|
نكت made in algeria
السلام عليكم ورحمة الله هذه مجموعة من النكت باللهجة الجزائرية ان شاء الله تضحكم شوية...و تنسيكم في الهموم قالك هاذي ناموسة دور على واحد في الصيف تقلق فيه ايا ضربها طاحت داخت هزوها صحاباتها دخلوها للعناية المركزة جابت 3 ايام و هي في غيبوبة كي فاقت لقات قرلو(حشرة) بالقرب منها شاف فيها القرلو و قالها : واش فليت? (مبيد) قاللتلوا:لا لا . سباط ====================== قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا " ============== قالك جماعة لعبوا لعبة الاختفاء من 1962مازادوش ظهروا ============= قالك واحد جزائري لقى وحدة مصرية قالها واش مدايرا في حياتك قالتلوا :انا بقرا في الكلية (باللهجة المصرية) قالها :انا ثور في السوناطراك ===================== قالك مرة سائق الحافلة دار اغنية التيتانيك ايا بداو الركاب يطيشوا رواحهم بانتلهم راح يغرق الbus ==================== قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا ..... ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت ====================== قالكم كاين واحد عندو الغنم بزاف بزاف بصح ما يصليش واحد المره جاه الامام تاع المنطقة نتاعو وقالوا انت لوكان تزيد تصلي الغنم نتاعك يوليو الضعف مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا 4ولا5والسيد صابر يقول ضرك يزيدو ضرك يزيدو حتى بقى ليه كبش واحد فات عليه والكبش يقول بع بع بع بع بع بع بع ما حبش يسكت دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت ======================= قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي القاضي ما صدقش و قالوا واش قال المرحوم؟ مع تحياتي gamalove |
رد: نكت made in algeria
اقتباس:
هههههههه ربي يخليك لينا انشاء الله ♥ غير شفت العنوان تشركت بالضحك :D :D :D مع العلم أنا كنت جيعان و نعسان و كنت مهموم :mad: :mad: مرة أخرى و أأكدها راك عاجبني الى الأمام سر ......... |
رد: نكت made in algeria
خويا محمد حكايات فور وخصوصا حكاية الكبش قتلتني بضحك ربي يحفظك خويا
|
رد: نكت made in algeria
ههههههههههههههههههههه والله فووووووووووووور مشكووووووور جدا
هذا تألق مابعده تألق |
رد: نكت made in algeria
بارك الله فيك فعلاً مضحكة شكراً gamalove2002 |
رد: نكت made in algeria
ههههههههههههههه مضحك جدا مشكوووووووور:D :D :D
|
رد: نكت made in algeria
مشكورين يا جماعه.....اسعدني مروركم...
|
رد: نكت made in algeria
شكرا جزيلا على هذه النكت الرائعة لقد ضحكت حتى كدت أفقد أنفاسي من الضحك
|
رد: نكت made in algeria
fort bezzzzzzaaaaaaaaaaaaaf
|
رد: نكت made in algeria
شكرا اخوتي...اسعدني مروركم
|
رد: نكت made in algeria
و الله غير هايلة
merci |
رد: نكت made in algeria
شكرا هاله ...اسعدني مرورك
|
رد: نكت made in algeria
bezaaaaaaaaaaaaaaaaaaaaaaaaaaf
|
| الساعة الآن 04:16 PM. |
Powered by vBulletin
قوانين المنتدى