|
الكسكسي بين الصناعي والتقليدي من يحسن فتل الكسكسي في زماننا؟
السلام عليكم هي أنواع الكسكسي الموجودة بالمحلات والمساحات الكبرى يتهافتن النساء لاقتنائها لتحضير الطبق المفضل لدى الجزائريين تاركين الطريقة التقليدية التي كانت ترتكز على فتل الكسكسي في المنزل. وكانت المرأة العاملة هي التي تقتني الكسكسي الجاهز، ولكن اليوم أصبحت الظاهرة تنطبق على الجميع حيث أن أمهات اليوم وبنات اليوم لا يستطعن الفتل و بالأحرى لا يعرفن. يا ترى لماذا لا تريد المراة الجزائرية ان تفتل الطعام و تفضل اقتنائه من المحلات من منكم تعرف تفتل:18::18::18::18: و تخدملنا جفنة طعام كيما هاذي وين راهم حراير المنتدى يحكولنا على الفتيل |
رد: الكسكسي بين الصناعي والتقليدي من يحسن فتل الكسكسي في زماننا؟
السلام عليكم
شكرا على الموضوع الجميل اصبحت اغلب الاغذية التقليدية تباع في المحلات وهو ما سهل الحصول عليها ولكن الاذواق تختلف نتطلع لجديدكم معنا |
رد: الكسكسي بين الصناعي والتقليدي من يحسن فتل الكسكسي في زماننا؟
و عليكم السلام و رحمة الله وبركاته انا انا انا...سيدتي انا نعرف نفتل...كسكس السميد و الشعير ايضا... فعلا هناك فرق كبير بين الكسكس المحضر في البيت و بين الذي يباع... و لكن الفرق لا تلاحظه الا من اعتادت على كسكس البيت... قصة تعلمي للكسكس غريبة نوعا ما...حيث ان جدتي لابي حدث بينها و بين امي خلاف بسيط حول كسكس عرس اخي...و من شدة غضب امي اسبوع بعد العرس حضرت لنا كل ما يلزم و اجبرتنا على التعلم... ام هديل و انت تعرفي تفتلي و لا لا...؟؟؟ |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
السلام عليكم بارك الله فيك ام هديل :16::16: يا غاليتي رحيل خموس عليك شاطرة تبارك الرحمن :11: مممممممممممممم وكيفاش قوليلي تخليني حاسلة مع عجوزتي :14::14: منعرفششششششششش:2::2:بصح راني حابة نتعلم :9: |
رد: الكسكسي بين الصناعي والتقليدي من يحسن فتل الكسكسي في زماننا؟
كل الناس اصبحوا يحبون الجاهز
جيل فنيان تعبان فراجيل ..... السبب هو في التقليد لا غير (المعاندة) و النساء الله يبارك في هذا المجال تحت قول عاند لا تحسد شوف فلانة و شوف فلتانة ..... عدم حرص الامهات على تعليم البنات .... بدعوى انها ليست بحاجة مادام السوق يتوفر على كل شيء و انه لا وقت لديه بحكم دراستها...... لا ادري متى كانت الدراسة عائقا في اعمال البيت او اعمال البيت عائقا في الدراسة... . . . و سيأتي وقت يا دودي تصيبي كسكس كيما اندومي ...... كسكس جاهز مفور و ميدوم لك سيدتي و المرق كذلك .....حسب الاختار راحتك تهمنا ....و جيب زوجك (الاب . الاخ.من يقوم العائلة) هدفنا الاسمى و اذا تغبنتي في فتح العلبة نبعث لك عميلا من عندنا و لاجل راحتك اكثر ارواحي كولي عندنا .......علاش تتغبني و تغسلي المواعن . . . . علمتنا الوالدة الفتيل بارك الله فيها قتلك يفنى مال الجدين و تبقى حرفة اليدين . . . . . . . . . . |
رد: الكسكسي بين الصناعي والتقليدي من يحسن فتل الكسكسي في زماننا؟
انا خاطيني لفتيل منعرفش تتلفلي واعر بزاااااااف هههههههههههههههههههههه
|
رد: الكسكسي بين الصناعي والتقليدي من يحسن فتل الكسكسي في زماننا؟
آنا بلاصتي فالزليـــg هههههههه
نزلـg مرااااااات نفتل بالصح خدمتي غير الزليق خخخ |
رد: الكسكسي بين الصناعي والتقليدي من يحسن فتل الكسكسي في زماننا؟
http://images.alarabiya.net/4d/d3/43...526_259984.jpg
:19::19::19::19::19: شكون هادو ام هديل وقيلا انتي :8::8: وهاجر( اناهى ) ورحيل وهديك لي ديرة فولارا حمرا ام زيد فقتلكم :1::1: |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
. . . . . . . . . عرفيتينا راكي واعرة انا اللي عندي خانة في ذراعي :19: |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
ايه عرفتكم http://yini.org/girl/gif/20020508/pipi.gif الكادو تاعي علميني نفتل عجوزتي كوليوم موريا :14::14::14: كاش نهار تجيبني برااااا http://yini.org/girl/gif/20020508/18.GIF |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
قاعدع غيرنحوس ع الخانه خخخخخخخخ 7 7 7 7 اللي يشوفني يقول آمنت باللي نتي هي (ماشي نتي هي انا هي قصدي نتي هي مولات الخاانة خخخ) ايلا فهمتي فهميني |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
. . . . . . . . . فهمت بللي انت كي شفتيها عرفتي باللي اناهي ماشي انا هي اناهي انا هي بحال انا هي ..... صح ولالا |
رد: الكسكسي بين الصناعي والتقليدي من يحسن فتل الكسكسي في زماننا؟
ههههههههههههههههههههههههههههه اييييوه
هذيك هي اللي كنت نقصد باللي نتي هي ماشي انا هي بالصحخ هي هي |
رد: الكسكسي بين الصناعي والتقليدي من يحسن فتل الكسكسي في زماننا؟
الحمد لله أنا كل صبع بزبلة و زيادة يعني كل صبع ببيتيزة.
سقسو عمو القبي يقوللكم. راه مجرب كامل الخير تاع كل الأصابع. الشعب يريد دورة تدريبية الشعب يريد دورة تدريبية الشعب يريد دورة تدريبية .. . . طاطا أم أمينة علممينا خليك من دورة الكروشي الصح في الكسكسي. . .مادابيك تعلميني نفتل كسكسي يجي زوين بحال سوزيمي تقليدي متوسط * موايان *. . طاطا أم هديل رين راكي واقيلا ما تعرفيش ؟؟؟؟؟؟؟؟؟؟؟؟للفتيل. |
رد: الكسكسي بين الصناعي والتقليدي من يحسن فتل الكسكسي في زماننا؟
الفتيل شكون لي راه يفتل ضرك قلييييل تعلمنا لفتيل بكري لكن الان حدث ولا حرج :10: نسيت كيفاه يحكموا السيار والخراج والغربال.... الفتيل والزليق:2: الحمد لله يبيعوا هنا كسكسي مرات يجيبوه من المغرب ومرات من الجزائر كون مكاش نحصل:19: شكراً أم هديل يدرى نتي:8: |
رد: الكسكسي بين الصناعي والتقليدي من يحسن فتل الكسكسي في زماننا؟
أمّي حفظها ربّي علمتني لفتيل و الزّليg و كيفاش نخرّج و كيفاش نفوّر
و لكن مع تواجد الكسكس في السّوق نسّانا لفتيل :10: و يبقى كسكس أمّي الأفضل على الإطلاق شكرا على هذا الطّرح غاليتي مودّتي |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
اقتباس:
جميل جدا ان هناك من يريد تعلم الفتيل.... أظن ان احسن طريقة للتعلم هو ان تجلسن مع من لديها تجربة في الفتيل... لانه ليس من السهل التطبيق بمجرد قراءة الطريقة فقط... و السياير(جمع سيار)أكيد لا تعرفن اي نوع يجب استعماله لتحضير الكسكس... و يستحيل ان يتم ذلك عن طريق الانترنت ... أم اميمة و الساجدة للرحمان قولا لحماتكما و اكيد لن تبخلا عليكما و ستفرحان بكما كثيرا... انا ما نحكيلكمش نهار قعدت نفتل و دخلت نساء اعمام زوجي و وجدنني نفتل.. الدهشة اصابتهن و حماتي علامات السعادة كانت بادية على وجهها... يظن الكثير ان المتعلمة و بنت المدينة لا تحسن هذه الاشياء و لكن هذا ليس صحيح و رغم اني تزوجت الى الريف الا اني وجدت الكثيرات منهن لا يحسن تحضير الكسكس... |
رد: الكسكسي بين الصناعي والتقليدي من يحسن فتل الكسكسي في زماننا؟
غاااليتي نعرف نفتل واش نقولك و الله بابا ميحب كسكس المشري يا ويلنا نديرولو كسكس تاع برا يفيق و يفرق بيناتهم
و الكسكس ف البيت عدنا موجود دااااااائما ........ بصح يتعب بزااااااااااااااااااف منكذبش عليك شكون يحب التعب هي المهم تعلمتو................ شكرا على الموضوع |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
عندك الحق غاليتي شفتي معدناش الزهر برك قصدي معنديش الزهر ههه :14: |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
أضحكتيني و أنا متعبة هديك لي ديرة فولارا حمراء صغيرة ...أم زيد عجوزة كركوبة ................. أمّا عن الفتيل ..طبعا تعلّمته مرة قبل أن أتزوج و طبقته مرة في حياتي تزوجت و وجدت شيخي أب زوجي مدلل عجوزته(45سنة) و المرأة تأتيها تغسل لها الغسيل و تعمل لها ما تريد وجدتها حجة و حويجة كانت هناك قريبة لهم فقيرة تفتل الطعام لتربية أطفالها كلنا نفتل عندها و خلصت حكاية الفتيل. |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
عندك حق يا ام زيد...هناك من تعيل نفسها و اولادها بفتل الكسكس... و شخصيا ان وجدت امراة اثق في عملها النظيف و المتقن فلن اتردد في شرائه لمساعدتها... |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
كل شيء مكاتيب و ما قدره الله لك سياتي اليوم او غدا... |
رد: الكسكسي بين الصناعي والتقليدي من يحسن فتل الكسكسي في زماننا؟
السلام عليكم
اه يا ام هديل..وضعت يدك على الجرح انا وحدة من الناس ما نحبش لحوايج تاع برا غير المحتم ..والكسكس (حنا فقسنطينة نقولو النعمة)تاع برا عمري ما دقتوا ولا شريتوا ..راني نعتمد على امي و عجوزتي العزاز عليا الله يبارك عليهم التاقيدة (يعني الكسكس المفتول المخبي ) للسما انا نسلك روحي شويا يعني نعرف لسياير وخطوات الفتيل لكني ما طبقتش بزاف ام هديل وينك ........خليتينا نتغالاو ورحتي.واش حوالك مع الفتيل ولا كيما تقولها صديقتي الحانوت كاين |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
بارك الله فيك اختي رحيل ..انت مثال المراة التي اريد ان اكونها |
رد: الكسكسي بين الصناعي والتقليدي من يحسن فتل الكسكسي في زماننا؟
السلام عليكم سبحان الله كنت افكر في ادراج نفس الموضوع تقريبااااااا بصح بفكرة مختلفة شوية أعترف انني مانعرفش نفتل بصح نعرف نزلق ثلاث نقاط فوق القاف بصح كي نحب نتعلم نتعلم.......لاننا من زمن بعيد جدااا لم أرى امي تفتل صرنا نفضل تاع الشري و الصح انني نعرف نفتل بركوكس نهار فتلتو كنت وحدي في البيت و واحدة ما وراتلي و جاني كل حبة بحجم اختها بشهادة امي و الجيران (شفتو لي يعول يولي نيوتن زمانه بالسيف عليه:8:) أرى أن البركوكس اسهل من الطعام (:5:) ماذا بشانك طانت ام هديل :20:؟؟ |
رد: الكسكسي بين الصناعي والتقليدي من يحسن فتل الكسكسي في زماننا؟
موضوع في القمة و أنا نعرف نفتل على الرغم من اني استاذة الا اني افضل الكسكسي المنزلي فنحن الشاوية المراة التي :ما تعرفش تفتل يعتبر عارا عليها لذا والدتي كانت توصي بهذه الاشياء و تعلمها و لحد الآن انا افضل الكسكسي المنزلي لكن عجوزتي عساس عليا صباح و عشيا معارك:4: رغم اني حامل فعجوزتي جنرال ياااو
موضوع في القمة http://t0.gstatic.com/images?q=tbn:A...3-6voxfxS1aZSa |
رد: الكسكسي بين الصناعي والتقليدي من يحسن فتل الكسكسي في زماننا؟
أمي وخالاتي وعماتي كلهن الاي انا هههههههههههههههههههههههههههه
|
رد: الكسكسي بين الصناعي والتقليدي من يحسن فتل الكسكسي في زماننا؟
حنا نفتلو الكسكسي في الدار تفتلو ماما و يعاونوها زوجات اعمامي و عماتي
في نهار يديرو 50 كيلو الله يبارك و كل مرة اي وحدة تبغي تفتل يتلمو عندها و يفتلولها |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
اللهم اجعلني خيرا مما يظنون و لا تؤاخذني بما يقولون و اغفر لي ما لا يعلمون... بارك الله فيك اختي على حسن ظنك بي و يا رب تكوني احسن مني و تكوني القدوة و مربية اجيال ناجحة.... |
رد: الكسكسي بين الصناعي والتقليدي من يحسن فتل الكسكسي في زماننا؟
عذراااااااا على التأخير
الله غالب كنت نْفْتل:8: لي عودة للموضوع و الرد عليكن يا شروقيات |
رد: الكسكسي بين الصناعي والتقليدي من يحسن فتل الكسكسي في زماننا؟
انا ام الا صلاتي نعرف نفتل و نموت على الكسكس و هناك فرق كبير بين ما ننتجه بايدينا و ما نشتريه جاهزا
|
رد: الكسكسي بين الصناعي والتقليدي من يحسن فتل الكسكسي في زماننا؟
منكدبش عليكم فتلتو خطره في حياتي زعمى حبيت نتعلم كان في عرس خويا كانت الاولى والاخيره من هديك محطيتش يدي في القصعه زدت لقيت راجلي ميحبوش نحيتو من بالي خلاص
هنا لقسنطنيينحبو شخشوخه مي انا نموت على الكسكسي كي نروح لدارنا نقول لميمتي ديرلي البربوشه بالدها ن. الحار واش نقولكم هكدا يديروه السطايفيه خاصة في العراس |
رد: الكسكسي بين الصناعي والتقليدي من يحسن فتل الكسكسي في زماننا؟
اقتباس:
مشكورة على صراحتك يا أم الصبايا. |
رد: الكسكسي بين الصناعي والتقليدي من يحسن فتل الكسكسي في زماننا؟
انا جامي فتلت نحبها بزاف نفتلوها بالدراهم عند ناس نعرفوهم حتى السياير منعرفهمش منبعضهم
|
رد: الكسكسي بين الصناعي والتقليدي من يحسن فتل الكسكسي في زماننا؟
انا حاولت نحفظ السواور .. شديت غير الخراج الخشين والرقيق .. والرفااد
انا مهمتي ف الفتيل الجماعي الزليـــڤْ |
رد: الكسكسي بين الصناعي والتقليدي من يحسن فتل الكسكسي في زماننا؟
اصبت الوتر الحساس السياير والله نعرف غير لي عينيه كبار والصغار
|
| الساعة الآن 02:58 AM. |
Powered by vBulletin
قوانين المنتدى