|
الرجال تهد الجبال ... و النسا تهد الرجال
السلام عليكم و رحمة الله وبركاته
واش راكم يا حبابي و حباب قلبي ان شاء الله كلكم بخير الحكاية هادي اللي رايحة نحكيهالكم صرات لواحدة جارتنا .....وين توفاة يماها ربي يرحمها و خلاتهم 4 بنات واحدة ما تزوجت لأنو والدهم كان يتشرط على اللي يجيو يخطبو وبين ربعة تعداو الثلاثين ورغم انهن جامعيات وعندهم شهادات مي باباهم ما خلاهمش يخدمو و ديما يقوللهم ما عندو ما راه خاصكم راني في الحياة... الوالد ديالهم بعد الأربعين يوم من وفاة زوجتو قرر يتزوج و هو مريَح من الناحية المادية ......تزوج بواحدة تخدم عندو وعمرها قد عمر بنتو الكبيرة.وهذا رغم اعتراض بناتو....في الأول بدات تدهن بالزبدة حتى دخلت رجليها حبسها من الخدمة مي خلالها الشهرية ماشية عدى العام اللول و كانت حابة تطير و ترفد الجوف باش تجيب الوريث اللي يضمن ليها حقوقها .... وكيما كان الحال رفدت و جابت ولد و من هنا بداتتخبط في رجليها حتى رجعتلهم الدار كيما جهنم وبدات تلفق في الكذب للأب وهو طبعا طول اليوم برا مايشوفش واش يصرا و منين ذاك يصدقها حتى في يوم قال لبنتو راكي غايرة منها كي هي في نفس سنك وعندها راجل وولد وانتي ما تزوجتيش ......تخيلو معاي وقع هاذ الكلام على البنية مسكينة ..... وزادت حتى اثرت عليه وين كتبلها الفيلا و الطوموبيل و بلا ما نحكيو على الدراهم في الكونت و فتحت لوليدها اللي عندو دوكا عام كونت cnep ما فتحوش لبناتو مساكين و ما قالش بناتي ما عندهمش غيري و لوكان تغيب عينو واش يصير فيهم ؟؟؟؟ والله حكايتهم قطعت قلبي ولليوم راهم صابرين و حاملين في خاطر باباهم اللي عماتلو عينيه و رجع ما يشوفها غير هي قدامو وصدق من قال (الرجال تهد الجبال ... و النساتهد الرجال) اسمحولي على هاذ الحكاية مي تاع الصح راهي قايستني دوكا برك خرجت من عندي و حبيت نقسم معاكم الحالة اللي راني فيهاوهذا القليل القليل من واش حكاتلي المغبونة ربي يرفد عليها و على خواتاتها و يرزقهم بالزوج الصالح يا ربي خليتكم على خير يا العزاز و ربي مايوريكم عفايس كيما هاذو |
رد: الرجال تهد الجبال ... و النسا تهد الرجال
عنوان موضعك حكمة .وهي فعلا صائبة جداااااااااااا النساء تهد الرجال هدا...
|
رد: الرجال تهد الجبال ... و النسا تهد الرجال
مبدعه دائماً في إختياراتك ونزفك الراقي والعذب لامس هذا النص مشاعري وعزف على أوتار قلبي فعلاً نص راقي ويدل على ذائقه راقيه ومتألقه كلمات لها أبعاد نفسيه تصل إلى أعماق النفوس وتبحر في دماء الشرايين نعيشها لحظات ونسكنها أمكان وأوقات هذه هي أبعد مراحل الإندماج في كل مرّه اقرى لك من نبض قلمك الرااقي احد نفسي اعيش جماال الحرف وروعة الطرح وانتقاء المفرده بكل احسااس رااقي وشعور طاااغي وجاااذبيه لاتقااااوم ودي عزيزتي ريان |
رد: الرجال تهد الجبال ... و النسا تهد الرجال
مشاء الله لو ان لي كل هذا التاثير ههه مبالغ فيه
شكرا حبيبتي والله اسعد عند قرائتك ردودك ومدحك لي الدائم شكرا لك |
رد: الرجال تهد الجبال ... و النسا تهد الرجال
هذا الراجل جايح على خاطرش يفكر في روحو بزاف انسى بلي كاين ربي سبحانه و تعالى فهو الذي يسير هذه الدنيا تبا لك يا دنيا صبرا أيتها الأخوات سيأتي الله بالفرج و أنصحكن أن تكون ثقتكن بالله كبيرة وواسعة فالله هو المستعان ، فعلا فوضعيتكن محزنة و قلوبنا معكن نسأل الله أن يفرج عليكن آمين يارب العالمين
|
رد: الرجال تهد الجبال ... و النسا تهد الرجال
اللهم امين
شكرا جزيلا |
رد: الرجال تهد الجبال ... و النسا تهد الرجال
بارك الله لك تفاعلك فقد صورتي لنا المشهد وكأنه أمامنا وتفاعلنا معه...... ولست أدري إن قلت أن اليتيم يتيم الأب أو يتيم الأم ....... فصبرا آل ياسر
حسبنا الله ونعم الوكيل |
رد: الرجال تهد الجبال ... و النسا تهد الرجال
بارك الله فيك صدقا قصة الاخوات محزنة
|
رد: الرجال تهد الجبال ... و النسا تهد الرجال
الله يعينهم مساكن و يهدي والدهم.....شكرا لك على نقل معانتهم
تحياتي |
رد: الرجال تهد الجبال ... و النسا تهد الرجال
شكرا لك اختي اللهم امين
|
رد: الرجال تهد الجبال ... و النسا تهد الرجال
قصة يندى لها الجبين وتصرفات أب تعتصر من ذكرها القلوب هي قصة وهي في نفس الوقت عبرة آمل أن يعتبر منها الآباء مشكورة أختي على هذا الموضوع ووفقك الله حقا أنت دائما تحسنين اختيار المواضيع بالرغم من أن: هذه المرة كنت متأثرة بما يجري لجيرانك تبقين دائما أنت الأكثر تميزا مشكووووووووووووووورة أختي |
رد: الرجال تهد الجبال ... و النسا تهد الرجال
شكرا جزيلا لك اخي الفاضل
وتأثرك بالقصة اسعدني لان هذا يدل على ان احساسي صادق |
| الساعة الآن 04:13 AM. |
Powered by vBulletin
قوانين المنتدى