منتديات الشروق أونلاين - نكار الخير...............

منتديات الشروق أونلاين (http://montada.echoroukonline.com/index.php)

- منتدى الشعر الملحون (http://montada.echoroukonline.com/forumdisplay.php?f=65)

- - نكار الخير............... (http://montada.echoroukonline.com/showthread.php?t=227508)

نكار الخير...............

السلام عليكم و رحمة الله و بركاته...........ز

نكار الخير....

يعيش معاك و ياكل من ظهرك
و موراك تلقاه يقطع فيك
كي يشوفك نية يحقرك
تلقاه كيف الديب يدور عليك
بلاك تلآمنو و تعطيه سرك
تكون حفرت قبرك بيديك...
في وقت ضيقو يبكي باش يحرك
قلب لي كيفك..رد بالك نوصيك
منو خود ديما حدرك
و نتا ميّز و شوف بعينيك
يبينلك الخير باش يغدرك
باش يكبر و يعلى بيك
من دمك و حاب يضرك
و يبينلك بلي يبغيك.
يضحكلك في وجهك باش يغرّك
و هو ناوي للهاوي يديك
يلحقك للبير و يجرّك
باش يرميك لتم و يخليك
لي كيما هذا همو هبرك
بلاك تغلط و تمدلو يديك
في وقت الشدة يعفسك
تكمل فرحتو كي يشوف الدنيا ضايقة بيك
الخير ما تلقاهش عندو عمرك
كي ديك الصحرا لي تستنى فيها ترويك
هذا لي من دمك و عايش في دارك
يستغلك و بالنار يكويك
قد ما توسع معاه قلبك و صدرك
يزيد يكبر كرشو باش ينوّيك
هادا كلام واحد مجرب ينصحك
و ربي يحفظك و يحميك...

بقلمي الحزين.......ز

صدقوني أنا أعيش مع هؤلاء البشر يوميا
لدرجة تعبت فيه نفسي....