|
بطاطة محشية في الكوشة +شرح بالخطوات هدية لكل العضوات
السلام عليكم http://montada.echoroukonline.com/images/icons/fdf.gifبطاطة محشية فـ الكوشة http://montada.echoroukonline.com/images/icons/fdf.gif هو طبق لذيذ جداااا و وصفة سهلة، جديدة ، وحصرية على منتديات الشروق الجزائري بعني باختصار 3 في وااحد:11: اليكم النتيجة لحين اضر لكم الطريقة و اكتبها في حالة ما إذا عجبتكم،،، سينو:18: ..ندير كيما دارت جدااتي الله يرحمها ..:8: . . . . . . . . بطاطة محشية في الكوشة المقادير: -كيلو بطاطا مسلوقة(مغلية) في الماء -قطع من الدجاج مقطعة مكعبات -كمية من اللحم المفروم -150 غ زيتون أخضر مغلي و مقطع دوائر صغيرة -40 غ فطر(شومبينيون) -60 غ جبن ابيض -60غ جبن اصفر (gruyère) -حبتين من البيض -زبدة -02 حبات طماطم -راس من الثوم -معدنوس -ملح +توابل حسب ذوقك طريقة التحضير : 1- تحضير البطاطة غلي البطاطة بواسطة الة يديوية اطحنيها اضيفي لها كمية من الجبن الابيض و الجبن الاصفر +معدنوس +ملح ، و ملعقة صغيرة زبدة مع اضافة حبة بيض امزجيهم مع بعض ثم افركيها بيديك داخل صنية بحيث تكوني قد سبقتي كيس ابيض يغطي قاع الصنية (ضروري الكيس لتجنب التصاق البطاطس) اتركيها في الثلاجة حتى ترينها تماسكت (و هي في الثلاجة ) 2)-تحضير صلصة الحشو قومي بتحضير الصلصة الخاصة بالحشو في طنجرة ضعي الزيت +ملعقة سمن او زبدة اللحم المفروم + الثوم قليهم مليح مع اضافة التوابل و الملح طبعا +المعدنوس اضيفي الطماطم المسكرفجة(المطحونة ) و اتركيهم يطبخو ..تكونين قد غليتي الزيتون اضيفيه للصلصة مع مربعات الجبن..اتركي الكل يطبخ حتى تتحصلين على صلصة قليلة الماء .. 3)- الصلصة البيضاء لتشريب البطاطة : في مقلاة قومي بطهي قطع الدجاج مع الثوم و التوابل +معدنوس اضيفي لها الكمية المتبقية من الزيتون+مكعبات الجبن ..اذا كانت متوفرة عندك الفطر (شومبينيون) قومي بقليها في الزبدة اولا ثم اضيفها للصلصة و اتركي الكل يطبخ مع بعض ..تتحصلين على صلصة ثقيلة و متوسطة المياه (ماشي ناشفة بزاف) (نعود للبطاطا) بعد نصف ساعة تلاحظين انها صارت تبدو متماسكة اخرجيها ثم ضعي صلصة الحشو التي تكوني قد جهزت .. ثم اسكبي الصلصة الخاضة بالحشو فوق البطاطة المسطحة و افرشيها على كل الاجزاء ثم قومي بعميلة تدوير البطاطة نفس طريقة قاتو رولي بهذا الشكل 2- حين تنهين من تدويها تتحصلين على مثل هذا الشكل عدليه بيديك حتى يكون الشكل مناسب ثم ارجعيه للثلاجة من جديد ليبرد حتى يتماسك جيداااااا قبل ان تدخليه للفرن 3- سبقي في الصنية قطع من الزبدة و ضعي قطعة مناسبة من ورق الفرن(papier aluminium) ثم امسحي سطح البطاطة بالبيض و ادخليه للفرن حين ترين سطحها احمر اخرجيها 4- ضعيها في صحن مناسب و اسكبي الصلصة البيضاء في جوانبها قطعيها بالشكل الذي يرضيك و قدميها هنئيا مرئا لافراد اسرتك http://www10.0zz0.com/2012/08/04/00/633423266.png بطاطة ف الكوشة http://www10.0zz0.com/2012/08/04/00/769911465.jpg اتمنى ان تجربوها حتى لا يذهب جهدي هباء و سترون انها لذيذة جدااااااااا:16: تقبل الله منا و منكم و صح فطوركم :) |
رد: بطاطة محشية في الكوشة
و عليكم السلام و رحمة الله و بركاته
من فضلك يا سلام لا تستشيري فتقولي ان أعجبتكم الصور أضع الطريقة ، بل مباشرة ضعيها لأن وصفاتك دائما رائعة و تستحق التجريب تحياتي و نحن في انتظار الوصفة و سأجربها باذن الله ملاحظة: هنيئا لك نشر طبقك: الطاجين الحلو في الجريدة الورقية. ما قلتيش واش دارت جداتك الله يرحمها |
رد: بطاطة محشية في الكوشة
شكراااا ليلى ننتظر الطريقة
|
رد: بطاطة محشية في الكوشة
السلام عليكم ورحمة الله وبركاته
من الصور تبان بنينة اترت شهيتنا تم تركتينا دون ان تدوني الوصفة:3::3: امممممممممم يادرا واش دارتك جداتك رحمها الله فكرتيني في حكاية جحا كي سرقولوا سباطوا او قاللهم جيبولي سباطي ولا ندير كيما دار بابا:18::18: او هوما كامل راهم يسناو واش دار باباك:5::5: قاللهم اشرا سباط جديد:8::8: ههههههه في انتظار وصفتك فلا تبخلي علينا تقبلي تحياتي وودي |
رد: بطاطة محشية في الكوشة
يا سلام يا سلام والله أنت مبدعة تبان تشهي وراني جيعانة ربي يجيبلي الصبرhttp://www12.0zz0.com/2012/08/04/10/436565520.gif ويصبر اللي مورايا ههههههههههههه
ألحقينا بالطريقة http://www12.0zz0.com/2012/08/04/10/677475436.gif |
رد: بطاطة محشية في الكوشة
ايوة ليلى ......راكي ماشاء الله عليك...:16::16::16: وين راهي الطريقة خفي روحك...والا ندير كما دار زوجي...:17: |
رد: بطاطة محشية في الكوشة
بصحتكم ليلى راه يبان طبق لذيذ بصح ويلا ماشي مالح ههه:8: راكي متهلية فالكوزينة:20: صح فطورك ولكل أسرتنا الحبيبة:13: |
رد: بطاطة محشية في الكوشة
|
رد: بطاطة محشية في الكوشة
سلااااااام الوصفة لو سمحتي :18: هههههه مدامها بطاطا + محشية + ف الكوشا + نتاع ليلى ؟, كيفاش ما تعجبناش ؟؟؟؟ ع العموم يسلمو يديييييك و بانتظار الطريقة...:12: |
رد: بطاطة محشية في الكوشة
ماشاء الله وتقوليلنا نحط الطريقة ولا مكلاه ايا طيارة واكتبيلنا المقادير والكيفية يعطيك الصحة
|
رد: بطاطة محشية في الكوشة
يعطيك الصحة ليلوش ما دابيك تعطينا الوصفة حالا و فورا ..لابلاش menu راه يتلفنا ساعة وانا ندور في الكوزينة نخمم واش ندير :5::5::5: مالقري كلشي كاين وحاضر في الثلاجة الا ان العائلة تحب التغييييييييييييير وجديد ههههههههههههه ديري مزيةوتعطينا الوصفة رب يعيشك ..بركانا من لاسوسبانس :8::8::8: في جعبتي الكثير من الوصفات بصح راني عاية من التحميل نريح شوية ونحطهم وحدة وحدة ان شاء الله نشوفكعلى خيييييييييييييييير وتحياتي للعائلة |
رد: بطاطة محشية في الكوشة
اقتباس:
اسعدني مرورك سيرين ما يكون غير خاطرك الله يباك فيك على التهنئة :11: اقتباس:
كريمات هنا يا مرحبا ...اوكي حبيبتي اقتباس:
سمرمر و حكايتنا حكاية ههههه أون مالا ندير كيما دار جدي :8: اقتباس:
ههههه الله يسعد ايامك ايتها اللؤلؤة السعيدة:11: اقتباس:
ويلي:19:علاش واش دار زوجك خيرات ما تقوليليش قـــــgـــرف ع الماكلة:8: اقتباس:
:19::19: العمى ف عيون عيون عديانك العمى على قول جودي تاع ضيعة ضايعة و عندك شك:2: كوني هانية خفيف و ظريف و بنينhttp://montada.echoroukonline.com/im...cons/icon6.gif و كي تجي ما نطيبش:7: ههههه امزح بصح انتي وين راهم اكلاتك ميمياات ؟؟ اقتباس:
:5: يا درا واش دار ابن عمك ام هديل .. جاب الاكل جااهز من براااا:8:؟؟ اقتباس:
اهلااااا بك اختي Silver Diamond حيرتيني شكون انتي معرفتكش:5:؟؟ بصح ردك يدل انك انسانة عزيزة على قلبي .. يعيشك قوليلي شكون انت و لا ما نعطيش الطريقة:8: مرورك جميل كجمال رووحك اقتباس:
اشكرك اشراقو حااضر كابتنساحط الطريقة :8: يسلمك عزيزتي اقتباس:
اهلا ام خيرووو ههههه يبدو ان لحروف"الصنايع" قريب ينفذو:8: انتي اوموان راكي تشاركي انا راني فاشلة ..و تاكلة عليكم طبعاا علابالي كل الاخوات الله يبارك على راسهم انت:12: غدوة ان شاء الله نحط الطريقة النت راهي ثقيلة شوية اليوما و انا اثقل منها:14: بصح ما نحكيلكمش حكاية جداتي :20: بارككم ارحمااان جميعااااا اخوااتي الحبيبات و الله غير ضحكوتي محبتي لكن جميعاااااا |
رد: بطاطة محشية في الكوشة
السلام عليكم اعذروني قمت بتحميل العديد من الصور و جهزت موضوع طوريل عريض لكيفية الاعداد لكن فجاة بلوكالي المكرو و لم اجد حلا غير اعادة التشغيل و النتيجة راكم علابالكم ساكتب الطريقة بالتفصيل لاحقااا ان شاء الله:14: |
رد: بطاطة محشية في الكوشة
تسلم الايادي والله
جد شهي في انتضار كل جديدك |
رد: بطاطة محشية في الكوشة
يم يمممم . هادي دارتهانا مرة جداتو اخلاص و جات بنينة تهبل ...هه
|
رد: بطاطة محشية في الكوشة
اقتباس:
الله يسلمك راااضية نتمنى ان نرى اطباقا لك ايضااااا و من مطبخك صح فطورك اخية اقتباس:
أهلا خولة نتمنى ان نرى تطبقاتك هناا اخيتي لاننا نشجع الأنتاج المحلي و لا نرضى بالمستورد من المنتدياات :8: صح فطورك اخيتي |
رد: بطاطة محشية في الكوشة +شرح بالخطوات هدية لكل العضوات
ماشاء الله جامي شفت هذه الوصفة لا في الكتوبة ولا النت ولا شميسة صراحة
|
رد: بطاطة محشية في الكوشة +شرح بالخطوات هدية لكل العضوات
و عليكم السلام و رحمة الله وبركاته جميل جدا... هذه بطاطا ولا خلي... ليلى راني بدلت رايي غدا باذن الله سأجربها و البطاطا المقلية تسنى.... بارك الله فيك.. |
رد: بطاطة محشية في الكوشة +شرح بالخطوات هدية لكل العضوات
السلام عليكم :
أختي سلام بارك الله فيك على الوصفة قبل ما تحطي الوصفة حسبتها آشي باغمونتيي لكن الحمد لله ماشي هي لأننا هكذا سنتعلم أطباق جديدة و متميزة مع مطبخ المنتدى أحم أحم قوليلي من وين راكي تتحصلي على هاد الأطباق الطائرة اللذيذة لي راكي تجربيها أعطينا العنوان و تأكدي أنو حقوق النشر تبقى محفوظة (راني نخمم ننشر عنوان في الفايس بوك و تويتر و ندير فيديو يوتيوب باش يستفادو الكل هذا عمل إنساني نبيل يعطي شرعية على عدم الإلتزامي بالتعهد بحفظ حقوق النشر أأأأأأمممممززززححح) ربي يبارك فيك سلامو تحياتي :13::13::13::13::13: |
رد: بطاطة محشية في الكوشة +شرح بالخطوات هدية لكل العضوات
ررررررررررررررررررررررررررررررررفع
|
رد: بطاطة محشية في الكوشة +شرح بالخطوات هدية لكل العضوات
يسلمو الايادي وصفااااااااتك دائما راااااااائعة لازم يدرو برنامج خاص لك واحنا اكيد نتابعوووك
|
رد: بطاطة محشية في الكوشة +شرح بالخطوات هدية لكل العضوات
اممممم تبان بنينة
عين تاكل قبل الفم تقديم اكثر من رائع واصلي ولا تفاصلي جاري التجريب ان شاء الله |
رد: بطاطة محشية في الكوشة +شرح بالخطوات هدية لكل العضوات
توحشتك ليلوشة :14:
أتمنّاك بخير ما نعرف كيفاش راحت عليّ هذه الوصفة الهايلة الله يجازي الزّائر الّذي أوصلني إلى هنا :8: |
رد: بطاطة محشية في الكوشة +شرح بالخطوات هدية لكل العضوات
وبدوري أشكرك أختي إخلاص
فعلا وصفة من أروع ما يكون وتستحق التجريب يعطيك الصحة سلام |
رد: بطاطة محشية في الكوشة +شرح بالخطوات هدية لكل العضوات
يا اختي انا كل ما راني نجوع نجوز ناكل و نخرج
يعطيك الصحة صراحة وصفة و لا اروع تسلم الأيادي محبتي دمعة مرت من هنا |
رد: بطاطة محشية في الكوشة +شرح بالخطوات هدية لكل العضوات
|
| الساعة الآن 02:10 AM. |
Powered by vBulletin
قوانين المنتدى