|
البيت ( الخيمة ) الحمراء النايلية
http://im17.gulfup.com/sP878.jpg
الخيمة الحمراء أو البيت الحمرا .......الأستاذ محمد تاج الدين طيبي الخيمة الحمراء... رمز (سيدي نائل) ...كم حوت من كرم ومكارم، وكم أوتْ وسترت من كرائم، وكم ربّت من كرام...كانت هذه الخيمة تعلم من مكارم الأخلاق والقيم ما لا تستطيعُ كل جامعات الدنيا اليوم أن تعلمه لروادها، هنا كانت الأريحية الحاتمية، والنجدة الهاشمية، والشهامة العربية...هنا كان للخيل فرسان، وللقوافي لسان وأيُّ لسان، وعبقٌ لدماثة الغيد الحِسان في ربوع نيسان.. بالله كيف ينسى طعم الراحة من افترش (الحلفاء) تحت أطنابها؟ وكيف لا يحن من عرف الخشوعَ في محرابها..؟ ولقد صدقَ المعري: الحُسنُ يظهرُ في بيتين رونقُه...بيت من الشِّعْر أو بيتٌ من الشَّعَر . |
رد: البيت ( الخيمة ) الحمراء النايلية
لاَنَنْسَى عَادَاتْنَا يَا ذَالْحُضْرا ..........وْنَحْكي على التَاريخْ نُضْرُبْ تجْوَالة قَلِْبي فَرْفَرْ شَاقْ للْبَيتْ الْحَمْرا ..........بالْمُقْرَة حَنَّاتْ طَابَعْ لَعْمَالة ارْجَالْ ابْمِيعَادْ شَيّاخَة حُضْرا ..........وْعُقبْ اللَّيلْ اتْبَاتْ تَمْدَحْ جَلْجَالة أزْرَابَة وَافْرَاشْ وَالرَقْمَة حُرا ..........وْزَخْرَافَة بَالْوَانْ تَعْطِي دَلاَلَة أشْكَالْ وْرُسُومْ تُرْمُزْ للصَحْرَا ..........تَحْكِي عَنْ اسْنِينْ فَاتَتْ طَـوّالَة اسْنَيّاتْ امْزَوْقَة تَجْلَبْ نَظْرَا ..........وَالْقَهْوَة والتّايْ منْهَا سَيّالَة الشَكْوَة بَرْبَاطْ فُوقْ الْحَمّارَا ..........بَالْعَفْصْ وْ عَرْعَارْ ريحَة فَعّالَة فَوّاحَة ابْجَرْتِيلْ وَ الدَبْقَة عَطْرا ..........اشْرُبْ يَا مَعْلُولْ لَبنْ الْمَوّالَة سَلكْ امْرَارَة فِيهْ للسَاقَمْ يَبْرَا ..........مْنَ النَعْجَة فَالْبَرْ تَرْعَى جَوّالَة وَاقْدَاحَاتْ الْبَانْ تَحْضَرْ فَالْمَرَا ..........غَرسْ وْ دَقْلَةْ نُورْ لَينَا بَجّالَة المْلّة فَالْكَانُونْ طَابَتْ بَالجَمْرَا ..........حَرْشَايَة وَاحْلِيبْ لَيهَا وَكّالَة جَبنْ ابْقَفْصْ ابْيَاضْ نعْتُو جُمّارَا ..........طَبِيعِي فُرْمَاجْ مَنْ صُنعْ الْخَالَة وَالْقَرْبَة بَامْيَاهْ سَالَتْ شَرْشَارَا ..........بَنّتْ مَسكْ اتْزِيدْ تَعْطِي مَثْقَالَة جَلْبَتْلِي لَنْظَارْ رَكْبِيَا شَقْرا ..........وَرْيَاهَة للْخَيرْ دِيمَة صَهّالَة الرَقْبَة بَسْبِيبْ بيها نَعّارَا ..........مَسْرُوجَة للْقَومْ عَنْهَا عَوّالَة مَنْ لحْيَالْ الْهِيهْ تَلْقَى جَرْجَارَا ..........ابْنَقْرَاتْ الْخَلْخَالْ تَقْضِي جَيَالَة الضَيفْ الْكَرِيمْ ليهَا بَبْشَارَا ..........بَالرَفْسَة وَادْهَانْ مَاهِي طَوّالَة كَرّامَة للضَّيفْ ذِيكْ الْمَسْرَارَا ..........اطْعَامْ الْكُسْكُسْ ليهْ دِيمَة فَتّالَة صِفَتْهَا غَزَالْ تَسْلَبْ بَالنَظْرَا ..........مَا يَامَنْ صِيّادْ جَاوهْ خَتّالَة الْعَينِينْ السُودْ خُمْرِيَة سَمْرَا ..........وَاحْوَاجَبْ عَالْعينْ دَارُو هَلاّلَة فُوقْ اكْتَافْ اشْعُورْ رَابَتْ مَظْفُورَا ..........كَمّوسَة بَالطِّيبْ للنّيفْ اقْبَالَة الْبَاسْ الْحَشْمَة زَادْ فَالْهمّة كُبْرَا ..........,وْ بَالشَعرْ الملْحُونْ عَنْهَا قَوّالَة امْلاَحَفْ الْوَانْ بَانُو سَحّارَا ..........واحْزَامْ البَثْرُورْ سَلْكُو يَتْلاَلَة تَكْلِيلَة وْ مَسْلُوتْ في وَذنْ الْبَتْرا ..........خُرصْ القَصّة وَ الْعِوَاشَقْ شَعّالَة الشّدْ وَالشَنْبِيرْ وَالْقَشْطَة صُرَا ..........والْخُمْري مَنْسُوجْ بالدّقْ أُخْلاَلَة الْمَدْوَرْ لمّاعْ وَ الْحَولي سُتْرا ..........وامْشبّكْ وَسْـوَارْ فَضّة وْ خَلاّلَة أجْحَافْ اعْلى الْبَلْ فَاتَتْ سَيّارَا ..........وْمرْحُولْ الْخَودَاتْ فيهُمْ سَوّالَة الْجَحْفَة مَوْجَاتْ مَاحَتْ بَالْعَطْرَا ..........اتبّـعْ في خَطْوَاتْ لحْجَلْ عَدّالَة وَارْجَالْ الْبَارُودْ بالْبَاسْ الْفُخْرَا ..........غَي فُرْسَانْ اطْيُورْ حَامُو مَيّالَة مَنْ رَاسْ الْمَشْوَارْ دَارُو غَبّارَا ..........اهْرُبْ يَا عَلاّلْ جَاوْ الْخَيّالَة الْعَرْبي وَ الْقَابْسِي مَاهُمْ عُرَا ..........دُخّانْ اكْحَلْ غَيمْ دَايَرْ ظُلاّلَة ازْغاريتْ الْحَانْ للضّايمْ يَبْرَا .........تَمْسَحْ كُلْ اقْلُوبْ وَاتْنَحْ ازْلاَلَة احْني وْضَايَاتْ غَابَة بَالسَدْرَا ..........وَاشْعَابْ وْ خُلْجَانْ وَدْيَانُو حَالَة البُطْمَة بَاظْلاَلْ بَانَتْ شَوَارَا ..........مَقْصَدْنَا فَالْحَرْ فِيهَا قَيَّالَة اللّكْ وْ زَبُّوجْ فَالْوَادْ أُعْمَارَا ..........وَ الزّاوَشْ وَزْوَازْ دَايَرْ حَلْحَالَة أُعْقُبّة وَ اطْيُورْ سَكْنُو وَكّارَا ..........عَنْ لَرْنَبْ وَ احْبَارْ عَاشُو مَدْلاَلَة وْلاَتَامَنْ حَجْلاَتْ طَارُو صَفّارَا ..........والثَبَّتْ فَالسَيرْ وَ أقْرَا الْبَسْمَالَة الثَعْلَبْ وَالذِيبْ طَبعْ الْمَكّارَا ..........صَيّادَة فَالْبَرْ يمْشُو دَهْكَالَة الْقَوبَعْ وَ التَرشْ مَنّكْ فَرْفَارَا ..........وْ مُسَيْسِي وَالدُخْ طَارُو مَذْلاَلَة اصْرنْدِي وَ الصَوّاقْ مَاهُمشْ احْيَارَا ..........واللَّهَايَاتْ أُرْكَاكْ لُحتْ الدَرْبَالَة والْجَرْبُوعْ أمْعَا الجرْدَة في زَغْرَا ..........مِيرَاقَة وَاعْفَارْ دَارُو شَغْلاَلَة والقنْفُودْ امْعَا الزِوَاقَدْ في سَهْرَا ..........وَالْوَرْنَة وَالضّبْ ديمة صَوّالَة امْعَاذَرْ وَامْرُوجْ شَعّاعَـة خَضْرَا ..........مخْرُوفَة وَ ارْبِيعْ جَادَتْ غَسّالَة الْخَدّة وَالرُقّيمْ تَفْلى دَرْدَارَا ..........حُمّيضْ وْ خُبيزْ للْمَة كَمّالَة مَرِّيوتْ وَ الْخَافُورْ وَ الْفَيجَلْ تَارَا ..........تَالْمَة وَالتَرْثُوثْ مَانَا قَدّالَة الْعَجْرَمْ وَ اقْدَادْ وَارْمَاثْ وْ شَجْرَا ..........كُمّيشْ وْ لَوّايْ خَبّلْ تخْبَالَة وَالْقِيزْ ابْعَسْـلُوجْ دَارْ النُوَارَا ..........خَيّاطَة وَ اشْنَافْ نَجمْ وْ خُرْطَالَة الْحَلْفَة بَالدَقْمُوسْ دَارَتْ جُمّارَا ..........وَالْبَاقَلْ بَاكْدَاهْ خُوذْ الْحَمّالَة الْجَوْبَرْ وَالتَرْفَاسْ مَطْيَبْهَا صُفْرَا ..........سُبْحَانْ الله خَالْقُو ذُو الْجَلاَلَة اللِّي قَالْ الأبْيَاتْ جَاتُو ذَالفَكْرَا ..........مَنْ صُغْرُو شَفّايْ عَرْشُـو رَحّالَة يَنْضَحْ بَاللِّي فِيهْ بَاشْعَارُو يَقْرَا ..........متْفَكّرْ لَرْصَامْ مَنهُمْ في حَالَة عَايَشْ في خَيَالْ مَطْيَبْهَا عَشْرَا ..........وْ مَتْفَكّرْ مِيعَادْ ذُوكْ الرَجّالَة ابْقَاوْ اعْلى خَيرْ رَاجَعْ للدَشْرَا ..........الْبَاطِيمَة عَلاّتْ دَارَتْ خِيّالَة ادْرُوجْ وْ كَرْلاَجْ تَطْلَعْ دَوَّارَا ..........وْ فَالثَاني إيطَاجْ بَانَتْ طَلاّلَة اثْمَنْيَا وَاتْلاثينْ رَقْمِي يَا حُضْرَا ..........وْ مَكْتُوبَة في الْبَابْ لَيكُمْ دَلاّلَة مَرْحَبَا بَضْيُوفْ ليّا زِيّارَا ..........وَحِيدْ وْ لَولاَدْ بِيكُمْ وَهّالَة الشاعر : عبد الواحد حرز الله |
رد: البيت ( الخيمة ) الحمراء النايلية
الله الله عليك يا البيت الحمرة ...
أنا في الحدود بين البيت الحمرة و الكحلة و أخوال ابي اولاد نائل http://www.youtube.com/watch?v=qTne--TUVt0 http://www.youtube.com/watch?v=xYumdVLdC8s |
رد: البيت ( الخيمة ) الحمراء النايلية
اقتباس:
متعتني متعك الله بالصحة والعافية والهناء يا صديقي .. وللبيت الحمراء قصائد سالت بها الصحراء |
رد: البيت ( الخيمة ) الحمراء النايلية
اقتباس:
فنعم ابناء الأخت أنت ووالدك .. هل تنتمي إلى السحاري ؟ |
رد: البيت ( الخيمة ) الحمراء النايلية
اقتباس:
أهلا بالخال و الخلخال ولد جدي نايل.. لا أنتمي للحموامد من جيهة الزريقات و حبل أمساعد.. و أخوال أبي رفقة الروانية.. و أعلم أن أولاد سيدي نايل 14 عرش من اولاد جلال لبميض و من بوسعادة لغرداية.. |
رد: البيت ( الخيمة ) الحمراء النايلية
اقتباس:
الخلخال : اسمه يثير الأشجان .. رأيت جدتي الحاجة خديجة رحمها الله تلبسه .. وكان صوته يخبرني بمقدمها .. ورأيت أمي تلبسه .. خلعت المرأة العصرية خلخالها .. فخلعت الرجل |
رد: البيت ( الخيمة ) الحمراء النايلية
اقتباس:
ماتفكرنيش راه يضرب في رأسي المردوف.. تعود كي العودة في الظلام تسمعها ولا تراها .. كأنها شبح |
رد: البيت ( الخيمة ) الحمراء النايلية
اقتباس:
كاين أغنية لرابح درياسة تتحدث عن الخلخال ... |
رد: البيت ( الخيمة ) الحمراء النايلية
خلخالك مال يا طفلة
http://www.youtube.com/watch?v=VH8Za2Ecd3I ** ** http://www.youtube.com/watch?v=FjDiDi9aGlU ** ** و عيد مبارك... و كل سنة وأنتم طيبين http://www.youtube.com/watch?v=BSCG5hjgLDA |
رد: البيت ( الخيمة ) الحمراء النايلية
الله على الاصالة شكرا استاذ حمبراوي كم اتمنى ان توافينا بنبذة عن هذه الخيمة وعن مكوناتها بالفعل هي موروث شعبي ذو قيمة عظيمة اظنها من مصنفات اليونيسكو للتراث المادي كما انني اريد ان اعرف هل هي تشبه خيمة بدو العرب ام ان الخيمة البربرية تخلتف عن خيمة الاعراب فهم خيماتهم الاصيلة عادة تتكون من شعر الماعز ولها المكونات التالية:
- الرْواق : مصنوع من الصوف غالبا أي ليس من شعر الماعز بل من صوف الاغنام وهو يمتد على امتداد البيت من الجهة الخلفية غالبا ما تكون الجهة الغربية ويكون عرضه يقترب من مترين اكثر بقليل او العكس . 3- المَخَل : - وهو مصنوع من الشعر عرضه 10 سم وطوله حسب طول البيت يخيط في البيت ويربط به الرواق حتى يحافظ على البيت من تنزيل وتركيب الرواق بالبيت وادخال واخراج الخلالات فيه لان البيت عادة ما يبنى في فصل الشتاء و"يعرس" في باقي الفصول . 4- إمْعَرَّسْ : - البيت عندما يُنزل ويطوى ، ياتون ببرميلين ويضعون اعمدة البيت على البراميل ثم يضعون البيت عليها ويغطى ويحفظ عن الشمس . 5- الحَظْنَة : مصنوعة من الصوف او الشعر وأحيانا من اقمشة خاصة لانها غير ضرورية تستعمل لأوقات الحاجة وتأتي في الجهة الأمامية من البيت غالبا ما تكون الجهة الشرقية 6- المَعَنَد : مصنوع غالبا من اصواف " النعاج " ويكون لونه خيوط بيضاء وسوداء يغلب عليه اللون الابيض ويكون هو العازل بين الشق والمحرم أي يقسم البيت الى قسمين قسم خاص بالرجال ويدعى الشق وقسم خاص بالنساء ويسمى المحرم . 7- الرَّفَّه : وهو الجزء الجنوبي من البيت ( يختلف عند بعض القبائل ) لأنه الجزء الخاص بالنساء ويكون بشكل انحداري يبدأ بمترين تقريبا وينتهي على الارض ويشكل المطبخ وأحيانا أيضا الحمام ( للغسيل ) والرفة هي امتداد للبيت وليس جزء منفصل عن البيت وتكون في جهة النساء أي "المحرم " |
رد: البيت ( الخيمة ) الحمراء النايلية
السلام عليكم الله الله عليك يا البيت الحمراء ما خليتي فيا والو تحية للاستاذ حمبراوي |
رد: البيت ( الخيمة ) الحمراء النايلية
اقتباس:
|
رد: البيت ( الخيمة ) الحمراء النايلية
اقتباس:
|
Re: البيت ( الخيمة ) الحمراء النايلية
|
| الساعة الآن 08:45 AM. |
Powered by vBulletin
قوانين المنتدى