|
الفطير مع الكباب بالجاج
بسم الله الرحمان الرحيم
جبتلكم حاجة خفيفة وضريفة علابلي بنات بلادي شااطرات الله يبارك وراني سور بلي مشي غريبة عليكم هاذي الوصفة بصح حبيت نفكركم فيها وممكن كاين لي ميرعرفها :11::11: الفطير ou المغيز... الفطير الجزائري احنا نقولولها (مْغَيِّزْ) وكل واحد يدخل يقولنا كيفاش يسموها في منطقتهم وكما قولتلكم انا متأكدة أنو كل بيت جزائري يتقنها جيدا وخاصة عندنا في الوسط والغرب الجزائري 500غ فرينة أو سميد رقيق كأس سمن أو زبدة ذائبة وإذا حبيتي ضيفيلها الزيت لكن أنا تعجبني بالسمن ملح حسب الذوق ماء حسب الحاجة طريقة التحضير: ضعي الفرينة أو الدقيق في قصعة ضعي حفرة في الوسط ضفي الملح السمن أو أو الزبدة أو خليط بينهما المهم دهن ذائب كما تحبي خلطي جيدا ثم اجمعي العجين بالماء حتى تتحصلي على عجينة سهلة العجن وطرية اصنعي خبزات وضعيها في الطاجين وضعي عليها ثقوب بالشوكة وعندما تنضج قلبيها http://t0.gstatic.com/images?q=tbn:A...NWLr4DdzmL6cVB https://fbcdn-sphotos-f-a.akamaihd.n...88956097_n.jpg http://i.supertoinette.com/u/77973/k...l_huile_02.jpg وكاين بزااااااااف لي يحبها مع اللبن كي تكون سخونة :8::8: https://fbcdn-sphotos-b-a.akamaihd.n...92441283_n.jpg https://fbcdn-sphotos-g-a.akamaihd.n...47784330_n.jpg وجبتلكم كفاش تديرو الكباب وان شاء الله يعجبكم :8::8: الكباب بالدجاج المقادير: دجاجة كاملة مقطعة خمس حبات بطاطا بصلة صغيرة مبشورة فلفل أسود ملح بقدونس بيض زيت حمص طريقة التحضير: أولا نأخد الدجاج ونضيف البصل الملح لا تكثروا الملح نحن نقول(المسوس يتداوا بصح المالح ما يتداواش) ، يعني لو طبختي أكلة ناقصة ملح يمكن تضيفيلها الملح، لكن لو طبختي أكلة مالحة هنا المشكلة. نكمل سيداتي أنساتي توقفنا عند الملح ونضيف القليل من الفلفل الأسود وأيضا الزيت نتركها تتحمر جيدا نقول بالجزائرية (تتقلي) ولازم تتقلي مليح. عندما نجد أن البصل شبه مطبوخ والدجاج تغير لونه يعني أنها تحمرت وبعدها نضيف الحمص نضيف الماء حتي يتغطي الدجاج ونتركها تطبخ. من جهة ثانية نقشر البطاطا ونقوم بقليها . نذهب للقدر ونري إذا انطبخ الدجاج والحمص ، إذا تأكدنا بأنه طبخ والماء تشرب نضيف البطاطا المقلية من فوق. نقطع البقدونس نضعه في صحن نخلطه مع حبة البيض، ونضعه في القدر فوق البطاطا المقلية نتركه مدة وجيزة ونطفئ النار . وبهذا نكون أكملنا طبخ الكباب بالدجاج، وهو طبق لذيذ جدا جدا ملاحظة: هناك من يضع في مكان الدجاج لحم، وهو لذيذ أيضا باللحم. https://fbcdn-sphotos-f-a.akamaihd.n...99608463_n.jpg شهية طيبة إن شاء الله تجربوها وتعجبكم :16::16: |
رد: الفطير مع الكباب بالجاج
ما شاء الله الكسرة هايلة و الكباب ما عندي ما نقول فيه بصح عجبتني العجوزة إلي تحرك في هاذيك الحاجة إلي في إيدها واش إسمها و واش الدير فيها ما تقوليش اللبن |
رد: الفطير مع الكباب بالجاج
اقتباس:
اهلا بيك العزيزة مرحبا بيك الله يبارك فيك هاذيك حنا نقولوها ثاقروشت باللغة الامازيغية بالعربية والله معلابلي والدور تاعها تديرلي الحليب داخلها وتخلطي حتا يولى رايب وكانو يديروها ناس زمان دوكا معلابليش اذا مزالت بصح عندى وحدة في دار خوالي اذا تحبي نبعتهالك :8::8: |
رد: الفطير مع الكباب بالجاج
امممممممممممممممممممممم
مليحة الوصفة هاذي تاع الجاج هاااايلة والكسرة ثاني والله غير جوعتيني يعطيك الصحة ختي ميرسي |
رد: الفطير مع الكباب بالجاج
اقتباس:
شكرا غاليتي داليا :12::12: راني نبعتلك مشي خسارة فيك :11: العفوووو نورتي |
رد: الفطير مع الكباب بالجاج
الفطير او المغيز =========الرخساس او الرخسيس.
. . . . . . . سلمت يداك :16: . . . . اكثر شيء عجبني هذه . . . . . . .. . .. .. . . . . . . . . . . . . . http://i45.tinypic.com/30icgt2.jpg . . . . . . . على ما اظن تصنع من الكابوية (اليقطين ) . . . . . . . . . :7: |
رد: الفطير مع الكباب بالجاج
اقتباس:
الله يبارك فيك شكرا على المرور محبتي ايه مصنوعة من العظام تاع الكابوية :15::15: بوركتى غاليتي |
رد: الفطير مع الكباب بالجاج
اقتباس:
أقبل هديتك بكل سرور و محبة و لكن شرط أن تعلميني كيف أستخدم ثاقروشت بشكل جيد هههههههه بارك الله فيك و جزاك خيرا سيكون من الممتع لي اللعب بها بتلك الطريقة و تمرين عضلات كتفي |
رد: الفطير مع الكباب بالجاج
اقتباس:
ههههههههههههههه اضحك الله سنك اذن سوف اهديك واحدة من كل قلبي محبتي اكيد سوف اعلمك خليها عليا :20::20: شكرا على المرور غاليتي :13::13: |
رد: الفطير مع الكباب بالجاج
تسلم الأيادي يا أختي
المغيز نسميه عندنا مغيز أفضله مع قهوة الصباح أما ثاقروشت فتسمى الشكوة تصنع بجلد الأنعام و أظن الماعز و كدلك بالفخار جرة كبيرة و بالكابويا مثل ما هو في الصورة و الآن أصبحت من حديد تشغل بالكهرباء لكن لبنها لا دوق له مثل الدي تتعب عليه النسوة بقي فقط التدكير أن الحليب يوضع في جرة حتى يتحول إلى رائب اولا ثم بإستعمال الشكوة يتحول إلى لبن بعد تحريكه لعدة ساعات في حركات سريعة تحياتي |
رد: الفطير مع الكباب بالجاج
اقتباس:
يا حساررررراه هاذي كي كونت صغيرة كونت نشوف جدتي تخدم بيها دوكا نقست ومراهش يستخموها بزاف بصح في البلاد يخدمو بيها وجدتي تخدم بيها اللبن حتا هذاك البوقال تاع الحديد كان كاين ومزال كاين لدوكا :12::12: يمات شابين نتمناوو يرجعوووووو اسفة حكيتلك قصة حياتي :8::8: بوركتي عايدة |
رد: الفطير مع الكباب بالجاج
ممممممممممممم
الله يبارك يشهي بصحتك اختي كولي وانوي بلي انا كليت . |
رد: الفطير مع الكباب بالجاج
lozagh atass , awid chwita7 aghrom
merci ma soeur |
رد: الفطير مع الكباب بالجاج
السلام عليكم فطير و كباب يشهوا.......بارك الله فيك http://i45.tinypic.com/30icgt2.jpg صورة جميلة جدا...و بارك الله في الاخت عايدة على التوضيحات... نحن نسميها "ثافقلوشث"...و العملية نسميوها "أسندو" يعني هذه المراة "لاثسنداو إيغي".."ايغي" معناه اللبن.. |
رد: الفطير مع الكباب بالجاج
المغيز إسم جميل
نحن نقول له رخسيس أو كسرة الله يبارك تشهي و الكباب منظره شهي هو الآخر تسلم الأيادي. |
رد: الفطير مع الكباب بالجاج
اقتباس:
إلّي في يدها حنا نسمّوها الشّموخة و أنا صغيرة كنت نشوف عمتي تمخص فيها اللّبن فعلا كانت حياة راااائعة بوركت غاليتي على الفطير الرّائع و الكباب الأروع صح شهّاني سلمت يداك:11:قبلاتي |
رد: الفطير مع الكباب بالجاج
اقتباس:
مايكون غير خاطرك نبعتلك مشي خسارة في ختي :8::8: |
رد: الفطير مع الكباب بالجاج
اقتباس:
الله يهنيك نبعتلك قاع واش طيبت مشي خسارة فيكم تستاهلو ما كثر :13::13: |
رد: الفطير مع الكباب بالجاج
اقتباس:
يسموها الشكوة بصح عندنا تصنع بجلد ماعز |
رد: الفطير مع الكباب بالجاج
ماشاء الله عليك يا لولو راكي مرا و نص
الفطير و الكباب خصك غي ابن عمك:10: ربي يبعتووووووولك على حصان ابيض ربي يفرج همومك و يجعلك من السعداء:13::13: |
رد: الفطير مع الكباب بالجاج
اقتباس:
هههههههههههههه اهلين ياحلوة كيفها هديل حبيبت قلبي :8::8: ولك تقبر قلبـي كي قولتيلي ابن عمي :10::10::10: انا راني مزوجة معنديش بزاف مزالني عروسة :15::15: ان شاء الله كي اليوم نعرضكم قاع لعندي ونطيبلكم وتذوقو الماكلة تاعي :16::16: علابلي تعجبكم :8::8: قمة الزوخ :19::19: |
رد: الفطير مع الكباب بالجاج
اقتباس:
كنت حاسبتك حبيبتي الصغيورة فاااااااش انا مخصماااااااااااااك:9: ... .... ابداااااااااااااا ستضلين حبيبتي ربي يفرحك و يرزقك الذرية الصالحة لكن علاه اجنحة مكسورة نورمالمو اجنحة طائرة في السماااااااااااااااااء ربي يخليلك ابن عمك |
رد: الفطير مع الكباب بالجاج
اقتباس:
علاشش فاششششششش :14::14::14: والله لوكان كونت نعرفكم نعرضكم :15::15: بصح نعاودهالكم ونعرضكم تفطرو عندي ان شاء الله :16::16: امين يارب ويرزق قاع المومنين ان شاء الله :11::11: كونت اجنحة مكسورة دوكا راني مهنيا الحمد الله :8::8: امين ويخليلك ابو هديل :13::13: |
رد: الفطير مع الكباب بالجاج
سلام عليكم هذاك مخاض نضع فيه الرايب مش الحليب ونرج القربة /المخاض /يضير الرايب لبن ونجد الزبدة مفتتة تتلم ويشرب اللبن
|
| الساعة الآن 11:34 AM. |
Powered by vBulletin
قوانين المنتدى