|
ما هو الدافع الرئيسي للحرقة...؟؟؟؟
كثيرا ما نسمع على ألسنة الشباب عامة و الشباب الجزائري خاصة...كرهت من هاد لبلاد.. ما فيها والو...ني خدمة ني والو... لهربة يا خو لهربة..
هاد لبلاد ما عطاتلنا والو.. الشالوتي و البابور و مورايا مانزيدش ندور... لكن هل حقيقة أن العيب في الجزائر أم ؟؟ هل صحيح أن الجزائر ظلمت أبناءها و دفعتهم إلى الهروب منها غرقا.. أم أن العيب في شبابها الطائش ؟؟؟ يا ترى ما هو الدافع الرئيسي للحرقة...؟؟ أنا أعتقد أن الشاب الجزائري يعشق الشهرة و يحب لفت الإنتباه و خطف الأضواء.. و أنتم ما رأيكم...؟؟؟ أرجو التفاعل.... |
رد: ما هو الدافع الرئيسي للحرقة...؟؟؟؟
تفكير الشّاب في الهجرة أو إن صحّ التّعبير الحرقة طمعا منه في تحسين وضعيّته المزريّة الّتي يعيشها في وطنه الأم
لا دار لا دوّار كما يقول فيريد أن يجرّب حظّه و يغامر فإمّا أن يصل إلى ما وراء البحر و إمّا أن يموت غرقا و إمّا أن يعود إلى وطنه مخذولا و في حالة ما إذا وصل إلى ما وراء البحر سيعيش حياته هاربا و متخفّيّا عن أعين الشّرطة و إن أراد أن يعمل سيقبل بأيّة وضيفة حتّى تلك الّتي كان يزدريها في بلده و يخجل منها و ليته يجدها فيقع فريسة بين أنياب لا ترحم يشغّلونه بدراهم معدودة لا تكفيه أصلا أو قد يأكلون عرق جبينه و يقولون له: إن أردت أن تشتكي فاذهب و هم على يقين أنّه لن يفعل لسبب بسييط ليس لديه أوراق إقامة!!! و إذا نصحته بالعودة إلى وطنه سيرفض رفضا بااتّا و يقول أن أعود في صندوق خير لي من أن أعود خائبا فلن يرضى لنفسه النّظرات الإستهزائيّة هناك و سماع: مثلما ذهب رجع فكم تحزنني أوضاع هؤلاء و كم أتمنّى لهم الفرج شكرا على جميل طرحك غاليتي محبّتي |
رد: ما هو الدافع الرئيسي للحرقة...؟؟؟؟
لكن لماذا يخجل بممارسة عمل ما في بلاده و يفتخر به في بلاد الغير
إنه تفكير ساذج... كان يريح في بلادو و خلاص الخدمة كاينة غير هو لي يتكبر أنا هاكدا راني نشوف |
رد: ما هو الدافع الرئيسي للحرقة...؟؟؟؟
اقتباس:
لالا يا ختيتي ماشي تفكير ساذج بسكو مهما كانت الخدمة لي يخدمها ثما خباز او ...يخلص مليح خرمن في بلادو شهرية تاع ثما فاصيلمو جيبلو طوموبيل ودار بصاح دراهم تاعنا يبات يخدم ليل ونهار ياربي اذا قدر يشري دار ...عندي وليد خالتي انجينيور كي كان في دزاير كان خداك عند بريفي شهريتو ماديباصيش 2 ملاين ومع هكذاك ما قنعاتوش هادي الشهرية همالا راح للخارج _ولكن ماشي حراق -بصاح فيزا ايتوديو وراه دوك ثما خدام ... معظم الشباب الجزائري يحب يروح منها على لافونير ومنها خرمن يشوف وجوه البخس تاع الجزائريين -ونزيد نقولك لي يروح للثم مايحبش مانبا يخمم يرجع لهنا يالوكان يكون متشرد ثم يقولك يجي نهار وتتفتح عليه ثم ...وكي تجي تشوفي الخدمة في بلادنا اذا ماديتيهاش بالمعرفة بالنسبة للفتاة تديها بطريقة اخرى ...هذا بلما نهدرو على الشباب لولات عندهم الحصول على منصب عمل بمستواه مثلا الجامعي من رابع المستحيلات شوفي بارك عقود ماقبل التشغيل ولات بالمعريفة فمابالك بمنصب دائم هدا مختصر عن اسباب الهجرة ... |
رد: ما هو الدافع الرئيسي للحرقة...؟؟؟؟
مهما كان
بلادو خير و كيما يقولو ناس بكري حماري و لا عود الناس أنا ضد الحرقة |
رد: ما هو الدافع الرئيسي للحرقة...؟؟؟؟
اقتباس:
على أن يعود إلى بلده هناك خلل ما حبّذ أن يعالجه المعنيّين |
رد: ما هو الدافع الرئيسي للحرقة...؟؟؟؟
طبيب لم يجد عملا في بلاده ..هرب إلى الخارج ليجد عملا فلم يجد فاشتغل بائع خضر
هذا ما نقصددينه صحيح.. كان يقعد في بلادو و يخدم خضار الجزايري يحب الذل و الشياتة |
رد: ما هو الدافع الرئيسي للحرقة...؟؟؟؟
راك حاب تقول البيروقراطية...
صاح ..هادي كاينة منها مي الصبر مليح يجي نهار وين يفرج ربي فيد بلادك خير من تفيد بلاد الغير |
رد: ما هو الدافع الرئيسي للحرقة...؟؟؟؟
السلام عليكم ..السبب بسيط ..هناك ابن اطار في سوناطراك يخلص 14 مليون للشهر و لا يرى له أثر في العمل .. و نتا روح أخدم يديرلك عقد ما قبل التشغيل لمدة الله أعلم كم ستدوم..بمرتب لا يكفي حتى لشراء المتطلبات الضرورية .. |
رد: ما هو الدافع الرئيسي للحرقة...؟؟؟؟
راك حاب تقول البيروقراطية...
صاح ..هادي كاينة منها مي الصبر مليح يجي نهار وين يفرج ربي فيد بلادك خير من تفيد بلاد الغير |
رد: ما هو الدافع الرئيسي للحرقة...؟؟؟؟
الحقرة وين تروح كاينة يا خو ماشي غير في بلادك
هذه ليست بحجة |
رد: ما هو الدافع الرئيسي للحرقة...؟؟؟؟
اقتباس:
ماشي البيروقراطية ..الحقرة زيد نقطة على القاف .. |
رد: ما هو الدافع الرئيسي للحرقة...؟؟؟؟
السلام عليكم أزووول فلاون على الأقل احترمو شوية هاد الشباب ومتقولوش عليه طاائش الشاب اللي أصلا هو ضحية رجعتوه مذنب لا لشيء سوى أنه أراد الحياة الشاب الحراق هو هاارب منكم ومطلقتوهش الـحـgرة هو السبب الرئيسي للحرقة على الأقل لما يحتقره انسان أجنبي غير مسلم أهون له من ان يحتقره وليد بلادو --- نتعجب من الناس اللي تقول كاينة الخدمة في الجزائر أصلا الحيوان كي يحرثو عليه يعطولو الماكلة وفي بلادي تحرث ليل نهار وياربي جيب عشاء ليلة ربي يفتح علينا وعلى جميع شبابنا المسلمين |
رد: ما هو الدافع الرئيسي للحرقة...؟؟؟؟
آآآآآآآآآآآآآآآآآآآآمين يارب..
منين يهر ب .....؟؟؟؟منا....؟؟؟؟ ههههههههههههه راهو يهرب من روحو برك ماشي فايق... أيا يا سيدي نقولو صاح ماكانش خدمة... و في الخارج كاين الخدمة..؟؟؟ شحااااااااااال شابة هادي..يحقروه في الخارج خيرمن يحقروه في بلادو.... أنا قلتلك الشباب الجزائري يحب الشياتة و الهانة هادي هيا.... |
رد: ما هو الدافع الرئيسي للحرقة...؟؟؟؟
اقتباس:
للأسف الشديد منقدرش نتحاور معاك لأنو عيب عليك تتهم الشباب الجزائري بهاته الاوصاف النابية انت بلاك متعرفش وش معنتها الحـgرة والله لا يعرفك بيها السلام عليكم |
رد: ما هو الدافع الرئيسي للحرقة...؟؟؟؟
اقتباس:
حسّيت حروفك قنابر تكتبها و بلا ما نذكر إسمه في يدك و وجهك أحمر من الغيض صح؟!!!:10: ربّي يفرّج على كلّ شاب مغبوووون ياا رب |
رد: ما هو الدافع الرئيسي للحرقة...؟؟؟؟
اقتباس:
|
رد: ما هو الدافع الرئيسي للحرقة...؟؟؟؟
اقتباس:
|
رد: ما هو الدافع الرئيسي للحرقة...؟؟؟؟
بلاك عندكم الحق مي يا خاوتي كل واحد و رايو
شكرا على المرور |
رد: ما هو الدافع الرئيسي للحرقة...؟؟؟؟
سأطرح عليك سؤال ..عندما يقرر أي شخص حامل لشهادة عليا من الجامعة ترك وطنه للعمل في دولة أجنبية ألا يعتبر هذا من الطيش ..و عندما يقرر انسان فقير فتح عينيه على سقف من الحديد ..و نشأ في براكة ولم يستطع أن يكمل دراسته بسبب الفقر ..أن يهجر بلده الذي نزع منه أبسط الحقوق و هي العيش بكرامة تسمونه بالطائش ..فاذا كان الفقير يهجر بلده من أجل تحصيل الرزق يسمى طائشا فماذا نقول عن الذي درس و تخرج بشهادات عليا من الجامعة و ترك بلده ليخدم بلد الأجانب ..هذا هو الطيش الحقيقي .. سأل طبيب نفسي شاب قال له ما هي أحلامك ..فرد الشاب أحلم ببيت و عمل و زوجة ..فرد عليه الطبيب سألتك عن أحلامك و ليس حقوقك |
رد: ما هو الدافع الرئيسي للحرقة...؟؟؟؟
صحيح أخي....
شكرا على المرور من دون تعليق |
رد: ما هو الدافع الرئيسي للحرقة...؟؟؟؟
اقتباس:
اعود الى كلامك اخي ياسين وعلاش نعتبرو الشاب الجامعي لي يروح يخدم في بلاد الناس نسموه طايش ؟ علاش مانسموهش قافز -ولا بالدارجة ديالنا نافيقا على روحو وجاب دراهمو ويدير بيهم مشروع مثلا يفتح وزين يخدمم الشباب البطال واكيد راه رابح هو ... |
رد: ما هو الدافع الرئيسي للحرقة...؟؟؟؟
اقتباس:
و هل الجامعي لا يترك والدته تبكي عليه ؟؟ ..و هل الجامعي مسموح له بأن يخدم الأجانب ؟؟ يعني حسب فهي الجامعي معليش يهاجر و الفقير لا.. ؟؟ |
رد: ما هو الدافع الرئيسي للحرقة...؟؟؟؟
:11:شحال شباب هاد لكلام
أيا روحو كامل كي لقاري كي لجاهل و أخدمو على غيركم أي تفكير هذا.. قالو قافز... يفيد بلادو خير...و لي ما عندو والو يجبد على روحو ماشي يحرق و يخدم زبال عندهم ... و لّا نقولك الحرقة مليحة روحو كامل كي لبنات كي لولاد |
رد: ما هو الدافع الرئيسي للحرقة...؟؟؟؟
اقتباس:
و لا يخلو بيت جزائري من وجود حطيست و لاّ كوزينيست هذي للبنت:8: و لّي يوجّع القلب أنّ الجزائر تعتبر من دول الأوبيك المتحكّمة في سعر البترول و من المفروض نكونوا عايشين خير من دول الخليج و لكن ربّي يدمّر البطوون المنتفخة الّتي تزداد ثراء و شعيّب لخديم ما لقى والو |
رد: ما هو الدافع الرئيسي للحرقة...؟؟؟؟
اقتباس:
مي علاش يحرق و يهاجر علاش كي هنا كي لهيه جدها واحد يقعد في الجزاير خير:3: |
رد: ما هو الدافع الرئيسي للحرقة...؟؟؟؟
اقتباس:
زبال كلمة خاطئة أولا ..ثم انني أناقش كلمة طائش ..فقد وصفتي المهاجر بالطائش ..فاذا كان كذلك فحتى المهندس الذي يهاجر يعتبر طائشا |
رد: ما هو الدافع الرئيسي للحرقة...؟؟؟؟
اقتباس:
طائش نعم طائش...:11: |
رد: ما هو الدافع الرئيسي للحرقة...؟؟؟؟
اقتباس:
لالا مافهمتنيش ماقصدتش الافضلية للجامعي على الفقير قصدت كي يروح حراق -يريسكي بعمرو في عرض البحر يادرا اذا نجا منو ولا لا هنا لميمة كبدتها ماشي غير تتحرق ...بصاح لي يروح بفيزا تاع اتوديو ولا ...صح تتحرق كبدتها شويا بصاح كي تعرف بلي خطرا فالعام يحبط لبلادو وكاين الانترنات باش تحكي معاه تتونس ماشي كي لي يروح حراق بالاك مايوليش كامل ...فهمتني اخي ياسين ... |
رد: ما هو الدافع الرئيسي للحرقة...؟؟؟؟
الدافع الرئيسي للحرقة =حابين يخدموا
|
رد: ما هو الدافع الرئيسي للحرقة...؟؟؟؟
ربي يسهل عليهم
نشالله برك يصيبو الخدمة وما يرقدوش على الكارطون و لا الكارطون مليح للواحد لي يخدم في الخارج...تالمو كاين الخدمة...؟؟؟؟ |
رد: ما هو الدافع الرئيسي للحرقة...؟؟؟؟
اقتباس:
و لكن ينبغي النظر الى الأسباب التي تجعلهم يفعلون ذلك ..أما عن رأيي الشخصي في المسألة ..فأخشى أن أدخل في قوله صلى الله عليه و سلم .. "أنا بريء من كل مسلم يقيم بين أظهر المشركين.. قالوا يا رسول الله ولم؟ قال: لا تراءى نارهما"(65). رواه أبو داود والترمذي.. فلن أفكر اطلاقا في العيش بين أظهر الكفار ..بارك الله فيكم .. |
رد: ما هو الدافع الرئيسي للحرقة...؟؟؟؟
اقتباس:
هايليك ليك هاذي البلاد :8: راني نضحك بارك ختيتي ... يروحو للثم بسكو دراهم يقدرو يديرو بيهم حاجة هنا ...فهمتي |
رد: ما هو الدافع الرئيسي للحرقة...؟؟؟؟
اقتباس:
وفيك بارك ... شكرا على المرور:11::11: |
رد: ما هو الدافع الرئيسي للحرقة...؟؟؟؟
اقتباس:
|
رد: ما هو الدافع الرئيسي للحرقة...؟؟؟؟
اقتباس:
هادا وين بديت نفهم...:8: على العموم سعدت كثيرا بتفاعلك ختيتا:11: |
رد: ما هو الدافع الرئيسي للحرقة...؟؟؟؟
اقتباس:
|
رد: ما هو الدافع الرئيسي للحرقة...؟؟؟؟
أيا نحرقو مّالا..ههههههههههههه
|
رد: ما هو الدافع الرئيسي للحرقة...؟؟؟؟
اقتباس:
السلام عليكم أزوول جداااااااااتي عاش من قرأ حروفك الله غالب يا جدة ...غير اللي عافس على الجمرة اللي يحس يكيتها رغم أني ضد فكرة الحرقة اللي هي في الأصل هجرة الا أني نتعاطف مع أغلبية الشباب الحراق اللي في الوقت اللي لازم نفهمو علاش يقلك ياكلني الحوت ومياكلنيش الدود ونشوفو الأسباب ونحاولو نحلو الاشكال والمشاكل نزيدو نقلو عليه طائش ومتهور ...يزيدو شوية يقلك خائن للوطن " كيما أنت يا جدة خائنة للوطن هههه ومتهورة هههه" القلب راه معمر صح بالصح معليش رانا عايشين زكارة في بلادنا كيما قال الأخ الأحلام نسينها ورجعنا نحلمو نخدمو برك --- كثرينا من دعاوي الخير ومتنسايناش برك:10: |
رد: ما هو الدافع الرئيسي للحرقة...؟؟؟؟
اقتباس:
هذا كلام كبييير يا سي ياسين هل هذا يعني أنّني معنيّة بحديث خير الأنام؟؟؟؟؟ أرجوو يا أخي أن تطرح سؤالك على مفتي بخصوص هذا الحديث و سيبيّنه لك اقتباس:
أنا راني مكومبية هنا أنت إلّي عاش من شافك:8: أنا خائنة للوطن؟؟؟؟؟:19: نو نو نو أنا جابوني محمولة ما جيتش برجليّ و رفضت طلب اللّجوء رغم أنّي ضحيّة إرهاب و لي الحق في طلبها هذا ما نصحني به المحامي مي قلت جااامي نطلب اللّجوء و نهين بلادي مهما حدث أرأيت وطنيّة أكثر من هذا؟:10: ربّي يفرّج عليك و يفرّج على الجمييييع يااا رب |
| الساعة الآن 08:09 AM. |
Powered by vBulletin
قوانين المنتدى