|
الخيانة الزوجيّة....
الخيانة الزوجيّة....
ما بقى والو في هاد الوقت لي وصلنالو واش نحكي و واش نقول و كلامي عليه العين تحول يا خاوتي مابقاش لامان في هاد الدّنيا و هاد الزّمان في من راح نثيقو و كل واحد فينا بحّر طريقو لا مرا لا راجل ينفع و العين على حالنا راهي تدمع كبرت و لحقت القضيّة حتى للخيانة الزوجيّة الراجل يخلّي مرتو في الدّار و يروح مع غيرها للغار يخلي لحلال مخبّي و يروح يعصي في ربّي يسمّع مرتو كلام العشق و الغرام و نفسو برّا تشتهي لحرام تلقاه مزوّج و عندو دراري و هو عند الثانويات مقاري يكتب النيميرو بالكميّة و لي يجوز عليها هاذيك هيّا يبات يهدر في التيليفون و في مرتو يغدر و يخون يظل يبيبي و يبعث في ليميساج و لي يكره منها يقوللها أيا ديقاج هاد الراجل محال يكون إنسان نحشم نوّصفو حتى بالحيوان لي يروح للحرام و يخلّي لحلال يسموه عرة الرجال هاكذا رجعت سيرة الراجل و شوفو معايا الخبر العاجل حتى الجنس اللطيف و لّى في وقتنا مخيف حتّى هي دارت لقرون و رجعت تغدر و تخون نسات روحها بلّي مزوجة و تخرجلك غير الخرجة لمعوْجة تهدر و تقصر في التيليفونات هادا غير التحواس و الخرجات ما تحفظ راجلها ما تحفظ دارها و أدّير لحاجة لي تهوالها يا ناس قولولي برك إدا هادي مرا و فهموني واش لي راهو يصرا علاش ضعنا كامل هاكدا علاش عقولنا راهي راقدا نسينا بلّي آخرتها موت و الدنيا هادي كل شي فيها يفوت حاسبين رواحنا دايمين بالنا مرتاح و حنا ظالمين ما عندنا نيف ما عندنا ضمير لا معنى لا فهامة ولينا كي لحمير الشراب و لقمار و الربا و الزنا حتّى حاجة ما خلّينا كل شي ولّى نورمال كيما لمرا لي تلبس السروال أنا ليوم نقول كلامي قبل ما نروح و نخلّي سلامي يا ناس يا إخوان حق لّي خلق هاد لكوان عند ربي عندنا واحد لحساب ما يسلكنا لا دعاء لا حْجاب رانا فتْنا الدّول الغربيّة في القذارة و الخيانة و التعريّة لازم علينا نعاودو نقراو لكتاب لي راح ينحّي علينا الضباب بصّح علابالي بلّي ضعنا و وصيّة نبينا لحبيب خدعنا... إرحمنا يا ألله.... بقلم خوجة سعاد..رويبة. |
رد: الخيانة الزوجيّة....
كلام في محله
نسينا الموت والقبر وغواتنا هد الفانية وتغلبت علينا شهواتنا ربي يستر من الله جاي اللهم إني أسألك العفو والعافية |
رد: الخيانة الزوجيّة....
صدقت في كلامك اختي فهذا هو الحال الذي الت اليه حياتنا مع الاسف الشديد وبدل ان نحاول التعديل اخذنا نسفق بحرارة من شدة اعجابنا بهذا المصير والعياذ بالله
كلماتك جميلة كالعادة ومرة اخرى اقولها لك انت مبدعة |
رد: الخيانة الزوجيّة....
اقتباس:
شكرا لمرورك أخي:11: |
رد: الخيانة الزوجيّة....
اقتباس:
شكرا على المرور أختي:11::11: |
رد: الخيانة الزوجيّة....
Merci 9awi d9oulta hassiti bya ranes net3adebe men nafesse lamere besah ana habibi meches zodjes habibes li man9derches n3iches bla bih we la nchof fi 1 riron rayons 3lya waches ndire stp merci
|
رد: الخيانة الزوجيّة....
واش راكي حابة نقولك يا عمري... في هاد الدنيا ما ينفع غير الصح...إدا عندك كاش مشكل أبعتيلي على الرسائل الخاصة....بلاك نقدر نعاونك
أسعدني مرورك |
رد: الخيانة الزوجيّة....
رغم هذا السّواد الّذي نعيشه
و رغم هذه الحقيقة المرّة الّتي آل إليها الشّباب و البنات إلاّ أنّ الخير باق في أمّة محمّد صلّى الله عليه و سلّم و ربّي يهدي ما خلق راائعة هذه القصيدة بوركت و لا هنت قبلاتي |
رد: الخيانة الزوجيّة....
الانسان الذي يتصف بالخيانة الزوجية سواء كان رجلا او امراة
لا يمكن وصفه بالانسان لانه تجرد من جميع الاخلاق بهذه الصفة التي امقتها |
رد: الخيانة الزوجيّة....
ياأخي (ة)
لاتنسى أنهم يوجدون أطفال في المنتدى |
رد: الخيانة الزوجيّة....
اقتباس:
|
رد: الخيانة الزوجيّة....
اقتباس:
صحيح يا أختي....أسعدني مرورك |
رد: الخيانة الزوجيّة....
اقتباس:
و المطلوب...؟؟؟؟ عندما نكتب عن الحب..و العشق و الغرام...لا نقول أن هنالك أطفال..لكن عندما نتحدث عن الواقع و ما يحدث في هذا الزمان...نختلق الأعذار.. آسفة عزيزتي..آسفة جدا.. شكرا على المرور.. |
| الساعة الآن 10:16 AM. |
Powered by vBulletin
قوانين المنتدى