نبتة لذيذة من البقول...الشاطر(ة) يعرفها؟؟؟
بسم الله و الصلاة و السلام على رسول الله السلام عليكم و رحمة الله و بركاته يا آل شروووق ذكرني موضوع الاخت مسلمة بعالم البقول لهذا جئتكم اليوم بنبتة لذيذة جداااا قمت بتصويرها الربيع الماضي حين خرجت مع عائلتي في نزهة و نزلنا باحد الحقول الواسعة في اعالي جبال تيزي وزو ...فمن منكم يعرفها .....و هل فيه احد يستعملها في اطباق الطبخ .... الشاطر(ة) يعرف واسمهااااااا:7: بيناتنا لي ميعرفش ذوقها فقد حُرم من ذوق طيب جدااااااا:8: |
رد: نبتة لذيذة من البقول...الشاطر(ة) يعرفها؟؟؟
القرنينة ..نقطة فوق القاف ؟:5: ..و لا نروح لتيزي وزو نسأل عليها :19: |
رد: نبتة لذيذة من البقول...الشاطر(ة) يعرفها؟؟؟
الفرياس:19:
|
رد: نبتة لذيذة من البقول...الشاطر(ة) يعرفها؟؟؟
اقتباس:
ههههههه و الله ضحكتني خويا ياسين ....لالا هذي القرنينة (بالقاف)ماشي القرنينة (بثلاث نقاط):8: ناقص نقطة في الاختبار (-1)....ماجبتهاش للاسف:18: |
رد: نبتة لذيذة من البقول...الشاطر(ة) يعرفها؟؟؟
اقتباس:
أم هديل درتيلي حجرة فـ السباط واشنو الفريسااااااس :19:!!!!! باش نشوف ايلا نجحتي فـ الإختبار :2: |
رد: نبتة لذيذة من البقول...الشاطر(ة) يعرفها؟؟؟
ماكاش إقتراحات؟ ربما هي الحمايضة :5: |
رد: نبتة لذيذة من البقول...الشاطر(ة) يعرفها؟؟؟
اقتباس:
لالا خويا جزايري ما تستناش نوريلك و انت شفت شيخة تتريشي:18: الحماضية لقريوسة :2:...تجي قارسة مي هذي بنينة اممممم واش نقولك :8: معليش نعاونك شوية برك يقشرو اغصانها و ياكلوهم الاوراق لا تؤكل..زيد خمم :15: |
رد: نبتة لذيذة من البقول...الشاطر(ة) يعرفها؟؟؟
اقتباس:
عــسلـــوج؟ |
رد: نبتة لذيذة من البقول...الشاطر(ة) يعرفها؟؟؟
زعما أنا من تيزي وزو ..تبهديلة :10: ..ماشي فليو :5: |
رد: نبتة لذيذة من البقول...الشاطر(ة) يعرفها؟؟؟
اقتباس:
عسلوج..أمممممم !!!!! كلمة عسلوج نطلقها على الغصن الذي نأكله عندي مدة ما قلتش هذ الكلمة بصح اي عسلوج تقصد يعني عسلوج اي نبتة فيهم ؟؟؟ شكيت تعرفها :5:قلي برك خويا جزايري كليتها و لا شكيت فيهاااا ؟؟....خاتش الاسم راك غالط فيه :3: |
رد: نبتة لذيذة من البقول...الشاطر(ة) يعرفها؟؟؟
اقتباس:
هناااا الكارثة ...زعما قبايلي:2:.... لالا ماشي فليوووو (-2)...خفت تزيد تغلط للمرة الثالثة و تضطر تعاود العام :8: |
رد: نبتة لذيذة من البقول...الشاطر(ة) يعرفها؟؟؟
اقتباس:
في صغرنا كان أي شيئ يُؤكل غصنه من دون الورق نسمّيه عسلوجا، وآخر نبتة كليتها مطبوخة إسمها الرجيلة وهي لا تشبه هذه التي في الصورة على كل حال. |
رد: نبتة لذيذة من البقول...الشاطر(ة) يعرفها؟؟؟
اقتباس:
نعم أحنا ثان نقولو عسلوج على غصن كل نبتة يؤكل أخضر(كامل الاغصان نقولو عليهم عسلوج) .....بصح مادام لم تفرق بين الرجيلة و هذه يعني انك لم تعرف هذه ...و لو انني معرفتش واش هي الرجيلة:5: |
رد: نبتة لذيذة من البقول...الشاطر(ة) يعرفها؟؟؟
اقتباس:
مالا كي تعرفي الرجيلة حاسبيني على هادي :8: |
رد: نبتة لذيذة من البقول...الشاطر(ة) يعرفها؟؟؟
محاولة أخيرة: هل هي تيمرسيطين؟ |
رد: نبتة لذيذة من البقول...الشاطر(ة) يعرفها؟؟؟
اقتباس:
أعتذر خيوووو كنت لاتية مع واحد الموضوع:2: بهدلتني:10:....زعما كنت حاسبة روحي نفهم طلعت اكثر منك ....أليست الرجيلة هي الحلافة ؟؟؟ علما ان الحلافة التي تأتي باوراق عريضة شوية و تجي اوراقها حرشة قليلا يقشروها و ياكلو العسلوج فقط (الغصن) جبتها و لا لالا:5:؟؟ |
رد: نبتة لذيذة من البقول...الشاطر(ة) يعرفها؟؟؟
اقتباس:
أوااه هذي شكيتها بالقبايلية :19:....قولها للأخ ياسين كشما يفهم فيها:8: |
رد: نبتة لذيذة من البقول...الشاطر(ة) يعرفها؟؟؟
اقتباس:
أنا قبايلي طايوان ..شوفوا مع القبي ..درك أعطيلنا اسم النبتة باش نقدر نروح و لا نبات هنا ..حتى والدي خرج باش نسقسيه ..:19: |
رد: نبتة لذيذة من البقول...الشاطر(ة) يعرفها؟؟؟
اقتباس:
|
رد: نبتة لذيذة من البقول...الشاطر(ة) يعرفها؟؟؟
اقتباس:
عمر نتا ماشي قبايلي ؟ :5: ..معامن نشوفو مع سليم يلل :19:ههه |
رد: نبتة لذيذة من البقول...الشاطر(ة) يعرفها؟؟؟
اقتباس:
معليش يمكنك الأتصال بصديق اقصد الوالد:8: رانا نستناو :5: اقتباس:
:2::2::2:زعما لي فارماسيان يعرفو لحشاوش اقتباس:
هههههههههه أنا نقوللكم شكون شوفو مع الطبيب لي كان يبيع المحاجب ف القبة في صغره و يقول محاجب سخونين و السوما ألفين هذااك قبايلي تاع بصح ماشي كيما انتم مطرافكين:8: |
رد: نبتة لذيذة من البقول...الشاطر(ة) يعرفها؟؟؟
اقتباس:
الرجيلة تُؤكل مطبوخة في نواحي البليدة والمدية، أكلتُها عند أقارب لي وقد وجدتُها طيّبة ومالحة ملوحة بنينة بالإضافة إلى ما يقولون عن فوائدها الصحيّة ( بصح بانتلي شوية ترقّد ) ، والحلافة هي شيئ آخر تماما : (-3) مع إحالة على المجلس التأديبي ( راني رجعتلك حقّك ياسين :11:). |
رد: نبتة لذيذة من البقول...الشاطر(ة) يعرفها؟؟؟
اقتباس:
:8::8: و يلي المجلس التأديبي حتة واااحدة .....أنا غلبانة .....:2: و ديجا هذ الرجيلة لي ترقد فيها إن و أخواتها ....سقسي عليها الفرماسيان تاع المنتدى بالك منها لي عاد يخدمو رومافاد:19::19: و لاّ نستناو الأخ أمين هو لي يفهم ف الحشاوش تاع لبليدة:7: |
رد: نبتة لذيذة من البقول...الشاطر(ة) يعرفها؟؟؟
السلام عليكم اعتقد انها نبتة الحلبة http://www5.0zz0.com/2012/12/22/18/165034834.jpg http://www5.0zz0.com/2012/12/22/18/120809808.jpg الحلبة وهي الحلبة الحمراء والمعروفة بحلبة الخيل وهما يختلفان اختلافاً كثيراً. والحلبة المعنية هنا هي الحلبة الحمراء عشب حولي يتراوح ارتفاعها ما بين 20- 60 سم، لها ساق أجوف ويتفرع منه سيقان صغيرة يحمل كل منها في نهايتها ثلاث أوراق مسننة طويلة، ومن قاعدة ساق الأوراق تظهر الأزهار الصفراء الصغيرة التي تتحول إلى ثمار على شكل قرون معكوفة http://www5.0zz0.com/2012/12/22/18/518683921.jpg و الله يعلم مجرد محاولة :5::5: |
رد: نبتة لذيذة من البقول...الشاطر(ة) يعرفها؟؟؟
اقتباس:
ويلي محاولة تحتاج لمحاولة اخرى واش ادانا للحلبة:2: بما أن الأخ امين معرفهاااااش يعني ماكاش لي راح يعرفها زعما كنت معولة عليك يا حضرة المهندس الزراعي ...كامل (-3)نقاط في الامتحاان و مضطرة باش نديرلكم غاتغاباج :14:.... بصح ما فهمتش زعما تننمو غير عندنا هذ النبتة و في بلاد القبائل:5:...و لا واحد من آل شروق كلاهااااا:19:؟؟ منا للـ 09 ايلا ما صابها حتى واحد رايحة نعطيكم الجوااااب ان شاء الله .... |
رد: نبتة لذيذة من البقول...الشاطر(ة) يعرفها؟؟؟
اقتباس:
عمو القبي تركيhttp://www.rooo7i.net/smiles/smiles/...13f36c4e69.gif نضن ولد الفغايلية يعرف الجواب خطرش يظل في البراري يصيد في الحجل:1: |
رد: نبتة لذيذة من البقول...الشاطر(ة) يعرفها؟؟؟
طاطا ليلى ماشي التالمة:10: و ما تقوليليش واش هي التالما :2:
انا الصح شبهتها للسلق:19: |
رد: نبتة لذيذة من البقول...الشاطر(ة) يعرفها؟؟؟
الأخ أمين مالقاش الحل .. هذو الخبيزات ينوضو فالجبل ..لقيتها ولا يحال الى الحياة المهنية :19: |
رد: نبتة لذيذة من البقول...الشاطر(ة) يعرفها؟؟؟
مي انا مانيش خبير اعشاب هههههههههه
|
رد: نبتة لذيذة من البقول...الشاطر(ة) يعرفها؟؟؟
قلتنا الاجابة على الساعة التاسعة راهي التاسعة و نصف خلونا نرقدوا أرجوكم.
|
رد: نبتة لذيذة من البقول...الشاطر(ة) يعرفها؟؟؟
اقتباس:
21:38 بديت ننعس :19: ..و راح نروح |
رد: نبتة لذيذة من البقول...الشاطر(ة) يعرفها؟؟؟
اقتباس:
أوااه يا ام هديل زادت الغيرة منهار لي لبس الكرافاتا الحمرا مع الحطة الجديدة شكيت عاد يصيد طائر الحبارى:7:[/ center]اقتباس:
طنت أم هديل و الله منعرف واش معنتها التالمة:2: جيت نعلم وليت نتعلم :10: ....بصح الحشيشة تاعي ماشي سلق حبطتيلي المورال:14: لأن تاعي الألذ |
رد: نبتة لذيذة من البقول...الشاطر(ة) يعرفها؟؟؟
هل هو
فليو؟؟ |
رد: نبتة لذيذة من البقول...الشاطر(ة) يعرفها؟؟؟
اقتباس:
اقتباس:
اقتباس:
اقتباس:
يا أمي خوفتوني .........نقوللكم واسمها و مانعطيكمش تذوقو :8: إسمها السّلة ...هذي ما لقيتوهاش سهلة ماهلة و ديجا عاد يبيعوها في الطرقات خاصة جيهة ناصيرية(بومرداس) في الربيع ان شاء الله روحو لحقول تيزي وزو تلقاوهااااا و الله ما تندموووو ميزتها أنها لذيذة ذوقها يشبه العسلوج تاع الخس(السلاطة الخضراء) لكنها ألذ و تحتوي على ماء يعني تنحي العطش ...اكيد ان فيها فوائد كثيرة لكنني اجهلها ....يؤكل فقط الغصن بعد التقشير اما الاوراق فلا .... اتمنى انكم تعلمتم شيئاااا |
رد: نبتة لذيذة من البقول...الشاطر(ة) يعرفها؟؟؟
اقتباس:
أهلااااا نرمينووووووو لالا ماشي فليو انت ساهلة في الربيع ايلا حب ربي كي نتلاقاو ساهديك ربطة انت و الجماعة المسالمة:8: لا تتصورين شحال بنينة سورتو كي تاكليها من الارض ديراكت امممممم |
رد: نبتة لذيذة من البقول...الشاطر(ة) يعرفها؟؟؟
اول مرة نسمع بيها هذي نبتة السلة
اعطينا اسم العلمى تاعها |
رد: نبتة لذيذة من البقول...الشاطر(ة) يعرفها؟؟؟
اقتباس:
للأسف منعرفوش :10:... دقيقة نحوس في النت بالاك نلقاه |
رد: نبتة لذيذة من البقول...الشاطر(ة) يعرفها؟؟؟
اقتباس:
اهلا بيك اختي الحبيبة ليلى شكرا لك على المعلومة لم اكن لأتوصل اليها لولا افصاحك عن اسمها و منكم نستفيـــد |
رد: نبتة لذيذة من البقول...الشاطر(ة) يعرفها؟؟؟
السلام عليكم
اذا تقصدين هذا http://www.al-arabeya.net/images/434304women.jpg فهذا السكوم أما نبات السلة فلم أعرفه مشكوورة على المعلومة ليلى |
رد: نبتة لذيذة من البقول...الشاطر(ة) يعرفها؟؟؟
اقتباس:
أهلااا سامياااااات الصورة لا تظهر عندي .....لكن السكوم الذي اعرفه نبتة شوكية كنت ارى جدتي جدتي الله يرحمها تستعمله لغسل القرعة تاع اللبن لكن ان لم تخني الذاكرة فهو لا يخدش ..نسيتو شوية :10: |
الساعة الآن 07:19 PM. |
Powered by vBulletin
قوانين المنتدى