع الريح بريا قلت بالاك راني نحلم بالاك راني انوم محال يكون هاذ المكتوب ليا عليه اسم و تاريخ ليوم وعنوانو راهو يحوس عليا فتحت الظرف وبديت نقرا وقلبي مهموم وبداو الدموع يسيلو من عينيا حسيت روحي كي ذاك لعوام لي ما يعرفش يعوم ضياق خاطري والدنيا دارت بيا رميت المكتوب و قلبي يعاتب ويلوم علاش ما قاليش و دار معايا النية علاش خلّى سرو في قلبو مكتوم علاش كواني بنار هاذ لكية كان علابالو بلي قلبي بيه متعلق و مغروم نفديه بروحي و نقعد ليه وفية كنت حاسباتو ظالم كي خلّى قلبي مصدوم كي خلاني وحدي في نص الطريق مرمية وليوم عرفت بلي كان مظلوم كي كان محير و خايف عليا خبى مرضو المشؤوم وبدا يجبد روحو غير بشويا كان علابالو بلي حاجة ما دوم كان علابالو بلي الموت راح يبعدو عليا خلّالي قلبي مفراقو مقسوم و هاذ لخبر لي جابتو لبرية كان بدموع الوداع مختوم حبيبي اليوم وفاتو المنية يا ريتو خلاني نعيش معاه يالوكان يوم نشوفو ونسمع صوتو لآخر ثانية راح يبقى في حياتي مرسوم ومحبتو تبقى في قلبي ديما حية موراه قلبي راح يعيش ويبقى محروم حتى نهار تخلاص هاذ الدنيا :13: خوجة سعاد رويبة |
رد: الدنيا شموع مصيرها الاحتراق احلى مافيها الامل وامر مافيها الفراق
اقتباس:
ننتظر المزيد من ابداعاتك تقديري. |
رد: الدنيا شموع مصيرها الاحتراق احلى مافيها الامل وامر مافيها الفراق
اقتباس:
|
رد: الدنيا شموع مصيرها الاحتراق احلى مافيها الامل وامر مافيها الفراق
الله يبارك وربي يكون فالعون
|
رد: الدنيا شموع مصيرها الاحتراق احلى مافيها الامل وامر مافيها الفراق
كلماتك اذهلتني وادمعت عيوني ربي يصبرك اختي واشكري الله على شخص كهذا فقد انقرض امثاله
صبرا اختي ولا تياسي هذه هي الحياة يجي النهار وين لازم عليك تبداي حكاية جديدة |
رد: الدنيا شموع مصيرها الاحتراق احلى مافيها الامل وامر مافيها الفراق
مبدعــــــــــــة كالعادة واصلي تميزك
~~بارك الله فيكـــــــــــــ~~ |
رد: الدنيا شموع مصيرها الاحتراق احلى مافيها الامل وامر مافيها الفراق
شكرا على مرووووووووووووركم أريد المزيد من التشجيع
|
رد: الدنيا شموع مصيرها الاحتراق احلى مافيها الامل وامر مافيها الفراق
أريد راي الكبار فيها
|
رد: الدنيا شموع مصيرها الاحتراق احلى مافيها الامل وامر مافيها الفراق
كاين غير الصغار سعاد ههه إذا تحبي راينا:
لقصيدتكـ وقع عجيب على النفس إذ أن القصة كانت متتالية الأحداث مترابطة المعاني في قالبها الملحون فيها كثير من الجمال ربما تحتاجين فقط الجانب الموسيقي ، الذي يكتمل باجتماع القافية والوزن |
رد: الدنيا شموع مصيرها الاحتراق احلى مافيها الامل وامر مافيها الفراق
شكرا لمرورك اخي ... قصدت بالكبار انتم لان لكم خبرة اكثر مني و لم اقصد شيئا اخر فأنا ما أزال مبتدئة.. شكرا مرة أخرى على مرورك العطر
|
رد: الدنيا شموع مصيرها الاحتراق احلى مافيها الامل وامر مافيها الفراق
شكرا جزيل شكر بصح ما تزعفيش نتي حبيبك داتو الموت أنا داتو أخري ولم أجد غير الدمعة التي تشق طريقها وسط الإبتسامة....................................للأسف
|
رد: الدنيا شموع مصيرها الاحتراق احلى مافيها الامل وامر مافيها الفراق
يا حنونة كول واحد عندو حكاية تبكي لحجر...نتي على الأقل عرفتي بلي ما يستاهلكش كي بدلك بواحدة أخرى...لاخاطرش لوكان جاء يحبك صاح ..كان آخر حاجة يفكر فيها هو يبعد عليك...
أرمي الهم عليك و نساي... شكرا على المرور العطر... |
رد: الدنيا شموع مصيرها الاحتراق احلى مافيها الامل وامر مافيها الفراق
اقتباس:
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟:5: |
| الساعة الآن 09:44 AM. |
Powered by vBulletin
قوانين المنتدى