|
الحوادث مطبخية للشروقيين
السلام عليكم ....
. . . . . . . حدث في مطبخي اليوم .... انني دخلته لتحضير العشاء ...والذي وقع الاختيار فيه على اكلة الكرم المحشي باللحم ..... لكن فجأة و من دون سابق انذار تقلبت الطبخة و خسرت و تكرفصت ....... فصدمت و صعقت و رقرقت ثم صرخت فاستسلمت ..... و نذرت بيني و بين نفسي ان لا عشاء اليوم زكارة في نفسي ..... لكن لما تذكرت المسيو قلت انا بحار عليّ هو علاش ..... فما كان مني الا ان شمرت على ذراعيّ ...... و ضربت فيها مقلة بطاطا للسقف ....مع شوية ستيك اشي و سلاطة .... ثم خممت في بنات المنتدى ... وكيف حالهم مع هذه الحالات .... فهل انت من النوع اللي .... يقيس الكيكوطة كي تتكرفص الطبخة؟؟ و تتشنفي و ما تحكي مع حتى واحد؟؟ يتنارفا في المطبخ كي تتكرفص الطبخة ....؟؟ من النوع اللي يخبطها ببكية على الزهر من مقولة انا ماعنديش الزهر انا من بين كل الناس ؟؟ من النوع الذي لا ينهزم بسهولة ...؟؟ من اتباع مقولة خسارة الحية ولا عوج يديا .....؟؟ هل حدث ان تكرفصت الطبخة و زكارة فيها ما دخلتيش للمطبخ على مدة ؟؟ ام تكرفصت و زكارة فيها عاودتيها 60 مرة حتى صدقت ؟؟ هل حدث و ان تكرفصت و انت عندك ضيوف ؟؟ ان كان نعم كيف تداركت الامر ؟؟ . . . . . لذا ارجوا من كل واحدة ان تخبرنا بما حدث في مطبخها و اي نوع من النساء هي ؟؟ فرغي ما في جعبتك سيدتي ..... وكل وحدة تقول تجاربها ...... . . . . . . . ما تخلونيش نبدى خلوني ساكتة على خاطر مازلت تحت الصدمة .... |
رد: حدث في مطبخي .......
هيهيهيهيّهيي هيّهّي هّيييي هاي هاي هاي
احم احم اااحم - - - - - - - - في المرة السابقة وفي الأسبوع الذي نحضر فيه لعرس أخي الثاني هههه وكنت برفقة جود وابنت خالنا وأختي وانتهينا من تظيف المطبخ وستيكيناه بيان كوم ايل فو ههه وبعدها وضعنا براااااس قهوة فاذا به يحدث صوت فزززززززفزززززفزززز قالت جود الهروووووووووب الهربة تسلك خرجنا كلنا من المطبخ وطرطق لبراس هههيهيهيهي وانقلب المطبخ رأسا على عقب أصبح اسودا حتى لبلافون هههههه كلشيء مصنوع من القهوة هههه ولوكان غير جا براس صغير لالالا كان من البراس الكبييييير هههه لو تري المنظر حينها أخخخخخخخ هههه لم نستسلم اكملنا النتظيف وبعدها وضعنا براس واحد آخر هههه عجبني الطررررح تاعك شكراااااا |
رد: حدث في مطبخي .......
لا تنسي أن اكتشافات الطبخ الكبيرة واجمل الأطباق العالمية جات غلطة وعن طريق التكرفيص أظن أنه أحسن حل هو سياسة الوالدة وهي ضرب النح مرات نفيقولها ونقولولها "مَّا" يخص حاجة فالماكلة :19: تضربنا بضحكة :8: وتقولولنا نسيت البصل أو الثوم مثلا :19: ومرات يعجبنا الطبخ وكي تشوفنا خرطنا الطباسى :1: تقول لنا من الصباح وانا خايفة تخلولي الماكلة كيما راها :9: لأني نسيت كذا وكذا :2: |
رد: حدث في مطبخي .......
اقتباس:
مممم هاذي صراتلي غير كيما تطبيقي للسيدة ام يشرى معانا ف المنتدى وصفة تاع قاطو نقطة فوق القاف( لي حبيتي ديريه لحماتك المرة التالية نسيت اسمو ) المهم جربتها مي مخرجتليش هي نورمالمو جي منفوخا شوية المرة الاولى تنارفيت مي ثم ثم قلبت الفيستا و ركبت وحدة ف وحدة و حشيتها بكريما و زينتها ياااو جات هبااال و مرة تاني درت دنجال ممروس بالبيض و شوية زيبيس هههه مكاش لي كلاه مالا كليتو كااااااااااااااااامل وحدي اهئ اهئ درت عقوبة لروحي و المورانج تاع ام خير الدين تان سييتها و جات كالبيتزانسيتلها الزبدة و الفاني على ما اظن هههه كلاوها و ما قالو والو و مرااات بزاااف خسرلي الاكل تخاااف ندي كامل الصفحة تحياتي هجووورة و متتقلقيش بزااااااااااااااااااااااااف |
رد: حدث في مطبخي .......
ههههههههههههههههههههههههههههههههه خلي البيييييييير بغطاااه هجووورة :10::10::10: يا انا عندي سوووابق مع المطبخ وخاااصة لما دخلت الانترنت للدراا .. تعرفي فكرتين بوحد النهااار كحل عليا وعلى الداار :9::14: في صيف 2008 دخلت الانترنت في البيت ..تعرفي لما تكوون حاااجة جديدة ..كنت نقضي وقتي مقااابلة الانترنت .. وحد النهااار قلت ندير العشا بكري بااش نتفرغ للميكرو يعني نتهنى .. امالا درت السفة في الكسكاااس وبلا ما ننتبه خليت اناار قوية .. ياااويلي :2::2::2: تصدقيني واالدتي خرجت وتاخرت في مجيئها ولما دقت الباااب سااعتها تفكرت السفة :2::2::2: تعرفي القدرة ولت فحم اما السفة ما نهدرلكش عليها .. ملاحظة :القدرة جديدة كانت شرااتها الوالدة في الصباااح وان دشنتها في العشية :8::8: والدتي تخبط وتوحوح يا حوجي شادرت لعمري يا حوجي شا درت العمري .. انا حساااسة بزاااف وبديت نبكي .. واستعرفت بالغلطة انتاااعي لانها لقاتني متلبسة .. الميكرو انذااك كان في الصااالة ...جريته وجبته للغرفتي والملاااصقة للمطبخ .. كاش حاااجة كلشي قريب ليا ..راني كي الحمااية المذنية :8: .. اما دروكتبت من هاذي العمااايل ندير petit feu ونجلس براااحتي وحلفت وقلت عوووووووووووووووووووووو عمري ولا نعودها .. هاذي قصتي لي عودة ان شاااء الله الانترنت راااهي ثقيلة |
رد: حدث في مطبخي .......
مرة جات اختي الكبيرة عندي و حبيت نورها شطارتي قولتها تحبي البغرير من عينها عرفت بلي راهي حبة ....دخلت المطبخ وليت اخدم اخدم "بغرير أكسبرس "
طيبت الأولي ولا ثقبة الثانية .....الثالثة .....الرابعة كيف كيف بدأ السكر يطلع و la tension ما نقولكمش خرجت من المطبخ و قلت لأختي جاء في بلي جاج محمر واش رايك حطت عينها قلت لبشرى روحي جبيلي جاجة محمرة و درت معاهم مقلة فريت وسلاطةو قارورة عصير و احنا فطرنا أما البغريرات نشفتهم و كنت نستني في المنقذ مول الخبز اليابس بعد ايام جاء و قتلو هاك و استرهم ربي يسترك و الأخير اتضح أني نسيت الخميرة |
رد: حدث في مطبخي .......
السلام عليكم آجاغ...ان شاء الله الزعاف يكون راح... انا مرة عملت خبزة جريوات(قرعة) مبشورة مع البيض..اشتهيتها كثيرا و عملتها للعشاء مع سلطة... حضرتها و كانت مذاقها و ريحتها روعة...لما اضفتلها البيض و احمرت من جهة حبيت نقلبها...فوضعت غطاء على الجهة العلوية قلبتها و يدي بقاوا فوق الفرن و لكن لا ادري ما حدث بالضبط و مافقت مع روحي حتى لقيت الخبزة مسكينة تفقضت على الفرن.... هذيك الدقيقة مالقيت نضحك و لا نبكي...فالموقف يحتمل الامرين...لحسن الحظ الفرن كان نظيف و جمعتها و كليناها مفتتة... من بعد نزيدكم قصة السفنج و الكمون....و لا في الاحلام.... |
رد: حدث في مطبخي .......
السلام عليكم آجاغ...ان شاء الله الزعاف يكون راح... انا مرة عملت خبزة جريوات(قرعة) مبشورة مع البيض..اشتهيتها كثيرا و عملتها للعشاء مع سلطة... حضرتها و كانت مذاقها و ريحتها روعة...لما اضفتلها البيض و احمرت من جهة حبيت نقلبها...فوضعت غطاء على الجهة العلوية قلبتها و يدي بقاوا فوق الفرن و لكن لا ادري ما حدث بالضبط و مافقت مع روحي حتى لقيت الخبزة مسكينة تفقضت على الفرن.... هذيك الدقيقة مالقيت نضحك و لا نبكي...فالموقف يحتمل الامرين...لحسن الحظ الفرن كان نظيف و جمعتها و كليناها مفتتة... من بعد نزيدكم قصة السفنج و الكمون....و لا في الاحلام.... http://www.youtube.com/watch?NR=1&v=...ture=endscreen |
رد: حدث في مطبخي .......
سلام
نعم صراتلي شحال من مرة ............... نهار لي درت البطاطا المقلية 2 حبات في لترا زيت و فوريت للنار و رحت و خليتها رجعت لقيت البطاطا تشبه للسريد العايم في البحر و الزين داير الفقاعات و زيد بدات حمرا و درتها رقيقة كيما شيبس هههههههههه فكرتيني بالايام شكراااااا لك حبيبتي و متعمريش راسك باصكو حنا كامل كيف كيف و ماشي كل حاجة جيلنا شابة كل يوم ............................ |
رد: حدث في مطبخي .......
ههههههههههههههههههههههههههههههههههه
المشكلة انني كل ما ادخل المطبخ نهرد حاجة و زيد الكوزينة كي نطيب كاش توليييييييييييي |
رد: حدث في مطبخي .......
مشكورين على المرور .....
. . . . . . . . . . احب كثيرا لحظة الانقاذ و التفكير في الحل السريع ..... مثلك هجيغة كاتوغس ....ام بشرى ......و رحيل . . . . . . . . نونة و ام خير الدين ....... الطرطيڨ و الحريڨ .....هذاك امر اخر ... داخل في روائع المطبخ .... . . . . . ميشو الحمد لله ربي ستر ........يا ما عندي قصص مع طرطيڨ المقلة ..... . . . . . . . . لونا الحمد لله دخولك للمطبخ قليل و إلّا ........ . . . . . . . |
رد: حدث في مطبخي .......
يعني أنا متألقة دوما في مطبخي
كل صبع بزبلة أكثر كوارثي مع الأرز. و لكن لي يغيضني طبعا عمو القبي من جهة و لالاكوكوت من جهة ثانية . ما تفكرينيش لكن نجرب دوما أني لما نكون في المطبخ و ندير ديgة أني ما نتقلقش و نبتسم و نضحك على روحي فقط نجوزها بضحكة و تفرى. في العزومات لالا نشد قلبي و نكثر من الدعاوي أنو ربي يسترني و يجي كلش مليح . لكن جامي و الحمد لله اني غيرت الطبخة الباركة في ابن عمي غير متطلب ربي يحفظو . دوك راني مزروبة لكن نرجع بإذن الله و نطل على آخر الأخبار هذا الموضوع نفسي و بسيكولوجي يحاول معالجة الأضرار في المطبخ و تكوين مرأة ديناميكية و مرنة في المطبخ مع الكوارث المستجدة لنخرج بأقل الأضرار و السلبيات نفسيتك أميرة مطبخها تهمنا هنا . و لتساعدنا الأخوات المتألقات و ذوات الخبرة في البحث عن الحلول المناسبة. أنت أولا .. . . . . . نرجوا من معاليكم تثبيت الموضوع لأهميته. . . . . طاطا آجاغ عجباتك لابيبليسيتي لي درتهالك للموضوع ؟؟؟؟؟؟؟؟؟؟؟؟؟؟؟ |
رد: حدث في مطبخي .......
اقتباس:
. . . . . . . . بارك الله فيك .... هو ردك من الاول للتالي شباب ..... بصح ذيك الهدرة الحمرة فيها تبلعيط كبير ......فوق النيفو ......خاصة الكلمة الفيولية :8: منين جبتيها باينة متبعة النشرة ...... . . . كي قريتها وليت نبياض و نحمار و نزراق و نخضار و نكحال و نصفار و نتفيولا . . :19: |
رد: حدث في مطبخي .......
ربي يحفظك اختي آجاغ
التخصص الله غالب. المصطلحات المناسبة هذي نوفو ميتود لتعميق الفكرة و تجذيرها لدي العام . هذا علم العلاقات العامة . |
رد: حدث في مطبخي .......
موضوع شباب طاطا هاجر انا منعرفش نطيب و مندخلش الكوزينة قليل مي مرة دخلت و على غير العادة لقيت ماما تطيب في الرخساس قاتلي بنيتي كملي طيبيها و خرجت ( في بالها بنتها شاطرة :2: ) المهم من لي خرجت ماما و انا نخزر في خبزة الرخساس حتى رجعت و نحاتها من الطاجين محرووووووووقة و من ذلك اليوم ماما لا تأمنني على المطبخ :8: تحياتي :13: |
رد: حدث في مطبخي .......
[QUOTE=انا هي;1562496]السلام عليكم ....
حدث في مطبخي اليوم .... فهل انت من النوع اللي .... يقيس الكيكوطة كي تتكرفص الطبخة؟؟ :19:أواه هذيك حبيبتي منقذتي منقدرش نقيسها و تتشنفي و ما تحكي مع حتى واحد؟؟:18:إيه ودراري ادى حبو يفهموا خلات عليهم يتنارفا في المطبخ كي تتكرفص الطبخة ....؟؟عيا يتنرفا من بعد برد قلبو :8: من النوع اللي يخبطها ببكية على الزهر من مقولة انا ماعنديش الزهر انا من بين كل الناس ؟؟:3::8: من النوع الذي لا ينهزم بسهولة ...؟؟:5:على حساب المورال من اتباع مقولة خسارة الحية ولا عوج يديا .....؟؟المشكل خطرات يكونو في زوج:8: هل حدث ان تكرفصت الطبخة و زكارة فيها ما دخلتيش للمطبخ على مدة ؟؟إييييه يا للا وشكون يطيبلي.... خيرة:14: ام تكرفصت و زكارة فيها عاودتيها 60 مرة حتى صدقت ؟؟:16: هل حدث و ان تكرفصت و انت عندك ضيوف ؟؟ no never :2: ان كان نعم كيف تداركت الامر ؟؟ كاش نهار نحكيلك :10: . . . ما تخلونيش نبدى خلوني ساكتة على خاطر مازلت تحت الصدمة دونت ووري حبيبتي وي ار أول إن ذ سايم تكرفيصة:20: |
رد: حدث في مطبخي .......
موضوع هام
موضوع تكرفيس الطعام كانت جداتنا يقابلو برمتهم حتى تطيب أما نحن و في زمن السرعة و الكوكوت...مباصية كبيرة .................................................. ................ أمي ربي يذكرها بالخير كانت توصينا و تقول بكري مرة تحرقت برمتها طلقها راجلها ...............................زرّقها راجلها .................................حاوزتها عجوزتها .................................لمّت عليها الجيران ترسّخ في الذهن....أنّ البرمة ما لازم تنحرق .................................................. ......... حدثت لي هذه القصة مرتين و بسرعة كنت أخترع عشاء جديدا ما لازم سي السيد يحس و لا عجوزتي تسمع. .................................................. ...... أمّا الآن فكل شيء أعمله بتمهل و يطيب أنتيك .................. |
رد: حدث في مطبخي .......
ربي يكون في عونك حبيبتي:10: انا والحمد لله مزال مصراتليش وتكرفصت طبختي:1:نحب نطيب وانا واخدة بالي منها مليح سينو العائلة تتنارفا عليا حبيت نشكرك في الاخير على الموضوع الشيق بارك الله فيكي :12: |
رد: حدث في مطبخي .......
لنل من النوع الذي لا ينهزم بسهولة
لاااااااااااازم نلقالها حل |
رد: حدث في مطبخي .......
مشكورة طاطا على الموضوع والله شباب بزاف على الاقل نفرغو شويا واش كاين في قلبنا انا البروبلام تاعي كل منحب ندير وصفة نحطها في المنتدى نهردها ونكرفس الماكلة ياتتحرقلي يانزبلها كامل :14::14::14:
ومينداك يجو الضياف ويكونو مزروبين باش يروحو ولازم نوجدلهم حاجة خفيفة منحبش لي يجي يفطر ويروح نحب لي يطول يقصر باش ناخد راحتي متخرجش عليا كامل تاع تم تم ديجا كي ندخل الكوزينا كلش ينطق مام الكسارونات والكيكوطات :8::8: بصح نسلكها طاطا تم تم نلقالها حل ونقول اليوم مدرتهاش مليحا غدوا نديرها احسن بصح صراحة كنت نخاف الطياب وكنت مينداك كي ندير عفسة نحشم كامل سرتو قدام بابا نرميها تحت البيفي حتي يروح نشوف كيفاش نديرلها :2::2: بصح دوكا خلاص طاطا كبرت ووليت شطورة :10::10: ويبقى عندي مشكل دائما مع الحلوة والكعك :17::17: طاطا لوكان نحكيلك والله منكمل هههههههه ألووووووووغ تاااااااابع ............ :19::19: |
رد: حدث في مطبخي .......
ثبت الموضوع واسمحي لي حبيبتي بغيير طفيف في العنوان الى الحوادث مطبخية للشروقيين
|
رد: حدث في مطبخي .......
اقتباس:
. . . . ديري راسك الحاجة ... تحقري فيّ زعما شفتيني اصغر منك ... :14: . . كي نكبر نخلفها منك ... . . |
رد: الحوادث مطبخية للشروقيين
خلعتيني حسبتك بديت في الحوادث بعد مزية
|
| الساعة الآن 10:26 PM. |
Powered by vBulletin
قوانين المنتدى